ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᔅᓴᖅ
ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᖅᑐᓕᕆᔨᒃᑯᑦ ᐱᖕᖑᐊᖅᑎᑦᑎᓂᖓᑦ 2022 ᖁᕕᐊᓱᒡᕕᖕᒥ
ᓄᕕᐱᕆ 15, 2022 – ᐃᖃᓗᐃᑦ, ᓄᓇᕗᑦ
ᕿᑲᕐᓇᐃᑦ ᐅᓪᓗᐃᑦ ᑎᑭᓕᕇᒥᔪᑦ! ᖃᐃᓛᖁᔭᐅᕗᓯ ᐃᑲᔪᕆᐊᕐᓗᓯ ᐅᕙᑦᑎᓐᓂᑦ ᓇᓪᓕᐅᓂᕐᓯᐅᕈᑎᖃᖅᑎᓪᓗᑕ. ᖃᐅᔨᒋᐊᕐᓯᐅᒃ ᐅᑯᐊ ᐸᕐᓇᐅᑎᒋᓯᒪᔭᕗᑦ.
ᓵᓐᑕ ᑲᓛᔅ ᓄᓇᑦᓯᓐᓂ ᑐᓂᐅᖃᐃᓂᐊᖅᑐᖅ
ᐃᓚᐅᓂᐊᖅᐳᑎᑦ ᓯᕙᑖᕐᕕᒃ ᑎᓯᐱᕆ 3, 2022 ᐱᒋᐊᖅᑎᑦᑎᔪᑦ ᕼᐋᓚᑏᕐᓇᒧᑦ ᖁᕕᐊᓱᒡᕕᖕᒧᑦ ᑖᓐᓇ ᓵᓐᑕ ᑲᓛᓯ ᑐᓂᐅᖃᐃᓗᓂ ᓄᓇᓕᖕᓂ. ᐃᓚᐅᔪᒪᔪᑦ ᑲᑎᑦᑐᓐᓇᖅᑐᑦ ᑕᐃᑲᓂ ᐅᑭᐅᒃᑯᑦ ᐱᖕᖑᐊᕐᕕᐋᓗᖕᒥ 12:00 ᐅᓐᓄᓴᒃᑯᑦ, ᐃᖏᕐᕋᓯᒋᐊᕐᓂᐊᖅᑐᑦ 1:00 ᐅᓐᓄᓴᒃᑯᑦ.
ᐃᓚᐅᔪᒪᔪᓄᑦ ᒫᓐᓇ ᒪᑐᐃᖓᔪᖅ! ᐃᓚᒋᔭᐅᔪᒪᒍᕕᑦ ᓄᓇᓕᒃᑎᒍᑦ ᐃᖏᕐᕋᖃᑕᐅᓗᑎᑦ ᐊᑏᑦ ᑎᑎᕋᕐᓗᒍ ᖃᕆᓴᐅᔭᒃᑯᑦ ᐅᕘᓇ: http://ca.apm.activecommunities.com/iqaluitrecreation/Activity_Search/686
ᐊᑭᖃᓐᖏᑦᑐᖅ ᐃᖏᕐᕋᑎᑦᑎᖃᑕᐅᔪᒪᔪᓄᑦ ᐊᒻᒪᓗ ᐊᑎᓕᐅᕐᕖᑦ ᐃᓱᓕᕕᒃᓴᖃᖅᑐᖅ ᑎᓴᒻᒥᑦ ᑎᓯᐱᕆ 1, 2022.
ᓵᓐᑕ ᑲᓛᔅ ᖃᐃᕗᖅ
ᐅᑎᕐᒥᒐᑦᑕ ᑕᒪᑐᒪᓂ ᐊᕐᕌᒍᒥ ᑎᑭᓪᖢᓂ ᓵᓐᑎ ᑲᓛᓯ ᑕᐃᒪᓗ ᓄᓇᓕᒃᑎᒍᑦ ᐃᖏᕐᕋᓂᐊᖅᑐᒍᑦ ᓵᓐᑕ ᑲᓛᓯ ᑐᓂᐅᖃᐃᓗᓂ. ᑕᐃᒪᓗ ᓄᓇᓕᒃᑎᒍᑦ ᐃᖏᕐᕋᓂᖓᑦ ᐃᓱᓕᑉᐸᑦ, ᓵᓐᑕ ᑲᓛᓯ ᐳᓛᕆᐊᕐᓂᐊᖅᑐᖅ ᐃᓐᓇᒃᑯᕕᖕᒧᑦ ᖃᖅᒪᖅ ᐊᔾᔨᓕᐅᖅᑕᐅᖃᑎᒋᓂᐊᕋᖕᓂ. ᐅᓇ ᐃᖏᕐᕋᓂᐊᖅᑐᖅ 2-ᒥᑦ 4-ᒧᑦ ᐅᓐᓄᓴᒃᑯᑦ.
ᐊᑭᖃᓐᖏᑦᑐᖅ ᐃᓚᐅᔪᒪᔪᓄᑦ ᐊᒻᒪᓗ ᒪᑐᐃᖓᔪᖅ ᑕᒪᐃᓐᓄᑦ ᐃᓄᓕᒫᓄᑦ, ᐊᑎᓕᐅᕆᐊᖃᓐᖏᑦᑐᑦ ᐃᓄᑐᐃᓐᓇᐃᑦ!
ᖃᖅᒪᑯᓗᐃᑦ ᖁᕕᐊᓱᒡᕕᒃᓯᐅᑎᑦ ᖃᐅᒻᒪᖁᑎᖏᓐᓂᒃ ᐃᑯᒪᖏᓐᓂᒃ ᐱᒡᒍᓴᐅᑎᓂᖅ
ᐅᓇ ᐊᕐᕌᒍᑕᒫᑦ ᖃᖅᒪᑯᓗᐃᑦ ᖁᕕᐊᓱᒡᕕᒃᓯᐅᑎᓂᒃ ᖃᐅᒻᒪᖁᑎᓂᒃ ᐱᒡᒍᓴᐅᑎᓂᖅ ᓵᓚᖃᕋᓱᖕᓂᖅ ᐅᑎᖅᑐᖅ ᑕᒪᑐᒪᓂ ᐊᕐᕌᒍᒥ. ᒪᑐᐃᖓᔪᖅ ᑕᒪᐃᓐᓄᑦ ᐱᔅᓂᔅ ᐊᒻᒪᓗ ᓄᓇᓕᖕᓄᑦ.
ᐊᑎᓕᕆᐊᖃᓐᖏᓚᑎᑦ! ᐱᐅᓴᕐᓗᒍ ᖃᐅᒻᒪᖁᑎᓄᑦ ᐊᒻᒪᓗ ᖁᕕᐊᓱᒡᕕᒃᓴᐅᑎᓂᒃ ᐃᑯᒪᓕᕐᓗᒋᑦ ᐊᒻᒪᓗ ᓴᕿᔮᕐᑎᓪᓗᒋᑦ 3- ᒥᑦ 7-ᒧᑦ ᐱᖓᑦᓯᖅ ᑎᓯᐱᕆ 14. ᓵᓚᖃᖅᑐᑦ ᐊᑎᖏᑦ ᐅᖃᖅᑕᐅᓂᐊᖅᑐᑦ ᑐᓴᕐᑎᑦᑎᓗᑎᒃ ᑎᓴᒻᒥᖅ ᑎᓯᐱᕆ 15!
ᖁᕕᐊᓱᒡᕕᖕᒥ ᑐᑭᒋᔭᐅᓗᓂ ᑯᑮᔅ ᓯᒐᓛᑯᓗᐃᑦ ᐱᐅᓴᕐᓗᒋᑦ ᓵᓚᒃᓴᕋᓲᑎᒋᓗᒋᑦ!
ᑐᓂᓗᒋᑦ ᖁᕕᐊᓱᒡᕕᖕᒥ ᑐᑭᒋᔭᑦ ᑯᑮᔅ ᐊᔾᔨᖑᐊᖅ (ᖏᑦ) ᑐᓂᓯᓗᑎᑦ ᓯᑎ ᐃᖃᓗᐃᑦ ᐱᖕᖑᐊᖅᑐᓕᕆᔨᒃᑯᑦ ᕕᔅᐳᒃᑯᑦ ᑎᑎᕋᕐᕕᒋᓗᒍ. ᐱᔪᒪᕗᒍᑦ ᑐᓂᓯᓗᓯ ᑕᐃᑲᖓᑦ ᑎᓯᐱᕆ 5-ᒥᑦ 18-ᒧᑦ. ᓵᓚᖃᖅᑐᑦ ᐊᑎᖏᑦ ᐅᖃᖅᑕᐅᓂᐊᖅᑐᑦ ᑐᓴᕐᑎᑦᑎᓗᑎᒃ ᓇᒡᒐᔭᑦ, ᑎᓯᐱᕆ 19.
ᑕᒪᕐᒥᒃ ᓵᓚᒃᓴᖅᑎᑦᑎᓇᓱᖕᓂᑦ ᐊᑭᖃᓐᖏᑦᑐᑦ ᐃᓄᓕᒫᓄᑦ!
##
ᑐᑭᓯᐊᒃᑲᓐᓂᕈᒪᒍᕕᑦ, ᐊᑏᑐᖅ ᖃᐅᔨᒋᐊᕆᑦ ᐅᕗᖓ:
ᔫᓯ ᑯᑎᐄ
ᐱᙳᐊᖅᑐᓕᕆᓂᕐᒥ ᐱᓕᕆᔾᔪᑎᓂ ᓄᓇᓕᐸᐅᔭᖅ ᐃᖃᓗᐃᑦ
867-975-8508 | J.cote@iqaluit.ca
