ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓇᖕᒥᓂᖃᐅᑎᓂᒃ ᓚᐃᓴᓕᕆᕝᕕᒃ ᖃᕋᑕᐅᔭᒃᑯᑦ ᒪᑐᐃᖓᓕᖅᑐᖅ
ᓅᕖᐱᕆ 4, 2026 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᐃᓘᓐᓇᖏᓐᓂᒃ ᓇᖕᒥᓂᖃᖅᑎᐅᕙᑦᑐᓂᒃ ᖃᕋᑕᐅᔭᒃᑯᑦ ᓚᐃᓴᓕᕆᕝᕕᒃ ᐊᕐᕌᒍᒧᑦ 2027 ᓇᖕᒥᓂᖃᕈᑎᓂᒃ ᓚᐃᓴᓂᒃ ᓄᑖᕈᖅᑎᑦᓯᕕᐅᒍᓐᓇᖅᑐᖅ ᒪᑐᐃᖓᓕᖅᑐᖅ.
ᓇᖕᒥᓂᖃᖅᑎᐅᔪᑦ ᐱᑎᑦᓯᖁᔭᐅᔫᒐᓗᐊᑦ ᓄᑖᕈᖅᑎᑦᓯᔾᔪᑎᑦᓴᓂᒃ ᑐᑦᓯᕋᐅᑎᖏᓐᓂᒃ ᐅᖓᑖᓂᐅᖏᑦᑐᖅ ᔮᓐᓄᐊᕆ 31, 2027, ᐊᑲᐅᓈᕆᔪᒪᓂᐊᕈᑎᒃ ᐊᑭᑭᓪᓕᒋᐊᕈᑎᐅᔪᒥᒃ ᓄᑖᕈᖅᑎᑦᓯᔾᔪᑎᒥᒃ. ᑐᑦᓯᕋᐅᑏᑦ ᖃᐃᑕᐅᔪᑦ ᐅᓪᓗᕐᓯᐅᑎᒍᑦ ᐊᓂᒍᕐᓯᒪᓕᖅᑎᓪᓗᒍ ᐅᕝᕙᓘᓐᓃᑦ ᑭᖑᓂᐊᒍᑦ ᕕᕝᕗᐊᕆ 1, 2027, ᐊᑭᓖᒋᐊᖃᕋᔭᖅᑐᖅ ᐃᓘᓐᓇᖏᓐᓂᒃ ᓄᑖᕈᖅᑎᑦᓯᔾᔪᑎᓂᒃ ᐊᑭᓕᕆᐊᓕᓐᓂᒃ.
ᒪᓕᑦᑐᒋᑦ ᓇᓗᓇᐃᔭᖅᑕᐅᓯᒪᓂᖏᑦ ᓄᓇᓕᐸᐅᔭᒃᑯᑦ ᐃᖃᓗᓐᓂ ᓇᖕᒥᓂᖃᖅᑎᓄᑦ ᓚᐃᓴᓕᕆᔾᔪᑎᐅᔪᖅ ᒪᓕᒐᕋᓛᑎᒍᑦ ᓈᓴᐅᑎᓕᒃ 859, ᐃᓘᓐᓇᑎᒃ ᓇᖕᒥᓂᖃᖅᑎᐅᔪᑦ ᐱᑎᒪᑦᓯᒋᐊᖃᖅᐸᒻᒪᑕ ᐊᑐᕈᓐᓇᖅᑐᒥᒃ ᐊᕐᕌᒍᒧᑦ 2027 ᓚᐃᓴᒥᒃ ᑎᑭᑉᐸᑦ ᕕᕝᕗᐊᕆ 15, 2027, ᐊᑭᓖᒍᒪᖏᒃᑯᑎᒃ ᑭᖑᕙᕈᑎᒃ. ᑐᑦᓯᕋᐅᑏᑦ ᖃᐃᑕᐅᔪᑦ ᐅᓪᓗᕐᓯᐅᑎᒍᑦ ᐊᓂᒍᕐᓯᒪᓕᖅᑎᓪᓗᒍ ᐊᑭᓖᑎᑕᐅᕙᓐᓂᐊᕐᒥᔪᑦ $50.00 ᐸᐃᑉᐹᓕᕆᔾᔪᑎᓄᑦ ᐊᒻᒪ ᓄᑖᕈᖅᑎᑦᓯᔾᔪᑎᖓ ᐊᑭᓕᕐᒥᓗᒍ.
ᐊᕐᕌᓂ ᓄᓇᓕᐸᐅᔭᒃᑯᑦ ᓴᖅᑮᓚᐅᖅᑐᑦ ᓄᑖᒥᒃ ᖃᕋᑕᐅᔭᒃᑯᑦ ᓚᐃᓴᓕᕆᕝᕕᑦᓴᒥᒃ, ᐱᔪᓐᓇᖅᑎᑕᐅᔪᒥᒃ ᐅᑯᓄᖓ ᖃᕋᑕᐅᔭᓕᕆᔾᔪᑎᒍᑦ Cloud Permit. ᐅᓇ ᐱᓕᕆᔾᔪᑎᐅᔪᖅ ᐊᑐᖅᑕᐅᕙᓕᖅᑐᖅ ᐃᓘᓐᓇᖏᓐᓄᑦ ᓇᖕᒥᓂᖃᐅᑎᓂᒃ ᓚᐃᓴᓂᒃ ᑐᑦᓯᕋᖅᑐᓄᑦ ᐊᒻᒪ ᓄᑖᕈᖅᑎᑦᓯᒍᒪᔪᓄᑦ, ᐊᑲᐅᓂᕐᓴᐅᓕᖅᑐᓂ ᐊᒻᒪ ᐅᐸᑦᑕᐅᑦᓴᐅᑎᒋᒍᓐᓇᓕᖅᑐᓂ ᑐᑦᓯᕋᕈᒪᔪᓄᑦ ᓚᐃᓴᒥᒃ. ᐃᓘᓐᓇᑎᒃ ᓚᐃᓴᑖᖅᐸᑦᑐᑦ ᐊᕐᕌᒍᑕᒫᖅ ᓄᑖᕈᖅᑎᑦᓯᔾᔪᑎᒥᒃ ᐊᑐᐊᒐᕐᓂᒃ ᐱᑎᑕᐅᓯᒪᓕᖅᑐᑦ ᐃᕐᖐᓇᖅᑕᐅᑎᒃᑯᑦ ᐅᕙᖕᖓᑦ d.gagne@iqaluit.ca ᑎᑎᖅᓯᒪᔭᖏᓐᓄᑦ ᖃᐅᔨᒋᐊᕐᕕᖏᓐᓄᑦ ᐃᕐᖐᓇᖅᑕᐅᑎᒃᑯᑦ.
ᓇᓗᓇᐃᔭᐃᑎᖏᑦ:
- ᓄᑖᕈᖅᑎᑦᓯᒍᒪᓂᖅ ᒪᑐᐃᖅᑐᖅ: ᓅᕖᐱᕆ 4, 2026
- ᓄᑖᖅ ᐱᓕᕆᕝᕕᒃ: CloudPermit ᐊᑐᖅᑕᐅᓕᖅᑐᖅ ᐃᓘᓐᓇᖏᓐᓄᑦ ᑐᑦᓯᕋᐅᑎᓕᐅᖅᑐᓄᑦ ᐊᒻᒪ ᓄᑖᕈᖅᑎᑦᓯᔪᓄᑦ. .
- ᐃᓯᕈᑎᖓ ᖃᕋᑕᐅᔭᒃᑯᑦ ᐱᓕᕆᔾᔪᑎᐅᑉ: [https://ca.cloudpermit.com/iqaluit/] ᐅᕝᕙᓘᓐᓃᑦ ᐅᐸᓪᓗᒍ ᓄᓇᓕᐸᐅᔭᒃᑯᑦ ᐃᑭᐊᖅᑭᕕᖓᑦ ᑐᑭᓯᒃᑲᓐᓂᕈᒪᓐᓂᕈᕕᑦ.
ᓇᖕᒥᓂᖅ ᑐᑦᓯᕋᐅᑎᓕᕆᔪᒪᔪᑦ ᐊᒻᒪ ᓄᑖᕈᖅᑎᑦᓯᒍᒪᔪᑦ ᐃᑲᔪᖅᑕᐅᓗᑎᒃ: ᑮᓇᐅᔭᓕᐅᕋᓱᐊᕈᑎᓕᕆᓂᕐᒥᑦ ᐱᕙᓪᓕᐊᔪᓕᕆᓂᕐᒧᑦ ᑲᒪᔨ (EDO) ᐊᑐᐃᓐᓇᐅᖃᑦᑕᓂᐊᖅᑐᖅ ᓄᓇᓕᐸᐅᔭᒃᑯᑦ ᐊᓪᓚᕝᕕᖏᓐᓂ ᐅᑯᓇᓂ ᐅᓪᓗᕐᓯᐅᑎᒍᑦ ᐊᒻᒪ ᓯᕿᖕᖑᔭᑎᒍᑦ:
- ᓅᕖᐱᕆ 9–13: 9-ᒥᓂᒃ ᐅᓪᓛᒃᑯᑦ 11-ᒧᓄᑦ ᐅᓪᓗᒃᑯᑦ
- ᓅᕖᐱᕆ 17 –ᓅᕖᐱᕆ 26: ᓇᒡᒋᔾᔭᐅᓕᖅᑭᕐᓂ ᐊᒻᒪ ᑎᓴᒻᒥᕐᓂ 11-ᒥᓂᒃ 12-ᒧᓄᑦ ᐅᓪᓗᒃᑯᑦ ᐊᒻᒪ 1-ᒥᓂᒃ 3-ᒧᓄᑦ ᐅᓐᓄᓴᒃᑯᑦ
ᐊᐱᖅᑯᑎᖃᕐᓂᕈᕕᑦ ᓚᐃᓴᓕᕆᕝᕕᒃ ᐱᓪᓗᒍ ᐅᕝᕙᓘᓐᓃᑦ ᐃᑲᔪᖅᑕᐅᒍᒪᓐᓂᕈᕕᑦ, ᖃᐅᔨᒋᐊᖁᔪᖅ ᑮᓇᐅᔭᓕᐅᕋᓱᐊᕈᑎᓕᕆᓂᕐᒥᑦ ᐱᕙᓪᓕᐊᔪᓕᕆᓂᕐᒧᑦ ᑲᒪᔨᒥᒃ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:
ᑖᒥᓂᒃ ᒐᐃᒡᓇᐃ
ᑮᓇᐅᔭᓕᐅᕋᓱᐊᕈᑎᓕᕆᓂᕐᒥᑦ ᐱᕙᓪᓕᐊᔪᓕᕆᓂᕐᒧᑦ ᑲᒪᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5607 | D.Gagne@iqaluit.ca
