ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᓄᖕᓄᑦ ᑐᓴᕋᑦᓴᖅ
ᑯᕕᔪᖃᕐᓂᖅᐸᑦ ᑕᒪᐅᖓᑐᐃᓐᓇᖅ ᐱᓕᕆᐊᑦᓴᓂᒃ ᐱᓕᒻᒪᓴᕐᓂᐊᖅᑐᑦ - ᐃᒥᖅᑕᕐᕕᒥᓂᐅᑉ ᐊᕙᑎᐊᓂ
ᐋᒡᒌᓯ 27, 2026 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒪᖁᔨᓕᕆᕗᑦ ᐃᖃᓗᒻᒥᐅᑕᕐᓂᒃ ᐅᑯᐊ ᓄᓇᑦᑕ ᐊᕙᑎᓕᕆᓂᕐᒥᑦ ᐱᔨᑦᓯᕋᖅᑏᑦ ᑯᐊᐳᕇᓴᖓᑦ ᐊᒻᒪ ᓄᓇᕗᒻᒥ ᓯᓚᑦᑐᖅᓴᕐᕕᒃ ᐱᓕᒻᒪᓴᕐᓂᐊᕐᒪᑕ ᑕᒪᐅᖓᑐᐃᓐᓇᖅ ᑯᕕᔪᖃᕐᓂᖅᐸᑦ ᐱᓕᕆᐊᖑᒋᐊᖃᕋᔭᖅᑐᓂᒃ ᐃᒥᖅᑕᕐᕕᒥᓂᐅᑉ ᐊᕙᑎᐊᓂ ᐋᒡᒌᓯ 31-ᒥᑦ ᓰᑎᐱᕆ 4-ᒧ, 2026, 1:30 ᐅᓐᓄᓴᒃᑯᑦ ᐱᒋᐊᕐᓗᑎᒃ 4-ᒧᓄᑦ ᐅᓐᓄᓴᒃᑯᑦ ᓱᓕ.
ᓄᓇᓕᕐᒥᐅᑕᐃᑦ ᑕᑯᒐᔭᖅᑐᑦ ᐱᓕᕆᔨᓂᒃ ᐊᒻᒪ ᓱᓇᒃᑯᑖᑦᑕᖏᓐᓂᒃ ᐊᐅᓚᑕᐅᔪᓂᒃ ᐊᕙᑎᐊᓂ ᐱᓕᒻᒪᓴᕐᕕᐅᔫᑉ.
ᖃᐅᔨᒪᓂᐊᖅᑯᓯ ᐱᓕᒻᒪᓴᑐᐃᓐᓇᓂᐊᕐᒪᑕ ᑭᓯᐊᓂ. ᐅᕐᓱᐊᓗᕈᔪᓐᓂᒃ ᐅᕝᕙᓘᓐᓃᑦ ᐊᓯᖏᓐᓂᒃ ᐅᓗᕆᐊᓇᖅᑐᓂᒃ ᓱᓇᑐᐃᓐᓇᕐᓂᒃ ᐊᑐᔾᔮᖏᑦᓯᐊᕐᒪᑕ. ᖃᓄᐃᓕᐅᕈᑎᐅᓂᐊᖅᑐᑦ ᑭᓯᐊᓂ ᑭᓪᓕᖃᖅᑎᑕᐅᓗᑎᒃ ᐊᖏᔫᖏᑦᑐᓂᒃ ᑯᕕᔪᖃᖅᐸᑦ ᐱᓕᕆᔾᔪᑎᐅᒐᔭᖅᑐᓂᒃ ᑭᓯᐊᓂ ᐊᒻᒪ ᐱᓕᕆᔨᑦᓴᓂᒃ ᐱᓕᒻᒪᓴᖅᑎᑕᐅᓂᐊᖅᑐᓂᒃ.
ᐊᐱᖅᑯᑎᖃᕈᕕᑦ ᐱᓕᒻᒪᑦᓴᐅᑎᐅᓂᐊᖅᑐᖅ ᐱᓪᓗᒍ, ᓄᓇᓕᕐᒥᐅᑕᐃᑦ ᖃᐅᔨᒋᐊᕈᓐᓇᓯᐊᖅᑐᑦ ᐅᑯᓂᖓ ᓄᓇᑦᑕ ᐊᕙᑎᓕᕆᓂᕐᒥᑦ ᐱᔨᑦᓯᕋᖅᑏᑦ ᑯᐊᐳᕇᓴᒃᑯᖏᓐᓂᒃ ᐅᕗᖓ ᐅᖄᓚᐅᑎᒃᑯᑦ (867) 979-1488.
ᓄᓇᓕᐸᐅᔭᒃᑯᑦ ᖁᔭᓐᓇᒦᖅᑐᑦ ᓄᓇᓕᕐᒥᐅᑕᓂᒃ ᑐᑭᓯᐊᑦᓯᐊᐸᓐᓂᖏᓐᓄᑦ ᐊᒻᒪ ᑲᑐᔾᔨᖃᑕᐅᓗᑎᒃ ᐱᓕᕆᖃᑕᐅᕙᓐᓂᖏᓐᓄᑦ ᐱᓕᒻᒪᓴᖅᑐᖃᖅᑎᓪᓗᒍ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
