ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᔅᓴᖅ
2023 ᓇᒻᒥᓂᖁᑎᓄᑦ ᐱᓕᕆᒍᓇᐅᑎᓂᒃ ᓄᑕᔾᔨᖅᓯᓂᑦ
ᓅᕖᐱᕆ 16, 2022 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᐃᑎᑦᑎᒍᒪᒻᒪᑕ ᓇᒻᒥᓂᖁᑎᓂᒃ ᓇᒻᒥᓂᓕᓐᓂᒃ ᑕᒪᓐᓇ ᖃᕋᑕᐅᔭᒃᑯᑦ ᐃᓯᖅᑕᕝᕕᒃ ᓇᒻᒥᓂᖁᑎᓂᒃ ᐱᓕᕆᒍᓐᓇᐅᑎᑦ ᓄᑕᔾᔨᖅᑕᐅᓂᖏᑦ ᑕᒪᑐᒧᖓ 2023 ᐅᓪᓗᖅᓯᐅᑎᑦ ᐊᕐᕋᒍᖓᓄᑦ ᒫᓐᓇ ᒪᑐᐃᖓᓕᒻᒪᑦ!
ᓇᒻᒥᓂᖁᑎᓂᒃ ᓇᒻᒥᓂᓕᑦ ᑲᔪᖏᖅᓱᖅᑕᐅᕗᑦ ᑐᓂᓯᖁᔭᐅᓪᓗᑎᒃ ᓄᑕᔾᔨᖅᓯᓂᒻᒧᑦ ᑐᒃᓯᕋᐅᑎᓂᒃ ᖃᕋᑕᐅᔭᒃᑯᑦ ᐃᖃᓗᐃᑦ ᓇᒻᒥᓂᖁᑎᓄᑦ ᐱᓕᕆᒍᓐᓇᐅᑎᑦ ᐱᓕᕆᔾᔪᑎᑐᖓᒍᑦ ᓯᕗᓂᖓᓂ ᔭᓄᐊᕆ 31−ᖓ, 2023 ᐱᒍᓐᓇᖁᓪᓗᒋᑦ ᐊᑭᑭᓪᓕᒋᐊᖅᓯᒪᔪᒥᒃ ᓄᑕᔾᔨᖅᓯᓂᒻᒧᑦ ᐊᑭᖓᓂᒃ. ᓄᑕᔾᔨᖅᓯᓂᒻᒧᑦ ᑐᒃᓯᕋᐅᑎᑦ ᐱᔭᐅᔪᑦ ᕕᕗᐊᕆ 1−ᖓᓂ, 2023 ᐊᒻᒪᓗ ᑭᖑᓂᖓᒍᑦ, ᐊᑭᓖᑎᑕᖃᑦᑕᓂᐊᒻᒪᑕ ᐃᓘᓐᓇᓕᒫᖓᓂᒃ ᓄᑕᔾᔨᖅᓯᓂᒻᒧᑦ ᐊᑭᖓᓂᒃ.
ᐅᖃᒃᓯᒪᓂᖓᓄᑦ ᓄᓇᓕᐸᐅᔭᖓᑕ ᐃᖃᓗᐃᑦ ᓇᒻᒥᓂᖁᑎᒧᑦ ᐱᓕᕆᒍᓇᐅᑎ ᒪᓕᒐᕋᓛᖅ ᓈᓴᐅᑖ 859, ᐃᓘᓇᑎᒃ ᓇᒻᒥᓂᖁᑎᑦ ᐱᓯᒪᒋᐊᖃᓂᐊᓕᒻᒪᑕ 2023 ᐱᓕᕆᒍᓐᓇᐅᑎᒥᒃ ᑎᑭᓪᓗᒍ ᕕᕗᐊᕆ 15−ᖓ, 2023 ᐅᕝᕙᓗᓂᑦ ᐊᑭᓖᒋᐊᖃᓕᖅᑎᑕᐅᓗᑎᒃ ᐅᑯᑎᒎᓇ ᒪᓕᒐᕋᓛᖅ ᓈᓴᐅᑖ 859. ᐃᓘᓐᓇᑎᒃ ᓄᑕᔾᔨᖅᓯᓂᒻᒧᑦ ᑐᒃᓯᕋᐅᑎᑦ ᐱᔭᐅᔪᑦ ᑭᖑᓂᖓᒍᑦ ᕕᕗᐊᕆ 15−ᖓᑕ, 2023 ᐃᓱᓕᕝᕕᓴᖓᓂ ᐊᑭᓖᑎᑕᐅᓂᐊᖅᑐᑦ $50.00−ᓂᒃ ᐊᐅᓚᑦᑎᓂᒻᒧ ᐊᑭᖓᓂᒃ ᐃᓚᓕᐅᑎᓯᒪᓗᓂ ᐊᑭᓖᑎᑦᑎᒍᑕᐅᒍᓐᓇᖅᑐᓄᑦ ᓄᑕᔾᔨᖅᓯᓂᒻᒧᑦ ᐊᑭᖓᓄᑦ.
ᓇᒻᒥᓂᖁᑎᓂᒃ ᓇᒻᒥᓂᓖᑦ ᐱᒍᓐᓇᖅᐳᑦ ᖃᕋᑕᐅᔭᒃᑯᑦ ᐃᓯᖅᑕᕝᕕᒃᑯᑦ ᓴᕿᑎᑕᐅᓗᓂ https://business.city.iqaluit.nu.ca/ ᐊᒻᒪᓗ ᑎᑎᕋᒃᑕᐅᔪᐃᓐᓇᐅᓗᑎᒃ ᖃᕋᑕᐅᔭᒃᑯᑦ ᓄᑕᔾᔨᖅᓯᓂᒻᒧᑦ ᑐᒃᓯᕋᐅᑎ. ᓄᑕᔾᔨᖅᓯᓂᒻᒧᑦ ᑐᒃᓯᕋᐅᑏᑦ ᐱᔭᐅᑎᑦᑎᒍᑕᐅᒋᐊᓕᑦ ᓄᑖᕈᕆᐊᖅᓯᒪᔪᓂᒃ ᓇᓕᖃᓐᓂᒃ ᐃᕝᕕᑦ 2023 ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓇᓗᓇᐃᑯᑕᖓᓂᒃ ᒪᓕᑦᑎᐊᓯᒪᓂᓐᓄᑦ ᑐᓂᖃᓯᐅᑎᓗᒍ ᑐᒃᓯᕋᐅᑎᑦ ᐊᖏᖅᑕᐅᖁᓪᓗᒍ.
ᐃᓘᓐᓇᑎᒃ ᑐᓴᐅᒪᔾᔪᑎᒃᓴᐃᑦ ᑐᕌᖓᔪᑦ ᖃᕋᑕᐅᔭᒃᑯᑦ ᓇᒻᒥᓂᖁᑎᒧᑦ ᐱᓕᕆᒍᓐᓇᐅᑎᑦ ᐱᓕᕆᔾᔪᑎᖓᓄᑦ ᓄᓇᓕᐸᐅᔭᒃᑯᑦ ᐃᑭᐊᕿᕕᖓᓃᒻᒪᑕ ᐅᑯᓇᓂᓪᓗᑎᒃ ᓇᒻᒥᓂᖁᑎ ᒪᑉᐱᒐᖓᓂ.
##
ᑐᑭᓯᒋᐊᒃᑲᓐᓂᕈᒪᒍᕕᑦ ᐃᖅᑲᓇᐃᔭᕐᓇᐃᑦ ᐃᑲᕋᖏᓐᓂ, ᖃᐅᔨᒋᐊᕐᕕᒋᒍᒃ:
ᔨᐅᑉᐳᕇ ᕙᕐᓂ
ᐱᕙᓪᓕᐊᔪᓕᕆᓂᒻᒥ ᐃᖃᓇᐃᔭᖅᑎ
867-979-5619 | g.byrne@iqaluit.ca