ᑲᑎᒪᔩᑦ ᑭᒃᑯᑐᐃᓐᓇᐃᑦ ᐃᓱᒪᒋᔭᖏᓐᓂᑦ ᑐᓴᕋᓱᓐᓂᖃᓛᖅᑐᑦ

ᑲᑎᒪᔩᑦ ᑭᒃᑯᑐᐃᓐᓇᐃᑦ ᐃᓱᒪᒋᔭᖏᓐᓂᑦ ᑐᓴᕋᓱᓐᓂᖃᓛᖅᑐᑦ

ᐅᑯᐊ ᐊᓯᔾᔨᐅᑎᐅᖁᔭᐅᓯᒪᓂᖏᓐᓂᑦ:
1. ᐊᖏᖅᑕᐅᖁᓪᓗᒍ ᐊᓯᔾᔨᐅᑎᑦᓴᖅ ᑎᑎᕋᕐᓯᒪᓂᖏᓐᓂᑦ ᓄᓇᖁᑎᓄᑦ ᑭᓪᓕᓕᐅᕈᑎ ᒪᓕᒐᕋᓛᑉ 704 ᐅᑯᓄᖓ:
ᐃ. ᐊᓯᔾᔨᖅᑕᐅᖁᓪᓗᒍ ᐃᓚᖓ B ᓄᓇᖁᑎᓄᑦ ᑭᓪᓕᓕᐅᕈᑎ ᒪᓕᒐᕋᓛᕐᒥ 704 ᑭᓪᓕᓕᐅᕈᑎᖓ ᐊᓯᔾᔨᓂᐊᕐᒪᑦ ᓄᓇᖁᑎ 941, ᐸᕐᓇᐅᑎᒥᑦ 3596 ᐊᒻᒪ ᓄᓇᖁᑎ 81, ᐸᕐᓇᐅᑎᒥᑦ 674 (ᓄᓇᓕᐅᑉ ᕿᑎᐊᓂ) ᕿᑎᐊᓂ ᓇᖕᒥᓂᖃᕐᕕᐅᔪᓐᓇᖅᑐᒥ ᐳᖅᑐᓂᖓᓂᑦ 13 ᒦᑕᓂᑦ (B1[13]) ᐊᖏᔪᖅᑳᖃᕐᕕᒻᒥ ᑮᓇᐅᔭᓕᐅᕐᕕᒻᒥ ᐊᔾᔨᐅᖏᑦᑐᒥᑦ ᐱᑐᐃᓐᓇᐅᖏᔾᔪᑎᓕᒃ 5 ᑭᓪᓕᓕᐅᕈᑎᓕᒃ (B2(5)).
ᐱ. ᐃᓚᔭᐅᓗᑎᒃ ᑎᑎᕋᕐᓯᒪᕕᒻᒦᑦᑐᑦ 16.9 ᓄᓇᖁᑎᓄᑦ ᑭᓪᓕᓕᐅᕈᑎ ᒪᓕᒐᕋᓛᕐᒧᑦ 704.

ᑎᑎᖅᑐᒐᖅ 1: ᓄᓇᐃᑦ ᐊᑦᑐᖅᑕᐅᓂᐊᖅᑐᑦ ᐊᓯᔾᔨᐅᑎᒧᑦ

ᑐᑦᓯᕋᕐᓯᒪᔪᖅ ᐊᓯᔾᔨᖅᑕᐅᖁᔨᔪᖅ ᑭᓪᓕᓕᐅᕈᑎᒥᑦ ᓄᓇᖁᑎᒧᑦ 941, ᐸᕐᓇᐅᑎᒥᑦ 3596 ᐊᒻᒪ ᓄᓇᖁᑎ 81, ᐸᕐᓇᐅᑎᒥᑦ 674 ᕿᑎᐊᓂ ᓇᖕᒥᓂᖃᕐᕕᐅᔪᓐᓇᓂᕐᒥᑦ (B1[13])−ᒥᑦ ᐊᖏᔪᖅᑳᖃᕐᕕᒻᒥ ᑮᓇᐅᔭᓕᐅᕐᕕᐅᔪᓐᓇᖅᑐᒧᑦ ᐱᑐᐃᓐᓇᐅᖏᔾᔪᑎᓕᒻᒥᑦ (B2(5)) ᓴᓇᕕᐅᔪᒪᔪᖅ ᑭᒍᓐᓂᐊᕐᕕᒻᒥᑦ. ᓴᓇᔭᐅᔪᒪᔪᖅ ᐱᖓᓱᓂᑦ ᓇᑎᖃᕋᔭᖅᑐᖅ ᐃᓗᓕᖃᕐᓗᓂ ᐊᔾᔨᒌᖏᑦᑐᓂᑦ ᐋᓐᓂᐊᕕᖓ ᓯᕗᓪᓕᕐᒥᓪᓗᓂ ᓇᑎᕐᒥ ᐊᒻᒪ ᖁᓪᓖᒃ ᓇᑏᒃ ᓇᔪᒐᖃᕐᕕᐅᓗᑎᒃ (10 ᑲᑎᑦᑐᒋᑦ) ᑐᓪᓕᐊᓂ ᐊᒻᒪ ᐱᖓᔪᐊᓂ ᓇᑎᕐᓂ.
ᐃᓚᒍᑎᐅᔪᖅ ᑎᑎᕋᕐᓯᒪᕕᓕᒻᒥᑦ 16.9 ᓄᓇᖁᑎᓄᑦ ᑭᓪᓕᓕᐅᕈᑎ ᒪᓕᒐᕋᓛᕐᒥ 704 ᐊᑐᖅᑕᐅᔪᒪᔪᖅ ᐊᔾᔨᐅᖏᓪᓗᓂ ᐱᑐᐃᓐᓇᐅᖏᔾᔪᑎᓕᒃ ᐅᑯᐊ ᐊᑐᖅᑕᐅᖁᓪᓗᒋᑦ:
ᐃ. ᓄᓇᖁᑎᐅᑉ ᓯᕗᕌ 17.21 ᒦᑕᓗᓂ
ᐱ. ᐃᓪᓘᑉ ᓯᕗᕌ ᓄᓇᖁᑎᐅᑉ ᑭᓪᓕᖓᓂᑦ ᐅᖓᓯᓐᓂᖃᖁᓪᓗᒍ 1.22 ᒦᑕᓂᑦ
ᑎ. ᐊᓃᖓᒐᔭᕐᓗᓂ ᒪᑐᐊᕐᓯᒪᖕᖏᑦᑐᖅ ᑐᕐᓲᖅ/ᒪᔪᕋᐅᑏᑦ (ᐱᖃᓯᐅᑎᓗᒍ ᐊᑦᓴᓗᐊᓕᓐᓄᑦ ᐃᑦᓯᕙᐅᑕᓄᑦ ᐊᖅᑯᑎ) 0 ᒦᑕᐅᓂᐊᕐᓗᓂ

ᑭᒃᑯᑐᐃᓐᓇᐃᑦ ᐃᓱᒪᒋᔭᖏᓐᓂᑦ ᑐᓴᕋᓱᓐᓂᐅᔪᖅ ᐊᐅᓚᑕᐅᓛᖅᑐᖅ ᒪᓕᑦᑕᐅᓗᑎᒃ ᒐᕙᒪᒃᑯᑦ ᓄᓇᕗᒻᒥ ᐃᓅᖃᑎᒌᓐᓂᑦ ᖃᓂᒌᓗᐊᖁᔨᖕᖏᔾᔪᑎᖓᓐᓂᑦ ᐱᔾᔪᑎᒋᓪᓗᒍ ᓄᕙᕐᔪᐊᕐᓇᖅ-19. ᑕᐃᒪᐃᒻᒪᑦ, ᑲᑎᒪᓂᐅᔪᖅ ᐊᑐᖅᑕᐅᓛᖅᑐᖅ ᖃᕋᑕᐅᔭᒃᑯᑦ ᐅᕘᓇ
https://youtu.be/TLYfVEjZ5n8. ᐊᐱᖅᑯᑎᖃᕈᑦᓯ ᐅᕝᕙᓘᓐᓃᑦ ᐅᖃᐅᑎᑦᓴᖃᕈᑦᓯ ᐊᒻᒪ ᐅᖃᐅᓯᕆᔪᒪᒍᑦᓯᐅᒃ ᑲᑎᒪᔨᓄᑦ, ᐊᑎᓕᐅᕆᐊᖃᖅᑐᓯ ᐃᖅᑲᓇᐃᔭᖅᑎᖏᓐᓄᑦ ᐸᕐᓇᐅᑎᓕᕆᓂᕐᒥᑦ ᐊᒻᒪ ᐱᕙᓪᓕᐊᑎᑦᑎᓂᕐᒥᑦ ᓴᓇᓂᒃᑯᑦ ᓯᕗᓂᐊᒍᑦ ᑕᓪᓕᒥᕐᒥ, ᐃᐳᕈ 23, 2020 ᓯᕿᖕᖑᔭᖅ 5-ᒨᖏᓐᓂᖓᓂ ᐅᕙᑦᑎᓐᓂᑦ ᐃᑲᔫᕐᓂᐊᕋᑦᓯ ᐱᔾᔪᑎᒋᓪᓗᒍ ᑐᑦᓯᕌᕆᔭᐃᑦ. ᐅᐸᒍᓐᓇᕐᓂᖏᒃᑯᕕᑦ, ᑎᑎᕋᕐᓗᑎᑦ ᐃᓱᒪᒋᔭᑎᑦ ᑐᓴᖅᑕᐅᑎᒍᓐᓇᖅᑕᑎᑦ ᐅᕗᖓᕐᓗᒋᑦ: planning@city.iqaluit.nu.ca.

ᔭᓇᕗᕐ ᔮᕐᕕᔅ, ᐱᕙᓪᓕᐊᑎᑦᑎᓂᕐᒥᑦ ᑲᒪᔨ
j.jarvis@Iqaluit.ca
867-979-5661
ᐸᕐᓇᐅᑎᓕᕆᓂᕐᒥᑦ ᐊᒻᒪ ᐱᕙᓪᓕᐊᑎᑦᑎᓂᕐᒥᑦ ᓴᓇᓂᒃᑯᑦ
ᓄᓇᓕᐸᐅᔭᐃᑦ ᐃᖃᓗᐃᑦ