ᓄᓇᓕᐸᐅᔭᒃᑯᑦ ᑐᓴᖅᑎᑦᑎᒋᐊᖅᑐᑦ ᐱᔾᔪᑎᒋᓪᓗᒋᑦ ᐃᓪᓗᕋᓛᓕᐅᖅᐸᓐᓂᖅ

ᐱᕙᓪᓕᐊᔪᓂᑦ ᑐᓴᕋᑦᓴᑦ
ᓄᓇᓕᐸᐅᔭᒃᑯᑦ ᑐᓴᖅᑎᑦᑎᒋᐊᖅᑐᑦ ᐱᔾᔪᑎᒋᓪᓗᒋᑦ ᐃᓪᓗᕋᓛᓕᐅᖅᐸᓐᓂᖅ
ᐋᒐᓯ 6, 2021 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᑐᓴᖅᑎᑦᑎᒋᐊᖅᑐᑦ ᐃᓪᓗᕋᓛᓕᐅᕐᓂᕐᒥᑦ ᐃᖃᓗᓐᓂ.  ᐋᑦᑑᐸ 27, 2020, ᑲᑎᒪᔩᑦ ᐃᓘᓐᓇᑎᒃ ᓂᕈᐊᖅᑐᑎᒃ ᐊᖏᖅᑐᐃᓐᓇᐅᓗᑎᒃ ᑲᔪᓯᑎᑦᑎᓚᐅᖅᑐᑦ ᐱᖁᔨᕗᖔᓕᐅᕈᑎᒥᑦ #20-339 ᑎᓕᓯᔾᔪᑎᐅᓗᓂ ᓄᓇᓕᐸᐅᔭᐃᑦ ᐃᖅᑲᓇᐃᔭᖅᑎᖏᓐᓂᑦ ᖃᐅᔨᓴᖁᓪᓗᒋᑦ ᐊᑐᖅᑕᐅᓯᒪᔪᓂᑦ, ᑐᑭᓯᒋᐊᖅᑎᑦᑎᓗᑎᒃ ᐊᒻᒪ ᐱᒋᐊᖅᑎᑦᑎᓗᑎᒃ ᐃᓪᓗᕋᓛᓂᑦ ᓴᓇᓂᕐᒥᑦ ᐱᓕᕆᐊᑦᓴᒥᑦ.

 

ᒫᓐᓇᐅᔪᕐᓕ, ᐃᓘᓐᓇᑎᒃ ᐃᓪᓗᕋᓛᓕᐅᕈᒪᕙᑦᑐᑦ ᓄᓇᓖᑦ ᓄᓇᖏᓐᓂ ᐃᓪᓗᕋᓛᓕᐅᕈᓐᓇᖏᑲᐃᓐᓇᖅᑎᑕᐅᔪᑦ ᓄᓇᓕᐸᐅᔭᒃᑯᑦ ᐱᔭᕇᕋᓱᓐᓂᖏᓐᓂ ᐃᓪᓗᕋᓛᓕᕆᔪᓂᑦ ᒪᓕᒐᕐᓂᑦ ᐊᒻᒪ ᐅᐸᓗᖓᐃᔭᐅᑎᓕᐅᕋᔭᕐᓗᑎᒃ ᐃᓪᓗᕋᓛᓕᐅᕐᓂᕐᒧᑦ ᑐᕌᖓᔪᓂᑦ.  ᓄᓇᓕᕐᒥᐅᑕᐃᑦ ᐱᕕᑦᓴᖃᖅᑎᑕᐅᓛᖅᑐᑦ ᐅᖃᕈᒪᓐᓂᕈᑎᒃ ᐃᓱᒪᒋᔭᕐᒥᓂᒃ ᐸᕐᓇᐅᑎ ᐱᓪᓗᒍ ᑭᖑᓪᓕᖅᐹᕐᓯᐅᑎᓂᑦ ᐱᔭᑦᓴᓕᐅᕈᑎᐅᓚᐅᖏᓐᓂᖏᓐᓂ ᑲᑎᒪᔨᓂᑦ.

 

ᓄᓇᓕᕐᒥᐅᑕᐃᑦ ᐴᕐᒥᑦᑖᕈᒪᕙᓐᓂᐊᖅᑐᑦ ᐃᓪᓗᕋᓛᓕᐅᕈᑎᑦᓴᓂᑦ, ᖃᐅᔨᓴᕈᓐᓇᖅᑐᑦ ᖃᓄᐃᓕᖓᒻᒪᖔᑕ ᑲᓇᑕᐅᑉ ᒐᕙᒪᒃᑯᖏᑕ ᓄᓇᖁᑎᖏᓐᓂ ᐅᕝᕙᓘᓐᓃᑦ ᐃᓄᐃᑦ ᓄᓇᖁᑎᖏᓐᓂ.  ᑭᐱᖕᖑᐃᔭᐅᑎᒥᑦ ᐃᓪᓗᕋᓛᒥᑦ ᐊᑐᖅᑐᐊᕈᑎᒥᑦ ᐱᓇᓱᐊᕈᓐᓇᖅᑐᑦ ᑯᐃᓐᒧᑦ-ᓄᓇᖃᖅᑳᖅᓯᒪᔪᓕᕆᔨᒃᑯᑦ ᐊᒻᒪ ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕᒥ (CIRNAC), ᖃᐅᔨᒋᐊᕈᓐᓇᖅᑐᑦ ᓄᓇᓕᕆᔨᓂᑦ ᐃᕐᖐᓇᖅᑕᐅᑎᒃᑯᑦ ᐅᕗᖓ landsmining@aandc-aadnc.gc.ca ᐅᖄᓚᐅᑎᒃᑯᓪᓘᓐᓃᑦ ᐅᕗᖓ 867-975-4283. ᐃᓪᓗᕋᓛᓕᐅᕈᒪᓐᓂᕈᕕᑦ ᐃᓄᐃᑦ ᓄᓇᖁᑎᖏᓐᓂ, ᖃᐅᔨᒋᐊᒃᑭᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖓᑦ ᐃᕐᖐᓇᖅᑕᐅᑎᒃᑯᑦ ᐅᕗᖓ registry@qia.ca ᐅᖄᓚᐅᑎᒃᑯᓪᓘᓐᓃᑦ ᐅᕗᖓ  1-800-667-2742.  ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖓᑦ ᐃᑭᐊᖅᑭᕕᒃᑯᑦ ᑐᑦᓯᕋᐅᑎᓕᐅᕈᑎᖃᕐᒥᔪᑦ ᐃᓪᓗᕋᓛᓕᕆᔪᓂᑦ ᐅᕙᓂ https://apps.qia.ca/appform/.

 

ᓄᑖᓂᑦ ᐃᓪᓗᕋᓛᓕᐅᕈᓐᓇᖏᑎᑕᐅᑲᐃᓐᓇᖅᑐᑦ ᑰᑉ ᒥᕐᖑᐃᓯᕐᕕᖓᓐᓂ ᐊᒻᒪ ᖃᐅᒻᒫᕕᒃ ᒥᕐᖑᐃᓯᕐᕕᒻᒥ.  ᓄᖅᑲᖓᑎᑦᑎᑲᐃᓐᓇᕐᓂᐅᔪᖅ ᐊᑐᖅᑕᐅᔪᓐᓃᓛᖅᑐᖅ ᐊᐅᓚᑦᑎᑦᓯᔾᔪᑎᒥᑦ ᐸᕐᓇᐅᑎᓕᐅᕇᓚᐅᕐᓗᑎᒃ ᑖᒃᑯᓄᖓ ᒥᕐᖑᐃᕐᓯᕐᕖᓐᓄᑦ.  ᐊᐱᕆᔪᒪᔪᖃᕐᓂᖅᐸᑦ ᐃᓪᓗᕋᓛᓕᕆᔪᓂᑦ ᒥᕐᖑᐃᕐᓯᕐᕕᓐᓂ, ᖃᐅᔨᒋᐊᖁᔪᑦ ᐅᑯᐊ  parks@gov.nu.ca ᐅᕝᕙᓘᓐᓃᑦ ᐅᖄᓚᐅᑎᒃᑯᑦ 867-975-7700.
 

ᑐᑭᓯᒋᐊᒃᑲᓐᓂᕐᕕᑦᓴᖅ:
ᐊᐃᓂᐊᖅ ᖁᐊᒐᖅ
ᓄᓇᓕᓐᓂ ᑐᓴᐅᒪᐅᑎᓕᕆᓂᕐᒥᑦ ᑭᓪᓕᓯᓂᐊᖅᑎ
A.Korgak@iqaluit.ca |867-979-5603

ᑕᑦ ᑐᕋᐃᑳᕝᔅᑭ
ᐊᖏᔪᖅᑳᖓᑦ ᐸᕐᓇᐅᑎᓕᕆᔨᒃᑯᑦ ᐊᒻᒪ ᐱᕙᓪᓕᐊᑎᑦᑎᓂᕐᒥᑦ ᓴᓇᓂᒃᑯᑦ ᐃᖅᑲᓇᐃᔭᖅᑏᑦ
T.Traikovski@iqaluit.ca | 867-979-5664