ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᓄᕙᕐᔪᐊᕐᓇᖅ−19 ᐊᒻᒪ ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᕋᑦᓴᖏᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᓱᓕ ᐱᓕᕆᖃᑎᖃᐃᓐᓇᖅᑐᑦ ᒐᕙᒪᒃᑯᑦ ᓄᓇᕗᒻᒥ ᐋᓐᓂᐊᓇᖕᖏᑦᑐᓕᕆᔨᖏᓐᓂᑦ ᖃᐅᔨᓴᖅᐸᓪᓕᐊᓗᑎᒃ ᐊᒻᒪ ᐱᓕᕆᕙᑦᑐᑎᒃ ᐱᓕᕆᒋᐊᖃᓕᕋᐃᒐᒥᒃ ᓄᕙᕐᔪᐊᕐᓇᖅ−19 ᐊᑐᖅᑕᐅᔪᖅ ᐱᓪᓗᒍ. ᐱᖓᑦᓯᕐᒥ, ᑏᓰᐱᕆ 2, ᐱᑐᐃᓐᓇᐅᖏᔾᔪᑎᐅᔪᑦ ᐲᖅᑕᐅᓛᓕᖅᑐᑦ ᐋᖅᑭᑦᓯᒪᔭᖏᑦ ᐋᓐᓂᐊᓇᖕᖏᑦᑐᓕᕆᔨᒃᑯᑦ ᐱᓐᓇᔭᒍᑎᐅᕙᓪᓕᐊᓕᕐᓗᑎᒃ ᐃᖃᓗᓐᓂ.
ᐱᖕᖑᐊᖅᑐᓕᕆᔨᒃᑯᑦ ᐱᓕᕆᕝᕕᖏᑦ
ᐅᑭᐅᒃᑯᑦ ᐱᖕᖑᐊᕐᕕᐊᓗᒃ ᐊᒻᒪ ᑰᓕᕐᕕᒃ ᒪᑐᐃᒃᑲᓐᓂᓛᖅᑑᒃ ᐱᖓᑦᓯᕐᒥ, ᑏᓰᐱᕆ 2 ᖁᓛᓅᖅᐸᑦ ᐅᓪᓗᒃᑯᑦ, ᑖᑦᓱᒥᖓᑦᓴᐃᓐᓇᖅ ᐅᓪᓗᕐᓯᐅᑎᖃᕐᓗᑎᒃ ᐊᒻᒪ ᐱᓕᕆᔾᔪᑎᖃᕐᓗᑎᒃ ᐊᑐᓚᐅᖅᑕᒥᓂᒃ ᒪᑐᔭᐅᓚᐅᖅᑎᓐᓇᒋᑦ. ᐃᓘᓐᓇᑎᒃ ᐃᓂᒋᔭᐅᔪᑦ ᐃᓯᕈᓐᓇᖅᑐᑦ ᐊᕝᕙᖏᓐᓂᑦ ᑭᓯᐊᓂ (50%) ᐅᕝᕙᓘᓐᓃᑦ 50−ᖑᓗᑎᒃ ᐃᓯᕈᓐᓇᖅᑐᑦ, ᓇᓪᓕᐊ ᐊᑐᖅᑕᐅᓗᓂ ᐊᒥᓲᖏᓂᕐᓴᐅᔪᓐᓇᕈᑎᐅᔪᖅ. ᖃᑦᓯᐅᔪᓐᓇᕐᓂᖏᓐᓂᑦ ᐃᓯᕈᓐᓇᖅᑐᑦ ᓇᓗᓇᐃᖅᑕᐅᓯᒪᓂᐊᖅᑐᑦ ᐊᒻᒪ ᐊᐅᓚᑕᐅᓗᑎᒃ ᑕᐱᕇᖑᔪᑦ ᐱᐅᓯᖏᑎᒍᑦ.
ᒪᒃᑯᑦᑐᒃᑯᕕᒃ ᒪᑐᐃᒃᑲᓐᓂᓛᖅᑐᖅ ᐅᓐᓄᖓᓂ ᐱᖓᑦᓯᕐᒥ, ᑏᓰᐱᕆ 2 ᒪᓕᑦᑕᐅᓗᑎᒃ ᐃᑲᕐᕋᖏᑦ ᐋᖅᑭᑦᑕᐅᓯᒪᓚᐅᖅᑐᑦ ᐃᓯᕈᓐᓇᕐᓗᑎᒃ ᐊᒥᓲᓛᖏᑦ 35−ᖑᓗᑎᒃ.
ᐃᓐᓇᐃᑦ ᖃᒻᒪᖓᑦ ᒪᑐᐃᒃᑲᓐᓂᓛᖅᑐᖅ ᓇᒡᒋᔾᔭᐅᒥ, ᑏᓰᐱᕆ 7, ᑖᒃᑯᓂᖓᑦᓴᐃᓐᓇᖅ ᐃᑲᕐᕋᖃᕐᓄᑎᒃ 1−ᒥᑦ 4−ᒧᑦ ᐅᓐᓄᓴᒃᑯᑦ.
ᐱᓕᕆᕝᕕᓐᓂᑦ ᐊᑐᖅᑐᐊᕈᒪᔪᑦ ᐊᒻᒪ ᐊᓯᖏᓐᓂᑦ ᑐᑭᓯᒋᐊᕈᒪᔪᑦ ᐅᖄᓚᖁᔪᖅ 979−5611 ᐅᕝᕙᓘᓐᓃᑦ ᐅᕗᖓ recreation@iqaluit.ca.
ᕿᑲᕐᓇᐅᓂᖓ ᖃᓄᐃᓕᐅᕈᑎᑦᓴᐃᑦ ᑐᑭᓯᒋᐊᕈᑎᖃᓛᕐᒥᔪᑦ.
ᐳᐃᔾᔪᕋᕐᕕᖃᕐᕕᒃ
ᐃᖃᓗᓐᓂ ᐃᖃᐃᓕᓴᕐᕕᒃ ᒪᑐᐃᒃᑲᓐᓂᓛᖅᑐᖅ ᑎᓴᒻᒥᕐᒥ, ᑏᓰᐱᕆ 3. ᐳᐃᔾᔪᕋᕐᕕᒃ ᒪᑐᐃᒃᑲᓐᓂᕐᓗᓂ ᐅᓪᓛᖓᓂ ᑕᓪᓕᒥᖅ, ᑏᓰᐱᕆ 4.
ᐊᐱᖅᑯᑎᖃᕐᓂᕈᕕᑦ ᐊᕐᕌᒍᓕᒫᒧᑦ ᐊᒻᒪ ᑕᖅᑭᓕᒫᒧᑦ ᐃᓯᕈᑎᓂᑦ, ᐅᖄᓚᕕᑦᓴᐃᑦ ᐱᔨᑦᓯᕋᖅᑏᑦ 867−915−8544 ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑰᕐᓗᑎᒃ ᐅᕗᖓ aquaticcentre@iqaluit.ca.
ᐱᓕᕆᐊᑦᓴᐃᑦ ᓇᓗᓇᐃᔭᐃᑎᖏᑦ ᐊᒻᒪ ᑐᑭᓯᒋᐊᕈᑎᖏᑦ ᐱᖃᑕᐅᕙᑦᑐᓄᑦ ᐃᒪᐃᓕᖓᔪᑦ:
ᐃᖃᐃᓕᓴᕐᕕᒃ
- ᐅᐸᑐᐃᓐᓇᖅᑐᑦ ᐊᑎᓕᐅᕐᓯᒪᖕᖏᑦᑐᑦ (25−ᖑᔪᓐᓇᖅᑐᑦ) ᐱᒋᐊᓛᖅᑐᑦ ᑎᓴᒻᒥᕐᒥ, ᑏᓰᐱᕆ 3
- ᑲᑎᖕᖓᕙᑦᑐᑦ (9 ᐱᖃᑕᐅᔪᑦ ᐊᒻᒪ ᐊᑕᐅᓯᖅ ᐃᓕᓴᐃᔨᖓᑦ) ᐱᒋᐊᓛᖅᑐᑦ ᓇᒡᒋᔾᔭᐅᒥ, ᑏᓰᐱᕆ 7
ᐳᐃᔾᔪᕋᕐᕕᒃ
- ᑐᑭᓕᐊᖓᔪᓂ ᐳᐃᔾᔪᕋᕐᓂᖅ (10 ᐱᖃᑕᐅᔪᑦ) ᐱᒋᐊᓛᖅᑐᑦ ᑕᓪᓕᒥᕐᒥ, ᑏᓰᐱᕆ 4
- ᐆᓇᖅᑐᒥᒃ ᐃᒪᓕᒃ ᐅᕕᓂᓐᓂᐊᕐᕕᒃ (4 ᐱᖃᑎᒌᒍᓐᓇᖅᑐᑦ) ᐱᒋᐊᓛᖅᑐᑦ ᑕᓪᓕᒥᕐᒥ, ᑏᓰᐱᕆ 4 ᐃᓯᖅᑎᑕᐅᕙᓪᓗᑎᒃ ᐅᐸᖅᑳᑐᐃᓐᓇᖅᑐᑦ ᐊᑐᖅᑕᐅᔪᓐᓇᖅᑐᓂ ᑕᐃᒃᑯᓄᖓ ᐳᐃᔾᔪᕋᕆᐊᕐᓯᒪᔪᓄᑦ ᐅᕝᕙᓘᓐᓃᑦ ᐱᖕᖑᐊᕆᐊᖅᑐᕐᓯᒪᔪᓄᑦ
- ᐊᐅᒃᑲᓐᓂᖓᓇᖅᑐᖅ ᒪᑐᓯᒪᐃᓐᓇᓂᐊᖅᑐᖅ ᐳᐃᔾᔪᕋᑐᓂᑦ ᐃᓅᓕᓴᐃᓂᕐᒥᑦ ᓱᓴᐃᔭᑎ ᐊᑐᐊᒐᖏᑦ ᒪᓕᑦᑐᒋᑦ
ᓯᑎᒃᑯᑦ ᐱᔨᑦᓯᕋᖅᑎᖏᑦ
ᐃᓘᓐᓇᑎᒃ ᓯᑎᒃᑯᑦ ᐱᓕᕆᕝᕕᖏᑦ ᐊᒻᒪ ᐃᖅᑲᓇᐃᔭᕐᕕᖏᑦ ᒪᑐᐃᒃᑲᓐᓂᓛᖅᑐᑦ ᐃᖅᑲᓇᐃᔭᖅᑎᓄᑦ ᐊᒻᒪ ᑭᒃᑯᑐᐃᓐᓇᕐᓄᑦ ᑎᓴᕐᒥᕐᒥ, ᐱᖓᑦᓯᖅ 2, 2020.
ᓯᑎᒃᑯᑦ ᐊᓪᓚᕝᕕᖓᓄᑦ ᐊᑭᓖᒋᐊᑐᒍᓐᓇᓛᓕᕐᒥᔪᓯ ᐱᒋᐊᕐᓗᑎᒃ ᑎᓴᕐᒥᕐᒥ, ᐱᖓᑦᓯᖅ 2, 2020. ᖃᕋᑕᐅᔭᒃᑯᑦ ᐅᕝᕙᓘᓐᓃᑦ ᐅᖄᓚᐅᑎᒃᑯᑦ ᐊᑭᓖᖏᓐᓇᖁᔭᐅᒐᓗᐊᖅᑐᓯ. ᐅᖄᓚᐅᑎᒃᑯᑦ ᖃᕋᑕᐅᔭᒃᑯᓘᓐᓃᑦ ᐊᑭᓖᒍᒪᒍᕕᑦ ᐅᕗᖕᖓᕆᐊᓕᒃ ᓯᑎᒃᑯᑦ ᑮᓇᐅᔭᓕᕆᔨᖏᓐᓂᑦ ᖃᐅᔨᒋᐊᕐᓗᑎᑦ accountsreceivable@Iqaluit.ca, 979−5609, ᐅᕝᕙᓘᓐᓃᑦ P.VanStrien@iqaluit.ca, 979−5665 ᐱᔨᑦᓯᕋᐅᑎᓄᑦ ᐊᑭᓖᒍᒪᒍᕕᑦ.
ᓇᖕᒥᓂᖃᐅᑎᒥᑦ ᓚᐃᓴᐃᑦ ᑎᑎᖅᑲᓂᐊᕐᕕᒃᑰᖁᒍᕕᐅᒃ, ᑎᑎᕋᕐᕕᒋᒍᓐᓇᖅᑕᐃᑦ ᔭᕝ ᐴᕐᓐ ᐅᕗᖓ G.Byrne@iqaluit.ca.
ᑐᑭᓯᒋᐊᕐᕕᑦᓴᖅ ᐱᑦᑕᐃᓕᒪᔾᔪᑎᓕᕆᔪᓂᑦ ᐅᕗᖕᖓᕐᓗᓂ:
https://www.gov.nu.ca/health/information/covid-19-novel-coronavirus
ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
L.Milosavljevic@iqaluit.ca
867-979-5607
