ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᑖᖅ ᐱᖁᑎᓄᑦ ᑖᒃᓰᔭᐃᔭᐅᑎᓂᒃ ᐊᑭᓖᒋᐊᑐᖏᔾᔪᑎᒧᑦ ᐅᐸᓗᖓᐃᔭᐅᑎ
ᒫᕐᓯ 25, 2025 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᓴᖅᑮᕙᓕᐊᓕᕐᒥᔪᑦ ᓄᑖᒥᒃ ᐅᐸᓗᖓᐃᔭᐅᑎᑦᓴᒥᒃ ᐱᖁᑎᓄᑦ ᑖᒃᓰᔭᐃᔭᐅᑎᓂᒃ ᐊᑭᓖᖏᔾᔪᑎᑦᓴᓕᕆᔪᒥᒃ ᐊᑐᕈᓐᓇᖅᑐᓄᑦ ᑲᑐᔾᔨᖃᑎᒌᓄᑦ, ᐊᑐᓕᕆᐊᖅᑕᐅᑎᒋᓗᓂ ᒫᓐᓇ. ᑲᑐᔾᔨᑎᒌᖑᔪᑦ ᕿᓂᖅᑐᑦ ᐊᑭᓖᖏᔾᔪᑎᑦᓴᒥᒃ ᑐᑦᓯᕋᐅᑎᓕᐅᕆᐊᖃᖃᑦᑕᕐᓂᐊᓕᖅᑐᑦ ᐊᕐᕌᒍᑕᒫᖅ, ᑎᓴᒪᓂᒃ (4) ᐊᕐᕌᒍᓂᒃ ᐅᑕᖅᑭᒋᐊᖃᖅᐸᓚᐅᕋᓗᐊᕐᒪᑕ. ᐊᑭᓖᖏᔾᔪᑎᑦᓴᑦ ᐊᑐᖅᑕᐅᔪᓐᓇᓂᐊᖅᑐᑦ 100%-ᐳᓴᖏᓐᓄᑦ ᐊᑭᓕᕆᐊᖃᖅᐸᑦᑐᑦ ᐱᖁᑎᓄᑦ ᑖᒃᓰᔭᐃᔭᐅᑎᓄᑦ ᐱᔪᓐᓇᕐᓂᖏᓐᓄᑦ ᐅᑉᐱᖅᑐᓕᕆᕙᑦᑐᓄᑦ ᐊᒻᒪ ᑮᓇᐅᔭᓕᐅᖅᑎᐅᖏᑦᑐᓄᑦ ᑲᑐᔾᔨᖃᑎᒌᓄᑦ, ᐱᖃᓯᐅᔾᔭᐅᒐᑎᒃ ᓇᔪᒐᖃᕐᕕᐅᔪᑦ. ᑲᑎᑦᑐᒋᑦ ᐊᑭᓖᖏᔾᔪᑎᐅᔪᓐᓇᕋᔭᖅᑐᑦ ᐊᕐᕌᒍᑕᒫᖅ ᐊᖏᖅᑕᐅᕙᓪᓗᑎᒃ ᐊᑭᓕᕆᐊᓕᓐᓄᑦ ᑎᑭᒍᓐᓇᖅᑐᓄᑦ ᐃᒪᓐᓇᓄᑦ $300,000.
ᐱᔪᓐᓇᖅᑎᑕᐅᔪᑦ:
ᐱᖁᑎᓄᑦ ᑖᒃᓰᔭᐃᔭᐅᑎᓂᒃ ᐊᑭᓖᖏᔾᔪᑎᑖᕈᒪᓂᐊᖅᑐᓐᓄᑦ, ᑲᑐᔾᔨᖃᑎᒌᖑᔪᑦ ᓇᖕᒥᓂᖃᕆᐊᓕᐅᔪᑦ ᐱᖁᑎᒥᒃ ᐅᕝᕙᓘᓐᓃᑦ ᐱᖁᑎᓂᒃ ᐊᑭᓕᕐᓱᐃᔨᐅᒋᐊᓕᒃ. ᐊᒻᒪᑦᑕᐅᖅ, ᐱᖁᑎᐅᔪᖅ ᐊᑐᖅᑕᐅᖃᑦᑕᕆᐊᓕᐅᔪᖅ ᐅᑉᐱᖅᑐᓕᕆᕝᕕᐅᓗᓂ (ᓇᔪᒐᐃᑦ ᐱᖃᓯᐅᔾᔭᐅᖏᑦᑐᑦ) ᐅᕝᕙᓘᓐᓃᑦ ᑮᓇᐅᔭᓕᐅᖅᑎᐅᖏᓪᓗᑎᒃ ᓱᓴᐃᔭᑎᐅᓗᑎᒃ ᓇᓗᓇᐃᖅᑕᐅᓯᒪᓗᑎᒃ ᐅᑯᓄᖓ ᓱᓴᐃᔭᑎᓄᑦ ᒪᓕᒐᖅ (ᐱᖃᓯᐅᔾᔭᐅᒐᑎᒃ ᓇᔪᒐᐃᑦ).
ᑐᑦᓯᕋᐅᑎᓕᐅᕈᑎᐅᑉ ᐅᐸᓗᖓᐃᔭᐅᑎᖓ:
1. ᐱᔭᕇᕐᓯᒪᔪᒥᑦ ᑐᑦᓯᕋᐅᑎᒥᒃ ᑐᓂᓯᓗᑎᑦ - ᐱᔪᓐᓇᖅᑎᑕᐅᔪᑦ ᑲᑐᔾᔨᖃᑎᒌᖑᔪᑦ ᑎᑎᕋᕆᐊᓕᐅᔪᑦ ᐊᒻᒪ ᑐᓂᓗᒍ ᑐᑦᓯᕋᐅᑎᓕᐊᓂ ᓄᓇᓕᐸᐅᔭᒃᑯᓐᓄᑦ ᐃᖃᓗᓐᓂ.
2. ᐊᕐᕌᒍᑕᒫᕐᓯᐅᑎᒥᒃ ᓄᑖᕈᖅᑎᑦᓯᔾᔪᑎᒥᒃ ᑎᑎᕋᕆᐊᓕᒃ - ᐊᖏᖅᑕᐅᓯᒪᔪᑦ ᐊᑭᓖᒋᐊᑐᖏᔾᔪᑎᐅᔪᑦ ᐊᕐᕌᒍᑕᒫᖅ ᓄᑖᕈᖅᑎᑕᐅᖃᑦᑕᕆᐊᓕᐅᔪᑦ ᓇᓗᓇᐃᔭᐃᓗᑎᒃ ᖃᓄᐃᓕᖓᒍᑎᐅᔪᑦ ᐊᑭᓖᖏᔾᔪᑎᐅᔪᑦ ᑕᐃᒪᐃᓕᖓᑐᐃᓐᓇᕐᒪᑕ ᐊᓯᔾᔨᕐᓯᒪᒐᑎᓪᓗ.
ᐊᔾᔨᖏᓐᓂᒃ ᑎᑎᕋᕐᓯᒪᔪᓂᒃ ᐱᖁᑎᓄᑦ ᑖᒃᓰᔭᐃᔭᐅᑎᓂᒃ ᐊᑭᓖᖏᔾᔪᑎᑦᓴᒥᒃ ᑐᑦᓯᕋᐅᑎᐅᔪᑦ ᑎᑎᕋᕐᕕᑦᓴᑦ ᐊᑐᐃᓐᓇᐅᔪᑦ ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᑭᐊᖅᑭᕕᖓᓐᓂ ᐅᕝᕙᓘᓐᓃᑦ ᑎᑎᕋᕐᕕᑦᓴᖏᓐᓂᒃ ᐊᐃᔭᐅᔪᓐᓇᖅᑐᑦ ᓄᓇᓕᐸᐅᔭᒃᑯᑦ ᐊᓪᓚᕝᕕᖏᓐᓄᑦ ᑮᓇᐅᔭᓕᕆᔨᖏᓐᓂᒃ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:
ᑮᓇᐅᔭᓕᕆᔨᒃᑯᑦ ᐊᑭᓕᑦᓴᐃᔭᕐᕕᖓᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ
