ᑲᑎᒪᔩᑦ ᑭᒃᑯᑐᐃᓐᓇᐃᑦ ᐃᓱᒪᒋᔭᖏᓐᓂᑦ ᑐᓴᕋᓱᓐᓂᖃᓛᖅᑐᑦ: ᖃᕋᑕᐅᔭᒃᑯᑦ ᐅᕘᓇ

ᑲᑎᒪᔩᑦ ᑭᒃᑯᑐᐃᓐᓇᐃᑦ ᐃᓱᒪᒋᔭᖏᓐᓂᑦ ᑐᓴᕋᓱᓐᓂᖃᓛᖅᑐᑦ: ᖃᕋᑕᐅᔭᒃᑯᑦ ᐅᕘᓇ

ᐅᑯᐊ ᐊᓯᔾᔨᐅᑎᐅᖁᔭᐅᓯᒪᓂᖏᓐᓂᑦ:
1. ᑲᔪᓯᑎᑕᐅᖁᓪᓗᒍ ᐊᓯᔾᔨᐅᑎᐅᔪᖅ ᓱᓇᓕᒫᓂᑦ ᐸᕐᓇᐅᑎᓂᑦ ᒪᓕᒐᕋᓛᕐᒥ 703 ᐊᒻᒪ ᓄᓇᖁᑎᓄᑦ ᑭᓪᓕᓕᐅᕈᑎ ᒪᓕᒐᕋᓛᖅ 704:
ᐃ. ᐊᓯᔾᔨᕐᓗᒋᑦ ᑎᑎᕋᕐᓯᒪᕕᒻᒦᑦᑐᑦ 7.5 ᐊᑐᐊᒐᖅ 4 ᐱᖃᓯᐅᔾᔭᐅᖁᓪᓗᒋᑦ ᓯᐊᖕᖓᔪᓂᑦ ᑲᑎᖕᖓᔪᓂᑦ ᓇᔪᒐᓕᐅᕐᕕᑦᓴᖅ ᑎᓴᒪᐅᔪᓐᓇᓕᕐᓗᑎᒃ ᓇᔪᒐᑦᓴᐃᑦ ᑎᑎᕋᕐᓯᒪᔪᓃᑦᑐᑦ ᑭᓪᓕᓕᓐᓂ ᓴᓇᔭᐅᔪᓐᓇᖅᑐᓂᑦ ᐊᖏᖅᑕᐅᓯᒪᔪᓂᑦ ᑲᑎᒪᔨᓂᑦ ᓄᓇᖁᑎᓄᑦ ᐱᔨᑦᓯᕋᐅᑕᐅᔪᓄᑦ ᓄᓇᒃᑰᔫᒃᑯᑦ.
ᐱ. ᐊᓯᔾᔨᖁᓪᓗᒍ ᐃᓚᖓ B ᓄᓇᖁᑎᓄᑦ ᑭᓪᓕᓕᐅᕈᑎ ᒪᓕᒐᕋᓛᕐᒥ 704 ᑭᓪᓕᓕᐅᕈᑎᖓ ᐊᓯᔾᔨᓂᐊᕐᒪᑦ ᓄᓇᖁᑎ 11, ᐃᓗᐃᒃᑲᕐᒥᒃ 6, ᐸᕐᓇᐅᑎᒥᑦ 4400 (ᓂᐊᖁᖕᖒᑎᓂ) ᐃᓪᓗᖃᕐᕕᒻᒥ ᑮᓇᐅᔭᓕᐅᕐᕕᐅᔪᓐᓇᓂᕐᒥᑦ (B3) ᐊᑯᓐᓈᕿᔪᓂᑦ ᐃᓄᒋᐊᒍᓐᓇᖅᑐᓄᑦ ᓇᔪᒐᖃᕐᕕᒻᒧᑦ (R2).

ᑎᑎᖅᑐᒐᖅ 1: ᓄᓇᐃᑦ ᐊᑦᑐᖅᑕᐅᓂᐊᖅᑐᑦ ᐊᓯᔾᔨᐅᑎᒧᑦ

ᑐᑦᓯᕋᕐᓯᒪᔪᖅ ᐊᓯᔾᔩᖁᔨᒐᒥ ᑭᓪᓕᓕᐅᕈᑎᖓᓂᑦ ᓄᓇᖁᑎ 11, ᐃᓗᐃᒃᑲᕐᒥ 6, ᐸᕐᓇᐅᑎᒥᑦ 4400 ᐃᓪᓗᖃᕐᕕᒻᒥ ᑮᓇᐅᔭᓕᐅᕐᕕᐅᔪᓐᓇᖅᑐᒥᑦ ᐊᑯᓐᓈᕿᔪᓂᑦ ᐃᓄᒋᐊᒍᓐᓇᖅᑐᓂᑦ ᓇᔪᒐᖃᕐᕕᒻᒧᑦ ᓴᓇᔭᐅᔪᓐᓇᖁᓪᓗᒍ ᑎᓴᒪᓂᑦ ᓇᔪᒐᖃᕐᕕᑦᓴᖅ ᐃᓪᓗ. ᓱᓇᓕᒫᓂᑦ ᐸᕐᓇᐅᑎᓂᑦ ᒪᓕᒐᕋᓛᖅ ᐊᓯᔾᔨᕆᐊᖃᕋᔭᕐᒥᔪᖅ ᑎᑎᕋᕐᓯᒪᕕᒻᒦᑦᑐᑦ 7.5 ᐊᑐᐊᒐᖅ 4 ᐱᖃᓯᐅᔾᔭᐅᖁᓪᓗᒍ ᓯᐊᖕᖓᔪᓂᑦ ᑲᑎᖕᖓᔪᓂᑦ ᓇᔪᒐᓕᐅᕐᕕᑦᓴᖅ ᑎᑎᕋᕐᓯᒪᔪᓃᑦᑐᖅ ᑭᓪᓕᓕᓐᓂ ᓴᓇᔭᐅᔪᓐᓇᖅᑐᓂ ᐊᖏᖅᑕᐅᓯᒪᔪᓂᑦ ᑲᑎᒪᔨᓂᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑕᐅᕙᑦᑐᓂ.

ᑭᒃᑯᑐᐃᓐᓇᐃᑦ ᐃᓱᒪᒋᔭᖏᓐᓂᑦ ᑐᓴᕋᓱᓐᓂᐅᔪᖅ ᐊᐅᓚᑕᐅᓛᖅᑐᖅ ᒪᓕᑦᑕᐅᓗᑎᒃ ᒐᕙᒪᒃᑯᑦ ᓄᓇᕗᒻᒥ ᐃᓅᖃᑎᒌᓐᓂᑦ ᖃᓂᒌᓗᐊᖁᔨᖕᖏᔾᔪᑎᖓᓐᓂᑦ ᐱᔾᔪᑎᒋᓪᓗᒍ ᓄᕙᕐᔪᐊᕐᓇᖅ-19. ᑕᐃᒪᐃᒻᒪᑦ, ᑲᑎᒪᓂᐅᔪᖅ ᐊᑐᖅᑕᐅᓛᖅᑐᖅ ᖃᕋᑕᐅᔭᒃᑯᑦ ᐅᕘᓇ
https://youtu.be/TLYfVEjZ5n8. ᐊᐱᖅᑯᑎᖃᕈᑦᓯ ᐅᕝᕙᓘᓐᓃᑦ ᐅᖃᐅᑎᑦᓴᖃᕈᑦᓯ ᐊᒻᒪ ᐅᖃᐅᓯᕆᔪᒪᒍᑦᓯᐅᒃ ᑲᑎᒪᔨᓄᑦ, ᐊᑎᓕᐅᕆᐊᖃᖅᑐᓯ ᐃᖅᑲᓇᐃᔭᖅᑎᖏᓐᓄᑦ ᐸᕐᓇᐅᑎᓕᕆᓂᕐᒥᑦ ᐊᒻᒪ ᐱᕙᓪᓕᐊᑎᑦᑎᓂᕐᒥᑦ ᓴᓇᓂᒃᑯᑦ ᓯᕗᓂᐊᒍᑦ ᑕᓪᓕᒥᕐᒥ, ᐃᐳᕈ 23, 2020 ᓯᕿᖕᖑᔭᖅ 5-ᒨᖏᓐᓂᖓᓂ ᐅᕙᑦᑎᓐᓂᑦ ᐃᑲᔫᕐᓂᐊᕋᑦᓯ ᐱᔾᔪᑎᒋᓪᓗᒍ ᑐᑦᓯᕌᕆᔭᐃᑦ. ᐅᐸᒍᓐᓇᕐᓂᖏᒃᑯᕕᑦ, ᑎᑎᕋᕐᓗᑎᑦ ᐃᓱᒪᒋᔭᑎᑦ ᑐᓴᖅᑕᐅᑎᒍᓐᓇᖅᑕᑎᑦ ᐅᕗᖓᕐᓗᒋᑦ: planning@city.iqaluit.nu.ca.

ᔭᓇᕗᕐ ᔮᕐᕕᔅ, ᐱᕙᓪᓕᐊᑎᑦᑎᓂᕐᒥᑦ ᑲᒪᔨ
j.jarvis@Iqaluit.ca
867-979-5661
ᐸᕐᓇᐅᑎᓕᕆᓂᕐᒥᑦ ᐊᒻᒪ ᐱᕙᓪᓕᐊᑎᑦᑎᓂᕐᒥᑦ ᓴᓇᓂᒃᑯᑦ
ᓄᓇᓕᐸᐅᔭᐃᑦ ᐃᖃᓗᐃᑦ