ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᑭᐅᔾᔪᑎᑦ ᐃᖅᓯᓇᖅᑐᓄᑦ ᕿᒻᒥᕐᓄᑦ ᐃᓄᖕᓄᑦ ᑐᓴᐅᒪᔾᔪᑎᒃᑯᑦ
ᒪᐃ 30, 2025 – ᐃᖃᓗᐃᑦ, ᓄᓇᕗᑦ
ᐃᖃᓗᖕᓂ ᓄᓇᓕᐸᐅᔭᒃᑯᑦ ᐊᑐᓕᖅᑎᑦᑎᔨᖕᒋᑦ ᓄᓇᓕᖕᓂ ᐃᓱᒫᓘᑕᐅᔪᓂᒃ ᑐᓴᓚᐅᕐᒪᑕ ᕿᒻᒥᑦ ᐃᖅᓯᓇᖅᑐᑦ ᐱᔾᔪᑎᒋᓪᓗᒋᑦ ᓄᓇᓕᖕᓂ. ᐃᓱᒫᓘᑎᖃᖅᑐᑦ ᐃᓄᐃᑦ ᑕᑯᓚᐅᕐᒪᑕ ᒪᕐᕉᖕᓂᒃ ᕿᒻᒥᓂᒃ ᐃᖅᓯᓇᖅᑑᓐᓂᒃ ᐃᓄᖕᓄᑦ ᐊᒻᒪᓗ ᕿᒻᒥᐅᖃᑎᖕᒋᓐᓄᓪᓗ ᐅᖃᐅᓯᐅᓚᐅᖅᑐᑦ ᐃᑭᐊᖅᑭᕕᒃᑯᑦ ᐃᕐᖕᒌᓐᓈᖅᑕᐅᒃᑯᓪᓗ.
ᖃᓄᐃᓕᐅᕆᐊᕈᑕᐅᔪᑦ
ᓄᓇᓕᖕᓂ ᒪᓕᒐᕐᓂᒃ ᐊᑐᓕᖅᑎᑦᑎᔨᖕᒋᑦ ᐃᕐᖕᒌᓐᓇᖅ ᐅᐸᒍᑎᓚᐅᖅᑐᑦ ᓇᒦᓐᓂᖕᒋᓐᓂᒃ. ᑕᒪᕐᒥᒃ ᕿᒻᒦᑦ ᓇᓂᔭᐅᓚᐅᖅᑑᑦ—ᐊᑕᐅᓯᖅ ᐃᒡᓗ 700/1000-ᖕᒋᓐᓃᓚᐅᖅᑐᑦ ᐊᐃᑉᐸᖕᒐ ᐃᒡᓗ 2200/2700-ᖕᒋᓐᓃᑦᑐᓂ. ᐱᓕᕆᔩᑦ ᐱᓕᕆᖃᑎᖃᓕᓚᐅᖅᑑᑦ ᕿᒻᒥᖃᖅᑎᐅᔪᓂᒃ ᐅᕝᕙᓘᓐᓃᑦ ᑲᒪᔨᒋᔭᐅᔪᓂᒃ ᕿᒻᒦᒃ, ᐊᒻᒪᓗ ᓈᒻᒪᑦᑐᒃᑯᑦ ᐱᓕᕆᐊᖕᒍᓚᐅᖅᑐᑦ ᒪᓕᒃᑐᑎᒃ ᒪᓕᒋᐊᓕᖕᒋᓐᓂ ᓄᓇᓕᐸᐅᔭᒃᑯᑦ ᓂᕐᔪᑎᓂᒃ ᐊᐅᓚᑦᑎᔾᔪᑎᖕᒋᓐᓄᑦ ᒪᓕᒐᕋᓛᖅ 924 ᒪᓕᒃᑐᒍ.
ᒫᓐᓇᐅᔪᖅ, ᓄᓇᓕᐸᐅᔭᒃᑯᑦ ᓇᓗᓇᐃᖅᓯᔪᑦ ᐅᓗᕆᐊᓇᖅᑐᖃᕈᓐᓃᕐᓂᖕᒐᓂ.
ᐊᑦᑕᕐᓇᖅᑕᐃᓕᒪᓂᕐᒧᑦ ᐅᖃᐅᔾᔪᐃᔾᔪᑎ
ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᔪᒪᔪᑦ ᓄᓇᖅᑲᑎᒌᓂᒃ ᑕᒪᒃᑯᐊ ᑕᒫᓃᕐᕆᔪᑦ ᕿᒻᒦᑦ ᖁᐊᖅᓵᕐᓇᖅᑎᑦᑎᔪᓐᓇᕐᒪᑕ ᑭᒃᑯᑐᐃᓐᓇᐃᑦ ᖁᐊᖅᓵᕐᓇᖅᑐᒦᖁᓇᒋᑦ ᓂᕐᔪᑎᓪᓗ ᖃᓄᐃᖖᒋᑦᑎᐊᕈᓐᓇᕐᓂᖕᒋᓐᓄᑦ. ᐊᑦᑕᕐᓇᑐᐃᓐᓇᕆᐊᓖᑦ ᐅᑯᐊᖕᒍᔪᑦ:
• ᐋᓐᓂᖅᑐᑦ ᐅᕝᕙᓘᓐᓃᑦ ᑐᖁᔪᓐᓇᖅᑐᑦ ᓄᓇᒃᑰᕈᑎᓄᑦ ᐊᐳᖅᑕᐅᓗᑎᑦ
• ᐱᒋᐊᖅᑕᐅᔪᓐᓇᖅᑐᑦ ᓂᕐᔪᑎᐅᖃᑎᖕᒋᓐᓄᑦ
• ᐱᖁᑎᒋᔭᐅᔪᓂᒃ ᓱᕋᑦᑎᕆᔪᓐᓇᖅᑐᑦ ᓱᕈᖅᑎᕆᓗᑎᓪᓗ
• ᓂᕆᐅᓇᖖᒋᓪᓗᑎᑦ ᐃᖅᓯᓇᕈᓐᓇᖅᑐᑦ ᑲᑉᐱᐊᓱᓕᖅᐸᑕ, ᓴᐳᒻᒥᓇᓱᑉᐸᑕ, ᐋᓐᓂᖅᐸᑕ, ᐊᓯᖕᒋᓐᓂᓪᓘᓐᓃᑦ ᖃᓄᑐᐃᓐᓇᖅ
ᕿᒻᒥᕐᒥᒃ ᐃᐲᖖᒑᖅᑐᒥᒃ ᑕᑯᒍᕕᑦ:
• ᐅᐃᒪᔮᖖᒋᓪᓗᑎᑦ ᐅᐸᒍᑎᖖᒋᓪᓗᑎᑦ ᖃᐃᒐᓛᖖᒋᓪᓗᑎᓪᓗ
• ᐊᖕᒍᔮᕆᓇᓱᒃᑕᐃᓕᓗᒋᑦ ᓂᕆᑎᑦᑕᐃᓕᓗᒋᓪᓗ
• ᐅᖃᐅᓯᕆᓗᒋᑦ ᓄᓇᓕᐸᐅᔭᒃᑯᓐᓄᑦ ᐃᕐᖕᒌᓐᓇᖅ
ᐃᖃᓗᖕᓂ ᓄᓇᓕᐸᐅᔭᒃᑯᑦ ᐊᖕᒋᖅᓯᒪᐃᓐᓇᖅᐳᑦ ᖃᓄᐃᖖᒋᑦᑎᐊᖁᔨᓪᓗᑎᑦ ᐊᑦᑕᕐᓇᖅᑐᒦᖁᔨᓇᑎᓪᓗ ᓄᓇᓕᖕᒥᐅᓕᒫᓂᑦ ᐊᒻᒪᓗ ᐆᒪᔪᑦ ᑲᒪᒋᔭᐅᑦᑎᐊᖁᔭᐅᓪᓗᑎᑦ. ᓄᓇᖅᑲᑎᒌᑦ ᑲᔪᖕᒋᖅᓴᖅᑕᐅᔪᑦ ᑎᒍᐊᒥᓂᒃ ᓴᐳᔾᔨᓯᒪᖁᔭᐅᓪᓗᑎᒃ ᐅᖃᐅᓯᖃᖃᑦᑕᕐᓗᑎᓪᓗ ᐃᓱᒫᓘᑕᐅᔪᓂᒃ.
ᐅᖃᐅᓯᖃᕐᓂᐊᕐᓗᓂ ᐃᐲᖖᒑᖅᑐᓂᒃ ᐅᕝᕙᓘᓐᓃᑦ ᐃᖅᓯᓇᖅᑐᓂᒃ ᓂᕐᔪᑎᓂᒃ: ᓄᓇᓕᐸᐅᔭᒃᑯᑦ ᐅᖄᓚᕕᐅᔪᓐᓇᖅᑐᑦ (24/7): 867-979-5650 ᐃᕐᖕᒌᓐᓈᖅᑕᐅᑎᖕᒐᒍᓪᓘᓐᓃᑦ (ᓇᒡᒐᔾᔭᐅᒥ - ᑕᓪᓕᕐᒥᕐᒧᑦ, 9-ᒥᑦ ᐅᓪᓛᒃᑯᑦ – 5-ᒧᑦ ᐅᓐᓄᒃᓴᒃᑯᑦ): municipalenforcement@iqaluit.ca
##
ᑐᑭᓯᒋᐊᒃᑲᓐᓂᕈᒪᒍᕕᑦ ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ:
ᔨᐊᕝ ᕚᕐᓂ
ᑐᓴᐅᒪᑎᑦᑎᓂᕐᒧᑦ ᐊᑭᓕᖅᓱᐃᕙᒃᑐᓄᓪᓗ ᐱᔨᑦᑎᕋᕐᕕᖃᕐᓂᕐᒧᑦ ᐊᐅᓚᑦᑎᔨ
ᐃᖃᓗᓐᓂ ᓄᓇᓕᐸᐅᔭᒃᑯ
867-979-5619 | G.Byrne@iqaluit.ca
