ᓯᑎᒃᑯᑦ ᕿᓂᓕᕐᒥᔪᑦ ᑐᓴᐅᒪᒍᒪᔪᓂᒃ ᖃᓄᐃᑕᐅᓂᐊᕐᓂᖓᓂᑦ ᐊᑐᖅᑕᐅᕙᓚᐅᖅᑐᒥᑦ ᑲᓇᑕᒥ ᖃᖓᑦᑕᖅᑎᑕᐅᓯᒪᔪᒃᑯᑦ ᑐᓴᐅᒪᐅᑎᓕᕆᕝᕕᒥᓂᐅᑉ

ᓯᑎᒃᑯᑦ ᕿᓂᓕᕐᒥᔪᑦ ᑐᓴᐅᒪᒍᒪᔪᓂᒃ ᖃᓄᐃᑕᐅᓂᐊᕐᓂᖓᓂᑦ ᐊᑐᖅᑕᐅᕙᓚᐅᖅᑐᒥᑦ ᑲᓇᑕᒥ ᖃᖓᑦᑕᖅᑎᑕᐅᓯᒪᔪᒃᑯᑦ ᑐᓴᐅᒪᐅᑎᓕᕆᕝᕕᒥᓂᐅᑉ
 ᓯᑎᒃᑯᑦ ᕿᓂᓕᕐᒥᔪᑦ ᑐᓴᐅᒪᒍᒪᒐᔭᖅᑐᓂᒃ ᖃᓄᐃᑕᐅᓂᐊᕐᓂᖓᓂᑦ ᓯᕗᓂᑦᑎᓐᓂ ᐊᑐᖅᑐᐊᒐᑦᓴᐅᒐᔭᕐᒪᖔᕐᓘᓐᓃᑦ ᐊᑐᖅᑕᐅᕙᓚᐅᖅᑐᒥᑦ ᑲᓇᑕᒥ ᖃᖓᑦᑕᖅᑎᑕᐅᓯᒪᔪᒃᑯᑦ ᑐᓴᐅᒪᐅᑎᓕᕆᕝᕕᒥᓂᐅᑉ, ᐅᖓᑎᑦᓯᐊᖓᓃᑦᑑᑉ ᐅᑭᐅᖅᑕᖅᑐᒥ ᐱᖕᖑᐊᕐᕕᐊᓘᑉ ᑭᓪᓕᖓᓃᑦᑐᖅ ᓂᐊᖁᖕᖒᓯᐊᕆᐊᑉ ᐊᑐᕆᐊᑉ.
ᕿᓂᕈᑎᐅᓗᐊᖅᑐᖅ ᑐᓴᐅᒪᒍᒪᔪᓂᒃ ᓇᓗᓇᐃᕈᒪᒐᒥᒃ ᑐᓴᐅᒪᔭᐅᔪᒪᑦᑕᕐᒪᖔᖅ ᐱᖁᑎᐅᔪᖅ ᐊᒻᒪ ᐱᐅᓯᑎᒋᐊᕐᓯᒪᔪᑦ ᐱᖁᑎᐅᑉ ᐃᓗᐊᓂ. ᐱᐅᓯᑎᒋᐊᕐᓯᒪᔪᑦ ᐃᓪᓗᑦᑕᖓ ᐊᒻᒪ ᑎᓴᒪᐃᑦ ᐃᓪᓗᕋᓛᖏᑦ ᐃᓗᐊᓃᑦᑐᑦ ᐊᕙᓗᖓᑕ. ᒪᓕᑦᑕᐅᓗᑎᒃ ᖃᑦᓯᐅᒻᒪᖔᑕ ᑐᓴᐅᒪᒍᒪᒐᔭᖅᑐᑦ, ᐱᓕᕆᔾᔪᑎᒍᑦ ‘ᑐᑦᓯᕋᐅᑎᓕᐅᖁᔨᓂᕐᒥᒃ’ ᒪᓕᑦᑕᐅᓗᑎᒃ ᓯᑎᒃᑯᑦ ᓄᓇᓕᕆᔾᔪᑎᓄᑦ ᒪᓕᒐᕋᓛᑉ ᑎᑎᕋᕐᓯᒪᓂᖏᑦ ᓴᖅᑮᑐᐃᓐᓇᕆᐊᖃᕐᒪᑕ ᓯᕗᓂᑦᑎᓐᓂ.
ᑐᓴᐅᒪᒍᒪᓂᕐᒧᑦ ᑎᑎᖅᑲᖅ ᐊᑐᐃᓐᓇᐅᔪᖅ ᓯᑎᒃᑯᑦ ᐃᑭᐊᖅᑭᕕᖓᓐᓂ (www.iqaluit.ca) ᐅᕝᕙᓘᓐᓃᑦ ᑐᑦᓯᕌᖑᔪᓐᓇᖅᑐᖅ ᐃᕐᖐᓇᖅᑕᐅᑎᒃᑯᑦ ᐅᕗᖓ lands@city.iqaluit.nu.ca. ᐊᑭᓖᒋᐊᑐᖕᖏᑦᑐᖅ ᑐᓂᓯᓂᐊᕐᓗᓂ ᑐᓴᐅᒪᒍᒪᓂᕐᒧᑦ ᑎᑎᖅᑲᒥᒃ ᐊᒻᒪ ᑎᑎᕋᕐᕕᑦᓴᒥᑦ ᐊᑐᐃᓐᓇᖃᖅᑐᑎᒃ ᐱᔪᐃᑦ. ᒪᐃ 24-ᒧᓄᑦ, 2019 ᑐᓂᓯᔪᓐᓇᓂᐊᖅᑐᑦ ᓇᓗᓇᐃᔭᐃᑎᒥᒃ ᑐᓴᐅᒪᒍᒪᒐᔭᕐᓂᖏᓐᓂᑦ.
ᑐᑭᓯᒃᑲᓐᓂᕈᒪᔪᑦ ᑐᓴᐅᒪᒍᒪᔪᓄᑦ ᐱᔾᔪᑎᓕᓐᓂᒃ, ᖃᐅᔨᒋᐊᕈᓐᓇᖅᑐᑦ ᓯᑎᒃᑯᓐᓂᒃ ᐅᕗᖓ lands@city.iqaluit.nu.ca ᐅᕝᕙᓘᓐᓃᑦ ᐅᖄᓚᐅᑎᒃᑯᑦ 867-979-5663