
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᒃᑰᔫᑦ ᓄᖅᑲᖓᒋᐊᖃᖏᓯᐊᖅᑐᑦ ᐊᑐᕆᐊᓂ
ᓅᕖᐱᕆ 13, 2024 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᒪᓕᑦᑐᒋᑦ ᓄᓇᕗᑦ ᐊᑐᕆᐊᒃᑯᑦ ᐃᖏᕐᕋᕙᑦᑐᑦ ᐊᑦᑕᓇᑦᑕᐃᓕᒪᓂᕐᒧᑦ ᒪᓕᒐᖅ ᐊᒻᒪ ᓄᓇᓕᐸᐅᔭᐃᑦ ᐃᖃᓗᐃᑦ ᒪᓕᒐᕋᓛᖁᑎᖓᑦ 625 (ᐃᖏᕐᕋᔪᓄᑦ, ᓄᖅᑲᖓᔪᓄᑦ, ᐊᒻᒪ ᐱᓱᕝᕕᓐᓄᑦ ᒪᓕᒐᕋᓛᖅ), ᓄᓇᒃᑰᔫᑦ ᓄᖅᑲᖓᒋᐊᖃᖏᓯᐊᖅᑐᑦ ᐊᑐᕆᐊᓂ ᐱᔪᓐᓇᐅᑎᖃᖅᑎᑕᐅᖏᒃᑯᑎᒃ ᑎᑎᕋᕐᓯᒪᔪᒃᑯᑦ ᐃᖏᕐᕋᕙᑦᑐᓄᑦ ᑐᕌᖓᔪᓄᑦ ᑎᑎᖅᑲᓄᑦ. ᓄᓇᒃᑰᔫᑦ ᓄᖅᑲᖓᑎᑕᐅᔪᑦ ᓱᕋᐃᓗᑎᒃ ᐆᕕᖓ ᒪᓕᒐᕐᒥᒃ ᐊᑭᓖᑎᑕᐅᒍᓐᓇᖅᑐᑦ ᑎᑭᒍᓐᓇᖅᑐᓂᒃ ᐃᒪᓐᓇᓄᑦ $75.00, ᐊᒻᒪ ᑲᓕᑕᐅᒍᓐᓇᖅᑐᓂ ᓄᓇᒃᑰᔫᖅ ᓄᓇᒃᑰᔫᖁᑎᓕᒃ ᐊᑭᓖᒋᐊᖃᕋᔭᖅᑐᓂ ᑲᓕᑦᑕᐅᒍᑎᓂᒃ.
ᓄᖅᑲᖓᔪᖃᖅᑎᓪᓗᒍ ᐊᑐᕆᐊᕐᓂ ᓴᖅᑮᔪᓐᓇᕐᒪᑕ ᐊᑦᑕᓇᖅᑐᒻᒪᕆᓐᓂᒃ ᓴᖑᒋᐊᓂᒃ ᑕᕐᕆᓯᒪᑎᑦᓯᒍᓐᓇᕐᒪᑕ ᐊᒻᒪ ᓄᓇᒃᑰᔫᖅᑐᓂᒃ ᐱᔭᕆᐊᑐᓕᖅᑎᑦᓯᒍᑎᐅᓗᑎᒃ ᓴᖑᒐᓱᒋᐊᒥ ᐊᑦᑕᓇᔾᔭᐃᕐᓯᒪᓗᑎᒃ ᐊᓯᖏᓐᓄᑦ ᐊᑐᕆᐊᓄᑦ. ᐊᒻᒪᑦᑕᐅᖅ, ᓄᖅᑲᖓᔪᑦ ᓄᓇᒃᑰᔫᑦ ᐊᕝᕕᐊᕈᓐᓇᕐᒪᑕ ᐊᐳᑕᐃᔭᐃᔪᓂᒃ ᐊᒻᒪ ᐊᑐᕆᐊᓕᕆᔪᓂᒃ, ᐊᑑᑎᖃᖅᑐᒻᒪᕆᐅᔪᓂᒃ ᐊᑐᕆᐊᕗᑦ ᐅᐸᑦᑕᐅᔪᓐᓇᑦᓯᐊᖁᓪᓗᒋᑦ ᐊᒻᒪ ᐊᑦᑕᓇᔾᔭᐃᕐᓯᒪᖁᓪᓗᒋᑦ.
ᓄᓇᓕᐸᐅᔭᒃᑯᑦ ᖁᔭᓕᕙᑦᑐᑦ ᓄᓇᓕᕐᒥᐅᑕᐃᑦ ᑲᑐᔾᔨᖃᑎᖃᑦᓯᐊᖅᑐᑎᒃ ᒪᓕᑉᐸᒻᒪᑕ ᑕᒪᒃᑯᓂᖓ ᒪᓕᒐᕐᓂᒃ ᐊᒻᒪ ᖁᔭᓐᓇᒦᖅᑐᑎᒃ ᓄᓇᓕᕐᒥᐅᑕᓂᒃ ᑐᑭᓯᐊᑦᓯᐊᐸᓐᓂᖏᓐᓄᑦ ᐊᒻᒪ ᐃᑲᔪᕐᓯᑦᓯᐊᐸᓐᓂᖏᓐᓄᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:
ᓯᑏᕝ ᐋᓚᓐ
ᐊᖏᔪᖅᑳᖓᑦ ᒪᓕᒐᕋᓛᓕᕆᔨᒃᑯᑦ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5674 | S.Allen@iqaluit.ca