ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᑭᒃᑯᑐᐃᓐᓇᕐᓄᑦ ᑐᓴᕋᑦᓴᑦ
ᔪᓂ 27, 2016 (ᐃᖃᓗᐃᑦ, ᓄᓇᕗᑦ) ᓄᓇᓕᐸᐅᔭᒃᑯᑦ ᐃᕐᑲᐃᑎᑦᓯᒍᒪᓕᕐᒥᔪᑦ ᓄᓇᓕᓐᓂᒥᐅᑕᓂᑦ ᑕᒪᓐᓇ ᐊᖏᔫᑎᓂᑦ ᓴᓂᕐᓂᒃ ᕿᕋᑕᔪᓃᓗ ᐸᐃᑉᐹᓂᒃ (ᓴᓂᕐᕙᐃᕕᒃ) ᒪᑐᓯᒻᒪᒪᑦ ᑭᒃᑯᑐᐃᓐᓇᕐᓄᑦ ᐊᓯᐊᒍᑦ ᑐᓴᕐᑎᑦᓯᓚᐅᙱᓂᒃᑎᓐᓂᒃ ᐊᒻᒪᓗ ᐊᓯᐊᓂᒃ ᐊᑦᓯᕕᐅᒐᔭᑦᑐᒥᒃ ᐃᓂᒃᓴᒥᒃ ᐋᖅᑭᑕᐅᓚᐅᕐᑎᓐᓇᒍ ᐱᔭᑦᓴᐅᓕᕐᓗᑎ ᕿᔪᑦ ᐊᒻᒪᓗᑦ ᐊᖏᔫᑎᑦ ᓴᕕᕋᔭᐃᑦ ᓴᓃᑦ. ᑕᒪᓐᓇ ᑐᑭᓕᒃ ᑕᐃᒫᒃ ᒪᑐᓯᒪᒻᒪᑦ ᐃᒋᑦᓯᒋᐊᕐᑐᕈᒪᔪᓄᑦ ᐊᒻᒪᓗ ᓇᕝᕚᕐᑕᕆᐊᖅᑐᕐᑐᓄᑦ. ᐅᐸᑦᓯᒪᔪᑦ ᐊᑦᓯᕕᒻᒧᑦ ᐊᖏᔫᑎᓄᑦ ᓴᓂᕐᓄᑦ ᓴᕕᕋᔭᓄᑦ ᐊᒻᒪᓗ ᕿᔪᓄᑦ ᐊᖏᔫᑎᓄᑦ ᐊᖏᕐᑕᐅᓯᒪᙱᒃᑯᑎᒃ ᓄᓇᓕᐸᐅᔭᒃᑯᓄᑦ ᐊᒻᒪᓗ ᐅᐊᑦᓯᔭᐅᙱᒃᑯᑎᒃ ᐊᑎᕕᒻᒥ ᐃᖅᑲᓇᐃᔭᕐᑎᒧᑦ ᑐᑭᖃᕐᖓᑦ ᐅᐸᒋᐊᖃᙱᑕᒥᓄᑦ ᐅᐸᑦᓯᒪᓂᖓᓄᑦ. ᐊᑭᓖᑎᑕᐅᓇᔭᖅᑐᑦ ᐃᒋᑦᓯᒐᕐᑐᕐᑐᑦ ᐃᒋᑦᓯᕕᓐᓇᐅᑎᓐᓇᒍ $500.00-ᓂᒃ ᑭᓇᑐᐃᓐᓇᖅ ᐊᒻᒪᓗ $5000.00 ᓇᒻᒥᓂᓕᓐᓄᑦ ᐅᕝᕙᓗᑦ ᐅᐸᑦᑕᐅᒐᔪᑦᑐᓄᑦ. ᑖᑯᐊ ᒪᓕᒋᐊᓖᑦ ᐊᑐᐊᒐᐃᑦ ᐋᖅᑭᑕᐅᓯᒪᔪᑦ ᑭᒃᑯᑐᐃᓐᓇᐃᑦ ᐊᑦᑕᓇᕐᑐᒦᖁᓇᒋᑦ, ᐊᑏ ᐃᓱᒪᒋᑦᓯᐊᒃᑭᑦ.
ᑖᑯᓇᓂ ᐱᓇᓱᐊᕈᓰᑦ ᓯᕗᓂᑦᑎᓂ, ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᑦ ᐱᓕᕆᐊᖃᕐᓂᐊᕐᖓᑕ ᐸᕐᓇᓪᓗᑎᒃ ᓄᓈᒥᒃ ᐃᓂᑦᓴᒥᒃ ᑖᕙᓂ ᐊᑎᔅᕕᓕᐊᕆᐊᒧᑦ ᐅᐊᔅ-40-ᒥ ᐊᑦᓯᕕᒃ ᐊᑦᑕᕐᕕᐅᒍᓐᓇᓕᕐᓗᓂ ᕿᔪᓂᒃ ᐊᒻᒪᓗᑦ ᐊᖏᔫᑎᓄᑦ ᓴᕕᕋᔭᓄᑦ ᐊᑦᑕᑯᓂᒃ. ᑐᓴᕐᑎᓂᐅᑎᒥᒃ ᓴᖅᑮᑐᖃᓛᕐᑐᖅ ᒪᓕᒐᑦᓴᓂᒃ ᐱᔾᔪᑎᓕᒻᒥᒃ ᐃᓂᖓᓂᒃ ᐊᒻᒪᓗ ᓇᒦᓐᓂᖓᓂᒃ ᐊᒻᒪᓗ ᐃᑲᕐᕋᖏᓐᓂᒃ ᑎᑎᕋᖅᓯᒪᔪᓂᒃ ᑕᐃᑦᓱᒧᖓ ᑕᐅᓰᒍᑎᒥᒃ ᐊᑦᓯᕕᐅᑉ ᐃᓂᖓ ᕿᔪᓄᑦ ᐊᒻᒪᓪᓗ ᐊᖏᔫᑎᓄᑦ ᓴᕕᕋᔭᓄᑦ ᐊᑐᐃᓐᓇᐅᑎᑕᐅᓛᕐᑐᖅ ᐱᕕᑦᓴᐅᓕᑐᐊᕈᓂ.
ᖁᔭᓐᓇᒦᒃ ᓯᕗᓂᐊᒍᑦ ᒪᓕᑦᓯᐊᕈᓐᓇᕋᕕᑦ ᐅᑕᖅᑭᑦᓯᐊᕈᓐᓇᕋᕕᓪᓗᑦ ᑕᐃᒪᐃᓐᓂᖓᓂ.
ᑐᑭᓯᒋᐊᒃᑲᓐᓂᕕᑦᓴᖅ, ᐅᖄᓚᕕᒋᓗᒍ ᓴᓇᔪᓕᕆᔨᒃᑯᑦ ᐊᓪᓚᕝᕕᖓᑦ ᐅᕙᓂ (867) 979-5630.
