ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᓄᕙᕐᔪᐊᕐᓇᖅ-19 ᐱᓪᓗᒍ ᐊᒻᒪ ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᕋᑦᓴᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᐱᓕᕆᖃᑎᖃᐃᓐᓇᓯᐊᖅᑐᑦ ᓄᓇᕗᑦ ᒐᕙᒪᒃᑯᖏᑕ ᐋᓐᓂᐊᓇᖕᖏᑦᑐᓕᕆᔨᖏᓐᓂᑦ ᖃᐅᔨᓴᐃᓐᓇᓂᒃᑯᑦ ᐊᒻᒪ ᐱᓕᕆᔾᔪᑎᒍᑦ ᑭᖕᖒᒪᔭᐅᓕᕋᐃᒐᒥᒃ ᐱᔾᔪᑎᒋᓪᓗᒍ ᓄᕙᕐᔪᐊᕐᓇᖅ-19 ᖃᓄᐃᓕᖓᒍᑎᐅᔪᖅ.
ᒪᐃ 5-ᖑᑎᓪᓗᒍ ᐅᓪᓛᒃᑯᑦ 10-ᒨᖅᑎᓪᓗᒍ, ᓄᓇᓕᐸᐅᔭᒃᑯᑦ ᒪᑐᐃᕐᓯᓚᐅᖅᑐᑦ ᖃᕋᑕᐅᔭᒃᑯᑦ ᑐᐊᕕᕐᓇᖅᑐᓂᑦ ᐊᐅᓚᑦᑎᕕᑦᓴᒥᑦ ᐱᓕᕆᕝᕕᐅᓂᐊᖅᑐᒥᑦ ᐱᔾᔪᑎᐅᓗᓂ ᓄᓇᓕᓐᓂ ᓯᐊᒻᒪᐸᓪᓕᐊᔪᖅ ᓄᕙᕐᔪᐊᕐᓇᖅ-19 ᐃᖃᓗᓐᓂ.
ᐃᖃᓗᐃᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᓇᓗᓇᐃᕐᓯᓚᐅᕐᒪᑕ ᑐᐊᕕᕐᓇᖅᑐᒦᓕᕐᓂᕐᒥᓂᒃ ᐱᔾᔪᑎᒋᓪᓗᒍ ᓄᕙᕐᔪᐊᕐᓇᖅ-19 ᐱᒋᐊᖅᑐᑎᒃ 12-ᒥ ᐅᓐᓄᒃᑯᑦ ᐱᖓᑦᓯᕐᒥ, ᒪᐃ 18, 2021. ᐊᑐᖁᔨᔾᔪᑎᐅᔪᖅ ᐊᑐᖅᑕᐅᓂᐊᖅᑐᖅ 11:59-ᒧᑦ ᐅᓐᓄᐊᒃᑯᑦ ᓇᒡᒋᔾᔭᐅᓕᖅᑭᕐᒥ, ᒪᐃ 25, 2021.
ᓄᓇᓕᐸᐅᔭᒃᑯᑦ ᑐᑭᓯᒋᐊᕈᑎᓕᕆᔪᒥᑦ ᐅᖄᓚᐅᑎᑖᖅᑐᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᒪᑐᐃᕐᓯᓯᒪᓕᖅᑐᑦ ᐃᓄᑦᑎᑑᖅᑐᒥᑦ ᐊᒻᒪ ᖃᓪᓗᓈᑎᑐᑦ ᑐᑭᓯᒋᐊᕈᑎᓕᕆᓂᕐᒥᑦ ᐅᖄᓚᐅᒻᒥᑦ ᐃᑲᔪᖅᑕᐅᔪᒪᔪᓄᑦ ᓄᓇᓕᕐᒥᐅᑕᓄᑦ ᐊᒻᒪ ᑭᐅᔪᓐᓇᖅᑐᓂᑦ ᐊᐱᖅᑯᑎᓂᑦ ᓄᓇᓕᐸᐅᔭᐃᑦ ᐱᔨᑦᓯᕋᐅᑎᖏᓐᓂᑦ ᐊᑦᑐᖅᑕᐅᓯᒪᔪᓂᑦ ᑰᕕᑦ-19−ᒧᑦ.
ᐅᖄᓚᕕᑦᓴᖅ 867-979-5603 ᐅᑯᓇᓂ ᐃᑲᕐᕋᓂ: ᓇᒡᒋᔾᔭᐅᓕᖅᑭᕐᓂ 9:30-ᒥᑦ 12-ᒧᑦ ᐅᓪᓗᒃᑯᑦ, ᑎᓴᒻᒥᕐᓂ 9:30-ᒥᑦ 12-ᒧᑦ ᐅᓪᓗᒃᑯᑦ, ᐊᒻᒪ ᑕᓪᓕᒥᕐᓂ 1-ᒥᑦ 5-ᒧᑦ ᐅᓐᓄᓴᒃᑯᑦ.
ᐊᒻᒪᑦᑕᐅᖅ, ᐃᕐᖐᓇᖅᑕᐅᑎᒃᑯᑦ ᑎᑎᕋᐅᑎᒋᔪᓐᓇᖅᑕᑎᑦ ᐊᐱᖅᑯᑎᑎᑦ ᐊᐃᓂᐊᖅ ᖁᐊᒐᕐᒧᑦ, ᓄᓇᓕᓐᓂ ᑐᓴᐅᒪᐅᑎᓕᕆᓂᕐᒥᑦ ᑭᓪᓕᓯᓂᐊᖅᑎ ᐅᕗᖓ A.Korgak@iqaluit.ca.
ᓄᓇᓕᐸᐅᔭᐃᑦ ᐱᔨᑦᓯᕋᐅᑎᖏᑦ
ᐃᓘᓐᓇᑎᒃ ᓄᓇᓕᐸᐅᔭᐃᑦ ᐊᓪᓚᕝᕕᖏᑦ ᒪᑐᐃᓯᒪᔪᑦ ᑭᒃᑯᑐᐃᓐᓇᕐᓄᑦ ᐊᓯᐊᒍᑦ ᓇᓗᓇᐃᖅᑕᐅᓚᐅᖏᓐᓂᖏᓐᓂ.
ᐊᑑᑎᖃᖅᑐᑦ ᓄᓇᓕᓐᓂ ᐱᔨᑦᓯᕋᐅᑏᑦ ᐊᐅᓚᑕᐅᖏᓐᓇᓂᐊᖅᑐᑦ. ᐱᖃᓯᐅᔾᔭᐅᔪᑦ ᐃᒥᓕᕆᓂᖅ/ᑭᓈᓗᕆᓂᖅ, ᓴᓂᕐᓂᒃ ᐊᑐᕆᐊᑦ ᑭᓪᓕᖏᓐᓂ ᓄᐊᑦᑎᓂᖅ, ᓄᓇᓕᓐᓂ ᐊᑦᓯᕕᒃ, ᐊᑐᕆᐊᓕᕆᓂᖅ, ᓄᓇᓕᓐᓂᑦ ᒪᓕᒐᕋᓛᓕᕆᓂᖅ ᐊᒻᒪ ᖃᑦᑎᕆᓂᖅ ᐊᒻᒪ ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᐅᑏᑦ.
ᐃᒥᓕᕆᔪᒥᑦ ᑐᐊᕕᕐᓇᖅᑐᒥᑦ ᐅᖃᐅᓯᖃᕈᒪᒍᕕᑦ ᓲᕐᓗ ᓄᓇᓕᐸᐅᔭᒃᑯᑦ ᐃᒥᕐᒧᑦ ᓱᓪᓗᓕᖓᑕ ᐃᓚᖓ ᐊᒻᒪᔪᖃᓕᖅᐸᑦ ᐅᕝᕙᓘᓐᓃᑦ ᐃᒥᖃᐅᑎᓯ ᐳᓪᓚᖃᕈᓐᓃᖅᐸᑦ, ᕿᒻᒥᒥᒃ ᓴᒐᐃᓯᒪᒍᕕᑦ, ᐅᕝᕙᓘᓐᓃᑦ ᒪᓕᒐᕋᓛᓕᕆᔪᒥᑦ ᐃᓱᒫᓘᑎᖃᕈᕕᑦ, ᖃᐅᑕᒫᑦ ᒪᑐᐃᖓᔪᓄᑦ ᓄᓇᓕᐸᐅᔭᐃᑦ ᑭᐅᔨᖏᓐᓄᑦ ᑐᐊᕕᕐᓇᖅᑐᓂᑦ ᐅᖄᓚᒍᓐᓇᖅᑐᓯ ᐅᕗᖓ 979-5650.
ᓇᖕᒥᓂᖃᕐᓂᕐᒥᑦ ᓚᐃᓴᑖᕆᔭᐃᑦ ᑎᑎᖅᑲᓂᐊᕐᕕᒃᑯᑦ ᖃᐃᑕᐅᖁᒍᕕᐅᒃ, ᐃᕐᖐᓇᖅᑕᐅᑎᒃᑯᑦ ᑎᑎᕋᕐᕕᒋᒍᓐᓇᖅᑕᐃᑦ ᔭᕝ ᐴᕐᓐ ᐅᕗᖓ G.Byrne@iqaluit.ca.
ᐊᑭᓕᕐᓱᐃᓂᖅ
ᐊᑭᓕᕐᓱᐃᔪᓐᓇᖅᑐᑦ ᐅᖄᓚᐅᑎᒃᑯᑦ ᐅᕗᖓ 867-979-5606 ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᐅᕗᖓ accountsreceivable@iqaluit.ca. ᐊᑭᓕᐅᑎᓂᑦ ᐊᐅᓪᓚᑎᑦᑎᒍᓐᓇᕐᒥᔪᑦ ᑎᑎᖅᑲᓂᐊᕐᕕᒃᑯᑦ. ᐊᓪᓚᕝᕖᑦ ᒪᑐᓯᒪᓂᐊᕐᒪᑕ ᐱᔨᑦᓯᕋᖅᑕᐅᒍᒪᔪᓄᑦ ᒫᓐᓇᐅᓂᖓᓂ.
ᐊᐱᕆᔪᒪᔪᓄᑦ ᐊᑭᓕᕆᐊᓕᓐᓂᑦ, ᐅᑯᐊ ᖃᐅᔨᒋᐊᖁᔪᐃᑦ ᑮᓇᐅᔭᓕᕆᓂᕐᒥᑦ ᑲᒪᔨᐅᔪᑦ:
P.VanStrien@iqaluit.ca ᓱᓪᓗᓕᕆᓄᑦ ᐱᔨᑦᓯᕋᖅᑕᐅᔪᑦ; ᐊᒻᒪ for Utilities and T.Oram@iqaluit.ca ᐊᑭᓕᖅᑕᐅᒋᐊᓕᓐᓄᑦ, ᐊᑭᓕᕐᓱᕆᐊᓕᓐᓄᑦ, ᓄᓇᖁᑎᓄᑦ ᐊᑐᖅᑐᐊᕈᑎᓄᑦ ᐅᕝᕙᓘᓐᓃᑦ ᐱᖁᑎᓄᑦ ᑖᒃᓰᔭᐃᔭᐅᑎᓂᑦ.
ᒫᓐᓇᐅᓂᖓᓂ, ᓄᓇᓕᐸᐅᔭᒃᑯᑦ ᑮᓇᐅᔭᒃᑯᕕᒃᑯᑦ ᓴᖑᑎᑦᑎᔾᔪᑎᒃᑯᑦ ᐊᑭᓖᔪᓐᓇᖏᑲᐃᓐᓇᖅᑐᑦ ᐅᕝᕙᓘᓐᓃᑦ ᖃᕋᑕᐅᔭᒃᑯᑦ ᐊᐅᑦᑕᔫᓄᑦ ᐊᑭᓕᕐᓱᐃᔾᔪᑎᓂᑦ ᐊᑐᕈᓐᓇᖏᑲᐃᓐᓇᖅᑐᑦ ᒪᓕᒐᕋᓛᓕᕆᔨᒃᑯᓐᓂᑦ ᐊᑭᓖᖁᔨᔾᔪᑎᓂᑦ ᐱᓯᒪᔪᓂᑦ.
ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ
ᑐᐊᕕᕐᓇᖅᑐᒦᑦᑐᖃᖅᑎᓪᓗᒍ, ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ ᐃᑲᔪᕐᓱᐃᕙᑦᑐᑦ ᐊᖏᔪᖅᑳᖓᓐᓂᑦ ᐋᓐᓂᐊᓇᖕᖏᑦᑐᓕᕆᔨᒃᑯᑦ ᑭᒃᑯᑐᐃᓐᓇᕐᓄᑦ ᐃᓗᓯᓕᕆᔾᔪᑎᓂᑦ ᐊᑐᖅᑕᐅᖁᔨᑎᓪᓗᒋᑦ ᐃᓕᓐᓂᐊᑎᑦᑎᓂᒃᑯᑦ, ᒪᓕᑦᑎᑦᑎᓂᒃᑯᑦ ᑭᒃᑯᑐᐃᓐᓇᕐᓄᑦ ᐃᓗᓯᓕᕆᔾᔪᑎᓂᑦ ᐊᑐᖅᑕᐅᖁᔭᓂᑦ, ᒪᓕᒐᕐᓂᑦ ᓱᕋᐃᔪᓂᑦ ᐱᑎᑦᑎᕙᓪᓗᑎᒃ ᐊᑭᓖᖁᔨᔾᔪᑎᓂᑦ, ᐊᒻᒪ ᒪᑐᔭᐅᕙᓪᓗᑎᒃ ᐊᑑᑎᖃᖕᖏᑦᑐᑦ ᓇᖕᒥᓂᕆᔭᐅᔪᑦ ᐱᓕᕆᕝᕕᐅᔪᑦ.
ᒪᓕᒐᕋᓛᓕᕆᔨᐅᔪᑦ ᐱᔪᓐᓇᐅᑎᖃᖅᑎᑕᐅᓯᒪᔪᑦ ᑎᒍᓯᔪᓐᓇᓂᕐᒥᑦ ᒪᓕᖕᖏᑦᑐᓂᑦ ᓇᓗᓇᐃᔭᕐᓯᒪᔪᓂᑦ ᖃᓄᐃᓕᐅᕈᑎᓂᑦ. ᑕᒪᓐᓇ ᒪᓕᒍᑎᐅᒐᔭᖅᑐᖅ ᒪᓕᑦᑕᐅᓗᑎᒃ ᖃᓄᐃᑦᑑᓂᖏᑦ ᐱᕋᔭᒍᑎᐅᔪᑦ, ᐱᕋᔭᒍᑎᐅᔪᒥᑦ ᐊᑐᑐᐃᓐᓇᕈᑎᒃ ᐅᕝᕙᓘᓐᓃᑦ ᐊᓯᖏᓐᓂᑦ ᐱᔾᔪᑎᖃᕐᓗᑎᒃ ᐊᔾᔨᒋᖏᑕᖏᓐᓂᑦ ᒪᓕᒐᓕᓐᓂᑦ.
ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ ᖃᐅᔨᓴᖅᐸᓂᐊᖅᑐᑦ ᐃᓄᒋᐊᓂᑦ ᑲᑎᖕᖓᔪᓂᑦ ᐊᒻᒪ ᒪᑐᐊᕐᓯᒪᖕᖏᑦᑐᓂᑦ ᓄᓇᓕᓐᓂ ᐃᓄᒋᐊᕝᕕᓐᓂ, ᓇᖕᒥᓂᖃᕐᕕᓐᓂ, ᐊᒻᒪ ᑖᑦᓯᓂ ᐃᓄᑦᑕᐅᑎᓂᑦ ᐊᒻᒪ ᑲᒻᐸᓂᖁᑎᓄᑦ ᓄᓇᒃᑰᔫᕐᓂᑦ.
ᐅᖃᐅᓯᖃᕈᒪᔪᓄᑦ ᓱᕋᐃᔪᓂᑦ ᒪᓕᒐᕐᓂᑦ ᐅᕝᕙᓘᓐᓃᑦ ᐊᑲᐅᖏᓕᐅᕈᑎᓕᓐᓂᑦ ᐃᓄᒋᐊᓂᑦ ᑲᑎᖕᖓᔪᓂᑦ ᐊᖏᕐᕋᕆᔭᓂ, ᐅᖄᓚᖁᔭᐅᓯᒪᔪᑦ ᐸᓖᓯᒃᑯᓐᓄᑦ ᐅᕗᖓ 979-1111.
ᐅᑎᖅᑎᑦᑎᒍᒪᔪᑦ ᔭᒐᐃᓯᒪᔭᕐᒥᓂᒃ ᐆᒪᔪᖁᑎᓐᓂᒃ ᓄᓇᓕᓐᓂ ᒪᓕᒐᕋᓛᓕᕆᔨᒃᑯᓐᓂᑦ, ᓇᖕᒥᓂᖃᖅᑏᑦ ᐊᓯᒥᓂᒃ ᖃᓂᑦᓴᓗᐊᕆᐊᖃᖕᖏᑦᑐᑦ, ᓯᓚᒥ ᐅᑕᖅᑭᓗᑎᒃ ᐊᒻᒪ ᒪᑐᐊᕐᓯᒪᖁᔭᐅᔪᑦ ᐊᐃᑦᓯᓕᕈᑎᒃ ᐆᒪᔪᖁᑎᒥᓂᒃ. ᓇᖕᒥᓂᖃᖅᑏᑦ ᐱᑎᑕᐅᒐᔭᖅᑐᑦ ᓇᓗᓇᐃᔭᕐᓯᒪᔪᓂᑦ ᐊᑐᕆᐊᓕᓐᓂᑦ ᐊᐃᑦᓯᓕᕈᑎᒃ, ᐱᖃᓯᐅᔾᔭᐅᓗᓂ ᖃᖓᒃᑯᑦ ᐊᐃᑦᓯᕈᓐᓇᕐᒪᖔᑕ. ᖃᐅᔨᒋᐊᖁᔪᑦ ᐅᑯᐊ municipalenforcement@iqaluit.ca ᐅᕝᕙᓘᓐᓃᑦ ᐅᖄᓚᓗᓯ ᐅᕗᖓ 979-5650 ᐊᐱᖅᑯᑎᖃᕈᑦᓯ.
ᐱᖕᖑᐊᖅᑐᓕᕆᔨᒃᑯᑦ ᐱᓕᕆᕝᕕᖏᑦ
ᒪᒃᑯᑦᑐᒃᑯᕕᒃ, ᐃᓐᓇᐃᑦ ᖃᒻᒪᖓᑦ, ᐊᒻᒪ ᐃᓘᓐᓇᑦᑎᐊᑎᒃ ᓯᓚᒥ ᐱᖕᖑᐊᕐᕖᑦ, ᓄᓇᓕᓐᓂ ᒥᕐᖑᐃᓯᕐᕖᑦ, ᐊᒻᒪ ᐊᓐᓂᑭᑦᑐᕐᕖᑦ ᒪᑐᓯᒪᔪᑦ ᐊᓯᐊᒍᑦ ᓇᓗᓇᐃᖅᑕᐅᓚᐅᖏᓐᓂᖏᓐᓂ. ᖃᐅᔨᒋᐊᖁᔪᑦ Recreation@iqaluit.ca ᑐᑭᓯᒋᐊᒃᑲᓐᓂᕈᒪᔪᓄᑦ. ᐱᖕᖑᐊᖅᑐᓕᕆᔨᒃᑯᑦ ᐱᓇᓱᐊᕈᓯᑕᒫᑦ ᖃᐅᔨᒋᐊᖅᐸᓂᐊᖅᑐᑦ ᓂᐱᓕᐅᕐᓯᒪᔪᓂᑦ ᐅᖄᓚᓯᒪᔪᓄᑦ.
ᐳᐃᔾᔪᕋᕐᕕᖃᕐᕕᒃ
ᐃᖃᓗᓐᓂ ᐳᐃᔾᔪᕋᕐᕕᖃᕐᕕᒃ ᐊᒻᒪ ᐃᖃᐃᓕᓴᕐᕕᒃ ᒪᑐᓯᒪᔫᒃ ᐊᓯᐊᒍᑦ ᓇᓗᓇᐃᖅᑕᐅᓚᐅᖏᓐᓂᖏᓐᓂ.
ᐊᐱᖅᑯᑎᖃᕈᕕᑦ ᐱᔾᔪᑎᓕᓐᓂᑦ ᐊᕐᕌᒍᓕᒫᒧᑦ ᐊᒻᒪ ᑕᖅᑭᒧᑦ ᐃᓯᕈᑎᓂᑦ, ᐅᖄᓚᕕᐅᔪᓐᓇᖅᑐᑦ ᐱᔨᑦᓯᕋᖅᑏᑦ ᐅᕗᖓ 867-975-8544 ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᑎᑎᕋᕐᕕᒋᓗᒋᑦ ᐅᕗᖓ aquaticcentre@iqaluit.ca. ᐱᔨᑦᓯᕋᖅᑏᑦ ᐱᓇᓱᐊᕈᓯᑕᒫᑦ ᖃᐅᔨᒋᐊᖅᐸᓂᐊᖅᑐᑦ ᓂᐱᓕᐅᕐᓯᒪᔪᓂᑦ ᐅᖄᓚᓯᒪᔪᓄᑦ.
ᓄᓇᓕᐸᐅᔭᐃᑦ ᐃᖃᓗᐃᑦ ᓄᕙᕐᔪᐊᕐᓇᖅ-19 ᐱᓪᓗᒍ ᑐᓴᕋᑦᓴᓕᐅᓛᕐᒥᔪᑦ ᓇᒡᒋᔾᔭᐅᓕᖅᑭᕐᒥ, ᔪᓂ 1, 2021.
ᑐᑭᓯᒋᐊᕐᕕᑦᓴᖅ ᐱᑦᑕᐃᓕᒪᐅᑎᑦᓴᓂᑦ ᐱᓕᕆᔾᔪᑎᓂᑦ ᐅᕙᖕᖓᑦ:
https://www.gov.nu.ca/health/information/covid-19-novel-coronavirus
ᓄᓇᕗᑦ ᓄᕙᕐᔪᐊᕐᓇᖅ-19 ᐱᓪᓗᒍ ᑐᓴᕋᑦᓴᐃᑦ:
https://www.gov.nu.ca/health/information/covid-19-novel-coronavirus
ᑭᒃᑯᑐᐃᓐᓇᕐᓄᑦ ᐃᓗᓯᓕᕆᔾᔪᑎᐅᔪᑦ ᐱᓕᕆᔾᔪᑏᑦ ᐃᖃᓗᓐᓄᑦ ᑎᑭᑦᑐᒍ ᐃᐳᓗ 15, 2021:
https://www.gov.nu.ca/sites/default/files/public_health_measures_for_iqa...
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᓖᓴ ᒥᓗᓵᕝᔨᕕᒃ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓂᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
L.Milosavljevic@iqaluit.ca
867-979-5607
