ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᓄᓇᓕᐸᐅᔭᐃᑦ ᐃᖃᓗᐃᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᕿᓂᓕᕐᒥᔪᑦ ᓄᓇᓕᕐᒥᐅᑕᓂᑦ ᐃᓚᒋᔭᐅᔪᒪᔪᓂᑦ ᓄᓇᓕᐸᐅᔭᐃᑦ ᑲᑎᒪᔨᕋᓛᖏᓐᓄᑦ. ᑲᑎᒪᔨᕋᓛᖑᖃᑕᐅᕙᓐᓂᐊᖅᑐᑦ (ᐊᓯᐊᒍᑦ ᒪᓕᒐᑎᒍᑦ ᐋᖅᑭᑦᑕᐅᓯᒪᖕᖏᑉᐸᑦ ᐊᒻᒪ ᓇᓗᓇᐃᕐᓯᒪᓂᐊᖅᑐᑦ ᓴᓂᖏᓐᓂ ᑲᑎᒪᔨᕋᓛᑦ) ᐊᕐᕌᒍᓄᑦ ᐱᖓᓱᓄᑦ.
ᑲᑎᒪᔨᕋᓛᑐᐃᓐᓇᐃᑦ (ᑲᑎᑉᐸᑦᑐᑦ ᐅᓪᓗᕐᓯᐅᑎᒍᑦ ᐋᖅᑭᑦᑕᐅᓯᒪᔪᓂᑦ)
- ᓂᒃᓰᑦ (ᐱᖓᓱᓂᑦ ᐃᓚᒋᐊᓖᑦ)
- ᐱᓐᖑᐊᖅᑐᓕᕆᓂᖅ (ᑕᓪᓕᒪᓂᑦ ᐃᓚᒋᐊᓖᑦ)
- ᑭᒃᑯᑐᐃᓐᓇᕐᓂᑦ ᐊᑦᑕᓇᑦᑕᐃᓕᒪᔪᓕᕆᓂᕐᒥᑦ (ᑕᓪᓕᒪᓂᑦ ᐃᓚᒋᐊᓖᑦ)
- ᑮᓇᐅᔭᓕᐅᕋᓱᐊᕈᑎᓕᕆᓂᕐᒥᑦ ᐱᕙᓪᓕᐊᔪᓕᕆᓂᖅ (ᐱᖓᓱᓂᑦ ᐃᓚᒋᐊᓖᑦ)
- ᑖᑦᓯᓂᑦ (ᓄᓇᒃᑰᔫᓂᑦ) ᕿᒥᕐᕈᓂᕐᒥᑦ ᑲᑎᒪᔨᑦ (ᐱᖓᓱᓂᑦ ᐃᓚᒋᐊᓖᑦ) ••ᖃᐅᔨᒪᔭᕆᐊᓕᒃ, ᑖᒃᑯᓄᖓ ᑲᑎᒪᔨᕋᓛᓄᑦ ᐃᓚᒋᔭᐅᔪᒪᓂᐊᖅᑐᑦ ᒪᓕᒐᕐᓂᑦ ᒪᓕᒋᐊᓕᓐᓂᑦ ᐱᑕᖃᕐᒪᑦ, ᖃᐅᔨᒋᐊᕆᐊᓕᒃ ᓄᓇᓕᐸᐅᔭᐃᑦ ᐊᓪᓚᑦᑎᖓᓄᑦ ᑐᕌᕈᑎᖏᓐᓄᑦ ᑎᑎᕋᕐᓯᒪᔪᓄᑦ ᑕᕝᕙᓂ ᑎᑎᖅᑲᒥ ᐃᓗᓕᖏᓐᓂᑦ ᒪᓕᒋᐊᓖᑦ
- ᑖᑦᓯᓂᑦ ᐅᖃᐅᔾᔪᐃᔨᑦ ᐊᒻᒪᓗ ᐊᑲᐅᓐᖏᓕᐅᕈᑎᓕᕆᔨᑦ ᑲᑎᒪᔨᕋᓛᑦ (ᑕᓪᓕᒪᓂᑦ ᐃᓚᒋᐊᓖᑦ)
- ᑎᒥᒃᑯᑦ ᐊᔪᕈᑎᓕᕆᓂᕐᒥᑦ ᐅᖃᐅᔾᔪᐃᔨᐅᔪᑦ ᑲᑎᒪᔨᕋᓛᑦ (ᑕᓪᓕᒪᓂᑦ ᐃᓚᒋᐊᓖᑦ)
ᑲᑎᒪᔨᕋᓛᖑᑲᐃᓐᓇᖅᑐᑦ (ᑲᑎᒪᕙᑦᑐᑦ ᑲᑎᒪᐅᑎᖃᕆᐊᖃᓕᕋᐃᒐᒥᒃ ᐅᕝᕙᓘᓐᓃᑦ ᐋᖅᑭᑦᑕᐅᓯᒪᔪᒃᑯᑦ ᒪᓕᒐᒃᑯᑦ ᐅᕝᕙᓘᓐᓃᑦ ᒪᓕᒐᕋᓛᒃᑯᑦ)
- ᑲᑎᒪᔨᑦ ᐋᖅᑭᒋᐊᕆᔨᑦ ᓄᓇᓕᕆᓂᕐᒧᑦ ᑐᕌᖓᔪᓂᑦ (ᑎᓴᒪᓂᑦ ᐃᓚᒋᐊᓖᑦ, ᐊᕐᕌᒍ ᐊᑕᐅᓯᕐᒥᑦ ᑲᑎᒪᔨᑦᓴᑦ)
ᐊᑕᐅᓯᐅᓐᖏᑦᑐᒧᑦ ᑲᑎᒪᔨᕋᓛᓄᑦ ᐃᓚᒋᔭᐅᓇᓱᐊᕈᓐᓇᖅᑐᓯ. ᐃᓚᒋᔭᐅᔪᒪᓂᐊᖅᑐᑦ ᓄᓇᓕᐸᐅᔭᒃᑯᓐᓄᑦ ᐊᑭᓕᑦᓴᖃᕆᐊᖃᓐᖏᑦᑐᑦ ᐊᒥᓱᓂᑦ (ᐅᖓᑖᓂᐅᓐᖏᑦᑐᖅ $500). $100-ᓂᑦ ᑲᑎᒪᐅᓯᐊᖅᐸᑦᑐᑦ ᑲᑎᒪᓂᖅᑕᒫᑦ ᑮᓇᐅᔭᒃᑯᕕᒃᑯᑦ ᐊᑭᓕᖅᑕᐅᕙᑦᑐᒥᑦ. ᐃᓚᒋᔭᐅᔪᒪᓂᐊᖅᑐᑦ ᑐᑦᓯᕋᐅᑎᓕᐅᕈᓐᓇᖅᑐᑦ ᐋᑦᑑᐸ 15-ᒧᑦ, 2015; ᑐᑦᓯᕋᐅᑎᑦ ᐊᐃᔭᐅᔪᓐᓇᖅᑐᑦ ᓄᓇᓕᐸᐅᔭᒃᑯᑦ ᐃᖅᑲᓇᐃᔭᕐᕕᖏᓐᓂᑦ. ᑐᑦᓯᕋᐅᑎᓕᒫᑦ ᐅᓂᒃᑳᓂᑦ ᐃᓚᖃᕆᐊᖃᖅᑐᑦ ᐃᖅᑲᓇᐃᔮᖅᑖᕋᓲᑐᑦ ᐊᔾᔨᖓᓂᑦ).
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᕝᕙᓘᓐᓃᑦ ᐃᓚᒋᔭᐅᔪᒪᔾᔪᑎᒥᑦ ᐱᔪᒪᔪᑦ ᖃᕋᑕᐅᔭᒃᑯᑦ, ᖃᐅᔨᒋᐊᕈᓐᓇᖅᑐᑦ ᓄᓇᓕᐸᐅᔭᒃᑯᑦ ᐊᓪᓚᑦᑎᖓᑕ ᐊᓪᓚᕝᕕᖓᓄᑦ ᐅᖄᓚᐅᑎᒃᑯᑦ 979-5667 ᐅᕝᕙᓘᓐᓃᑦ ᖃᕋᑕᐅᔭᒃᑯᑦ ᐅᕗᖓ ᑎᑎᕋᕐᕕᒋᓗᒍ info@city.iqaluit.nu.ca
