ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᑦ
ᒪᑐᐊᖅᓯᒪᒍᑎᑦ ᐱᔭᒃᓴᐅᑎᑕᐅᕗᑦ ᐱᖃᕆᐊᖃᓪᓚᕆᑦᑐᓄᑦ ᐃᖃᓇᐃᔭᕐᕕᖁᑎᓄᑦ
ᔫᓂ 3, 2021 - ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐱᓯᒪᓪᓚᕆᖁᔨᒻᒪᑕ ᐱᔭᐅᓯᒪᒋᐊᖃᓪᓚᕆᒃᑐᓂᒃ ᐃᖃᓇᐃᔭᕝᕕᑦ ᐊᒥᖓᒋᑦᑐᓂᒃ ᐱᓕᕆᔾᔪᑎᖃᖁᓪᓗᒋᑦ ᓇᒻᒥᓂᒻᒧᑦ ᓴᐳᒻᒥᒍᑎᓂᒃ ᐃᖃᓇᐃᔭᖅᑎᑦ ᐅᑎᓕᖅᑎᓪᓗᒋᑦ ᐊᒡᓚᒡᕕᖏᓐᓄᑦ ᔫᓂ 3−ᒥ ᑭᖑᓂᖓᒍᑦ ᓄᑖᑉ ᐃᓄᓕᒫᓄᑦ ᐋᓐᓂᐊᖃᑦᑕᐃᓕᓂᕐᒧᑦ ᒪᓕᒃᑕᐅᖁᔨᒍᑎᓂ.
ᑕᐃᒪᓕ ᐃᓚᒋᔭᐅᒍᕕᑦ ᐱᓕᕆᒋᐊᖃᓚᕆᓪᓗᓯ ᓇᒻᒥᓂᖁᑎᒥ ᐅᕝᕙᓗᓂᑦ ᐃᖃᓇᐃᔭᕝᕕᒻᒥ ᐱᖃᕆᐊᖃᑐᐋᕈᔅᓯ ᓇᒻᒥᓂᕐᒧᑦ ᓴᐳᒻᒥᒍᑎ ᐱᓕᕆᔾᔪᑎᓂᒃ, ᐊᑏ ᑐᔅᓯᕋᓚᐅᕆᔅᓯ ᐋᓕᓴᓐ ᑐᕋᒻᒪᐅᓐ, ᑐᑭᒧᐊᒃᑎᑦᑎᔨ ᑮᓇᐅᔭᐅᓕᕆᓂᕐ ᐱᔨᔅᓯᕈᑎᓕᕆᔨᒃᑯᓐᓂᒃ, ᖃᕋᑕᐅᔭᒃᑯᑦ A.Drummond@iqaluit.ca.
ᓄᓇᓕᐸᐅᔭᒃᑯᑦ ᐊᒥᓲᓗᐊᖏᑦᑐᓂᒃ ᐱᖃᒃᑎᑦᑎᒍᓐᓇᕐᒪᑕ ᒪᑐᐊᖅᓯᒪᒍᑎᓂᒃ, ᑕᐃᕕᕋᔭᓂᒃ ᐊᓐᓄᕌᒃᓯᒪᒍᑎᓂᒃ ᐊᒻᒪᓗ ᐃᒋᑐᐃᓐᓇᕆᐊᓕᓐᓂᒃ ᐊᒡᒑᓂᒃ ᖁᔭᒋᕙᕗᑦ ᐊᒥᒐᖏᑦᑐᓂᒃ ᐃᑲᕗᕈᑎᖃᓐᓂᖏᓐᓄᑦ ᕼᒪᓚᖓ ᐊᕐᕕᐊᑦ.
ᒪᐃᔭ ᔫ ᓴᕕᑲᑖᖅ ᓄᑲᖅᑎᐅᑉ ᐊᒡᓚᒡᕕᖓ ᐱᔭᐅᖔᖅᑎᑦᑎᓕᓚᐅᕐᒪᑦ ᐊᒥᓱᐋᓗᓐᓂᒃ ᐱᔭᐅᑎᑕᐅᔪᓂᒃ ᓇᒻᒥᓂᕐᒧᑦ ᓴᐳᒻᒥᒍᑎᑦ ᐱᓕᕆᔾᔪᑎᓂᒃ (PPE) ᑕᐅᕗᖓ ᑎᑭᑎᑕᐅᕙᓪᓕᐋᓕᓚᐅᖅᑐᓂᒃ ᐊᕐᕕᐋᓄᐊᖅᑎᑕᐅᓗᑎᒃ ᓯᕗᓪᓕᖅᐹᒥ ᓇᓗᓇᐃᖅᑕᐅᔪᖃᒃᑎᓪᓗᒍ ᖃᓂᒪᔪᖃᕐᓂᖓᓂᒃ ᓄᕙᒡᔪᐊᕐᓇᖅ-19 ᐱᑕᖃᓐᓂᕋᒃᑕᐅᓕᖅᑎᓪᓗᒍ ᐊᐃᕆᓕ 2021-ᒥ. ᓄᓇᓕᐸᐅᔭᒃᑯᑦ ᑕᒪᑐᒥᖓ ᐊᑐᐃᓐᓇᓕᒻᒪᑕ ᐱᓕᕆᔾᔪᑎᒥᒃ ᐱᖃᒃᑎᑕᐅᖁᓪᓗᒋᑦ ᐱᓯᒪᒋᐊᖃᓚᕆᒃᑐᑦ ᓇᒻᒥᓂᖁᑎᑦ ᐊᒻᒪᓗ ᐃᖃᓇᐃᔭᕐᕕᖁᑎᑦ ᐱᓕᕆᔾᔪᑎᖃᒃᑎᑕᐅᖁᓪᓗᒋᑦ ᑕᐃᒫᒃ ᐱᒋᐊᖃᑐᐊᖅᐸᑕ.
ᑭᒡᒐᖅᑐᓪᓗᒋᑦ ᓄᓇᓕᐸᐅᔭᖓ ᐃᖃᓗᐃᑦ ᐊᒻᒪᓗ ᓄᓇᓕᓐᓂᒥᐅᑕᐅᔪᑦ, ᓄᓇᓕᐸᐅᔭᒃᑯᑦ ᖁᔭᓕᒍᒪᒻᒪᑕ ᕼᒪᓚᖓᓂᒃ ᐊᕐᕕᐊᑦ ᐊᒥᒐᖏᑦᑐᓂᒃ ᐃᑲᔪᕈᑎᖃᓐᓂᖏᓐᓄᑦ ᓇᒻᒥᓂᕐᒧᑦ ᓴᐳᒻᒥᒍᑎᑦ ᐱᓕᕆᔾᔪᑎᖏᓐᓂᒃ.
ᓄᓇᓕᓕᕆᔨᒃᑯᑦ ᒪᓕᒃᑕᐅᑎᑦᑎᔨᖓ ᑲᔪᓯᓂᐋᒻᒪᑦ ᑐᓂᓯᕙᓪᓗᓂ ᐃᓚᒃᑲᓐᓂᖏᓐᓂᒃ ᐱᔭᐅᑎᑕᐅᕙᒃᑐᑦ ᒪᑐᐋᕐᓂᒃ ᑭᒃᑯᑐᐃᓐᓇᓐᓄᑦ ᐊᑐᕐᓂᖓᓂ ᖃᐅᔨᒪᓂᖅᓴᐅᓕᖅᑎᑦᑎᒐᓱᐊᓪᓗᑎᒃ ᖃᐅᔨᓴᖃᑦᑕᓐᓂᖏᓐᓂ.
ᓖᓴ ᒥᓗᓵᕝᔨᕕᒃ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓂᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5607
