ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓯᐅᕋᓕᕐᓱᐃᖁᔭᐅᔪᑦ ᐊᒻᒪ ᐊᕝᕕᐊᖅᑐᓂᒃ ᐲᔭᐃᖁᔭᐅᓗᑎᒃ ᐃᓪᓗᖏᑕ ᓯᓚᑎᖏᓐᓂᒃ ᓄᓇᓯᐅᑎᓄᑦ ᐊᖅᑯᑎᖏᓐᓂᒃ ᐱᔨᑦᓯᕋᖅᑎᐅᔪᑦ ᐊᑦᑕᓇᔾᔭᐃᕐᓯᒪᖁᓪᓗᒋᑦ ᐱᔨᑦᓯᕋᕐᓂᖏᓐᓂ
ᓅᕖᐱᕆ 2, 2026 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐃᑎᑦᓯᒋᐊᓕᕆᕗᑦ ᓄᓇᓕᕐᒥᐅᑕᓂᒃ ᓄᓇᒃᑰᔫᓄᑦ ᐱᔨᑦᓯᕋᖅᑎᓄᑦ ᐱᔨᑦᓯᕋᖅᑕᐅᕙᑦᑐᑦ ᐃᓪᓗᖏᑕ ᓯᓚᑎᖏᓐᓂ ᐊᖅᑯᑎᐅᔪᑦ ᓱᓇᑐᐃᓐᓇᕐᓄᑦ ᐊᐳᒻᒧᓘᓐᓃᑦ ᓄᐊᕝᕕᐅᓯᒪᖁᓇᒋᑦ ᐊᒻᒪ ᓯᐅᕋᓕᕐᓱᕐᓯᒪᑦᓯᐊᖁᓪᓗᒋᑦ ᐊᑦᑕᓇᔾᔭᐃᕐᓯᒪᖁᓪᓗᒋᑦ ᐱᔨᑦᓯᕋᖅᑎᐅᔪᑦ ᐃᒥᖅᑕᖅᑏᑦ, ᒥᓪᓗᐊᖅᑏᑦ ᑭᓈᓗᖃᕐᕕᓐᓂᒃ/ᑯᕝᕕᕕᓂᒃ, ᐊᒻᒪ ᓴᓂᑦᑕᖅᑎᓄᑦ ᓄᓇᒃᑰᔫᐸᐅᔭᐃᑦ.
ᒫᓐᓇᐅᔪᖅᐃᖃᓗᓐᓂ ᓯᓚᖓ, ᐱᖃᓯᐅᑎᓪᓗᒍ ᖁᐊᑦᑕᐅᑎᒋᔭᖅᑐᒥᒃ ᓯᓚᓗᓐᓂᖓ ᐊᒻᒪ ᓂᕈᒥᑦᓯᕙᓪᓕᐊᓂᖓ ᓯᓚᐅᑉ ᓱᑲᑦᑐᒥᒃ, ᐊᑐᕆᐊᓂᒃ ᐊᑦᓱᑲᓪᓚᐅᔪᖅ ᖁᐊᓴᕈᖅᑎᑦᓯᓯᒪᓕᕐᒪᑦ. ᖁᐊᖅᑕᖅᑐᓕᕐᓯᒪᖏᑦᑐᑦ ᐊᑐᕆᐊᑦ ᓂᓚᕈᖅᐸᓪᓕᐊᑦᓴᐅᑎᒋᓪᓗᑎᒃ ᐱᓕᕐᒪᑕ. ᐱᓕᕆᔨᐅᔪᑦ ᓯᐅᕋᓕᕐᓱᐃᕙᓪᓕᐊᔫᒐᓗᐊᑦ ᐊᒻᒪ ᓂᓚᐃᔭᐃᕙᑦᑐᑎᒃ ᐊᑐᕆᐊᓂᒃ ᐊᑦᑕᓇᖅᑐᒦᖁᔨᒐᑎᒃ ᐃᖏᕐᕋᔪᓂᒃ.
ᐊᑦᑕᓇᖅᑐᒦᖁᔨᒐᑕ, ᓄᓇᒃᑰᔫᒃᑯᑦ ᐱᔨᑦᓯᕋᖅᑎᐅᔪᑦ ᐊᑐᕆᐊᕐᓃᖁᔭᐅᖏᑲᐃᓐᓇᓂᐊᖅᑐᑦ. ᐱᔨᑦᓯᕋᖅᑏᑦ ᐅᑎᕐᓂᐊᕐᒥᔪᑦ ᐊᑐᕆᐊᑦ ᐊᒻᒪ ᐃᓪᓗᐃᑦ ᓯᓚᑎᖏᑕ ᖃᓄᐃᓕᖓᓂᖏᑦ ᐊᑦᑕᓇᕈᓐᓃᖅᐸᑕ ᓄᓇᒃᑰᔫᐸᐅᔭᓄᑦ.
ᖄᖏᖅᑕᐅᑐᐃᓐᓇᖁᓇᓯ ᐱᔨᑦᓯᕋᖅᑎᓄᑦ ᐊᐅᓚᑦᓯᔾᔪᑎᐅᔪᑦ ᐅᑎᖅᐸᑕ:
· ᐊᐳᑕᐃᔭᖅᑕᐅᕙᓪᓗᑎᒃ ᓄᓇᒃᑰᔫᓄᑦ ᐊᖅᑯᑎᐅᔪᑦ ᐃᓪᓗᑦᓯ ᓯᓚᑎᖏᓐᓂ ᐃᓯᕋᑦᓴᐅᑦᓯᐊᖁᓪᓗᒋᑦ.
· ᓯᐅᕋᓕᕐᓱᖅᑕᐅᕙᓪᓗᑎᒃ ᖁᐊᓴᐅᓗᐊᖁᓇᒋᑦ.
· ᓄᓇᒃᑰᔫᑦ ᓄᖅᑲᖓᑎᑦᑕᐃᓕᒪᕙᓪᓗᒋᑦ ᐊᕝᕕᐊᕐᓂᐅᓴᓕᕐᓗᑎᒃ ᓄᓇᒃᑰᔫᐸᐅᔭᓄᑦ ᐊᖅᑯᑎᐅᔪᓂᒃ.
ᐃᓪᓗᐃᑦ ᓯᓚᑎᖏᑦ ᓄᓇᓯᐅᑎᓄᑦ ᐊᖅᑯᑎᐅᔪᑦ ᐊᑦᑕᓇᔾᔭᐃᕐᓯᒪᑎᑕᐅᕙᖏᑦᑐᑦ ᖃᐅᔨᒪᓂᐊᖅᐳᓯ ᐊᓪᓗᖅᑕᐅᑐᐃᓐᓇᕆᐊᖃᕐᒪᑕ ᐱᔨᑦᓯᕋᖅᑎᓄᑦ ᐃᓯᕋᑦᓴᐅᖏᓐᓂᓕᒫᖏᓐᓂ ᓱᓇᒃᑯᑖᖁᑎᓄᑦ ᐅᕝᕙᓘᓐᓃᑦ ᐱᓕᕆᔨᓄᑦ ᐅᓗᕆᐊᓇᕐᓂᐅᓴᑎᓪᓗᒋᑦ.
ᓄᓇᓕᐸᐅᔭᒃᑯᑦ ᖁᔭᒋᔭᖃᖅᐸᑦᑐᑦ ᓄᓇᓕᕐᒥᐅᑕᓂᒃ ᑲᑐᔾᔨᖃᑕᐅᕙᓐᓂᖏᓐᓄᑦ ᐊᒻᒪ ᐅᑕᖅᑭᑦᓯᐊᐸᒻᒪᑕ ᐱᓕᕆᐊᖃᕋᓱᓐᓂᑎᓐᓂ ᑕᒪᒃᑯᓂᖓ ᐊᑦᓱᕉᓴᓐᓇᓚᐅᖅᐸᑦᑐᓂᒃ.
###
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᔾᔪᑎᓂᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
