ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᓄᓐᓄᑦ ᑐᓴᕋᔅᓴᖅ
ᖃᐅᔨᒪᑎᑦᑎᒍᑎᑦ ᕿᒥᕐᕈᔭᐅᓂᖏᑦ ᐸᐅᕐᖓᖅ ᓴᖑᖔᓂᒻᒥ (2500−ᖏᑕ ᓄᓇᖓᓂ)
ᐅᑦᑑᐱᕆ 6, 2022 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᖓ ᐃᖃᓗᐃᑦ ᐅᖃᐅᔾᔨᒍᒪᒻᒪᑕ ᓄᓇᓕᒥᐅᑕᐅᔪᓂᒃ ᑭᖑᓂᖓᒍᑦ ᖃᐅᔨᒪᑎᑦᑎᒍᑎᑦ ᕿᒥᕐᐳᔭᐅᓂᖏᑦ 2500−ᖏᑕ ᓄᓇᖓᓂ ᐸᐅᕐᖓᖅ ᓴᖑᖓᓂᒻᒥ, ᐊᒻᒪᓗ ᒪᓕᓪᓗᒋᑦ ᐱᓕᕆᔾᔪᑎᓕᐊᕆᓯᒪᔪᑦ ᐅᖃᒃᓯᒪᓂᖏᑦ ᐃᓗᐊᓂ ᒪᓕᑦᑕᐅᖁᔭᐅᔪᑦ ᐊᔪᕆᒃᓯᐅᔾᓯᒪᔪᓂᑦ ᐊᔾᔨᒋᑦᑎᑕᐅᓗᑎᒃ ᓇᓕᐊᓐᓄᐋᑐᓂᒃ ᐊᐅᓚᑦᑎᓂᒻᒧᑦ ᐱᓕᕆᔾᔪᑎᓕᐊᕆᓯᒪᔪᓄᑦ ᑲᓇᑕᒧᑦ, ᓄᓇᓕᐸᐅᔭᒃᑯᑦ ᐲᖅᓯᓂᐊᒻᒪᑕ, ᓅᑕᐅᓗᑎᓪᓗ ᐱᓕᕆᐊᖑᒋᐊᖃᒃᑎᑕᐅᔪᑦ ᖃᐅᔨᒪᑎᑦᑎᒍᑎᑦ ᑕᒫᓂᑦᑐᑦ ᓄᓇᖓᓂ.
ᐲᖅᑕᐅᑎᓪᓗᒋᑦ ᓄᖃᖁᔨᔪᑦ ᖃᐅᔨᒪᑎᑦᑎᒍᑎᑦ
ᐃᓘᓐᓇᑎᒃ ᓄᖃᖁᔨᔪᑦ ᖃᐅᔨᒪᑎᑦᑎᒍᑎᑦ ᑕᒪᐅᓈᖓᔪᒃ ᓇᓕᐊᓄᐊᕐᕕᐅᖔᕈᓐᓇᖅᑐᒃ−ᐊᑐᕆᐊᒃᑯᒃ ᑕᒪᐅᓈᕝᕕᐅᒍᓐᓇᑦᑐᒃ ᐸᐅᕐᖓᖅ ᓴᖑᖓᓂᒻᒥ ᐲᖅᑕᐅᓂᐊᒻᒪᑕ.
ᐃᓘᓐᓇᑎᒃ ᑲᓱᖅᓯᒪᕕᖏᒃ ᐊᑐᕆᐊᒃ ᓄᖃᖁᔨᓗᑎᒃ ᖃᐅᔨᒪᑎᑦᑎᒍᑎ ᐃᓗᐊᓂ ᐸᐅᕐᖓᖅ ᓴᖑᖓᓂᒻᒥ ᓅᑕᐅᔾᔮᖏᑦᑐᒃ ᐊᓯᕈᒃᑕᐅᖏᓪᓗᑎᒃ. (ᑲᓪᓚ ᐊᑐᕆᐊᖓ, ᐃᕕᑦᓱᖓᐃᑦ ᐊᑐᕆᐊᖓ, ᖁᖑᓖᑦ ᐊᑐᕆᐊᖓ)
ᐃᖏᕐᕋᖔᖅᑎᑦᑎᕕᒃ ᖃᐅᔨᒪᑎᑦᑎᒍᑎ ᐃᓂᖃᒃᑐᖅ ᐸᐅᕐᖓᖅ ᓴᖑᖓᓂᒻᒥ ᖃᓂᒋᔭᖓᓂ ᑎᙳᐊᑦ ᓄᓇᖓᑕ ᓅᑕᐅᓂᐊᒻᒪᑕ ᑕᒫᙵᑦ ᐃᓂᒋᔭᖓᓂᒃ ᖃᓂᒋᔮᓂ 2530, ᐊᒻᒪᓗ ᓅᑕᐅᓗᑎᒃ ᖃᓂᒋᔮᓄᑦ 2522, ᐊᒻᒪᓗ ᑕᐃᒪᐃᓕᖓᓂᖓᓄᑦ, ᐃᒫᖑᒋᐊᖃᓕᓪᓗᑎᒃ ᐃᓘᓐᓇᑎᒃ ᓇᓕᐊᓐᓄᐋᑦᑐᑦ ᐊᓂᕙᓪᓕᐊᓗᑎᒃ ᑎᙳᐊᑦ ᓄᓇᖓᓂᑦ ᐃᖏᕐᕋᓯᖔᑎᑦᑎᒋᐋᓕᑦ ᓇᓕᐊᓄᐊᕐᕕᐅᖔᕈᓐᓇᖅᑐᖅ−ᐊᑐᕆᐊᒃᑯᑦ ᓇᓕᐋᓄᐊᖅᑐᓂᒃ ᑕᒪᐅᓈᓪᓗᑎᒃ ᐸᐅᕐᖓᒃᑯᑦ.
ᐃᓚᒋᒃᑲᓐᓂᓪᓗᓂᐅᒃ, ᐃᖏᕐᕋᖓᓯᖔᕈᓐᓇᖅᑎᑦᑎᓂᒻᒧᑦ ᖃᐅᔨᒪᑎᑦᑎᒍᑎ ᐋᖅᑭᑕᐅᓂᐊᒻᒥᔪᖅ ᐸᐅᕐᖓᖅ ᓴᖑᖓᓂᒻᒧᑦ ᖃᓂᒋᔭᖓᓂ 2525, ᑕᒪᐅᓈᖅᑐᓪᓗ ᓇᓕᐊᓐᓄᐋᑐᑦ ᐃᖏᕐᕋᓯᖔᑎᑦᑎᒋᐊᓕᑦ ᓇᓕᐊᓄᐊᕐᕕᐅᖔᕈᓐᓇᖅᑐᖅ−ᐊᑐᕆᐊᒃᑯᑦ ᑎᑭᐅᑎᓚᐅᖏᓐᓂᒻᒥᓐᓂᒃ ᑎᙳᐊᑦ ᓄᓇᖓᓄᑦ.
ᓄᓇᖓᓃᑦᑐᑦ ᖃᐅᔨᒪᖁᔭᐅᕗᑦ ᑕᐃᒃᑯᐊ ᐲᖅᑕᐅᓂᖏᓐᓄᑦ ᐊᒻᒪᓗ ᐊᑐᓕᖅᑎᑕᐅᓂᖏᓐᓄᑦ ᖃᐅᔨᒪᑎᑦᑎᒍᑎᑦ ᐋᖅᑭᑕᐅᓛᒻᒪᑕ ᐅᑐᐱᕆ 21, 2022−ᒥ.
ᐱᔭᐅᑎᑕᐅᖃᓯᐅᑎᔪᖅ ᓄᓇᙳᐊᖅ ᑕᑯᓴᐅᑎᑦᑎᕗᖅ ᐲᖅᑕᐅᔪᓂᒃ ᐊᒻᒪᓗ ᐊᑐᓕᖅᑎᑕᐅᑯᔪᓂᒃ ᖃᐅᔨᒪᑎᑦᑎᒍᑎᓂᒃ ᐃᒪᓐᓇᐃᓕᖓᓪᓗᑎᒃ:
#1 – ᐲᖅᑕᐅᓂᖏᓐᓂᒃ ᐊᑐᖅᑕᐅᔪᑦ ᓄᖃᖁᔨᒍᑎᑦ ᖃᐅᔨᒪᑎᑦᑎᒍᑎᖏᑦ (ᑐᖑᔪᖅᑑᓪᓗᑎᒃ ᓈᓴᐅᑎᖏᑦ ᑕᑯᓴᐅᑎᑕᐅᔪᓂ)
#2 – ᐊᑐᖅᑕᐅᔪᑦ ᓄᖃᖁᔨᒍᑎᑦ ᖃᐅᔨᒪᑎᑦᑎᒍᑎᑦ ᐊᓯᕈᑕᐅᖏᑦᑐᑦ ᐊᓯᐊᓅᖅᑕᐅᒐᑎᒃ (ᕿᓐᓂᖅᑕᑦ ᓈᓴᐅᑎᖏᑦ ᑕᑯᓴᐅᑎᑕᐅᔪᓂ)
#3 – ᐃᓚᒃᑲᓐᓂᖏᑦ ᐊᒻᒪᓗ ᐊᓯᐊᓄᐋᖅᑕᐅᔪᑦ ᐃᖏᕋᖔᑎᑦᑎᒋᐊᓕᑦ ᖃᐅᔨᒪᑎᑦᑎᒍᑎᑦ (ᐊᐅᐸᖅᑐᑦ ᓈᓴᐅᑎᖏᑦ ᑕᑯᓴᐅᑎᑕᐅᔪᓂ)
ᑐᑭᓯᐊᒃᑲᓐᓂᕈᒪᒍᕕᑦ, ᐊᑏᑐᖅ ᖃᐅᔨᒋᐊᕆᑦ ᐅᕗᖓ:
ᓯᑎᕕ ᐊᓪᓚᓐ
ᑭᖑᕕᐅᑎᓯᒪᔪᖅ ᐊᖓᔪᖄᒧᑦ ᒪᓕᒃᑕᐅᑎᑦᑎᔨ ᐃᖃᓇᐃᔭᖅᑎᒧᑦ
ᓄᓇᓕᐸᐅᔭᖅ ᐃᖃᓗᐃᑦ
867-979-5674 | s.allen@iqaluit.ca
