ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᓄᖕᓄᑦ ᑐᓴᕋᑦᓴᖅ
ᓇᓪᓕᐅᓂᕐᓯᐅᕈᑎᖃᕐᓂᖅ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᐸᑦᑐᓂᒃ ᐱᔾᔪᓯᐊᖅᑎᑕᐅᓗᑎᒃ
ᓅᕖᐱᕆ 22, 2024 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᐅᐱᒍᓲᑎᖃᑦᓯᐊᖅᑐᑎᒃ ᓇᓪᓕᐅᓂᕐᓯᐅᕈᑎᖃᓕᕐᒥᔪᑦ ᑲᒪᓇᖅᐸᑦᑐᓂᒃ ᑐᓂᕐᕈᑎᖃᖅᐸᑦᑐᓂᒃ ᖃᓄᑐᐃᓐᓇᑦᓯᐊᖅ ᓄᓇᓕᕐᒥᐅᑕᓂᒃ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᐸᑦᑐᓂᒃ ᐱᔾᔪᓯᐊᖅᑎᑦᓯᓂᒃᑯᑦ ᐅᓐᓄᖃᖅᑎᑦᓯᓂᐅᓚᐅᖅᑐᒥ ᓅᕖᐱᕆ 14-ᖑᑎᓪᓗᒍ. ᑖᓐᓇ ᐅᓐᓅᔪᖅ ᐊᑐᖅᑕᐅᓚᐅᖅᑐᖅ ᐃᓕᑕᕆᔭᐅᒍᒪᓪᓗᑎᒃ ᑭᒃᑯᑐᐃᓐᓇᐃᑦ ᐊᒻᒪ ᑲᑐᔾᔨᖃᑎᒌᖑᔪᑦ ᑐᓂᕐᕈᑎᖃᖅᐸᑦᑐᑦ ᐃᓱᒪᕐᓲᑎᒥᓂᒃ ᐅᓪᓗᕐᓂᒃ, ᐆᒻᒪᑦᓯᐊᕆᓐᓂᕐᒥᓂᒃ, ᐊᒻᒪ ᐱᓕᒻᒪᓴᕐᓯᒪᔭᕐᒥᓂᒃ ᐃᖃᓗᓐᓂᒃ ᓴᖏᔫᖁᔨᑦᓯᐊᖅᑐᑎᒃ ᐊᒻᒪ ᖃᓄᐃᓕᐅᕈᑎᖃᑦᓯᐊᖁᓪᓗᒋᑦ ᑭᒃᑯᑐᐃᓐᓇᑦᓯᐊᑦ.
ᐅᐱᒋᔭᐅᕗᑦ ᖁᕕᐊᒋᔭᐅᓗᑎᒃ ᐅᑯᐊ 2024-ᒥ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᐸᓚᐅᖅᑐᑦ ᐱᑎᑕᐅᓚᐅᖅᑐᑦ:
- ᐱᖕᖑᐊᕈᑎᒍᑦ ᐊᒻᒪ ᑭᐱᖕᖑᐃᔭᐃᓂᒃᑯᑦ ᐱᔾᔪᓯᐊᖅ: ᔨᐅᕆᒥ ᐹᓪ ᓯᒥᖦ, ᑲᔪᖏᕐᓴᐃᕙᑦᑐᓂ ᓯᕗᓕᖅᑎᑦᓯᐊᕙᐅᓂᖓᓄᑦ ᓄᓇᓕᓐᓂ ᐱᖕᖑᐊᕈᑎᒍᑦ ᐱᒋᐊᖅᑎᑕᐅᕙᑦᑐᓂᒃ.
- ᓴᓇᖕᖑᐊᓂᒃᑯᑦ ᐊᒻᒪ ᐃᓕᖅᑯᓯᓕᕆᓂᒃᑯᑦ ᐱᔾᔪᓯᐊᖅ: ᑳᓯᑎ-ᐋᓐ ᓇᑦᓱᕐ, ᑖᑦᓱᒪ ᐱᓕᕆᔪᒪᓂᖓ ᐱᓪᓗᒍ ᓴᓇᖕᖑᐊᕈᒪᑎᑦᓯᕙᑦᑐᖅ ᐊᒻᒪ ᐃᓕᖅᑯᓯᑎᒍᑦ ᐊᑐᖅᑕᐅᔪᓐᓇᖅᑐᓂᒃ ᓄᓇᑦᑎᓐᓄᑦ.
- ᒪᒃᑯᑦᑐᖅ ᐊᑭᓕᕐᓱᖅᑕᐅᒐᓂ ᐃᑲᔪᖅᑎᒧᑦ ᐱᔾᔪᓯᐊᖅ: ᑐᐊᕆᐊᔅ ᑯᓄᒃ-ᖃᐅᓐᓇᖅ, ᑖᓐᓇᓕ ᐆᑦᑑᑎᑦᓯᐊᕙᐅᔪᓐᓇᖅᑐᖅ ᒪᒃᑯᑦᑐᐃᑦ ᐱᕙᓪᓕᐅᑎᒍᓐᓇᕐᓂᖏᓐᓄᑦ ᖃᓄᑐᐃᓐᓇᖅ.
- ᓄᓇᓕᓐ ᐱᕙᓪᓕᐊᑎᑦᓯᓂᒃᑯᑦ ᐱᔾᔪᓯᐊᖅ: ᐊᓃᑲ ᐸᐃᓴᒃ, ᐃᓕᑕᕆᔭᐅᔪᖅ ᐱᓕᕆᔪᒪᑐᐃᓐᓇᕐᓂᖓᓄᑦ ᓄᓇᓕᓐᓂ ᐱᓕᕆᐊᑦᓴᓕᕆᓂᒃᑯᑦ (ᐊᔾᔨᓕᐅᖅᑕᐅᓯᒪᔪᖅ ᐊᐃᑉᐸᖃᖅᑐᓂ ᑕᐃ ᑳᒻᐱᐅᓪᒥᒃ).
- ᐱᔨᑦᓯᕋᐅᑎᓕᕆᓂᕐᒥᑦ ᑲᑐᔾᔨᖃᑎᒌᓄᑦ ᐱᔾᔪᓯᐊᖅ: ᐱᕕᓃᑦ ᐱᒥᓂᕐᓂᒃ ᐊᑭᑭᑦᑐᓂᒃ ᓂᐅᕕᕐᕕᒃ, ᓇᓗᓇᐃᔭᐃᑎᒻᒪᕆᐅᔪᖅ ᐊᑑᑎᓕᒻᒪᕆᒻᒥᒃ ᐱᓕᕆᔾᔪᑎᖃᖅᐸᑦᑐᑎᒃ (ᐊᔾᔨᓕᐅᕐᓯᒪᔪᑦ ᐊᔾᔨᖕᖑᐊᒥ 2).
- ᐃᑲᔪᖅᑎᒻᒪᕆᒃ (ᐃᑲᔪᖅᑎᒻᒪᕆᒃ) ᐱᔾᔪᓯᐊᖅ: ᑕᐃᓴᓐ ᐳᕉᔅᑭ, ᓇᓪᓕᐅᓂᕐᓯᐅᕈᑎᐅᔪᖅ ᑕᑎᒋᔭᕐᓂᖅᑐᓂ ᐃᑲᔪᕐᓱᐃᔪᓐᓇᕐᓂᖓᓄᑦ ᐊᒻᒪ ᑐᖕᖓᓇᕐᓂᖓᓄᑦ (ᐊᔾᔨᓕᐅᕐᓯᒪᔪᖅ ᐊᐃᑉᐸᖃᖅᑐᓂ ᓇᔭ ᐱᐅᕐᔅ ᐊᔾᔨᖕᖑᐊᒥ 1).
ᑕᒪᒃᑯᐊ ᑭᒃᑯᑐᐃᓐᓇᐃᑦ ᐊᒻᒪ ᑲᑎᒪᕙᑦᑐᑦ ᐱᓕᕆᔾᔪᑎᖃᑦᓯᐊᐸᑦᑐᑦ ᐊᑐᖅᑕᐅᔪᓐᓇᖅᑐᓂᒃ ᐃᓅᖃᑎᒥᓂᒃ ᐃᑲᔪᕈᒪᑐᐃᓐᓇᓂᕐᒥᒃ ᐊᒻᒪ ᑲᑐᔾᔨᖃᑎᒌᓐᓂᕐᒥᒃ ᓄᓇᓕᐸᐅᔭᑦᑎᓐᓂᒃ ᐊᔾᔨᐅᖏᔾᔪᑎᐅᔪᓂᒃ.
ᓄᓇᓕᐸᐅᔭᒃᑯᑦ ᐃᖃᓗᓐᓂ ᐊᔭᐅᖅᑐᐃᕙᑦᑐᑦ ᓄᓇᓕᕐᒥᐅᑕᓕᒫᑦᓯᐊᓂᒃ ᐃᓱᒪᑦᓴᕐᓯᐅᖁᕙᑦᑐᒋᑦ ᐊᑑᑎᖃᕐᓂᖏᓐᓄᑦ ᐊᑭᓕᕐᓱᖅᑕᐅᒐᑎᒃ ᐃᑲᔪᕐᓂᐅᕙᑦᑑᑉ. ᐃᓕᓐᓂᐊᑎᑦᓯᓗᓂ ᒪᒃᑯᑦᑐᓂᒃ, ᐃᑲᔪᕐᓱᐃᓗᓂ ᐃᓕᖅᑯᓯᓕᕆᔪᓂᒃ ᐱᒋᐊᖅᑎᑕᐅᕙᑦᑐᓂᒃ, ᐃᑲᔪᖅᐸᑦᑐᓂ ᓄᓇᓕᓐᓂ ᖃᓄᐃᓕᐅᖅᑎᑦᓯᔪᓂᒃ, ᐅᕝᕙᓘᓐᓃᑦ ᐃᑲᔪᖅᑐᒋᑦ ᓄᓇᓕᓐᓂ ᑲᑐᔾᔨᖃᑎᒌᖑᔪᓂᒃ, ᐃᓘᓐᓇᑎᒃ ᖃᓄᖅᑑᕈᑎᐅᕙᑦᑐᑦ ᑐᓂᕐᕈᑎᐅᕙᑦᑐᑦ ᓄᓇᓕᑦᑕ ᐃᓗᐊᓂᒃ ᓴᖕᖏᑎᑦᓯᔾᔪᑎᐅᕙᑦᑐᑎᒃ ᐊᒻᒪ ᐊᑦᑐᐊᖃᑎᒌᒍᓐᓇᓂᕐᓴᐅᕙᑦᑐᑎᒃ ᓄᓇᓕᕐᒥᐅᖃᑎᒌᓐᓂᒃᑯᑦ. ᐊᑭᓕᕐᓱᖅᑕᐅᒐᓂ ᐃᑲᔪᖅᐸᓐᓂᐅᔪᖅ ᐱᕙᓪᓕᐅᑎᑐᐃᓐᓇᐸᖏᑦᑐᖅ ᑭᓯᐊᓂᑦᑕᐅᖅ ᐃᓅᓯᒃᑯᑦ ᐃᓄᑑᔾᔭᐃᑯᑎᑦᓯᐊᕙᐅᔪᖅ ᐊᑐᖅᐸᑦᑐᓂ ᐱᖃᑎᖃᖅᐸᓂᕐᒥᒃ ᐊᒻᒪ ᐱᓕᒻᒪᓴᖅᐸᑦᑐᓂ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
