ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᑖᖅ ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᑦᑕᐃᓕᒪᓂᕐᒥᑦ ᒪᓕᒐᕋᓛᖅ 894 ᐊᑐᕈᓐᓃᑎᑦᓯᔪᖅ ᒪᓕᒐᕋᓛᓐᓂᒃ 319 ᐊᒻᒪ 799
ᔪᓇ 23, 2020 – ᐃᖃᓗᐃᑦ, ᓄᓇᕗᑦ
ᓯᑎᒃᑯᑦ ᑲᑎᒪᔨᖏᑦ ᑲᔪᓯᑎᑦᑎᓚᐅᖅᑐᑦ ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᑦᑕᐃᓕᒪᓂᕐᒥᑦ ᒪᓕᒐᕋᓛᖅ 894−ᒥᑦ ᐊᑐᕈᓐᓃᑎᑦᓯᓯᒪᔪᒥᑦ ᒪᓕᒐᕋᓛᓐᓂᒃ 319 ᐊᒻᒪ 799 ᐋᖅᑭᑦᓯᒍᒪᓪᓗᑎᒃ ᐱᒻᒪᕆᐅᔪᓂᑦ ᒪᓕᒐᕐᓂᑦ ᓯᕗᒧᐊᒋᐊᕈᑎᐅᔪᓂᑦ ᒪᓕᒐᓕᐅᕈᑎᖏᓐᓂᑦ ᐊᒻᒪ ᐊᐅᓚᑦᑎᔾᔪᑎᖏᓐᓂᑦ ᓄᓇᒃᑰᔫᑦ ᐊᒻᒪ ᐱᓱᑉᐸᑦᑐᑦ ᓄᓇᓕᐸᐅᔭᖓᓐᓂ ᐃᖃᓗᐃᑦ. ᓄᑖᖅ ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᑦᑕᐃᓕᒪᓂᕐᒥᑦ ᒪᓕᒐᕋᓛᖅ 894 ᑲᔪᓯᑎᑕᐅᓚᐅᖅᑐᖅ ᓯᑎᒃᑯᑦ ᑲᑎᒪᔨᖏᑦ ᑲᑎᒪᓂᖃᖅᑎᓪᓗᒋᑦ #17−ᒥᑦ ᐱᖁᔨᕗᖔᓕᐅᕈᑎᒧᑦ #20−167 ᔪᓂ 9, 2020.
ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᑦᑕᐃᓕᒪᓂᕐᒥᑦ ᒪᓕᒐᕋᓛᖅ 894
ᖃᓄᐃᓕᖓᒍᑎᓂᑦ ᑎᑎᕋᕐᓯᒪᔪᑦ
- ᒐᕙᒪᒃᑯᖏᑦ ᓄᓇᕗᑦ ᐊᓯᔾᔩᓚᐅᕐᒪᑕ ᓯᕗᓪᓕᕐᒥᑦ ᐊᐅᓚᐅᑎᓕᓐᓂᑦ ᓄᓇᒃᑰᔫᓄᑦ ᐱᖁᔭᕐᒥᑦ ᔮᓐᓄᐊᕆᒥ 2019, ᐊᑐᓕᖅᑎᑕᐅᓗᓂ “ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᑦᑕᐃᓕᒪᓂᕐᒥᑦ “ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᑦᑕᐃᓕᒪᓂᕐᒥᑦ ᐱᖁᔭᖅ”.
- ᓄᓇᓕᐸᐅᔭᐃᑦ ᐃᖃᓗᐃᑦ ᑎᑎᕋᕆᐊᖕᖓᓚᐅᖅᑐᑦ ᐊᓯᔾᔨᕈᓐᓇᖅᑐᒥᑦ ᓄᑖᒥᑦ ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᒪᓕᒐᕋᓛᒥᑦ ᐊᑐᕈᓐᓃᑎᑦᓯᔾᔪᑎᒥᑦ ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᒪᓕᒐᕋᓛᒥᑦ 319 ᐊᒻᒪ ᑎᑎᕋᕐᓯᒪᓂᖏᓐᓂᑦ ᐊᔾᔨᖃᕆᐊᖁᓪᓗᒋᑦ ᐊᓯᔾᔨᕐᓯᒪᔪᒥᑦ ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᑦᑕᐃᓕᒪᓂᕐᒥᑦ ᐱᖁᔭᕐᒥᑦ.
- ᑎᑎᕋᕆᐊᕐᓯᒪᔪᑦ ᑐᑭᖏᑦ ᐅᖃᐅᓯᖏᓐᓄᑦ ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᑦᑕᐃᓕᒪᓂᕐᒥᑦ ᐱᖁᔭᕐᒥ, ᑎᑎᕋᖅᑕᐅᓚᐅᖅᑐᑦ ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᑦᑕᐃᓕᒪᓂᕐᒥᑦ ᒪᓕᒐᕋᓛᕐᒧᑦ 894.
- ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᑦᑕᐃᓕᒪᓂᕐᒥᑦ ᒪᓕᒐᕋᓛᖅ 894−ᒥ ᑎᑎᕋᕐᓯᒪᔪᖃᓕᖅᑐᖅ ᐊᑎᓕᐅᕈᑎᓂᑦ ᐊᒻᒪ ᓇᓪᓕᐅᒃᑯᒫᖃᕆᐊᖃᕐᓂᕐᒥᑦ ᐊᑐᖅᑕᐅᒋᐊᓕᓐᓂᑦ.
- ᖃᓄᑎᒋ ᓱᒃᑲᓐᓂᖃᕆᐊᖃᕐᓂᕐᒥᑦ ᑭᓪᓕᒋᔭᐅᔪᑦ ᐊᓯᔾᔨᖅᑕᐅᓚᐅᖅᑐᑦ ᐃᒪᐃᑦᑐᓄᑦ:
- ᑎᑎᕋᕐᓯᒪᓐᓂᖏᑉᐸᑕ ᓯᕗᓂᐊᒍᑦ, ᓱᒃᑲᓂᖃᕈᓐᓇᖅᑐᑦ ᐃᖏᕐᕋᔪᑦ ᓄᓇᓕᐅᑉ ᐃᓗᐊᓂ 30 ᑭᓛᒥᑕᓂᑦ ᐃᑲᕐᕋᒥ.
- ᐅᖃᐅᓯᖃᖅᑐᑦ “ᓱᒃᑲᐃᓂᕐᒥᑦ ᖃᓄᑎᒋ” ᐊᕝᕕᐊᖅᑐᓂᑦ ᐅᕝᕙᓘᓐᓃᑦ ᓄᖅᑲᑎᑦᑎᔪᓂᑦ ᓄᓇᒃᑰᔫᑦ ᐃᖏᕐᕋᓂᖏᓐᓂᑦ.
- ᖃᓄᐃᒍᑎᐅᔪᓂᑦ ᐊᑐᕆᐊᓂᑦ ᐱᔾᔪᑎᒋᓪᓗᒍ ᓯᓚ ᐊᒻᒪ ᐊᓯᖏᑦ ᐱᔾᔪᑎᑦᓴᐃᑦ.
- ᐋᖅᑭᑦᑕᐅᓯᒪᔪᑦ ᖃᓄᑎᒋᑦ ᓱᒃᑲᓂᖃᕐᓂᒃᑯᑦ ᑭᓪᓕᖏᓐᓂᑦ ᐊᒻᒪ ᐊᑭᓖᒋᐊᓖᑦ ᖃᓄᐃᑦᑑᓂᖏᓐᓂᑦ
0-16 ᑭᓛᒥᑕᐃᑦ ᐅᖓᑖᓅᖓᔪᑦ ᑎᑎᕋᕐᓯᒪᔪᑦ ᓱᒃᑲᓂᐅᒋᐊᓖᑦ $100.00
17-29 ᑭᓛᒥᑕᐃᑦ ᐅᖓᑖᓅᖓᔪᑦ ᑎᑎᕋᕐᓯᒪᔪᑦ ᓱᒃᑲᓂᐅᒋᐊᓖᑦ $250.00
30-40 ᑭᓛᒥᑕᐃᑦ ᐅᖓᑖᓅᖓᔪᑦ ᑎᑎᕋᕐᓯᒪᔪᑦ ᓱᒃᑲᓂᐅᒋᐊᓖᑦ $350.00
41-49 ᑭᓛᒥᑕᐃᑦ ᐅᖓᑖᓅᖓᔪᑦ ᑎᑎᕋᕐᓯᒪᔪᑦ ᓱᒃᑲᓂᐅᒋᐊᓖᑦ $500.00
50 ᑭᓛᒥᑕᐃᑦ ᐊᒻᒪ ᐅᖓᑖᓄᑦ ᑭᓛᒥᑕᐃᑦ ᐅᖓᑖᓅᖓᔪᑦ
ᑎᑎᕋᕐᓯᒪᔪᑦ ᓱᒃᑲᓂᐅᒋᐊᓖᑦ $1000.00
ᐱᔪᓐᓇᐅᑎᐅᔪᑦ ᑎᒍᓯᔪᓐᓇᓂᕐᒥᑦ ᐊᒻᒪ ᐱᓯᒪᑦᑎᒍᓐᓇᓂᕐᒥᑦ ᐊᐅᓚᐅᑎᓕᓐᓂᑦ ᓄᓇᒃᑰᔫᓂᑦ
- ᓄᓇᒃᑰᔫᑦ ᐃᖏᕐᕋᔪᑦ 50 ᑭᓛᒥᑕᓂᑦ ᐊᒻᒪ ᐅᖓᑖᓄᑦ ᑭᓛᒥᑕᐃᑦ ᐅᖓᑖᓅᖓᔪᑦ ᑎᑎᕋᕐᓯᒪᔪᑦ ᓱᒃᑲᓂᐅᒋᐊᓖᑦ ᑎᒍᔭᐅᔪᓐᓇᖅᑐᑦ ᐊᒻᒪ ᐱᓯᒪᔭᐅᔪᓐᓇᖅᑐᑎᒃ 24−ᓂᑦ ᐃᑲᕐᕋᓂᑦ.
- ᓄᓇᒃᑰᔫᑦ ᐊᑐᕈᓐᓇᖅᑐᓂᑦ ᓇᓪᓕᐅᒃᑯᒫᓕᕐᓯᒪᖕᖏᑦᑐᑦ ᐊᒻᒪ ᐊᑎᓕᐅᕈᑎᐅᓯᒪᖕᖏᑦᑐᑦ ᑎᒍᔭᐅᔪᓐᓇᖅᑐᑦ ᐊᒻᒪ ᐱᓯᒪᔭᐅᔪᓐᓇᖅᑐᑎᒃ ᐊᑐᕈᓐᓇᖅᑐᒥᑦ ᓇᓪᓕᐅᒃᑯᒫᖅᑖᓚᐅᖏᓐᓂᖏᓐᓂ ᐊᒻᒪ ᐊᑎᓕᐅᕐᓗᑎᒃ.
- ᐊᑐᖅᑕᐅᖏᓐᓇᕆᐊᓖᑦ ᓄᓇᒃᑰᔫᓂ ᕿᓗᐊᑦ ᐊᒻᒪ ᐱᒋᐊᖅᑎᑕᐅᔪᓐᓇᖅᑐᑦ ᐊᑭᓕᐅᑎᑦᓴᐃᑦ.
- ᖄᖏᕐᓯᔪᑦ ᓄᓇᒃᑰᔫᓂᑦ ᐊᒻᒪ ᖄᖏᕐᓯᒍᓐᓇᖅᑎᑕᐅᑎᓪᓗᒋᑦ ᖃᖓᑐᐃᓐᓇᒃᑯᑦ, ᐊᑐᖁᔭᐅᑎᓐᓇᒍ ᐊᒻᒪ ᐊᑦᑐᐊᔪᑦ ᐊᑭᓕᕆᐊᓖᑦ.
- ᓴᖑᕕᐅᔪᓐᓇᖅᑐᑦ, ᓴᖑᕕᐅᔪᓐᓇᖏᑦᑐᑦ, ᐊᒻᒪ ᐊᑦᑐᐊᔪᑦ ᐊᑭᓕᕆᐊᓖᑦ.
- ᑲᓕᒍᓐᓇᖅᑐᑦ ᓄᓇᒃᑰᔫᓂᑦ ᐊᒻᒪ ᐊᓯᖏᓐᓂᑦ ᓱᓇᒃᑯᑖᓂᑦ ᖃᖓᑐᐃᓐᓇᒃᑯᑦ, ᐊᑐᖁᔭᐅᑎᓐᓇᒍ ᐊᒻᒪ ᐊᑦᑐᐊᔪᑦ ᐊᑭᓕᕆᐊᓖᑦ.
- ᓄᓇᒃᑰᔫᓄᑦ ᓱᓇᒃᑯᑖᓂᑦ ᐊᑐᕈᓐᓇᖅᑐᑦ ᐱᖃᓯᐅᑎᓪᓗᒋᑦ ᐊᑦᑕᓇᔾᔭᐃᕐᓯᒪᓗᑎᒃ ᐊᐅᓚᑦᑎᒍᓐᓇᕐᓂᖅ ᐊᑐᕆᐊᓂ ᐊᒻᒪ ᐊᑦᑐᐊᔪᑦ ᐊᑭᓕᕆᐊᓖᑦ.
- ᐊᑐᖅᑕᐅᒋᐊᓖᑦ ᐱᑦᑎᐊᕐᓗᓂ ᖃᓄᖅ ᐅᓯᒋᐊᖃᕐᒪᖔᑕ ᑮᓇᐅᔭᓕᐅᖅᑏᑦ ᓄᓇᒃᑰᔫᑦ ᐊᑐᕆᐊᒃᑰᑎᓪᓗᒋᑦ, ᐊᒻᒪ ᐊᑦᑐᐊᔪᑦ ᐊᑭᓕᕆᐊᓖᑦ.
- ᕿᒪᑦᑕᐅᓯᒪᑐᐃᓐᓇᖅᑐᑦ ᓄᓇᒃᑰᔫᑦ, ᒪᓕᒋᐊᓕᓐᓂᑦ ᓇᓗᓇᐃᔭᐃᑏᑦ ᐊᒻᒪ ᑎᒍᓯᓂᖅ.
ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-3216
