ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᑕᓐᑐᕋᒥ ᓴᓂᕐᓂᖅ – ᖁᔭᓐᓇᒦᒃ ᓵᓚᒃᓴᖅᑐᓪᓗ ᐅᖃᐅᓯᐅᔪᑦ
ᐊᒃᑑᕙ 08, 2025 – ᐃᖃᓗᐃᑦ, ᓄᓇᕗᑦ
ᐃᖃᓗᖕᓂ ᓄᓇᓕᐸᐅᔭᒃᑯᑦ ᖁᔭᓕᔪᒪᕗᑦ ᓄᓇᖅᑲᑎᒌᓂᒃ ᐊᒻᒪᓗ ᓇᖕᒥᓂᓕᖕᓂᒃ ᓴᓂᖃᑕᐅᔪᓂᒃ ᑕᓐᑐᕋᒥ ᓴᓂᖅᑎᓪᓗᒋᑦ. ᐃᑲᔪᐃᓐᓇᖃᑦᑕᕋᔅᓯ ᓄᓇᓕᕗᑦ ᓴᓗᒪᑏᓐᓇᖅᑎᒐᓱᐊᖅᑎᓪᓗᒍ ᑲᔾᔮᕐᓇᕐᓂᖅᓴᐅᕙᒃᐳᖅ.
ᖁᕕᐊᓱᒃᑐᑕ ᑐᓴᖅᑎᑦᑎᔪᒪᕗᒍᑦ ᓵᓚᒃᓴᖅᑐᓂᒃ ᑕᒪᑐᒪᓂ ᐊᕐᕌᒍᒥ:
• ᓄᓇᓕᖕᓃᖖᒑᖅᑐᖅ ᓵᓚᒃᓴᖅᑐᖅ: ᒪᐃᔭ ᐅᕕᑎᐊ
• ᓇᖕᒥᓂᖃᕐᕕᐅᔪᓄᑦ ᓵᓚᒃᓴᖅᑐᖅ: ᑐᓗᒐᖅ ᒪᓕᒐᓕᕆᔩᑦ
ᓵᓚᒃᓴᖅᑐᖅ ᑲᑎᖃᑎᖃᕈᓐᓇᖅᑐᖅ ᑖᒥᓂᒃ ᒐᒡᓂᒥᑦ, ᐱᕙᓪᓕᐊᔪᓕᕆᔨ, ᓵᓚᒃᓴᐅᓯᐊᒥᓂᒃ ᐊᐃᒃᓯᕈᓐᓇᖅᑐᖅ.
ᐅᐱᕐᖕᒐᓵᑕᒫᑦ, ᐊᐳᑎ ᐊᐅᒃᐸᓪᓕᐊᑎᓪᓗᒍ, ᓴᓃᑦ ᓴᐅᓯᒪᔪᑦ ᐅᑭᐅᒃᑯᑦ ᑕᑯᔭᒃᓴᐅᓕᓲᖕᒍᒻᒪᑕ. ᐱᓕᕆᐊᖕᒍᑎᑕᐅᔪᑦ ᓲᕐᓗ ᓄᓇᒥᒃ ᓴᓗᒪᑎᑦᑎᓂᖅ ᐅᕙᑦᑎᓐᓂ ᐱᕕᖃᖅᑎᑦᑎᕗᖅ ᑲᑎᖃᑎᒌᒍᓐᓇᕐᓂᕐᒥᒃ ᐅᑎᖅᑎᑦᑎᓂᕐᒥᓪᓗ ᐱᓕᕆᐊᖕᒍᕙᒃᑐᓂᒃ ᐃᓂᒋᕙᒃᑕᑦᑎᓐᓂᒃ. ᓄᓇᓕᕗᑦ ᓴᓗᒪᑎᑦᑐᒍ ᐱᐅᓯᕚᓪᓕᖅᑎᑦᑎᔪᓐᓇᕐᒪᑦ ᐃᓂᒋᔭᑦᑎᓐᓂᒃ, ᐃᖅᑲᓇᐃᔭᕐᕕᒃᑎᓐᓂᒃ, ᐱᖖᒍᐊᕐᕕᑦᑎᓐᓂᓪᓗ, ᐃᑲᔪᖅᐸᒃᑭᕗᖅ ᓴᐳᔾᔨᓯᒪᓂᕐᒥᒃ ᓄᓇᑦᑎᓐᓂᒃ, ᓂᕐᔪᑎᑦᑎᓐᓂᒃ, ᐃᒪᕐᓂᓪᓗ.
ᑖᓐᓇ ᐱᓕᕆᖃᑎᒌᖕᓂᐅᔪᖅ ᐊᒻᒪᓗ ᓵᓚᒃᓴᐅᓯᐊᒃᓴᑦ ᐊᔪᕐᓇᖖᒋᑎᑕᐅᕗᑦ ᐃᑲᔪᖅᓱᖅᑕᐅᑦᑎᐊᖅᑐᓂ ᓄᓇᕗᑦ ᒐᕙᒪᒃᑯᑦ ᐊᕙᑎᓕᕆᔨᒃᑯᖕᒋᓐᓄᑦ, ᐊᕙᑎᒥᒃ ᓴᐳᔾᔨᓯᒪᓂᕐᒧᑦ ᐱᓕᕆᕝᕕᖕᒐᓂ.
ᖁᔭᓐᓇᒦᒃᑲᓐᓂᖅᐸᔅᓯ ᐱᖃᑕᐅᔪᓕᒫᓄᑦ ᐃᖃᓗᐃᑦ ᓴᓗᒪᑎᑕᐅᖕᒪᑦ ᑕᕝᕙᓂ ᐊᕐᕌᒍᒥ. ᐅᑎᓛᕆᕗᒍ ᐊᕐᕌᒎᓛᖅᑐᒥ ᓄᑖᓂᒃ ᐊᑐᖅᑕᐅᔪᓐᓇᖅᑐᓂᒃ ᐱᖃᑕᐅᖁᔨᓪᓗᑕ ᓄᓇᓕᑦᑎᓐᓂ ᓄᓇᓕᐸᐅᔭᕗᑦ ᐊᕙᑎᕗᓪᓗ ᓴᓗᒪᑎᑦᑐᒪᓪᓗᒍ. ᒫᓐᓇᓕ, ᓄᓇᖅᑲᑎᒌᓕᒫᑦ ᑲᔪᖕᒋᖅᓴᖅᐸᔅᓯᑦ ᓴᓂᖃᑦᑕᐃᓐᓇᕐᓗᓯ ᐊᕐᕌᒍᓕᒫᖅ ᐊᑦᑕᕐᓇᖖᒋᑐᐊᕌᖕᒐ.
ᐊᑕᐅᑦᑎᒃᑯᑦ, ᐱᓕᕆᓂᕗᑦ ᒥᑭᑦᑐᑯᓘᒐᓗᐊᖅᐸᑦ ᐊᖕᒋᔪᐊᓗᖕᒥᒃ ᐊᓯᔾᔩᔪᓐᓇᕐᒪᑦ.
##
ᑐᑭᓯᒋᐊᒃᑲᓐᓂᕈᒪᒍᕕᑦ ᑐᑭᓯᒋᐊᒃᑲᓐᓂᕈᓐᓇᖅᐳᑎᑦ:
ᔨᐊᕝ ᐹᕐᓂ
ᑐᓴᐅᒪᔪᓕᕆᓂᕐᒧᑦ ᐊᑭᓕᖅᓱᐃᔨᓄᓪᓗ ᐱᔨᑦᑎᕋᖅᑎᓄᑦ ᐊᐅᓚᑦᑎᔨ
ᐃᖃᓗᖕᓂ ᓄᓇᓕᐸᐅᔭ
867-979-5619 | G.Byrne@iqaluit.ca
