ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᓄᕙᕐᔪᐊᕐᓇᖅ-19 ᐱᓪᓗᒍ ᐊᒻᒪ ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᕋᑦᓴᑦ
ᓄᓇᓕᐸᐅᔭᖅ ᐃᖃᓗᐃᑦ ᑲᔪᓯᒻᒪᑕ ᐃᖃᓇᐃᔭᖃᑎᖃᑦᑎᐊᕋᓱᐊᕐᓗᑎᒃ ᓄᓇᕗᑦ ᒐᕙᒪᒃᑯᑦ ᐋᓐᓂᐊᖃᖕᓇᙱᑦᑐᓕᕆᔨᒃᑯᑦ ᖃᐅᔨᒪᒋᐊᖅᓯᑎᓗᒋᑦ ᐊᒻᒪᓗ ᐱᓕᕆᒋᐊᖅᐸᓪᓗᑎᒃ ᑕᐃᒪᓐᓇᐅᔭᕆᐊᖃᑐᐊᕋᑎᒃ ᑕᒪᑐᒧᖓ ᓄᕙᒡᔪᐊᕐᓇᖅ-19 ᐱᓕᕆᐊᖑᔭᕆᐊᖃᓕᖅᑐᒥ.
ᐃᖃᓗᐃᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᐅᖓᕙᕆᐊᖅᑎᑦᑎᒻᒪᑦ ᑐᐊᕕᓐᓇᖅᓯᓂᖓᓂᒃ ᐱᔾᔪᑎᒍ ᓄᕙᒡᔪᐊᕐᓇᖅ-19 ᐊᑐᓕᕐᓗᓂ 12-ᒥ ᐅᓪᓛᒃᑯᑦ ᑕᓪᓕᕐᒥᖅ, ᒪᐃ 28, 2021-ᒥ. ᑖᓐᓇ ᒪᓕᒃᑕᐅᖁᔭᐅᔪᖅ ᐊᑐᓂᐋᒻᒪᑦ ᑎᑭᓐᓇᓱᐊᕐᓂᖓᓂ 11:59 ᐅᓐᓄᒃᑯᑦ ᑎᓴᒻᒥᖅ, ᔫᓂ 3, 2021.
ᓄᓇᓕᐸᐅᔭᒃᑯᑦ ᐱᔨᔅᓯᕈᑎᖏᑦ
ᓄᓇᓕᐸᐅᔭᒃᑯᑦ ᐊᒡᓚᒡᕕᖏᑦ ᑕᐃᑲᓂ 1085-ᒥ ᐊᒻᒪᓗ 901-ᒥ ᒪᑐᐃᒃᑲᓐᓂᓛᓕᒻᒪᑕ ᑎᑭᐅᑎᒍᑦᑕ ᔫᓂ 3, 2021-ᒧᑦ.
ᓄᓇᓕᓕᕆᔨᒃᑯᓐᓂ ᒪᓕᒃᑕᐅᑎᑦᑎᔨ ᐱᓕᕆᕕᖓ ᓅᑕᐅᓯᒪᓕᖅᑐᖅ ᐃᒡᓗᖁᑎ 901-ᒧᑦ ᐊᒻᒪᓗ ᐅᐸᒃᑕᐅᒍᓐᓇᖅᓯᓪᓗᓂ ᑭᒃᑯᓕᒫᓄᑦ ᐱᒋᐊᕐᓗᓂ ᔫᓂ 3, 2021-ᒥᑦ. ᐃᓘᓐᓇᑎᒃ ᑖᒃᓯᓅᖓᔪᓕᒫᑦ ᐱᓕᕆᒍᓐᓇᖅᑎᑕᐅᔪᑦ ᐱᔨᔅᓯᕈᓐᓇᕐᓗᑎᒃ ᐊᐅᓚᓕᕐᓂᐋᕐᑉᒪᑕ ᑕᐃᑲᓂ ᐃᒡᓗᖁᑎ 901-ᒥ.
ᐃᒡᓗᖁᑎ 2425 ᒪᑐᓯᒪᓕᖅᑐᖅ ᐃᓄᓕᒫᓄᑦ. ᓴᓇᔪᓕᕆᔨᒃᑯᑦ ᐊᒻᒪᓗ ᐸᕐᓇᒃᑎᒃᑯᑦ ᐱᓕᕆᕕᖏᑦ ᐱᓕᕆᕙᓪᓕᐊᓇᓱᐋᖅᑐᑦ ᐊᐅᓪᓛᕋᓱᐊᕐᓗᑎᒃ ᐃᒡᓗᖁᑎ 901-ᒧᑦ. ᑭᒃᑯᓕᒫᑦ ᐅᖃᕐᕕᖃᕈᒪᔪᑦ ᓴᓇᔪᓕᕆᔨᒃᑯᓐᓂᑦ ᐅᕝᕙᓗᓂᑦ ᐸᕐᓇᓐᓂᕐᒧᑦ ᐅᖃᕆᐊᖃᒃᑐᑦ ᐅᖄᓚᐅᑎᒃᑯᑦ ᐅᕝᕙᓗᓂᑦ ᐃᕐᖐᓐᓇᖅᑕᕈᑎᒃᑯᑦ.
ᐊᑭᓖᒍᒪᔪᖃᒃᐸᑦ
ᐊᑭᓖᒍᑎᓕᒫᑦ ᐃᓘᓐᓇᑎᒃ ᓄᓇᓕᐸᐅᔭᒃᑯᑦ ᐱᔨᔅᓯᕈᑎᖏᓐᓄᑦ ᐊᑭᓕᖅᑕᐅᖃᑦᑕᕆᐊᖃᒃᐳᑦ ᐅᖄᓚᐅᑎᒃᑯᑦ ᐅᕝᕙᓗᓂᑦ ᐅᐸᒍᑎᓗᑎᒃ ᓄᓇᓕᐸᐅᔭᒃᑯᑦ ᐊᒡᓚᒡᕕᖓᓄᑦ 1085.
ᕼᐋᒻᓚᒧᑦ ᐱᓕᕆᔩᑦ
ᓄᓇᓕᐸᐅᔭᒃᑯᑦ ᒪᓕᒃᑕᐅᑎᑦᑎᓂᖓ ᐃᑲᔪᖅᓱᐃᓂᐋᕐᒪᑦ ᓄᓇᓕᐸᐅᔭᒃᑯᑦ ᐃᓄᓕᒫᓄᑦ ᐋᓐᓂᐊᖃᒃᑕᐃᓕᓂᕐᒧᑦ ᒪᓕᒃᑕᐅᖁᔭᐅᔪᓂᒃ (CPHO) ᐃᓄᓕᒪᓄᑦ ᐋᓐᓂᐊᖃᒃᑕᐃᓕᒪᓂᕐᒧᑦ ᒪᓕᒃᑕᐅᖁᔭᐅᔪᓂᒃ ᐃᓚᒋᔭᐅᓗᑎᒃ ᖃᐅᔨᒪᓂᖅᓴᐅᓕᖅᑎᑦᑎᒐᓱᐊᓐᓂᕐᒧᑦ ᖃᐅᔨᓴᖅᑎᑦ ᐊᒻᒪᓗ ᒪᑐᐊᖅᓯᒪᒋᐊᖃᓪᓗᑎᒃ ᐊᑐᖃᑦᑕᖁᓪᓗᒋᑦ ᐃᓄᓕᒫᓄᑦ ᐅᐸᒃᑕᐅᓯᒪᒍᓐᓇᖅᑐᓂ.
ᐅᖃᐅᑎᖃᒃᑐᖃᕈᒪᓐᓂᖅᐸᑦ ᒪᓕᖏᑦᑐᓂᒃ ᐅᕝᕙᓗᓂᑦ ᓈᒻᒪᒃᓴᖏᒃᑯᕕᑦ ᐃᓄᓕᒪᓄᑦ ᐋᓐᓂᐊᖃᒃᑕᐃᓕᒪᓂᕐᒧᑦ ᒪᓕᒃᑕᐅᖁᔭᐅᔪᓂᒃ, ᑭᒃᑯᓕᒫᑦ ᐅᖄᓚᖁᔭᐅᕗᑦ ᐸᓖᓯᒃᑯᓐᓄᑦ ᐅᕗᖓ 979-1111-ᒧᑦ.
ᐱᓐᖑᐊᕐᕖᑦ ᐱᖁᑏᑦ
ᐃᓘᓐᓇᑎᒃ ᓄᓇᓕᐸᐅᔭᒃᑯᑦ ᐅᐸᖃᑦᑕᒐᖁᖏᑦ, ᐊᓃᙳᐊᕐᕕᑦ ᐊᒻᒪᓗ ᐱᙳᐋᕐᕕᐅᓱᑦ ᒪᑐᐃᒃᑲᓐᓂᓛᕐᒪᑕ ᑕᒪᓂ ᑎᓴᒻᒥᐅᓛᖅᑐᒥ, ᔫᓂ 3-ᒥ. ᐱᙳᐊᖅᑐᓕᕆᔨᒃᑯᓐᓂ ᐃᖃᓇᐃᔭᖅᑎᑦ ᐃᖃᓇᐃᔭᕐᓂᐋᕐᒪᑕ ᐅᓪᓛᓕᒫᖓᓂ ᑎᓴᒻᒥᐅᑉ ᒪᑐᐃᖅᓯᑲᓐᓂᓕᖅᑎᓪᓗᒋᑦ ᐊᓃᙳᐊᕐᕕᓐᓂᒃ ᓯᕗᓪᓕᐅᑎᑕᐅᓗᑎᒃ.
ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒃ ᒪᑐᐃᒃᑲᓐᓂᓕᓛᖅᑐᖅ ᔫᓂ 3-ᒥ.
ᒪᑐᐃᒃᑲᓐᓂᓐᓂᐅᒐᔭᖅᑐᓄᑦ ᐸᕐᓇᒃᑕᐅᒪᑕ ᐱᕙᓪᓕᐊᑎᑕᐅᓪᓗᑎᒃ ᐃᓅᓱᒃᑐᓄᑦ ᐅᐸᖃᑦᑕᒐᖅ ᐊᒻᒪᓗ ᖃᒻᒪᖅ. ᑐᓴᖅᑎᑕᐅᒃᑲᓐᓂᓛᕆᕗᓯ ᑭᖑᓂᖓᒍᑦ.
ᐳᐃᔾᔪᕋᕐᕕ
ᒪᑐᐃᒃᑲᓐᓂᓐᓂᖏᓐᓄᑦ ᐸᕐᓇᒍᑎ ᐃᖃᓗᐃᑦ ᐳᐃᔾᔪᕌᕐᕕᖓᓄᑦ ᐊᒻᒪᓗ ᐃᖃᐃᓕᓴᕐᕕᒻᒧᑦ ᐱᕙᓪᓕᐊᑎᑕᐅᒻᒪᑕ ᒪᓕᒃᑎᑕᐅᓪᓗᑎᒃ ᓄᓇᓕᐸᐅᔭᒃᑯᑦ ᐃᓄᓕᒫᓄᑦ ᐋᓐᓂᐊᖃᒃᑕᐃᓕᓂᕐᒧᑦ ᒪᓕᒃᑕᐅᖁᔭᐅᔪᓂᒃ (CPHO). ᒫᓐᓇᐅᓂᖓᓂ, ᐱᓕᕆᕕᖁᑏᑦ ᒪᑐᓯᒪᓂᐋᕐᒪᑕ ᑐᓴᖅᑎᑦᑎᔪᖃᒃᑲᓐᓂᓚᐅᖏᓐᓂᖓᓂ.
ᑕᐃᒪᓕ ᐊᐱᖅᑯᑎᒃᓴᖃᕐᓂᕈᕕᑦ ᒪᒃᑯᓄᙵᖓᔪᓂᒃ ᐊᕐᕌᒍᑕᒪᑦ ᐊᒻᒪᓗ ᑕᖅᑭᑕᒫᑦ ᐃᓯᕈᓐᓇᐅᑎᓂᒃ, ᐅᖄᓚᕕᒋᓚᐅᒃᑭᑦ ᐅᐸᒍᑎᑎᑕᐅᔪᓄᑦ ᐱᔨᔅᓯᕈᑎᑦ ᐅᕘᓇ 867-975-8544-ᒧᑦ ᐅᕝᕙᓗᓂᑦ ᐃᕐᖐᓐᓇᖅᑕᕈᑎᒃᑯᑦ aquaticcentre@iqaluit.ca. ᐅᐸᒍᑎᑎᑕᐅᔪᓄᑦ ᐱᔨᔅᓯᕈᑎᑦ ᓂᐱᓕᐅᕐᕕᖓ ᖃᐅᔨᒪᒋᐊᖅᑕᐅᓂᐊᖅᑐᖅ ᐱᓇᓱᐊᕈᓯᖅᑕᒫᑦ.
ᓄᓇᓕᐸᐅᔭᒃᑯᑦ ᑐᓴᐅᒪᔾᔪᑎᖓ ᐅᖄᓚᐅᑎᒃᑯᑦ
ᓄᓇᓕᐸᐅᔭᒃᑯᑦ ᐃᖃᓗᐃᑦ ᐱᒋᐊᖅᑎᑦᑎᓯᒪᓕᕐᒪᑕ ᐃᓄᒃᑎᑐᑦ ᐊᒻᒪᓗ ᖃᓪᓗᓈᑎᑐᑦ ᑐᓴᕆᐊᕐᕕᒃᓴᒥᒃ ᐅᖄᓚᐅᑎᒃᑯᑦ ᐃᑲᔪᖅᑕᐅᖁᓪᓗᒋᑦ ᓄᓇᓕᓐᓂᒥᐅᑕᐃᑦ ᐊᒻᒪᓗ ᑭᐅᔭᐅᒍᓐᓇᖁᓪᓗᒋᑦ ᐊᐱᖅᑯᑎᒋᔭᐅᔪᑦ ᓄᓇᓕᐸᐅᔭᒃᑯᑦ ᐱᔨᔅᓯᕈᑎᖏᓐᓂ ᐊᒃᑐᖅᑕᐅᓯᒪᔪᓂᒃ ᓄᕙᒡᔪᐊᕐᓇᖅ-19-ᒧᑦ.
ᑎᓴᒻᒥᐅᓕᖅᐸᑦ, ᔫᓂ 3, ᑖᓐᓪᓇ ᐅᖄᓚᐅᑎᒋᔭᐅᑎᑕᐅᔪᖅ ᐊᑯᓂᐅᓂᖅᓴᐅᓕᕆᐊᖅᑕᐅᓛᒻᒪᑕ ᐃᑲᕐᕋᖏᑦ ᐱᒋᐊᓪᓗᓂ 9-ᒥ ᐅᓪᓚᒃᑯᑦ ᑎᑭᓪᓗᒍ 5 ᐅᓐᓄᒃᑯᑦ. ᓇᒡᒐᔾᔭᐅᒥᑦ ᑕᓪᓕᒻᒥᕐᒧᑦ.
ᐅᖄᓚᒍᓐᓇᖅᑐᑎᑦ 867-979-5603-ᒧᑦ, ᐅᕝᕙᓗᓂᑦ ᐃᕐᖐᓐᓇᖅᑕᕈᑎᒃᑯᑦ ᐊᐱᕆᓗᑎᑦ ᐊᓂᐊᒃ ᖁᐊᕋᒻᒧᑦ, ᓄᓇᓕᒥ ᑐᓴᐅᒪᖃᑎᒋᒍᑎᓕᕆᔨᒃ ᑐᓴᐅᒪᒃᑲᐃᔨ ᐅᕘᓇ A.Korgak@iqaluit.ca.
ᓄᓇᓕᐸᐅᔭᐃᑦ ᐃᖃᓗᐃᑦ ᓄᕙᕐᔪᐊᕐᓇᖅ-19 ᐱᓪᓗᒍ ᑐᓴᕋᑦᓴᓕᐅᓛᕐᒥᔪᑦ ᓇᒡᒋᔾᔭᐅᓕᖅᑭᕐᒥ, ᔪᓂ 1, 2021.
ᑐᑭᓯᒋᐊᕐᕕᑦᓴᖅ ᐱᑦᑕᐃᓕᒪᐅᑎᑦᓴᓂᑦ ᐱᓕᕆᔾᔪᑎᓂᑦ ᐅᕙᖕᖓᑦ:
https://www.gov.nu.ca/health/information/covid-19-novel-coronavirus
ᓄᓇᕗᑦ ᓄᕙᕐᔪᐊᕐᓇᖅ-19 ᐱᓪᓗᒍ ᑐᓴᕋᑦᓴᐃᑦ:
https://www.gov.nu.ca/health/information/covid-19-novel-coronavirus
ᑭᒃᑯᑐᐃᓐᓇᕐᓄᑦ ᐃᓗᓯᓕᕆᔾᔪᑎᐅᔪᑦ ᐱᓕᕆᔾᔪᑏᑦ ᐃᖃᓗᓐᓄᑦ ᑎᑭᑦᑐᒍ ᐃᐳᓗ 15, 2021:
https://www.gov.nu.ca/sites/default/files/public_health_measures_for_iqa...
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᓖᓴ ᒥᓗᓵᕝᔨᕕᒃ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓂᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
L.Milosavljevic@iqaluit.ca
867-979-5607
