ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᑭᒃᑯᑐᐃᓐᓇᕐᓗᑦ ᑐᓴᕋᑦᓴᑦ
ᓄᓇᓕᓐᓂᑦ ᓴᓗᒻᒪᕐᓴᐃᓂᐅᓛᖅᑐᖅ ᔪᓂ 19
ᔪᓂ 12, 2020 – ᐃᖃᓗᐃᑦ, ᓄᓇᕗᑦ
ᓯᑎᒃᑯᑦ ᖁᕕᐊᒋᓪᓗᒍ ᐅᖃᐅᓯᖃᕈᒪᓕᕆᕗᑦ ᐊᕐᕌᒍᑕᒫᕐᓯᐅᑎ ᓄᓇᓕᓐᓂᑦ ᓴᓗᒻᒪᕐᓴᐃᓂᐅᔪᖅ ᐊᑐᖅᑕᐅᓛᓕᕐᒥᒻᒪᑦ ᑕᓪᓕᒥᕐᒥ, ᔪᓂ 19, 2020, ᐱᒋᐊᕐᓗᑎᒃ 9−ᒥᑦ ᐅᓪᓛᒃᑯᑦ 4−ᒧᓄᑦ ᐅᓐᓄᓴᒃᑯᑦ. ᐊᔭᐅᖅᑐᖅᐸᕗᑦ ᓄᓇᓕᕐᒥᐅᑕᐃᑦ, ᓇᖕᒥᓂᖃᖅᑎᐅᔪᑦ ᐊᒻᒪ ᐳᓛᕆᐊᕐᓯᒪᔪᑦ ᑕᒪᐅᖓ ᑕᐃᑦᓱᒪᓂᐅᓕᖅᐸᑦ ᐅᓪᓗᕐᒥ ᐊᓃᓛᖁᔭᐅᓗᑎᒃ ᐊᒻᒪ ᐃᑲᔪᓛᕐᓗᑎᒃ ᓴᓗᒻᒪᓴᖅᑕᐅᓕᖅᐸᑦ ᓄᓇᓕᑦᑎᐊᕚᓗᑉᐳᑦ.
ᐴᑦᓴᐃᑦ, ᐊᒡᒑᑦ, ᐊᒻᒪ ᐊᓯᖏᑦ ᓱᓇᒃᑯᑖᑦᓴᐃᑦ ᐊᑐᐃᓐᓇᐅᓛᖅᑐᑦ ᐊᐃᔭᐅᔪᓐᓇᕐᓗᑎᒃ ᐱᒋᐊᕐᓗᑎᒃ ᐅᓪᓛᒃᑯᑦ 8:30−ᐸᑦ ᓯᓚᑎᖏᓐᓂᑦ ᐅᑯᐊ ᐃᖃᓗᓐᓃᑦᑐᑦ:
- ᓯᑎᒃᑯᑦ ᐊᓪᓚᕝᕕᖏᓐᓂᒃ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒻᒥᑦ
- ᐃᖃᓗᓐᓂ ᐅᖃᓕᒫᒐᖃᕐᕕᒻᒥᑦ
- ᐊᐃᑉ ᐅᑉᐱᒃ ᐱᖕᖑᐊᕐᕕᕋᓛᒥᑦ ᓂᐊᖁᖕᖒᑎᓂᑦ
- ᐅᑭᐅᒃᑯᑦ ᐱᖕᖑᐊᕐᕕᐊᓗᒻᒥᑦ
- ᐃᖃᓗᓐᓂ ᒫᔅᔨᑦ ᑐᑦᓯᐊᕐᕕᒻᒥᑦ ᑕᓯᓗᓕᐊᕆᐊᒦᑦᑐᒥᑦ
ᐱᔾᔪᑎᒋᓪᓗᒍ ᓄᕙᕐᔪᐊᕐᓇᖅ-19, ᓯᑎᒃᑯᑦ ᖃᓄᖅᑑᕈᑎᓕᐅᕐᓯᒪᔪᑦ ᐃᓅᖃᑎᒌᑦ ᖃᓂᒌᒋᐊᖃᖏᓐᓂᖏᑦ ᐱᓪᓗᒋᑦ ᐊᒻᒪ ᓴᓗᒪᒋᐊᖃᕐᓂᕐᒧᑦ ᐱᓕᕆᔾᔪᑎᑦᓴᓂᑦ ᐋᖅᑮᓯᒪᔪᑦ. ᑭᓯᐊᓂ, ᑕᒪᓐᓇ ᑐᑭᖃᖅᑐᖅ ᓯᕋᓯᒪᔪᓂᑦ ᓂᕆᑎᑦᑎᔪᓐᓇᓛᖏᑦᑐᒍᑦ ᐊᕐᕌᒍᑦᑎᓐᓂ. ᐅᖓᓯᒌᓪᓗᑕ ᓇᓪᓕᐅᓂᕐᓯᐅᓛᕈᒪᔪᒍᑦ ᐃᓅᖃᑎᒌᑦ ᑐᓴᐅᒪᑎᑦᑎᔾᔪᑎᖏᒍᑦ ᑕᑯᑦᓴᐅᔪᑦᓴᓂᑦ ᐊᔾᔨᓕᐅᕆᓯᒪᕈᔨᓛᖅᑐᒍᑦ ᐱᔾᔪᓯᐊᖅᑎᑦᑎᖃᑦᑕᓛᕈᒪᒐᑦᑕ ᐱᒋᐊᕐᓗᑎᒃ ᑕᓪᓕᒥᕐᒥ, ᔪᓂ 19 ᐊᒻᒪ ᓄᖅᑲᕐᓗᑎᒃ ᓈᑦᓯᐅᖑᔭᓛᕐᓂᐊᒥ, ᔪᓂ 20. ᑐᑭᓯᒋᐊᖅᑎᑦᓯᒃᑲᓐᓂᓛᖅᑐᒍᑦ ᓄᓇᓕᐸᐅᔭᐃᑦ ᐃᖃᓗᐃᑦ ᕙᐃᔅᐳᒃᒥ ᒪᑉᐱᒐᕐᒧᑦ ᑎᑎᕋᕐᓗᑕ.
ᐃᓘᓐᓇᑎᒃ ᐱᖃᑕᐅᒐᔭᖅᑐᑦ ᐊᒡᒑᕐᓯᒪᒋᐊᖃᓛᖅᑐᑦ ᐱᔭᐅᔪᓐᓇᓛᖅᑐᓂᑦ ᓯᑎᒃᑯᓐᓂᑦ ᐊᒻᒪ ᒪᓕᒋᐊᖃᓛᖅᑐᑎᒃ ᐃᓅᖃᑎᒌᑦ ᖃᓂᒌᒋᐊᖃᖏᓐᓂᖏᓐᓂᑦ ᐱᓕᕆᔾᔪᑎᓂᑦ ᐋᖅᑭᑦᑕᐅᓯᒪᔪᓂᑦ ᒐᕙᒪᒃᑯᖏᓐᓂᑦ ᓄᓇᕗᑦ. ᐊᑐᖁᔭᐅᒐᓗᐊᖅᑐᒥ ᑮᓇᑉᐸᒻᒥᑦ ᖃᓂᒌᑦᑕᕐᓗᓯ ᑭᓯᐊᓂᐅᒍᓂ.
ᐊᑏᑦ ᕿᓚᑉᐸᓪᓗᒋᑦ ᐊᒻᒪ ᕿᒪᑉᐸᓪᓗᒋᑦ ᓴᓂᒃᑯᒡᕖᑦ ᑕᑕᑦᑐᑦ ᐊᑐᕆᐊᑦ ᑭᓪᓕᖏᓐᓄᑦ. ᓯᑎᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᓄᐊᑦᑕᐅᖃᑦᑕᓛᖅᑐᑦ ᐃᒋᑦᓯᕖᑦ ᐅᓪᓘᑉ ᐃᓗᐊᓂ.
ᑐᑦᓯᕋᖅᑐᒍᑦ ᒐᕙᒪᓕᕆᔨᐅᔪᑦ ᐊᒻᒪ ᐊᓯᖏᑦ ᑲᑐᔾᔨᖃᑎᒌᖑᔪᑦ ᐃᖅᑲᓇᐃᔭᖅᑎᖁᑎᖏᓐᓂᑦ ᐃᖅᑲᓇᐃᔭᖏᑎᑦᑎᑲᐃᓐᓇᕈᓐᓇᖅᐸᑕ ᐅᓪᓘᑉ ᐊᕝᕙᕐᔪᐊᖓᓂᐅᓐᓃᑦ ᓄᓇᓕᓐᓂᑦ ᓴᓗᒻᒪᕐᓴᐃᖃᑕᐅᔪᒪᒐᔭᖅᑐᓂᑦ.
ᓄᓇᓕᓐᓂᑦ ᓴᓗᒻᒪᕐᓴᐃᓂᕐᒥᑦ ᐱᓕᕆᖃᑎᒌᑦᑐᑦ ᖁᔭᓐᓇᒦᕈᒪᕗᑦ ᓄᓇᓕᕐᒥᐅᑕᓂᑦ, ᑲᑐᔾᔨᖃᑎᒌᓂᑦ ᐊᒻᒪ ᐊᑭᓕᕐᓱᐃᔨᓂᑦ ᐃᑲᔪᕐᓂᓯᓐᓂᑦ ᐊᒻᒪ ᐃᑲᔪᕐᓱᐃᓂᓯᓐᓂᑦ ᖃᓄᐃᓕᐅᕈᑎᐅᔪᒥᑦ.
ᓯᓚᕈᔫᑳᓪᓚᓂᖅᐸᑦ, ᐅᓪᓗᖓ ᓴᖑᔭᐅᑐᐃᓐᓇᕆᐊᓕᒃ ᑕᓪᓕᒥᕐᒧᑦ, ᔪᓂ 26, 2020.
ᐴᑦᓴᓂᑦ ᐃᒋᑦᑎᕕᓐᓂᑦ ᓄᐊᑕᐅᔪᖃᕐᓂᖏᑉᐸᑦ ᔪᓂ 19 ᑭᖑᓂᐊᒍᑦ, ᖃᐅᔨᒋᐊᖁᔪᖅ ᓲ ᐊᐃᕗᕆᒥᑦ ᐅᕗᖓ s.avery@iqaluit.ca ᐅᕝᕙᓘᓐᓃᑦ ᐅᖄᓚᕕᒋᓗᒍ ᐅᕗᖓ 867-979-5630.
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᓂᕐᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-3216
L.Milosavljevic@iqaluit.ca
