ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᓄᖕᓄᑦ ᑐᓴᕋᑦᓴᖅ
ᑲᓇᑕᒥ ᐅᓪᓗᖅ ᓱᓕᔪᕐᓂᐊᓂᕐᒧᑦ ᐊᒻᒪ ᐃᓅᖃᑎᒌᑦᓯᐊᓂᕐᒧᑦ - ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᖅᑐᑦ
ᓰᑏᐱᕆ 27, 2024 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᒃ ᐃᓘᓐᓇᑎᒃ ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ ᒪᑐᓯᒪᔪᐃᓐᓇᐅᓛᕐᒪᑕ ᓇᒡᒋᔾᔭᐅᒥ, ᓰᑏᐱᕆ 30, 2024, ᐃᓱᒪᒋᔭᐅᓗᓂ ᑲᓇᑕᒥ ᐅᓪᓗᖅ ᓱᓕᔪᓐᓂᐊᓂᕐᒧᑦ ᐊᒻᒪ ᐃᓅᖃᑎᒌᑦᓯᐊᓂᕐᒧᑦ. ᑕᕝᕙᓂ ᐅᓪᓗᕐᒥ ᐃᓱᒪᒋᔭᐅᖁᓪᓗᒋᑦ ᐃᓄᐃᑦ ᐊᓐᓇᐅᒪᓯᒪᔪᑦ ᑐᔪᕐᒥᕕᒋᓪᓗᒋᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ, ᐃᓚᓐᓈᕆᔭᖏᑦ, ᐊᒻᒪ ᐃᓘᓐᓇᑦᓯᐊᑎᒃ ᓄᓇᖃᖅᑳᕐᓯᒪᔪᑦ ᑭᒃᑯᑐᐃᓐᓇᐃᑦ ᑲᓇᑕᒥ, ᑐᕌᒐᖃᖅᑐᑎᒃ ᐃᓱᒪᒋᔭᖃᕐᓂᕐᒥᒃ ᐊᔾᔨᐅᖏᑦᑐᓂᒃ ᐊᑦᑐᐃᔾᔪᑎᐅᓯᒪᔪᓂᒃ ᐃᑉᐱᒋᔭᐅᔪᓂᒃ ᓄᓇᑦᑎᓐᓂ.
ᐊᔭᐅᖅᑐᖅᑕᕗᑦ ᐃᓘᓐᓇᑦᓯᐊᑎᒃ ᓄᓇᓕᕐᒥᐅᑕᐃᑦ ᑕᐃᑦᓱᒪᓂᐅᓕᖅᐸᑦ ᐅᖃᖃᑎᖃᖁᓪᓗᒋᑦ ᑐᑭᖃᑦᓯᐊᖅᑐᓂᒃ ᐊᒻᒪ ᓄᓇᓕᓐᓂ ᖃᓄᐃᓕᐅᕈᑎᓄᑦ ᐃᓚᒋᔭᐅᖁᓪᓗᒋᑦ ᐊᑐᖅᑎᑦᓯᓇᓱᐊᕈᑎᐅᔪᓂᒃ ᒪᒥᓴᕐᓂᕐᒥᒃ, ᑐᑭᓯᐊᓂᕐᒥᒃ, ᐊᒻᒪ ᐃᓅᖃᑎᒌᑦᓯᐊᓂᕐᒥᒃ. ᐃᖃᓗᓐᓂ ᐊᑐᖅᑕᐅᓯᒪᔪᑦ ᐊᒻᒪ ᐃᓄᖏᑦ ᐃᑎᔪᒥᒃ ᐊᑦᑐᐊᓂᖃᖅᑐᒻᒪᕆᐅᒻᒪᑕ ᑖᑦᓱᒥᖓ ᐅᓪᓗᕐᒥᒃ, ᐊᒻᒪ ᑲᑐᔾᔨᓗᑕ, ᓯᕗᓂᑦᓴᒥᒃ ᐱᕈᐃᕙᓪᓕᐊᒍᓐᓇᖅᑐᒍᑦ ᐊᑐᖅᐸᓪᓗᒋᑦ ᐊᓯᑦᑎᓐᓂᒃ ᐃᑉᐱᒍᓲᑎᖃᑦᓯᐊᓂᕐᒥᒃ, ᒪᒥᓴᖃᑎᖃᕐᓂᕐᒥᒃ, ᐊᒻᒪ ᑲᑐᔾᔨᖃᑎᒌᓐᓂᕐᒥᒃ.
ᖃᐅᔨᒪᖁᔭᐅᕗᓯ ᓇᔪᒐᖃᕐᕕᓐᓂᒃ ᐃᒥᖅᑕᖅᑏᑦ ᐊᒻᒪ ᑭᓈᓗᖃᕐᕕᓐᓂᒃ ᐱᔨᑦᓯᕋᖅᑎᐅᔪᑦ, ᐊᒻᒪᑦᑕᐅᖅ, ᓴᓂᕐᓂᒃ ᓄᐊᑦᓯᔨᐅᔪᑦ ᐊᐅᓚᑕᐅᖏᓐᓇᓛᕐᒪᑕ ᐱᐅᓯᖏᓐᓂᒃ ᐊᑐᕐᓗᑎᒃ. ᐃᖃᓗᓐᓂ ᐳᐃᔾᔪᕋᕐᕕᖃᕐᕕᐅᔪᖅ ᒪᑐᐃᖓᓛᕐᒥᔪᖅ ᐅᓐᓄᓴᒃᑯᑦ 12-ᒥᓂᒃ 4-ᒧᓄᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ ᐅᓇ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᓂᕐᒥᑦ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
