ᑲᓇᑕᐅᑉ ᐅᓪᓗᖓ - ᓄᓇᓯᐅᑎᒃᑯᑦ ᐱᔨᑦᓯᕋᖅᑎᖃᓛᖕᖏᑦᑐᖅ

ᐃᓄᓐᓄᑦ ᑐᓴᕋᑦᓴᖅ

ᑲᓇᑕᐅᑉ ᐅᓪᓗᖓ, ᔪᓚᐃ 1, 2015 - ᓄᓇᓯᐅᑎᒃᑯᑦ ᐱᔨᑦᓯᕋᖅᑎᖃᓛᖕᖏᑦᑐᖅ

ᔪᓂ 29, 2015 (ᐃᖃᓗᐃᑦ, ᓄᓇᕗᑦ)  ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᔪᑦ ᐊᓪᓚᕝᕕᖏᑦ ᒪᑐᓯᒪᓛᕐᒪᑕ ᐊᒻᒪ ᐃᒥᕐᒧᑦ ᑭᓈᓗᓐᓄᑦ ᐱᔨᑦᓯᕋᖅᑎᑦ ᐃᖅᑲᓇᐃᔭᔾᔮᓛᖏᒪᑕ ᐱᖓᑦᓯᕐᒥ, ᔪᓚᐃ 1, 2015 ᑲᓇᑕᐅᑉ ᐅᓪᓗᕆᓛᕐᒪᒍ; ᐱᐅᕐᓱᐊᓛᖅᑯᓯ ᐃᒥᕐᒥᒃ.

ᐱᐅᕐᓱᐊᕈᓐᓇᖅᑐᓯ ᐃᒥᕐᒥᒃ ᐊᓐᓄᕌᓂᑦ ᐊᒥᓲᖏᑦᑐᓂᑦ ᐅᐊᓴᑲᐃᓐᓇᕐᓗᓯ ᐅᐊᓴᖕᖏᓯᐊᒻᒪᕆᑲᐃᓐᓇᕐᓗᓯᓘᓐᓃᑦ.  ᓂᕐᕆᑎᓄᑦ ᐅᐊᓴᕐᕖᑦ ᐊᑐᖕᖏᑲᐃᓐᓇᕐᓗᒋᑦ ᐊᔪᕐᓇᖏᑉᐸᑦ.  ᐱᐅᑉᓱᐊᕈᓐᓇᕐᒥᔪᑎᑦ ᐃᒥᕐᒥᒃ ᑎᒻᒥᑳᖅᑐᒧᑦ ᐅᕕᓂᓐᓂᐊᕈᕕᑦ, ᐅᕕᓂᕐᓂᐊᕐᕕᖓᓂᐅᖏᑦᑐᖅ.

ᐅᖄᓚᔪᑦ ᐃᒻᒪᑦᑕᐅᒍᒪᓗᑎᒃ ᐊᑭᓖᒋᐊᖃᕋᔭᖅᑐᑦ $250-ᓂᑦ.  ᐅᖄᓚᒍᓐᓇᖅᑐᑦ 979-5650-ᒧᑦ; ᖃᑦᑎᕆᔨᒃᑯᑦ ᐊᒻᒪ ᓄᓇᒃᑰᔫᒃᑯᑦ ᑐᐊᕕᖅᑐᓕᕆᔨᑦ ᐃᖅᑲᓇᐃᔭᐃᓐᓇᓛᖅᑐᑦ.

ᑎᓴᒻᒥᕐᒥ, ᔪᓚᐃ 2, 2015 ᐊᓪᓚᕝᕕᖏᑦ ᐊᒻᒪ ᓄᓇᒃᑰᔫᒃᑯᑦ ᐱᔨᑦᓯᕋᖅᑎᖏᑦ ᒪᑐᐃᖓᓂᕆᕙᑦᑕᖏᓐᓄᑦ ᐅᑎᓛᕐᒥᔪᑦ.