ᒪᐃᔭ ᑲᑐᔾᔨᖃᑎᖃᖅᐳᖅ ᒥ’ᒃᒪᖅ ᐊᓪᓚᓂᑦ ᐊᒻᒪ ᐊᑭᕋᖅᑐᑐᒻᒪᕆᐅᓗᑎᒃ ᐱᓕᕆᔾᔪᑎᐅᕙᑦᑐᓂᑦ ᖁᕕᐊᓇᖕᖏᑐᕐᔪᐊᓂᑦ ᒥ’ᒃᒪᖅ ᐊᓪᓚᓂᑦ ᐃᖃᓗᒐᓱᑦᑎᓐᓂᑦ

ᒪᐃᔭ ᑲᑐᔾᔨᖃᑎᖃᖅᐳᖅ ᒥ’ᒃᒪᖅ ᐊᓪᓚᓂᑦ ᐊᒻᒪ ᐊᑭᕋᖅᑐᑐᒻᒪᕆᐅᓗᑎᒃ ᐱᓕᕆᔾᔪᑎᐅᕙᑦᑐᓂᑦ ᖁᕕᐊᓇᖕᖏᑐᕐᔪᐊᓂᑦ ᒥ’ᒃᒪᖅ ᐊᓪᓚᓂᑦ ᐃᖃᓗᒐᓱᑦᑎᓐᓂᑦ

 

“ᓄᓇᓕᐸᐅᔭᐃᑦ ᐃᖃᓗᐃᑦ ᑲᑐᔾᔨᖃᑎᖃᖅᐳᑦ ᓯᐸᒃᓂ’ᑲᑎᒃ ᓄᓇᖃᖅᑳᕐᓯᒪᔪᓂᑦ, ᒥ’ᒃᒪᖅ ᐊᓪᓚᐃᑦ ᐊᖏᔪᖅᑳᖏᑦ ᓇᓗᓇᐃᕐᓯᓚᐅᖅᑎᓪᓗᒋᑦ ᑐᐊᕕᕐᓇᖅᑐᒥᑦ ᐊᑐᓕᖅᑎᓪᓗᒋᑦ ᐋᓐᓂᑎᖅᑕᐅᓂᕐᒥᑦ, ᐃᓕᕋᓱᐊᑎᑕᐅᓂᕐᒥᑦ, ᐊᒻᒪ ᐱᐅᒋᔭᐅᖏᓂᕐᒥᑦ ᐅᕕᓂᖃᑎᒌᖏᒻᒪᑕ ᒥ’ᒃᒪᖅ ᐊᓪᓚᐃᑦ ᐃᖃᓗᒐᓱᑦᑎᖏᑦ ᓅᕙ ᓯᑰᓴᒥ ᐱᓇᓱᐊᕈᓯᐅᓚᐅᖅᑐᒥ. ᐅᖃᖅᐳᖓ ᐱᐅᒋᖏᒻᒪᕆᑦᑐᒋᑦ ᐱᓕᕆᐊᖑᓚᐅᖅᑐᑦ ᓄᓇᖃᖅᑳᕐᓯᒪᖕᖏᑦᑐᓄᑦ ᐃᖃᓗᒐᓱᑦᑎᓄᑦ ᐊᑐᖅᑕᐅᔪᑦ ᒥ’ᒃᒪᖅ ᐊᓪᓚᐃᑦ ᐃᖃᓗᒐᓱᑦᑎᓂᑦ ᐊᑐᕐᓗᑎᒃ ᐱᔪᓐᓇᐅᑎᒥᓂᒃ ᐃᖃᓗᒍᓐᓇᖁᓪᓗᒋᑦ ᓅᕙ ᓯᑰᓴᒥ.

ᑕᒪᒃᑯᐊ ᐃᓚᐃᓐᓈᑎᑦᑎᔾᔪᑎᒻᒪᕆᐅᔪᑦ ᐊᒻᒪ ᐋᓐᓂᖅᑎᕆᔾᔪᑎᐅᔪᑦ ᐃᓕᕋᓱᐊᑎᑦᑎᓂᒃᑯᑦ, ᐋᓐᓂᖅᑎᕆᓂᒃᑯᑦ, ᐊᒻᒪ ᐅᕕᓂᖃᑎᒋᖕᖏᑕᒥᓂᒃ ᐱᐅᑦᓴᖏᔾᔪᑎᐅᔪᑦ ᐊᔪᕆᓕᕐᒪᑕ ᖃᓪᓗᓈᓄᑦ ᐊᑐᖅᑕᐅᕙᓚᐅᖅᑐᓂᑦ ᐊᑦᑐᐊᔪᓂᑦ ᐱᓕᕆᔾᔪᑎᒍᑦ ᓄᖅᑲᑎᑦᓯᓯᒪᓂᕐᒥᑦ ᐊᒻᒪ ᓄᖑᓴᐃᓂᕐᒥᑦ ᓄᓇᖃᖅᑳᕐᓯᒪᔪᑦ ᐱᔪᓐᓇᐅᑎᖏᓐᓂᑦ. ᑕᒪᒃᑯᐊ ᖃᓄᐃᓕᐅᕈᑎᐅᔪᑦ ᑭᒡᒐᖅᑐᐃᔾᔪᑎᐅᒻᒪᑕ ᐱᒻᒪᕆᐅᔪᒥᑦ ᐅᓗᕆᐊᓇᖅᑐᒥᑦ ᒥ’ᒃᒪᖅ ᐊᓪᓚᐃᑦ ᖃᓄᐃᒋᐊᖃᖕᖏᔾᔪᑎᖏᓐᓂᑦ ᐊᒻᒪ ᐊᑦᑕᓇᔾᔭᐃᒃᑯᑎᖏᓐᓂᑦ, ᑭᓯᐊᓂ ᐃᓘᓐᓇᖏᑕ ᐱᔪᓐᓇᐅᑎᖏᓐᓂᑦ ᐊᒻᒪ ᐃᒻᒥᓂᕐᓱᕈᓐᓇᕐᓂᖏᓐᓂᑦ ᓯᕗᓪᓕᖅᐹᑦ ᓄᓇᖃᖅᑳᕐᓯᒪᔪᑦ, ᐊᓪᓚᖓᔪᐃᑦ, ᐊᒻᒪ ᐃᓄᐃᑦ ᓇᒥᑐᐃᓐᓈᖅᑐᑦ ᑲᓇᑕᒥ.

ᑲᓇᑕᐅᑉ ᒐᕙᒪᒃᑯᖏᑦ ᐊᐅᓚᔾᔭᐃᒋᐊᖃᓕᖅᑐᑦ ᐸᕝᕕᓴᑦᑎᑦᓯᑦᑕᐃᓕᒪᓗᑎᒃ ᓄᓇᖃᖅᑳᕐᓯᒪᖕᖏᑦᑐᓂᑦ ᐃᖃᓗᒐᓱᑦᑎᓂᑦ ᒥ’ᒃᒪᖅ ᐊᓪᓚᓂᑦ ᐊᒻᒪ ᐱᔪᓐᓇᐅᑎᖏᓐᓂᑦ ᐃᖃᓗᒐᓱᒍᓐᓇᐅᑎᖓᓐᓂᑦ ᐃᓅᓇᓱᐊᕈᑎᖏᓐᓂᑦ. ᐃᑉᐱᒋᑦᑎᐊᖅᑐᒋᑦ ᑲᓇᑕᐅᑉ ᒐᕙᒪᒃᑯᖏᑕ ᐊᑐᕈᒪᓯᒪᔭᖏᑦ ᐊᑐᖅᑐᒋᑦ ᓱᓕᔪᒥᑦ ᑭᓪᓕᓯᓂᐊᖅᑏᑦ ᑲᓇᑕᒥ, ᐃᓱᒪᒐᓗᐊᖅᑐᖓ ᐃᓘᓐᓇᑎᒃ ᒐᕙᒪᓕᕆᔨᐅᔪᑦ ᐱᓕᕆᖃᑎᒌᒐᔭᖁᓪᓗᒋᑦ ᐊᑦᑕᓇᖕᖏᑦᑐᒥᑦ ᐊᒻᒪ ᐊᓯᒥᒃ ᐃᑉᐱᒍᓲᑎᖃᑦᑎᐊᖅᑐᒥᑦ ᐅᖃᖃᑎᒌᒐᔭᕐᓗᑎᒃ ᐱᐅᓂᖅᐹᒥᑦ ᓯᕗᒧᐊᒍᑎᑦᓴᓯᐅᕐᓗᑎᒃ.”

- ᒪᐃᔪ ᕕᐊᓪ

 

ᐱᕙᓪᓕᐊᔪᓕᕆᔨᓄᑦ ᑐᕌᖓᔪᓄᑦ ᐊᐱᖅᑯᑎᓄᑦ , ᐅᓇ ᖃᐅᔨᒃᑲᕈᓐᓇᖅᑕᓯ:

 

ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
L.Milosavljevic@iqaluit.ca
867-979-5607