ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᖃᑦᑎᕆᔨᒃᑯᑦ ᐃᑲᔪᕈᒪᓂᒃᑯᑦ ᐊᑭᓕᕐᓱᖅᑕᐅᒐᑎᖕ ᖃᑦᑎᕆᔨᑦᓴᓂᑦ ᕿᓂᕐᖓᑕ
ᐋᒋᓯ 22, 2022 – ᐃᖃᓗᐃᑦ, ᓄᓇᕗᑦ
ᓄᓇᖅᑲᑎᓐᓃᑦ ᐃᑲᔪᖃᑦᑕᕈᒪᕕᑦ?
ᐱᓕᒻᒪᑦᓴᕈᒪᕖᑦ ᐃᓕᓐᓂᐊᓚᐅᕐᓯᒪᓐᖏᑕᓐᓂᑦ ᑕᕝᕙᑦᓴᐃᓐᓇᕐᓗ ᐱᖃᓐᓇᕆᔭᑖᕐᓗᑎᑦ?
ᐱᖃᑕᐅᔪᒪᕖᑦ ᖃᑦᑎᕆᔨᓄᑦ ᐱᓕᒻᒪᑦᓴᕐᑕᐅᓗᑎᓪᓗ ᖃᑦᑎᕆᔨᓐᖑᕐᓂᐊᕋᕕᑦ?
ᐃᖃᓗᐃᑦ ᖃᑦᑎᕆᔨᒃᑯᖏᑦ ᕿᓂᕐᖓᑕ ᐱᓂᐊᕐᓂᒃᑯᑦ ᐃᑲᔪᕈᒪᓂᖃᕐᑐᓂᑦ ᖃᑎᕆᔨᓐᖑᖃᑕᐅᓂᐊᕐᑐᓂᑦ !
ᖃᓄᐃᓕᐅᖃᑦᑕᕋᔭᕐᐱᑦ?
ᐊᑭᓕᖅᓱᖅᑕᐅᖏᒃᑲᓗᐊᕐᑐᑎᑦ ᖃᑦᑎᕆᔩᑦ ᑐᓐᖓᕕᓪᓚᕆᐅᕙᒻᒪᑕ ᐃᖅᑲᓇᐃᔭᐃᓐᓇᕐᑐᓄᑦ ᖃᑦᑎᕆᔨᓄᑦ ᖃᑦᑎᕆᔨᐅᖃᑕᐅᓪᓗᑎᑦ ᐃᑭᑦᑐᖃᑳᓪᓚᑉᐸᑦ ᐅᕝᕙᓘᓐᓃᑦ ᐱᕐᔪᐊᕌᓗᖕᒥᑦ ᐱᕐᕈᓗᐊᕿᔪᖃᕐᐸᑦ.
ᐊᑭᓕᖅᓱᖅᑕᐅᖏᒃᑲᓗᐊᕐᑐᑎᑦ ᖃᑦᑎᕆᔩᑦ ᐱᓯᒪᑎᑕᐅᕙᑦᑐᑦ ᐅᖄᓚᖁᔨᔾᔪᑎᓂᑦ ᐊᒻᒪ ᖃᖓᑐᐃᓐᓇᑦᓯᐊᒃᑯᑦ ᐅᖄᓚᕕᐅᑳᓪᓚᒍᓐᓇᕐᑐᑦ ᐅᓪᓗᒃᑯᑦ ᐅᓐᓄᐊᒃᑯᓪᓘᓐᓃᑦ 24 ᐃᑲᕐᕋᖏᓐᓂ, ᐊᕐᕌᒍᓕᒫᖅᓯᐊᒻ 365 ᖃᐅᑕᒫᑦᓯᐊᖅ. ᐅᖄᓚᕕᐅᑐᐃᓐᓇᕆᐊᓖᑦ ᐅᑯᓄᖓ:
• ᐃᓪᓗᒥᑦ ᐃᑭᑦᑐᖃᖅᐸᑦ
• ᓄᓇᓯᐅᑏᑦ ᐊᐴᑎᓐᓂᖅᐸᑕ
• ᓯᓚᒧᑦ ᐱᕐᕈᓗᐊᕿᔪᖃᕐᑎᓪᓗᒍ
ᖃᓄᑐᐃᓐᓇᑦᓯᐊᕐᓘᓐᓃᑦ ᑐᐊᕕᕐᓇᕐᑐᖃᖅᐸᑦ ᓄᓇᓕᐸᐅᔭᓂ ᖃᑦᑎᕆᔨᒃᑯᓐᓄᑦ ᐅᐸᑦᑕᐅᒋᐊᓕᓐᓂᑦ.
ᐊᑭᓕᖅᓱᖅᑕᐅᖏᒃᑲᓗᐊᕐᑐᑎᑦ ᖃᑦᑎᕆᔩᑦ ᐃᓕᓐᓂᐊᕐᑎᑕᐅᒻᒪᕆᒐᔭᕐᑐᑦ ᐱᓕᒻᒪᑦᓴᖅᑕᐅᓂᒃᑯᑦ (ᐱᓇᓱᐊᕈᓯᕐᑕᒫᑦ ᐃᓕᓐᓂᐊᕐᑎᑕᐅᕙᓪᓗᑎᑦ ᐅᓐᓄᒃᑯᑦ) ᐅᐸᓗᖓᐃᕐᓯᒪᐃᓐᓇᖁᓪᓗᒋᑦ ᖃᓄᑐᐃᓐᓇᑦᓯᐊᖅ ᑐᐊᕕᕐᓇᕐᑐᖃᕐᑎᓪᓗᒍ ᖃᑦᑎᕆᐊᖃᕋᔭᕐᑕᖏᓐᓂᑦ. ᐱᓕᒻᒪᑦᓴᖅᑕᐅᖏᓐᓇᐸᓪᓗᑎᑦ ᖃᑦᑎᕆᔨᐅᓕᕋᓗᐊᕐᐸᑦ ᐅᐸᓗᖓᐃᕐᓯᒪᐃᓐᓇᖁᓪᓗᒋᑦ ᐊᔪᓐᖏᑦᓯᐊᕐᓂᐊᕐᖓᑕ ᐊᒻᒪ ᓄᑖᓂᑦ ᐃᓕᓐᓂᐊᕆᐊᓕᓐᓂᑦ ᐱᓕᒻᒪᐸᓪᓗᑎᑦ.
ᖃᑦᑎᕆᔨᓐᖑᕈᒪᒍᕕᑦ ᐊᑏ ᐃᖃᓗᐃᑦ ᖃᑦᑎᕆᔨᒃᑯᖏᓐᓄᑦ ᐊᑎᓕᐅᕆᐊᕐᑐᖁᔪᖅ ᐊᑭᓕᕐᓱᖅᑕᐅᖏᑦᑑᒐᓗᐊᑦ ᖃᑦᑎᕆᔩᑦ ᑲᑎᓐᓂᐊᕐᒥᒻᒪᑕ ᓯᑉᑎᒻᒪ 13ᖑᓕᕐᐸᑦ 7ᒥ ᐅᓐᓄᒃᑯᑦ
##
ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᔪᓐᓇᕐᑕᐃᑦ:
ᐊᓕᒃᓯ ᑳᒧᕋᓐ
ᑐᓴᐅᑎᓕᕆᔩᑦ ᐱᔨᑦᓯᕐᑏᓪᓗ ᐊᖏᔪᖅᑳᖓᑦ
ᐃᖃᓗᐃᑦ ᓄᓇᓕᐸᐅᔭᖓᑦ
867-979-5607 | a.cameron@iqaluit.ca
