ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᕐᒥᐅᑕᐃᑦ ᐃᑲᔪᕐᓱᐃᔾᔪᑎᒋᓚᐅᖅᑕᖏᑦ ᑕᐃᒃᑯᓂᖓ 1088 ᐃᓪᓗᒥ ᓇᔪᒐᖃᓚᐅᖅᑐᓂᒃ ᐃᑯᐊᓪᓚᒍᑎᐅᓚᐅᖅᑐᓂᒃ - ᑐᓂᕐᕈᑏᑦ ᐱᓪᓗᒋᑦ ᑐᓴᕋᑦᓴᑦ
ᕕᕝᕗᐊᕆ 13, 2025 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᓇᓗᓇᐃᕐᓯᒍᒪᕗᑦ ᖁᔭᓕᓂᕆᓚᐅᖅᑕᖏᓐᓂᒃ ᑲᑐᔾᔨᖃᑎᒌᓂᒃ, ᓇᖕᒥᓂᖃᖅᑎᐅᔪᓂᒃ, ᐊᒻᒪ ᑭᒃᑯᑐᐃᓐᓇᑦᓯᐊᓂᒃ ᐃᑲᔪᕐᓱᐃᔪᒻᒪᕆᐅᕙᓚᐅᖅᑐᓂᒃ ᑕᐃᒃᑯᓂᖓ ᐃᓂᖃᕈᓐᓃᓚᐅᖅᑐᓂᒃ ᓇᔪᒐᖓᑦ ᐃᑭᑦᑐᐊᓘᒻᒪᑦ ᐃᓪᓗ 1088 ᓅᐳᓪ ᐃᓪᓗ. ᖁᔭᓐᓇᒦᒃ ᑐᖕᖓᓱᐊᑦᑎᑦᓯᕙᓐᓂᓯ ᐱᓪᓗᒍ, ᓄᐊᑦᓯᓯᒪᓕᖅᑐᒍᑦ ᑲᑎᑦᑐᒋᑦ ᐃᒪᓐᓇᓂᒃ $32,825.00 ᐃᑲᔫᑎᑦᓴᓂᒃ ᑕᐃᒃᑯᓂᖓ ᐊᑦᑐᖅᑕᐅᓚᐅᖅᑐᓂᒃ ᓄᓇᓕᕐᒥᐅᑕᓂᒃ.
ᖁᔭᓐᓇᒦᕕᔾᔪᐊᕐᒥᔭᕗᑦ ᐅᑯᐊ ᑐᓂᕐᕈᑎᓕᒻᒪᕆᐅᓚᐅᖅᑐᑦ ᑮᓇᐅᔭᑎᒍᑦ:
• ᕈᐊᐃᐅᓪ ᑮᓇᐅᔭᒃᑯᕕᖓᑦ ᑲᓇᑕᐅᑉ (Royal Bank of Canada)
• ᓄᓇᕗᑦ ᐃᖅᑲᓇᐃᔭᖅᑎᓄᑦ ᔫᓐᓂᐊᓐᑯᑦ (Nunavut Employees Union)
• ᐅᖄᓚᐅᓯᕆᔨᒃᑯᑦ ᓄᐊᕐᖦᐅᐊᔅᑎᐅᓪ (Northwestel)
• ᐱᖓᓐᓇᒥ ᐱᖁᑎᓕᕆᔨᒃᑯᑦ (True North Properties Group)
• ᑮᓰᐃᐊᒻ ᓴᓇᔨᒃᑯᑦ (KCM Maintenance)
• ᑭᒃᑯᑐᐃᓐᓇᑦᓯᐊᓐᓄ ᑐᓂᓯᕙᓚᐅᖅᑐᑦ ᑭᓇᐅᓂᕐᒥᓂᒃ ᓇᓗᓇᐃᕐᓯᒐᑎᒃ
ᖃᐅᔨᒪᓂᐅᔪᖅ ᑮᓇᐅᔭᐅᖏᑐᒃᑯᑦ ᐃᑲᔪᕐᓱᐃᕙᑦᑐᓂᒃ
ᐊᓯᐊᒍᑦ ᑮᓇᐅᔭᒃᑯᑦ ᐃᑲᔫᑎᐅᔪᓂᒃ, ᖃᐅᔨᒪᒻᒥᔪᒍᑦ ᐊᒻᒪ ᖁᔭᒋᓪᓗᒋᑦ ᐊᒥᓱᐊᓗᐃᑦ ᑭᒃᑯᑐᐃᓐᓇᑦᓯᐊᑦ, ᓇᖕᒥᓂᖃᖅᑎᐅᔪᑦ ᑮᓇᐅᔭᓕᐅᕐᕕᒥᓂᒃ, ᐊᒻᒪ ᓄᓇᓕᓐᓂ ᑲᑐᔾᔨᖃᑎᒌᖑᔪᑦ ᐃᑲᔪᖅᐸᓚᐅᖅᑐᓂᒃ ᓂᕿᒃᑯᑦ, ᐊᓐᓄᕌᒃᑯᑦ, ᐃᓪᓗᒥᐅᑕᕈᓘᔭᕐᓂᒃ, ᑐᔪᕐᒥᕕᐅᑲᐃᓐᓇᖅᑐᑎᒃ, ᐊᒻᒪ ᐃᓱᒪᓕᕆᔪᓂᒃ ᐃᑲᔪᖅᐸᓚᐅᖅᑐᓂᒃ ᐱᔭᕆᐊᑐᔪᒻᒪᕆᒃᑰᕐᓂᖏᓐᓂ. ᒥᓐᓂᖏᑦᓯᐊᖅᑐᓯ ᑐᓂᓯᕙᓚᐅᕐᓂᓯ ᐊᒻᒪ ᐃᑉᐱᒍᓲᑎᖃᑦᓯᐊᕐᓂᕆᓚᐅᖅᑕᓯ ᑐᑭᖃᑦᓯᐊᑐᒃᑯᑦ ᐱᕙᓪᓕᐅᑎᒍᑎᐅᓚᐅᖅᑐᑦ ᐃᓅᓯᖏᒍᑦ ᑕᐃᒃᑯᐊ ᐊᑦᑐᖅᑕᐅᓚᐅᖅᑐᑦ, ᑕᑯᑦᓴᐅᑎᑦᓯᓪᓗᓯ ᓴᖕᖏᓂᕆᔭᖓᓂᒃ ᐊᒻᒪ ᓇᓪᓕᒍᓱᓐᓂᕆᔭᖏᓐᓂᒃ ᓄᓇᓕᕐᒥᐅᑕᖁᑎᑦᑕ.
ᓯᒃᑭᓂᒃ ᐊᐃᑦᓯᕐᕕᐅᔪᓐᓇᖅᑐᑦ
ᓄᓇᓕᕐᒥᐅᑕᐃᑦ ᓇᓗᓇᐃᖅᑕᐅᓯᒪᔪᑦ ᒪᓕᒐᑎᒍᑦ ᐊᐅᓚᑦᓯᔨᐅᓂᖏᓐᓄᑦ ᐃᓪᓗᒥᓂᒃ ᐱᔭᕇᖅᐸᓪᓕᐊᑎᓪᓗᒋᑦ ᐱᑎᑕᐅᔾᔪᑎᖏᓐᓂᒃ ᑎᑎᖅᑲᑎᒍᑦ ᓇᓗᓇᐃᔭᐃᑎᓂᒃ ᐅᑯᓄᖓ ᑲᓇᐃᑎᐊᓐ ᐊᐅᑉᐸᖅᑐᒥᒃ ᑲᓚᐃᖑᐊᓗᓐᓄᑦ (Canadian Red Cross) ᐊᐃᑦᓯᕈᓐᓇᖅᑐᑦ ᓯᒃᑭᒥᓂᒃ ᓄᓇᓕᐸᐅᔭᒃᑯᑦ ᐊᓪᓚᕝᕕᖏᓐᓂᒃ, ᐅᕗᖓ, B-Side, ᐱᒋᐊᕐᓗᑎᒃ ᐅᓪᓗᒥ, ᑎᓴᒻᒥᖅ, ᕕᕝᕗᐊᕆ 13. ᐊᑏ ᐊᑐᕈᓐᓇᓯᐊᖅᑐᒥᒃ ᒫᓐᓇᐅᔪᖅ ᓇᑦᓴᐸᓪᓗᓯ ᓇᓗᓇᐃᔭᐃᑎᓂᒃ ᐃᓕᓐᓅᖓᔪᓂᒃ.
ᑭᖑᓪᓕᖅᐹᕐᓯᐅᑎ ᓇᓗᓇᐃᔭᐃᑎᓂᑦ ᐱᓪᓗᒋᑦ ᑐᓂᕐᕈᑎᐅᕙᑦᑐᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᐱᑎᑕᐅᒋᐊᑐᒍᓐᓃᖅᑐᑦ ᑐᓂᕐᕈᑎᑦᓴᓂᒃ ᑐᕌᖓᔪᓂᒃ ᐃᓂᖃᕈᓐᓃᓚᐅᖅᑐᓄᑦ ᐃᓚᒌᓄᑦ. ᖁᔭᓕᓯᒪᕐᔪᐊᖅᑐᒍᑦ ᓄᓇᓕᕐᒥᐅᑕᐃᑦ ᐃᑲᔪᕐᓱᐃᔾᔪᑎᒋᕙᓚᐅᖅᑕᖏᓐᓂᒃ ᐊᒥᓱᐊᓘᓚᐅᕐᒪᑕ ᐊᒻᒪ ᖁᔭᓐᓇᒦᖅᑐᒋᑦ ᐃᓘᓐᓇᑦᓯᐊᑎᒃ ᐃᑲᔪᓚᐅᖅᑐᑦ ᖃᓄᑐᐃᓐᓇᑦᓯᐊᖅ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
