ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᖅᑐᓕᕆᔨᒃᑯᖏᓐᓂᑦ ᖃᓄᐃᓕᐅᕈᑎᐅᓛᕐᒥᔪᑦ 2021-ᒥ ᕿᑲᕐᓇᐅᓕᖅᐸᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᖃᓄᐃᓕᐅᕈᑎᐅᒃᑲᓐᓂᓛᖅᑐᓂᑦ ᐊᒡᒋᖅᑐᒥ ᕿᑲᕐᓇᐅᓛᖅᑐᒥ.
ᖃᐅᒪᑯᓗᐃᑦ ᕿᑲᕐᓇᒥ ᓵᓚᑦᓴᕋᓱᓐᓂᖅ
ᐊᕐᕌᒍᑕᒫᕐᓯᐅᑎᒥ ᖃᐅᒪᑯᓗᐃᑦ ᕿᑲᕐᓇᒥ ᓵᓚᑦᓴᕋᓱᖃᑕᐅᒍᒪᒍᕕᑦ ᒪᑐᐃᖓᓕᕐᒥᔪᖅ ᐃᓘᓐᓇᑦᑎᐊᖏᓐᓄᑦ ᓇᖕᒥᓂᖃᕐᕕᓐᓄᑦ ᐊᒻᒪ ᓄᓇᓕᕐᒥᐅᑕᓄᑦ.
ᐊᑎᓕᐅᕆᐊᑐᖕᖏᑦᑐᖅ ᐱᖃᑕᐅᒍᒪᓂᐊᕐᓗᓂ. ᐱᖃᑕᐅᒍᒪᓐᓂᕈᕕᑦ, ᖃᐅᒪᑎᑦ ᐊᒻᒪ ᖁᕕᐊᓱᕝᕕᑦᓯᐅᑎᑎᑦ
ᐋᖅᑭᓱᕐᓯᒪᑐᐃᓐᓇᖁᔪᑦ ᐊᑐᐃᓐᓇᐅᓕᕐᓗᑎᒃ ᐱᖓᑦᓯᕐᒥ, ᑏᓰᐱᕆ 15, 2021 ᐅᓐᓄᓴᒃᑯᑦ 3-ᒥᓂᒃ 7-ᒧᓄᑦ ᐅᓐᓄᒧᑦ.
ᓵᓚᑦᓴᖅᑐᑦ ᐅᖃᐅᓯᐅᓛᖅᑐᑦ ᑎᓴᒻᒥᐅᓕᖅᐸᑦ, ᑏᓰᐱᕆ 16.
ᕿᑲᕐᓇᒧᑦ ᑐᖕᖓᔪᓂᑦ ᓯᕙᓛᓂᑦ ᑕᑯᒥᓇᓕᖅᑎᑦᑎᓂᕐᒥᑦ ᓵᓚᑦᓴᕋᓱᓐᓂᖅ
ᐅᓇᓕ ᑭᒃᑯᑐᐃᓐᓇᑦᑎᐊᓄᑦ ᒪᑐᐃᖓᔪᖅ. ᐊᑎᓕᐅᕆᐊᑐᖕᖏᒻᒥᔪᖅ. ᐱᖃᑕᐅᒍᒪᓐᓂᕈᕕᑦ, ᐊᔾᔨᓕᐅᕐᓯᒪᔪᒥᑦ
ᐃᓕᓐᓂᒃ ᐊᒻᒪ ᓯᕙᓛᓕᐊᕆᓯᒪᔭᕐᓂᒃ ᐊᐅᓪᓚᑎᑦᑎᒍᓐᓇᖅᑐᓯ ᑐᓴᕋᑦᓴᖃᕐᕕᖓᒍᑦ ᓄᓇᓕᐸᐅᔭᐃᑦ ᐃᖃᓗᐃᑦ
ᐱᖕᖑᐊᖅᑐᓕᕆᔨᒃᑯᑦ ᕙᐃᔅᐳᒃᑯᑦ ᒪᑉᐱᒐᖓᓐᓄᑦ (City of Iqaluit Recreation Facebook):
https://www.facebook.com/CityofIqaluitRecreation
ᐱᖃᑕᐅᔾᔪᑎᑦᓴᑦ ᖃᐃᑕᐅᔪᓐᓇᖅᑐᑦ ᑏᓰᐱᕆ 18-ᒥ 19-ᒧᑦ. ᓵᓚᑦᓴᖅᑐᑦ ᐅᖃᐅᓯᐅᓛᖅᑐᑦ ᓇᒡᒋᔾᔭᐅᒥ, ᑏᓰᐱᕆ
20, 2021.
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ:
ᓇᔭ ᐱᐅᕐᔅ
ᐱᖕᖑᐊᖅᑐᓕᕆᔨᒃᑯᑦ ᑭᐅᔨᖓᑦ
867-979-5611 | n.pearce@iqaluit.ca
