ᓴᐃᒻᒪᑏᑦ ᓇᐸᕈᑎᐅᑉ ᕿᑎᐊᓃᑎᑕᐅᔪᑦ ᐃᓱᒪᒋᔭᐅᓗᑎᒃ ᐱᑦᑎᐊᖅᑕᐅᓚᐅᖏᑦᑐᑦ ᑕᒻᐳᓗ ᕆᑦᔾᒥ, ᐳᕆᑎᔅ ᑲᓚᒻᐱᐊ ᓄᓇᓕᖃᕐᕕᖓᓂ

ᐃᓄᖕᓄᑦ ᑐᓴᕋᑦᓴᑦ

ᓴᐃᒻᒪᑏᑦ ᓇᐸᕈᑎᐅᑉ ᕿᑎᐊᓃᑎᑕᐅᔪᑦ ᐃᓱᒪᒋᔭᐅᓗᑎᒃ ᐱᑦᑎᐊᖅᑕᐅᓚᐅᖏᑦᑐᑦ ᑕᒻᐳᓗ ᕆᑦᔾᒥ, ᐳᕆᑎᔅ ᑲᓚᒻᐱᐊ ᓄᓇᓕᖃᕐᕕᖓᓂ
ᕕᕝᕗᐊᕆ 11, 2026 – ᐃᖃᓗᐃᑦ, ᓄᓇᕗᑦ

 

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐃᓘᓐᓇᑎᒃ ᓄᓇᓕᓐᓂ ᓴᐃᒻᒪᑎᐅᔪᑦ ᓄᓇᓕᐸᐅᔭᒃᑯᑦ ᐱᓕᕆᕝᕕᖏᓐᓃᑦᑐᑦ ᓇᐸᕈᑏᑦ ᕿᑎᐊᓃᑎᑕᐅᓂᐊᕐᓂᖏᓐᓄᑦ ᓇᓗᓇᐃᕐᓯᔾᔪᑎᐅᖁᓪᓗᒋᑦ ᖁᕕᐊᓇᖏᑐᒻᒪᕆᒃᑯᑦ ᑐᖁᓚᐅᖅᑐᑦ ᓄᓇᓕᖓᓂ ᑕᒻᐳᓗ ᕆᑦᔾ, ᐳᕆᑎᔅ ᑲᓚᒻᐱᐊ ᓄᓇᓕᖃᕐᕕᖓᓂ, ᕕᕝᕗᐊᕆ 10, 2026.

ᒪᓕᑦᑐᒋᑦ ᐅᑯᐊ ᒪᓕᒐᐃᑦ ᓇᐸᕈᑏᑦ ᕿᑎᐊᓃᑎᑦᓯᓂᐊᕐᓗᓂ ᑲᓇᑕᐅᑉ ᓴᐃᒻᒪᑎᖓᓐᓂᒃ (ᑎᑎᕋᕐᓯᒪᔪᑦ ᐅᑯᓇᓂ 10 ᑎᑎᖅᑲᖃᕐᕕᒻᒥ), ᐊᒻᒪ ᑐᑭᓕᐊᖃᑎᖃᖅᑐᑎᒃ ᒐᕙᒪᒃᑯᖏᓐᓂᒃ ᑲᓇᑕᐅᑉ (GofC), ᓴᐃᒻᒪᑏᑦ ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᓪᓗᖁᑎᖏᓐᓃᑦᑐᑦ ᓇᐸᕈᑏᑦ ᕿᑎᐊᓅᖅᑕᐅᓯᒪᓂᐊᕐᒪᑕ ᓯᕿᓂᖅ ᓂᐱᒐᓱᐊᕐᓂᖓᓂ ᕕᕝᕗᐊᕆ 17, 2026. ᑲᓇᑕᒥ ᓇᒥᑐᐃᓐᓇᖅ, ᓴᐃᒻᒪᑎᓕᒫᑦᓯᐊᑦ ᐃᓘᓐᓇᖏᓐᓃᑦᑐᑦ ᒐᕙᒪᒃᑯᖏᑕ ᑲᓇᑕᐅᑉ (GofC) ᐊᒻᒪ ᐱᓕᕆᕝᕕᓐᓂ, ᐱᖃᓯᐅᔾᔭᐅᓗᓂ ᓴᐃᓕᖓᓂᕐᒧᑦ ᐳᖅᑐᔪᖁᑎᐊᓂ ᐋᑐᕚᒥ, ᓇᐸᕈᑏᑦ ᕿᑎᐊᓃᑦᑎᑕᐅᓂᐊᕐᒥᔪᑦ ᒫᓐᓇᐅᓂᖓᓂ (ᒪᓕᑦᑐᒋᑦ ᑎᑎᕋᕐᓯᒪᕕᒻᒦᑦᑐᑦ 16).

ᓄᓇᓕᐸᐅᔭᐃᑦ ᐃᖃᓗᐃᑦ ᕿᑦᓵᖃᑕᐅᔪᒻᒪᕆᐅᔪᑦ ᑕᒪᓐᓇ ᖁᕕᐊᓇᖏᑐᒻᒪᕆᐅᔪᖅ ᐊᑐᖅᑕᐅᓚᐅᖅᑎᓪᓗᒍ. ᑭᒡᒐᑐᕐᓗᒋᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ, ᓇᓗᓇᐃᖅᐳᒍᑦ ᓇᓪᓕᒋᔭᐅᓂᖏᓐᓂᒃ ᐃᓚᒋᔭᐅᔪᑦ ᐊᒻᒪ ᓇᓪᓕᒋᔭᐅᔪᑦ ᑕᐃᒃᑯᓄᖓ ᕿᒪᐃᔪᓄᑦ. ᐃᓱᒪᒋᔭᐅᕗᓯ ᐃᓕᓐᓂᐊᖅᑏᑦ, ᐃᖅᑲᓇᐃᔭᖅᑏᑦ, ᐅᐸᖅᑳᖅᑎᐅᔪᑦ ᐋᓐᓂᐊᔪᓕᕆᔨᐅᔪᑦ, ᐊᒻᒪ ᓄᓇᓕᕐᒥᐅᑕᓕᒫᑦᓯᐊᑦ ᑕᒻᐳᓗ ᕆᑦᔾ ᒫᓐᓇᐅᔪᖅ ᖁᕕᐊᓇᖏᑐᒻᒪᕆᒃᑰᑎᓪᓗᒋᑦ.

ᓄᓇᓕᕐᒥᐅᑕᐃᑦ ᓇᒥᑐᐃᓐᓇᖅ ᑲᓇᑕᒥ ᕿᑦᓵᖃᑕᐅᕗᑦ ᑕᒻᐳᓗ ᕆᑦᔾᒥᐅᑕᕐᓄᑦ ᐃᓱᒪᒋᔭᖃᖅᑐᐃᓐᓇᐅᑎᓪᓗᑕ ᖃᓄᖅ ᐊᑦᑐᐃᓂᖓᓂᒃ ᑕᒪᑦᓱᒪ ᖁᕕᐊᓇᖏᑐᒻᒪᕆᐅᔫᑉ. ᓇᐸᕈᑏᑦ ᕿᑎᐊᓅᖅᑐᒋᑦ ᓴᐃᒻᒪᑏᑦ ᓇᓗᓇᐃᔭᐃᑎᐅᒻᒪᑦ ᑲᑐᔾᔨᖃᑎᒌᓐᓂᒃᑯᑦ ᕿᑦᓵᖃᑎᒌᓐᓂᕐᒥᒃ ᐊᒻᒪ ᐊᑕᐅᓯᐅᖃᑎᒌᓐᓂᕐᒥᒃ ᓄᓇᓕᐅᔪᑦ ᑲᓇᑕᒥᐅᑕᐃᑦ ᐃᑲᔪᕐᓱᐃᖃᑎᒌᑦᑎᓪᓗᒋᑦ ᑲᑐᔾᔨᓪᓗᑎᒃ.

ᐅᓇ ᓇᓗᓇᐃᔭᐃᑎ ᐊᑐᖅᑕᐅᓂᐊᖅᑐᖅ ᓯᕿᓂᖅ ᓂᐱᒐᓱᐊᕐᓂᖓᓂ ᕕᕝᕗᐊᕆ 17, 2026.

 

##

 

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ ᐅᓇ:

 

ᔭᕝ ᐴᕐᓐ

ᑐᐊᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ

ᓄᓇᓕᐸᐅᔭᐃᑦ ᐃᖃᓗᐃᑦ

867-979-5619 | G.Byrne@iqaluit.ca