ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᐸᐅᔭᐃᑦ ᐃᖃᓗᐃᑦ ᐅᖃᐅᓯᖃᖅᑐᑦ ᓄᑖᓂᒃ ᓯᑎᒃᑯᓐᓄᑦ ᑲᑎᒪᔨᐅᓂᐊᓕᖅᑐᓂᒃ
ᐋᒃᑑᐸ 29, 2019 (ᐃᖃᓗᐃᑦ, ᓄᓇᕗᑦ) - ᓴᖅᑭᖅᑐᑦ ᐃᖃᓗᓐᓂ ᓂᕈᐊᖅᑕᐅᕋᑖᑦᓯᐊᓂᒃ ᑲᑎᒪᔨᐅᓂᐊᓕᖅᑐᓂᒃ. 27-ᖑᔪᑦ ᓂᕈᐊᒐᑦᓴᐅᓚᐅᖅᑐᑦ ᑎᓴᒪᐅᔪᖅᑐᓄᑦ ᐃᓂᑦᓴᓄᑦ ᓯᑎᒃᑯᓐᓄᑦ ᑲᑎᒪᔨᐅᓂᕐᒧᑦ. ᓄᓇᓕᐸᐅᔭᐃᑦ ᐃᖃᓗᐃᑦ ᓄᑖᑦ ᑲᑎᒪᔨᓄᑦ ᐃᓚᒋᔭᐅᓂᐊᓕᖅᑐᑦ (ᓂᕈᐊᖅᑕᑦ) ᐅᑯᐊ: ᔮᓇᑦ ᐱᑦᓯᐅᓛᖅ ᐳᕉᔅᑐᕐ, ᔪᐊᓇᓯ ᐊᑯᒪᓕᒃ, ᓵᓚᒪᓐ ᐊᕙ, ᕉᒪᐃᓐ ᓯᑏᕙᓐᓴᓐ, ᓰᓚ ᐱᓕᐅᕆᑎ, ᑲᐃᐅᓪ ᓴᐳᕐᑦ, ᓴᐃᒪᓐ ᓇᑖᖅ ᐊᒻᒪ ᒪᓚᐃᔭ ᓘᑲᓯ.
ᐅᓐᓄᒃ, ᓄᑖᖅ ᒪᐃᔭ ᓂᕈᐊᖅᑕᐅᔪᖅ, ᑲᓇᖦ ᐱᐅᓪ ᐅᖃᐅᓯᐅᓚᐅᖅᑐᖅ 1049-ᓄᑦ ᓂᕈᐊᖅᑕᒥᓂᐅᓂᖓᓂᒃ, ᓄᐊ ᐸᐸᑦᓯ ᑐᓪᓕᕆᓪᓗᓂᐅᒃ 688-ᓄᑦ ᓂᕈᐊᖅᑕᐅᓗᓂ.
ᐃᖃᓗᐃᑦ ᒪᐃᔭᖓᑦ ᐊᒻᒪ ᑲᑎᒪᔨᖏᑦ ᑎᓴᒪᓂᒃ ᐊᕐᕌᒍᓂᒃ ᐱᓕᕆᓂᐊᖅᑐᑦ ᐃᓱᓕᒐᔭᕐᓗᑎᒃ ᐋᒃᑑᐸ 2023-ᒥ.
ᓄᑖᑦ ᒪᐃᔭ ᐊᒻᒪ ᑲᑎᒪᔩᑦ ᐊᖏᖅᑎᑕᐅᓛᕐᓂᐊᖅᑐᑦ ᓇᒡᒋᔾᔭᐅᓕᖅᑭᕐᒥ, ᓅᕖᐱᕆ 5 ᓄᓇᕗᑦ ᐃᖅᑲᖅᑐᐃᕕᖃᕐᕕᖏᓐᓂ. ᐱᒋᐊᖓᐅᑎᒥᒃ ᑲᑎᒪᔩᑦ ᑲᑎᒪᓂᖃᓛᖅᑐᑦ ᓇᒡᒋᔾᔭᐅᓕᖅᑭᕐᒥ, ᓅᕖᐱᕆ 12, 6-ᒥ ᐅᓐᓄᒃᑯᑦ ᐃᖃᓗᐃᑦ ᑲᑎᒪᔩᑦ ᑲᑎᒪᕕᖏᓐᓂ.
ᓂᕈᐊᕈᑎᐅᓚᐅᖅᑐᑦ ᓴᖅᑭᔮᖅᑎᑕᐅᔪᑦ ᐅᕙᓂ https://www.iqaluit.ca/news/iqaluit-announces-new-city-council-members
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᕌᑦ ᒪᒡᕗᐊᕐᑦ
ᓯᑎᒃᑯᑦ ᐊᓪᓚᑦᑎᖓᑦ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: R.Mugford@iqaluit.ca