ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
2021 ᓇᖕᒥᓂᖃᖅᑎᓄᑦ ᓚᐃᓴᐃᑦ ᓄᑖᕈᖅᑎᒋᐊᓖᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᑎᒍᒪᓕᕐᒥᔪᑦ ᓄᓇᓕᕐᒥᐅᑕᓂᑦ ᓈᒻᒪᓯᒻᒥᒻᒪᑦ ᐊᕐᕌᒍᒥ ᓇᖕᒥᓂᖃᖅᑎᐅᔪᑦ ᓚᐃᓴᒥᓂᒃ ᓄᑖᕈᖅᑎᑦᑎᒋᐊᖃᓕᖅᑐᑎᒃ. ᓇᖕᒥᓂᖃᖅᑎᐅᔪᑦ ᓄᑖᕈᖅᑎᑦᑎᔾᔪᑎᑦᓴᖏᓐᓂᑦ ᑐᓂᓯᖁᔭᐅᒐᓗᐊᑦ ᓯᕗᓂᐊᒍᑦ ᔮᓐᓄᐊᕆ 31, 2021 ᐊᑐᕈᒪᓂᐊᕈᑎᒃ ᐊᑭᑭᓪᓕᒋᐊᕈᑎᐅᔪᒥᑦ ᓄᑖᕈᖅᑎᑦᑎᔾᔪᑎᒥᑦ. ᓄᑖᕈᖅᑎᑦᑎᔾᔪᑎᑦᓴᑦ ᖃᐃᑕᐅᔪᑦ ᕕᕝᕗᐊᕆ 1, 2021 ᐊᒻᒪ ᑭᖑᓂᐊᒍ, ᐊᑭᓖᒋᐊᖃᕋᔭᖅᑐᑦ ᓈᒪᓗᒋᑦ ᓄᑖᕈᖅᑎᑦᑎᔾᔪᑎᓄᑦ ᐊᑭᓕᕆᐊᓖᑦ.
ᒪᓕᑦᑐᒋᑦ ᓄᓇᓕᐸᐅᔭᐃᑦ ᐃᖃᓗᐃᑦ ᓇᖕᒥᓂᖃᕐᓂᕐᒧᑦ ᓚᐃᓴᓕᕆᔾᔪᑎᒥᑦ ᒪᓕᒐᕋᓛᕐᒥᑦ 8589, ᐃᓘᓐᓇᑎᒃ ᓇᖕᒥᓂᕆᔭᐅᔪᑦ ᐱᓯᒪᑦᑎᒋᐊᖃᓛᖅᑐᑦ 2021 ᓚᐃᓴᒥᓂᒃ ᑎᑭᑉᐸᑦ ᕕᕝᕗᐊᕆ 15, 2021 ᐅᕝᕙᓘᓐᓃᑦ ᐊᑭᓖᒋᐊᖃᕋᔭᖅᑐᑦ ᐊᑭᓕᕆᐊᓕᓐᓂᑦ ᒪᓕᑦᑐᒍ ᒪᓕᒐᕋᓛᖅ 859. ᐃᓘᓐᓇᑎᒃ ᓄᑖᕈᖅᑎᑦᑎᔾᔪᑎᑦᓴᓂᑦ ᑐᑦᓯᕋᐅᑏᑦ ᓯᑎᒃᑯᓐᓄᑦ ᐱᔭᐅᔪᑦ ᐅᖓᑖᓂ ᕕᕝᕗᐊᕆ 15, 2021 ᐃᓱᓕᕝᕕᖓᑕ ᐊᑭᓖᒋᐊᖃᕋᔭᕐᒥᔪᑦ $50−ᓂᑦ ᐸᐃᑉᐹᓕᕆᔾᔪᑎᑦᓴᓂᑦ ᐊᒻᒪᑦᑕᐅᖅ ᐊᑭᓕᕆᐊᓕᒃ ᓄᑖᕈᖅᑎᑦᑎᔾᔪᑎᐅᔪᖅ.
ᐊᐱᖅᑯᑎᖃᕈᑦᓯ ᐊᐱᕆᔭᐅᔭᕆᐊᓕᒃ ᑮᓇᐅᔭᓕᐅᕋᓱᐊᕈᑎᓕᕆᓂᕐᒥᑦ ᐱᕙᓪᓕᐊᔪᓕᕆᔨᐅᔪᖅ, ᔭᕝ ᐴᕐᓐ, 867−979−5619 ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᐅᕗᖓ G.Byrne@iqaluit.ca. ᓇᖕᒥᓂᖃᖅᑏᑦ ᐱᔨᑦᓯᕋᖅᑕᐅᕙᑦᑐᑦ ᖃᕋᑕᐅᔭᒃᑰᕈᓐᓇᖅᑐᑦ ᐅᕗᖕᖓᕐᓗᑎᒃ https://www.iqaluit.ca/content/apply-business-license ᐊᒻᒪ ᑎᑎᕋᕐᕕᒋᓗᒍ ᖃᕋᑕᐅᔭᒃᑯᑦ ᑐᑦᓯᕋᐅᑎ/ᓄᑖᕈᖅᑎᑦᑎᔾᔪᑎᑦᓴᑦ ᑎᑎᕋᕐᕕᑦᓴᐃᑦ. ᐃᓘᓐᓇᑎᒃ ᑐᑭᓯᒋᐊᕈᑎᐅᔪᑦ ᐱᔾᔪᑎᖃᖅᑐᑦ ᖃᕋᑕᐅᔭᒃᑯᑦ ᓇᖕᒥᓂᖃᖅᑎᓄᑦ ᓚᐃᓴᓕᕆᔾᔪᑎᐅᔪᒥᑦ ᑎᑎᕋᖅᑕᐅᓯᒪᔪᑦ ᓯᑎᒃᑯᑦ ᐃᑭᐊᖅᑭᕕᖏᓐᓂ ᐊᑖᓂ ᓇᖕᒥᓂᓕᕆᔾᔪᑎᒥ ᒪᑉᐱᒐᕐᒥ.
