ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᒃᓴᖅ
ᒪᐃ 12-ᒥ ᐃᓪᓗ ᐃᑯᐊᓪᓚᓚᐅᖅᑐᖅ – ᐱᓇᓱᐊᕈᓯᐅᑉ ᓄᓐᖑᐊᓂᑦ ᐅᓂᒃᑳᑦ
ᒪᐃ 15, 2023 – ᐃᖃᓗᐃᑦ, ᓄᓇᕗᑦ
4:32−ᒥ ᐅᓐᓄᓴᒃᑯᑦ ᑕᓪᓕᕐᒥᐅᑎᓪᓗᒍ ᒪᐃ 12, ᐃᖃᓗᐃᑦ ᖃᑦᑎᕆᔨᖏᑦ ᐅᐸᒍᑎᓚᐅᖅᑐᑦ ᐃᓪᓗᒧᑦ ᐃᑯᐊᓚᔪᒧᑦ 2400-ᖏᓐᓂᑦ ᓈᓴᐅᑎᓕᓐᓂ ᐃᖃᓗᐃᑦ ᑕᓐᓄᕋ ᕚᓕᖓᓂ. ᖃᑦᑎᕆᔨᓕᒫᑦᑎᐊᑦ ᐊᒻᒪᓗ ᑮᓇᐅᔾᔭᒃᓴᓇᑎᒃ ᐃᑲᔪᑏᑦ ᑖᕗᓐᖓᑦᑕᐅᑎᒋᑎᑕᐅᓚᐅᖅᑐᑦ ᐃᑭᒃᑐᒧᑦ, ᐱᖃᑎᖃᖅᑐᑎᒃ ᓴᓇᔪᓕᕆᔨᒃᑯᑦ ᐃᒥᖅᑕᐅᑎᖏᓐᓂᑦ ᓄᓇᓯᐅᑎᓂᑦ. ᓄᓇᓕᐸᐅᔭᐅᑉ ᒪᓕᒐᕋᓛᓂᑦ ᒪᓕᑦᑎᑦᑎᔨᖏᑦ ᑖᕙᓂᓚᐅᕐᒥᔪᑦ ᓄᓇᓯᐅᑎᓂᑦ ᑲᒪᔭᖅᑐᖅᓯᒪᓪᓗᑎᒃ.
ᖃᑦᑎᕆᔨᒃᑯᑦ ᐅᖃᖃᑎᖃᕈᓐᓇᓚᐅᕐᒪᑕ ᐊᓂᐊᕙᓪᓕᐊᑎᓪᓗᒋᑦ ᐃᑭᑦᑐᒥᑦ, ᑕᐃᒫᓪᓗ ᖃᐅᔨᔪᓐᓇᓚᐅᖅᑐᑦ ᑕᐃᑲᓂ ᐃᓪᓗᒥᐅᖃᑎᒌᓕᒫᑦ ᐊᓂᓐᓂᕐᒪᑕ ᖃᓄᐃᑦᑐᖃᕋᓂ. ᐋᓐᓂᖅᑐᖃᓚᐅᓐᖏᑦᑐᖅ ᐃᓪᓗᖃᖅᑑᔪᓂᑦ ᐅᕝᕙᓘᓐᓃᑦ ᖃᑦᑎᕆᔨᓂᑦ, ᐊᒻᒪᓗ ᐃᓪᓗᐃᑦ ᓴᓂᓪᓕᖏᑦ ᓱᕋᑦᑐᖃᓚᐅᕋᑎᒃ.
ᖄᖓᒍᒃᑲᓐᓂᖅ ᐃᓪᓗᒥᑦ ᐃᑭᑦᑐᖃᕐᓂᐅᓚᐅᖅᑑᑉ, ᐅᓪᓛᖓᓂ ᒪᐃ 13-ᒥ ᐋᓐᓂᐊᔪᖅᑕᖅᑏᑦ ᐅᐸᒍᑎᒋᐊᖃᓚᐅᕐᒥᔪᑦ ᐊᖏᕐᕋᒥᓂ ᐆᒻᒪᓯᔪᖃᖅᑎᓪᓗᒍ. ᑕᐃᒃᑯᐊᓕ ᐆᒻᒪᑎᖓᓂᑦ ᐱᒋᐊᖅᑎᑎᒃᑲᓐᓂᓚᐅᖅᑐᑦ ᐊᑐᖅᑐᑎᒃ ᓄᑖᖑᔪᒥᑦ ᓘᑲᔅ ᐆᒻᒪᑎᒥᑦ ᐊᐅᓚᔾᔭᐃᑲᓐᓂᕈᑎᒥᑦ ᐊᐅᓚᐅᑎᓕᒻᒥᑦ. ᑕᐃᓐᓇ ᐆᒻᒪᓯᓚᐅᖅᑐᖅ ᐅᓯᔭᐅᓚᐅᖅᑐᖅ ᕿᑭᖅᑕᓂ ᐋᓐᓂᐊᕕᖓᓄᑦ ᐊᒻᒪᓗ ᐋᑐᕚᒧᑦ ᐊᐅᓪᓚᖅᑎᑕᐅᓕᕆᓪᓗᓂ ᖃᓄᐃᓐᖏᓂᖅᓴᐅᓕᖅᑎᓪᓗᒍ.
ᐅᓐᓄᖓᓂ ᓈᑦᓰᖑᔭᒥ ᒪᐃ 14-ᒥ, ᐊᓯᐊᓂᑦ ᐃᓪᓗᒥᑦ ᐃᑭᑦᑐᖃᓕᓚᐅᕐᒥᔪᖅ. ᑕᐃᓐᓇ ᐃᓪᓗ ᐃᒐᓛᖏᑦ ᒪᑐᐊᖅᑐᖅᓯᒪᔪᑦ ᑕᐅᓇᓃᑦᑐᖅ 200−ᓂᑦ ᓈᓴᐅᑎᓕᓐᓂᑦ ᐃᓪᓗᓂ (ᐃᖃᓗᐃᑦ ᕿᑎᖓᓂ) ᖃᐅᔨᔭᐅᓚᐅᕐᒪᑦ ᐃᑯᐊᓚᓕᖅᑎᓪᓗᒍ, ᐊᒃᓱᐊᓗᓪᓗ ᐃᓯᐊᕿᓪᓗᓂ ᐃᓪᓗ. ᖃᑦᑎᕆᔩᑦ ᓇᓂᓯᔪᓐᓇᓚᐅᖅᑐᑦ ᓇᐅᒃᑯᑦ ᐃᑯᐊᓚᒻᒪᖔᖅ ᐊᒻᒪᓗ ᖃᒥᑦᑎᔪᓐᓇᖅᑐᑎᒃ ᕿᓚᒻᒥᑯᓗᒃ.
ᓄᓇᓕᐸᐅᔭᒃᑯᑦ ᖁᔭᓕᔪᒪᔪᑦ ᖃᑦᑎᕆᔨᓕᒫᑦᑎᐊᓂᑦ ᐱᓕᕆᖃᑎᒌᑉᐸᑦᑐᓂᑦ ᐱᓕᕆᓂᕆᓚᐅᖅᑕᖏᓐᓄᑦ ᒫᓐᓇ ᐱᓇᓱᐊᕈᓯᐅᑉ ᓄᓐᖑᒋᕋᑖᓚᐅᖅᑕᖓᓂ, ᐱᖃᓯᐅᔾᔭᐅᓪᓗᑎᒃ ᐃᒥᖅᑕᐅᑎᓄᑦ ᐊᑯᑏᑦ, ᖁᓪᓕᖅ ᐆᒻᒪᖅᑯᑎᓕᕆᓂᕐᒧᑦ ᑯᐊᐳᕇᓴᓐᖓ, ᑲᓇᑕᒥ ᐸᓖᓯᒃᑯᑦ, ᓄᓇᓕᐸᐅᔭᐅᑉ ᒪᓕᒐᕋᓛᓂᑦ ᒪᓕᑦᑕᐅᑎᑦᑎᔨᖏᑦ, ᓄᓇᓕᐸᐅᔭᐅᑉ ᓴᓇᔪᓕᕆᔨᒃᑯᖏᑦ, ᓄᓇᕗᒻᒥ ᖃᑦᑎᕆᔨᒻᒪᕆᐅᑉ ᐊᓪᓚᕝᕕᖓ, ᐊᒻᒪᓗ ᑮᓇᐅᔾᔭᒃᓴᓇᑎᒃ ᐃᑲᔪᖅᑏᑦ ᐊᒻᒪᓗ ᖃᐅᑕᒫᑦ ᐃᖅᑲᓇᐃᔭᖅᐸᑦᑐᑦ ᐃᖃᓗᐃ ᑐᐊᕕᕐᓇᖅᑐᓕᕆᔨᒃᑯᖏᓐᓂ. ᓇᑯᕐᒦᒃ ᐊᒃᓱᕈᖅᑐᓯ ᐃᖅᑲᓇᐃᔭᖅᐸᑲᔅᓯ.
##
ᑐᑭᓯᒋᐊᒃᑲᓐᓂᕈᒪᒍᒃᓯ, ᐅᓇ ᖃᐅᔨᒃᑲᕈᓐᓇᖅᑕᓯ:
ᑭᐊᓐᑦ ᑐᕆᔅᑯᓪ ᑐᓴᐅᒪᑎᑦᑎᔨ ᐊᒻᒪᓗ ᐱᔨᑦᑎᕋᖅᑎᖏᓐᓄᑦ ᐊᐅᓚᑦᑎᔨ
867-222-8502 k.driscoll@iqaluit.ca
