ᓄᓇᓕᕐᒥᐅᑕᐃᑦ ᓴᓂᖏᓐᓂᒃ ᐊᖏᔫᑎᓂᒃ ᓄᐊᑦᓯᓂᕐᒥᒃ ᐱᓕᕆᐊᑦᓴᖅ

ᐃᓄᖕᓄᑦ ᑐᓴᕋᑦᓴᖅ

ᓄᓇᓕᕐᒥᐅᑕᐃᑦ ᓴᓂᖏᓐᓂᒃ ᐊᖏᔫᑎᓂᒃ ᓄᐊᑦᓯᓂᕐᒥᒃ ᐱᓕᕆᐊᑦᓴᖅ

ᔪᓂ 11, 2025 – ᐃᖃᓗᐃᑦ, ᓄᓇᕗᑦ

 

ᓄᓇᓕᐸᐅᔭᒃᑯᑦ ᐃᖃᓗᐃᑦ ᖁᕕᐊᒋᑦᓯᐊᖅᑐᒍ ᐅᖃᐅᓯᖃᕈᒪᓕᕆᕗᑦ ᐅᑎᕐᓂᖓᓄᑦ ᐊᕐᕌᒍᑕᒫᕐᓯᐅᑎᐅᑉ ᓄᓇᓕᕐᒥᐅᑕᐃᑦ ᓴᓂᖏᓐᓂᒃ ᐊᖏᔫᑎᓂᒃ ᓄᐊᑦᓯᓂᕐᒥᒃ ᐱᓕᕆᐊᑦᓴᖁᑎᖓᑕ. ᔪᓂ 16-ᒥᒃ 20-ᒧᑦ, 2025, ᓄᓇᓕᕐᒥᐅᑕᐃᑦ ᐊᑲᐅᓈᕈᑎᖃᕈᓐᓇᓛᓕᕐᒥᔪᑦ ᐃᒋᑦᑎᒍᓐᓇᖅᑎᑕᐅᓗᑎᒃ ᐊᖏᔫᑎᓂᒃ ᓴᓂᕐᓂᒃ ᐊᖏᕐᕋᖏᓐᓂ ᓱᓇᒃᑯᑖᒥᓂᕐᓂᒃ ᐊᑭᓖᖏᓪᓗᑎᒃ.

ᐃᒋᑕᐅᒍᓐᓇᓛᖅᑐᑦ ᓴᓃᑦ:

• ᒪᕐᕉᓐᓂᒃ (2) ᓱᓇᒃᑯᑖᒥᓃᓐᓂᒃ ᓲᕐᓗ ᐊᓐᓄᕌᓂᒃ ᐅᐊᓴᕐᕕᒥᓂᕐᒥᒃ, ᐊᓐᓄᕌᓂᒃ ᐸᓃᕐᓯᕕᒥᓂᕐᒥᒃ, ᖁᐊᒃᑯᕕᒥᓂᕐᒥᒃ, ᖁᐊᖃᐅᑎᒥᓂᕐᒥᒃ, ᐅᕝᕙᓘᓐᓃᑦ ᐃᒐᒥᓂᕐᒥᒃ,
• ᐱᖓᓱᓂᒃ ᐊᖏᔫᑎᓂᒃ ᐃᓪᓗᒥᐅᑕᒥᓂᕐᓂᒃ (ᐅᖓᑖᓃᒍᑎᒃ ᐅᖁᒪᐃᓐᓂᖏᑦ 50 ᐸᓐᔅ ᐊᒻᒪ ᐊᖏᓗᐊᕈᑎᒃ ᓴᓂᕐᓄᑦ ᐴᑦᓴᓅᖅᑕᐅᓇᓱᒃᑲᓗᐊᕈᑎᒃ), ᐱᖃᓯᐅᔾᔭᐅᓗᑎᒃ:
  • ᓱᓇᒃᑯᑖᒥᓃᑦ ᒪᑯᐊ (ᓲᕐᓗ ᐃᑦᓯᕙᐅᑕᑯᑖᒥᓃᑦ, ᐃᑦᓯᕙᐅᑕᒥᓃᑦ, ᓂᕐᕆᕕᒥᓃᑦ, ᐊᓪᓕᓂᒥᓃᑦ)
  • ᓇᑎᒥᓃᑦ (ᓲᕐᓗ ᒥᖅᑯᓖᑦ, ᐊᓪᓚᕋᐃᑦ ᒥᖅᑯᓕᓐᓄᑦ, ᓇᑎᑦᓴᑦ) ᑲᑎᑕᐅᓯᒪᓗᑎᒃ ᐊᑕᐅᑦᓯᒧᑦ ᐊᖏᓂᖃᕐᓗᑎᒃ 1.7 ᒦᑕᐃᑦ ᐊᒻᒪ 1 ᒦᑕ (5 ᐃᓯᒐᖑᐊᑦ ᐊᒻᒪ 3 ᐃᓯᒐᖑᐊᑦ) - ᐊᑕᐅᓯᖅ ᐃᒧᓯᒪᔪᖅ ᐊᑕᐅᓯᖅ ᓴᓂᖅ
  • ᓱᓪᓗᓕᓕᒥᓃᑦ (ᓲᕐᓗ ᖁᕝᕕᒥᓃᑦ)
  • ᐃᒐᓛᒥᓃᑦ ᐊᒻᒪ ᑕᕐᕋᖅᑐᑎᒥᓃᑦ

ᓇᒦᑎᑕᐅᒋᐊᖃᕐᓂᖏᓐᓄᑦ ᐊᑐᐊᒐᐃᑦ:

ᓈᒻᒪᒋᔭᐅᔪᑦ ᓴᓂᑎᑦ ᐃᒋᑕᐅᒍᓐᓇᖅᑐᑦ ᓯᓚᑖᓃᑎᒋᐊᓕᑦᑎᑦ ᓴᓂᒃᑯᕕᓯ ᓴᓂᕐᓂᒃ ᐃᓕᑦᓯ ᐊᕙᑎᖏᓐᓂᒃ ᓄᐊᑦᓯᓐᓇᐅᓕᖅᐸᑦ ᓴᓂᕐᓂᒃ ᐱᓇᓱᐊᕈᓯᖓᓂ ᔪᓂ 16:

 

• ᓱᓇᒃᑯᑖᒥᓃᑦ ᓴᓃᑦ ᖃᐅᑕᒫᖅ ᓴᓂᕆᕙᑦᑕᓐᓄᑦ ᑲᑎᒪᑎᑕᐅᒋᐊᖃᖏᑦᑐᑦ, ᓴᓂᐊᓃᑎᑐᐃᓐᓇᕐᓗᒋᑦ ᓴᓂᒃᑯᕕᑦᓯ
• ᓴᓃᑦ ᑲᑎᕐᓱᕐᓯᒪᑦᓯᐊᕐᓯᒪᒋᐊᓕᐅᔪᑦ, ᖁᓕᕇᑎᑕᐅᖏᓪᓗᑎᒃ
• ᐃᒋᑕᐅᒋᐊᖃᖏᑦᑐᑦ ᓱᓇᑐᐃᓐᓇᐃᑦ ᐃᒋᑕᐅᒋᐊᓖᑦ ᓴᓂᐊᓃᒋᐊᖃᖏᑦᑐᑦ (ᓲᕐᓗ ᑐᒃᑲᕆᐊᓖᑦ/ᐸᐃᓯᑯᐃᑦ, ᐱᖕᖑᐊᑦ) ᓴᓂᕐᓂᒃ ᓄᐊᑦᓯᔪᓄᑦ ᑎᒍᔭᐅᓂᐊᖏᒻᒪᑕ ᓴᓂᐅᓱᕆᔭᐅᓗᑎᒃ

 

ᐅᓇ ᐱᓕᕆᐊᑦᓴᖅ ᐊᑐᖅᑕᐅᓂᐊᖅᑐᖅ ᑭᓯᐊᓂ ᓇᔪᒐᓕᓐᓄᑦ. ᑮᓇᐅᔭᓕᐅᖅᑎᐅᔪᑦ ᐱᖃᓯᐅᔾᔭᐅᓗᑎᒃ ᐃᓄᒋᐊᕝᕕᒻᒦᑦᑐᑦ ᕿᑎᐊᓂ, ᑰᓕᐊᕆᐊᒦᑦᑐᑦ, ᐊᒻᒪ ᖃᖅᑲᓕᐊᕆᐊᖅ ᐊᑐᕆᐊᕐᒦᑦᑐᑦ ᐱᖃᑕᐅᖏᑦᑐᑦ ᐊᖏᔫᑎᓂᒃ ᓴᓂᕐᓂᒃ ᓄᐊᑦᓯᓂᖅ ᐱᓕᕆᐊᑦᓴᒧᑦ.

 

ᓇᔪᒐᓕᓐᓂᒃ ᓴᓂᕐᓂᒃ ᓄᐊᑦᓯᓂᕐᒧᑦ ᐅᓪᓗᕐᓯᐅᑦ

• ᓇᒡᒋᔾᔭᐅᒥ: ᓄᓇᓕᐅᕐ ᕿᑎᐊᓂᕐᒥᐅᑕᐃᑦ; ᐊᑦᓯᓂᕐᓴᒥ ᐃᖃᓗᐃᑦ (ᓄᓇᖕᖑᐊᕐᒥ ᖁᖅᓱᖅᑐᖅ ᐊᒥᐊᖓ)
• ᓇᒡᒋᔾᔭᐅᓕᖅᑭᕐᒥ: ᓂᐊᖁᖕᖒᑎᑦ; ᓄᓇᓕᐅᕐ ᕿᑎᐊᓂᕐᒥᐅᑕᐃᑦ; ᑕᓐᑐᕋ ᕚᓕ (ᓂᐊᖁᖕᖒᓯᐊᕆᐊᖅ ᐊᑦᓯᓂᕐᓴᖅ) (ᓄᓇᖕᖑᐊᕐᒥ ᑐᖑᔪᖅᑐᖅ ᐊᒥᐊᖓ)
• ᐱᖓᑦᓯᕐᒥ: ᕼᐋᐱ ᕚᓕ, ᐃᒥᖅᑕᕐᕕᒥᓂᖅ; ᑕᓯᓗᓕᐊᕆᐊᒥᐅᑕᐃᑦ (ᓄᓇᖕᖑᐊᕐᒥ ᐅᐊᕐᕆᓐᔾ ᐊᒥᐊᖓ)
• ᑎᓴᒻᒥᕐᒥ: ᑕᓐᑐᕋ ᕆᔾ (ᓂᐊᖁᖕᖒᓯᐊᕆᐊᖅ ᖁᑦᓯᓂᕐᓴᖅ) (ᓄᓇᖕᖑᐊᕐᒥ ᐃᑦᑎᖕᖑᐊᖅ ᐊᒥᐊᖓ)
• ᑕᓪᓕᒥᕐᒥ: ᐱᓱᕐᕋᕐᒥᐅᑕᐃᑦ (ᓄᓇᖕᖑᐊᕐᒥ ᑐᖑᔪᐊᖓᔪᖅ ᐊᒥᐊᖓ)

 

##

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:

 

ᐳᕆᐊᓇ ᓴᐃᒪᐃᔪᖅ-ᐸᐃᓐᔅ

ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ

ᓄᓇᓕᐸᐅᔭᐃᑦ ᐃᖃᓗᐃᑦ

867-979-5630 | b.shaimaiyuk-baines@iqaluit.ca