ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᐅᖃᐅᓯᑦᓴᖅ ᑲᑎᒪᔨᓂᒃ
ᖃᓄᐃᓕᐅᕈᑕᐅᓚᐅᖅᑐᖅ ᒪᐃᔭ ᐱᐊᓪ ᐱᖃᓯᐅᔾᔭᐅᓪᓗᓂ ᓄᓇᓕᐅᑉ ᓂᐅᕕᕐᕕᖓᓂ
ᐊᐃᕆᓕ 29, 2022 – ᐃᖃᓗᐃᑦ, ᓄᓇᕗᑦ
ᑕᓪᓕᕐᒥᑕᐅᑎᓪᓗᒍ, ᐊᐃᕆᓕ 22, 2022, ᒪᐃᔭ ᐱᐊᓪ ᖃᓄᐃᓕᐅᕈᑕᐅᓚᐅᖅᑐᖅ ᓄᓇᓕᐅᑉ ᓂᐅᕕᕐᕕᖓᓂ. ᖃᓄᐃᓕᐅᕈᑕᐅᔪᒥᓂᐅᓚᐅᖅᑎᓪᓗᒍ, ᒪᐃᔭ ᐅᖃᐅᓯᖃᓚᐅᖅᑐᖅ ᐃᓄᓕᒫᓄᑦ ᓇᒻᒥᓂᖅ ᖃᕋᓴᐅᔭᒃᑯᑦ ᑎᑎᕋᖅᑐᓂᐅᒃ ᐃᓅᖃᑎᒌᒍᑎᖓᒍᑦ. ᒪᐃᔭ ᐅᖃᓚᐅᖅᑐᖅ ᑎᒥᒃᑯᑦ ᐋᓐᓂᖅᑕᐅᓚᐅᕐᖓᑦ ᐊᑭᒋᐊᓚᐅᖅᑐᓂᓗᒎᖅ ᓇᒻᒥᓂᖅ ᓴᐳᔾᔨᓂᕐᒧᑦ.
ᐅᖃᐅᓯᑦᓴᖅ ᒪᐃᔭ ᐱᐊᓪᒥᒃ
“ᐅᒡᒍᐊᕈᑎᒋᔭᕋ ᖃᓄᐃᓕᐅᕈᑎᒋᓚᐅᖅᑕᕗᑦ ᐱᓇᓱᐊᕈᓯᐅᔪᔪᒥ. ᖃᓄᐃᓕᐅᕆᐊᓚᐅᕋᒪ ᐅᓗᕆᐊᓇᖅᑐᒦᓱᒋᒧᑦ, ᐊᖑᑎ ᓇᓗᓇᐃᖅᑕᐅᓯᒪᙱᑦᑐᖅ ᐅᖃᓕᒪᓚᐅᖅᑐᖅ ᐊᒻᒪ ᑎᒥᒃᑯᑦ ᓱᒋᐊᓚᐅᕐᒫᖓ, ᐃᓂᖃᑦᑎᐊᙱᑦᑐᒥᑦ, ᓄᓇᓕᒻᒥᑦ ᓂᐅᕕᕐᕕᒻᒥᑦ. ᑕᕝᕘᓇ ᐊᑐᓚᐅᖅᑕᒃᑯᑦ, ᖃᐅᔨᓯᒪᓕᖅᑐᖓ ᐊᓯᖏᑦ ᓄᓇᓕᒻᒥᐅᑦ ᐊᑐᖃᑦᑕᖅᓯᒪᔭᖏᓐᓂᒃ ᑕᐃᒫᔅᓴᐃᓐᓇᐸᓗᒃ ᐱᔭᐅᓪᓗᑎᒃ. ᐱᓕᕆᖃᑎᖃᐃᓐᓇᕐᓂᐊᖅᑐᒍᑦ ᑲᑐᔾᔨᖃᑎᒌᓗᑕ ᓴᖅᑮᓂᕐᒥᑦ ᐊᑦᑕᕐᓇᙱᓐᓂᖅᓴᐅᔪᓂᒃ ᐃᓂᔅᓴᓂᒃ ᓄᓇᓕᑦᑎᓐᓂᒃ, ᑕᐃᒪᐃᒃᑲᓐᓂᖁᔨᓇᑕ ᓯᕗᓂᔅᓴᒥᑦ.”
ᐅᖃᐅᓯᑦᓴᖅ ᒪᐃᔭᐅᑉ ᑐᖏᓕᖓᓂ ᓵᓚᒪᓐ ᐊᕙ
“ᑲᐅᔨᕋᑖᓚᐅᕐᑎᓪᓗᑕ ᖃᒧᐃᑦᑐᖃᓚᐅᕐᓂᖓᓂ ᒪᐃᔭ ᐱᐅ ᐱᓪᓗᒍ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᑕᐅᑐᑦᑕᐅᒻᒪᑕ ᓯᕗᓕᖅᑎᒋᔭᐅᓪᓗᑎᒃ ᓄᓇᓕᑦᑎᓐᓄᑦ. ᐱᔪᓐᓇᐅᑎᖃᖅᑐᐃᓐᓇᐅᒐᑦᑕ ᐃᑉᐱᒍᓱᓐᓂᕐᒥᑦ ᐊᑦᑕᕐᓇᙱᑦᑐᒦᓪᓗᑕ ᓄᓇᓕᑦᑎᓐᓂᒃ. ᕿᒥᕐᕈᓚᐅᖅᑎᓪᓗᑕ, ᓄᓇᓕᐸᐅᔭᒃᑯᑦ ᑲᑎᒪᔨᖏᑕ ᐱᓕᕆᑦᑎᐊᕐᓂᕐᒧᑦ ᒪᓕᒐᖓᓂ ᓯᖁᒥᑦᓯᔪᖃᓚᐅᙱᑦᑐᖅ ᑖᔅᓱᒧᖓ ᖃᓄᐃᓕᐅᕈᑕᐅᔪᒧᑦ, ᑭᓯᐊᓂ ᐃᖃᓗᐃᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᖃᓄᑐᐃᓐᓇᑦᑎᐊᖅ ᐋᓐᓂᖅᓯᕆᖃᑦᑕᖁᔨᙱᑦᑐᑦ.”
ᓄᓇᓕᐸᐅᔭᒃᑯᑦ ᐱᓕᕆᖃᑎᒌᑦᑎᐊᕈᒪᔪᑦ ᐊᑦᑕᕐᓇᖅᑐᒦᖁᓇᒋᑦ ᐃᖃᓗᒻᒥᐅᑦ ᐱᓕᕆᑦᑎᐊᓲᖑᓪᓗᑎᓗ ᓴᖅᑮᓂᕐᒥᑦ ᐊᑦᑕᕐᓇᙱᑦᑐᓂᑦ ᐃᓂᔅᓴᓂᑦ. ᑕᐃᒪᐃᓕᖓᑎᓪᓗᒍ, ᓄᓇᓕᐸᐅᔭᒃᑯᑦ ᐱᓕᕆᕐᔪᐊᖅᓯᒪᒃᑲᓐᓂᖅᑐᑦ ᐃᓄᓕᒫᓂᒃ ᐊᑦᑕᕐᓇᖅᑐᒦᑎᑦᑎᑦᑕᐃᓕᒪᓂᕐᒧᑦ. ᑕᒪᒃᑯᐊ ᐱᓕᕆᐊᕆᔭᐅᔪᑦ ᐃᓚᖃᖅᑐᑦ, ᑭᓯᐊᓂ ᑖᒃᑯᓂᖓᑐᐊᖑᖏᑦᑐᖅ:
• ᐋᖅᑭᒋᐊᖅᓯᓂᕐᒥᑦ ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᓄᓕᒫᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑲᑎᒪᔨᕋᓛᖏᓐᓂᒃ.
• ᐱᒋᐊᕈᑎᖃᕐᓂᕐᒥᑦ ᓄᓇᓕᒻᒥ ᐃᓄᓕᒫᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐸᕐᓇᐅᑎᒥᑦ.
• ᑕᖅᑭᑕᒫᑦ ᐸᓖᓯᒃᑯᓐᓂᑦ ᐅᓂᒃᑳᕐᕕᐅᕙᓪᓗᑎᒃ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ.
• ᒪᐃᔭᐃᑦ ᐱᓕᕆᑦᑎᐊᖁᔨᓪᓗᑎᒃ ᐸᓖᓯᒃᑯᓐᓂᑦ.
• ᐱᓕᕆᖃᑎᖃᕐᓂᕐᒥᑦ ᑖᒃᓯᓕᕆᔨᓂᑦ ᐊᒻᒪ ᐊᖁᑎᖏᓐᓂᒃ ᑲᒪᒋᔭᖃᕐᒥᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓱᒫᓘᑎᖏᓐᓂᒃ.
• ᑮᓇᐅᔭᖃᖅᑎᑦᑎᓂᕐᒥᑦ ᐃᓅᓱᑦᑐᓄᑦ ᐱᓕᕆᐊᑦᓴᓄᑦ.
• ᐱᓕᕆᖃᑎᖃᕐᓂᕐᒥᑦ ᑲᑐᔾᔨᖃᑎᒋᔭᑦᑎᓐᓂᒃ ᑕᖅᑳᓂᑐᐃᓐᓇᖅ ᐃᒥᖃᑦᑕᖅᑐᓄᑦ − ᐃᓚᖃᖅᑐᖅ ᐃᓕᐅᕋᐃᓂᕐᒥᑦ ᓇᓗᓇᐃᒃᑯᑕᕐᓂᒃ
• ᐱᓕᕆᖃᑎᖃᕐᓂᕐᒥᑦ ᑲᑐᔾᔨᖃᑎᒋᔭᑦᑎᓐᓂᒃ ᐃᓱᒪᓕᕆᓂᕐᒧᑦ ᐃᓱᒫᓘᑕᐅᔪᓄᑦ
• ᑲᑎᒪᖃᑎᖃᕐᓂᕐᒥᑦ ᓄᓇᓕᒻᒥᐅᑕᕐᓂᒃ ᓯᓈᖓᓂᕐᒥᐅᑕᕐᓂᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓱᒫᓘᑎᒋᔭᖏᓐᓄᑦ.
ᑕᑯᓐᓂᕈᕕᑦ ᐋᓐᓂᖅᓯᕆᓂᕐᒥᑦ, ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒃᑲᐃᑦᓴᐅᑎᒋᖁᔨᔪᑦ ᐸᓖᓯᒃᑯᓐᓂᑦ. ᐸᓖᓯᒃᑯᑦ ᐅᖄᓚᐅᑎᖓ ᑐᕌᑦᓴᐅᑎᒋᔪᖅ 867-979-1111.
ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃ:
ᐊᓕᐊᒃᓯ ᑳᒧᕋᓐ
ᑐᓴᐅᒪᖃᑎᒋᓐᓂᕐᒧᑦ ᐊᒻᒪᓗ ᐱᔨᔅᓯᖅᑕᐅᕙᒃᑐᓄᑦ ᐱᔨᔅᓯᕈᑎᒥ ᐊᐅᓚᑦᑎᔨ
ᓄᓇᓕᐸᐅᔭᖅ ᐃᖃᓗᐃᑦ
867-979-5607 | a.cameron@iqaluit.ca
