ᑲᑎᒪᑎᑦᑎᓂᖅ ᓯᑎᒃᑯᑦ ᐃᒪᖓᑕ ᓚᐃᓇᔅᓯᖓᓐᓄᑦ

ᑲᑎᒪᑎᑦᑎᓂᖅ ᓯᑎᒃᑯᑦ ᐃᒪᖓᑕ ᓚᐃᓇᔅᓯᖓᓐᓄᑦ
ᑏᓰᑉᐱᕆ 4, 2018 (ᐃᖃᓗᐃᑦ, ᓄᓇᕗᑦ) – ᑲᔪᓯᑐᐃᓐᓇᖁᓪᓗᒋᑦ ᐊᑐᓕᖅᑎᑕᐅᓯᒪᔪᖅ ᐊᑯᓂᒧᑦ ᐊᖅᑭᐅᒪᔾᔪᑕᐅᓂᐊᖅᑐᖅ ᐊᖏᓪᓕᒋᐊᖁᓪᓗᒋᑦ ᓯᑎᒃᑯᑦ ᐃᒥᖅᑐᕐᓂᖏᓐᓄᑦ, ᑐᔅᓯᕋᐅᑎᒥᑦ ᑐᓂᓯᓚᕐᖓᑕ ᓄᓇᕗᑦ ᐃᒪᕐᒧᑦ ᑲᑎᒪᔨᖏᓐᓄᑦ ᐊᓯᔾᔨᖅᑕᐅᖁᓪᓗᒍ ᓯᑎᒃᑯᑦ ᓇᓗᓇᐃᒃᑯᑎᓕᒻᒥᑦ “A−ᒥᑦ” ᐃᒥᕐᒧᑦ ᓚᐃᓴᔅᓯᖓᓄᑦ.
ᑕᒪᓐᓇ ᐃᓚᒋᖃᓯᐅᑎᒻᒪᒍ ᐃᓕᖅᑯᓯᐅᕙᑦᑐᖅ, ᑭᒃᑯᑐᐃᓐᓇᕐᓄᑦ ᕿᒥᕐᕈᔭᐅᒋᐊᖃᕐᓂᖏᓐᓂ ᒪᓕᑦᑐᒋᑦ ᓄᓇᕗᑦ ᐸᕐᓇᐅᑎᒥᑦ ᐱᓕᕆᐊᓂᓪᓗ ᖃᐅᔨᓴᕐᓂᕐᒥᑦ ᐱᖁᔭᖏᑦᒥ ᐊᒻᒪᓗ ᓄᓇᕗᒻᒥ ᐃᒪᕐᒧᑦ ᐊᒻᒪᓗ ᓄᓇᐅᑉ ᐃᑭᐊᖓᓄᑦ ᐱᔪᓐᓇᐅᑎᓂᑦ ᐱᓕᕆᔨᓄᑦ ᐱᖁᔭᐃᑦ.
ᑕᒪᓐᓇ ᓯᕗᓪᓕᖅᐹᒥ ᕿᒥᕐᕈᑎᑦᑎᒍᒫᕐᖓᑕ ᐅᖃᐅᓯᔅᓴᖃᖅᑐᖅ ᐃᓱᒫᓘᑎᖃᖅᑐᓪᓗ ᐱᕕᖃᖅᑎᑕᐅᒻᒪᑕ.
ᑭᒃᑯᑐᐃᓐᓇᐃᑦ ᐱᖃᑕᐅᔪᒪᔪᑦ ᓯᕗᓪᓕᖅᐸᒥ ᕿᒥᕐᕈᓂᖏᓐᓂ ᕿᒥᕐᕈᖅᑳᖁᔭᐅᕗᖅ ᐱᖃᓯᐅᑎᓯᒪᔪᒥᑦ ᐅᕙᓂ information sheet, ᖃᐅᔨᖅᑲᖅᑕᐅᓗᑎᓪᓗ ᓯᑎᒃᑯᑦ ᖃᓄᐃᑦᑐᓂᓪᓗ ᐅᖃᕈᒪᒻᒪᖔᖅᐳᑦ ᐃᓱᒫᓘᑎᖃᕐᒪᖔᖅᐱᓪᓗ ᖃᕋᓴᐅᔭᒃᑯᑦ ᑐᔫᑎᒋᓗᒋᑦ ᐅᕗᖓ water@city.iqaluit.nu.ca ᑎᑭᓚᐅᓐᖏᓐᓂᖓᓐᓂ ᑏᓰᑉᐱᕆ 14, 2018.
ᑭᒃᑯᓕᒫᖅᑎᑦᑎᓛᖅᑐᖅ 2019−ᒥ, ᐅᓂᒃᑳᕆᐊᖅᑐᖁᔨᓪᓗᑎᓪᓗ. ᓇᓗᓇᐃᔭᐃᓪᓗᑎᓪᓗ ᐱᒋᐊᕐᖓᕐᓂᐸᓗᖓᓐᓂ 2019.