ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᓄᖕᓄᑦ ᑐᓴᕋᑦᓴᖅ
ᑐᓴᕆᐊᕈᑎ ᐱᓪᓗᒍ ᐃᓄᐃᑦ ᓱᕈᓯᕐᓄᑦ ᓯᕗᓪᓕᖅ ᐱᒋᐊᖅᑎᑕᐅᓯᒪᔪᖅ
ᓅᕖᐱᕆ 6, 2024 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᕕᐊᒋᓪᓗᒍ ᑐᓴᕆᐊᖅᑎᑦᓯᒍᒪᓕᕆᕗᑦ ᐱᓪᓗᒍ ᐃᓄᐃᑦ ᓱᕈᓯᕐᓄᑦ ᓯᕗᓪᓕᖅ ᐱᒋᐊᖅᑎᑕᐅᓯᒪᔪᖅ. ᓱᓕ ᐱᑎᑕᐅᖏᓐᓇᖅᑐᒍᑦ ᑐᑦᓯᕋᐅᑎᓂᒃ ᖃᐅᑕᒫᖅ ᐊᒻᒪ ᐱᓕᕆᐊᕆᔭᒻᒪᕆᒋᓪᓗᒋᑦ ᓇᓗᓇᐃᔭᐃᕙᑦᑐᑕ ᐊᒻᒪ ᐊᖏᖅᑕᐅᕙᑦᑐᑎᒃ ᑐᐊᕕᐊᕆᓇᓱᑦᑐᒋᑦ. ᑐᑭᓯᒋᐊᖅᑎᑕᐅᓚᐅᖏᒃᑯᕕᑦ ᓱᓕ ᐱᔾᔪᑎᒋᓪᓗᒍ ᑐᑦᓯᕋᐅᑎᓕᐊᕆᓚᐅᖅᑕᐃᑦ, ᐃᕐᖐᓇᖅᑕᐅᑎᒃᑯᑦ ᑎᑎᕋᖁᔪᖅ ᐅᕗᖓ icfi@iqaluit.ca ᐃᑲᔪᖅᑕᐅᓂᐊᕋᕕᑦ.
ᓂᐅᕕᐅᑎᑦᓴᐃᑦ ᐊᐃᓯᒪᓕᕈᕕᐅᒃ ᓂᐅᕕᕐᕕᒋᔪᒪᔭᕐᓂᒃ, ᐱᓯᒪᐃᓐᓇᕆᐊᓖᑦ ᓇᓗᓇᐃᔭᐃᑎᒋᒐᕕᐅᒃ. ᓂᐅᕕᐅᑎᑦᓴᐃᑦ ᐊᑐᐃᓐᓇᕈᓐᓇᓂᐊᖅᑕᐃᑦ ᒫᕐᓯ 31-ᒧᑦ, 2025, ᐱᓕᕆᐊᑦᓴᐅᑉ ᐃᓱᓕᕝᕕᑦᓴᖓᓂ.
ᖃᐅᔨᒪᒋᐊᓕᒃ:
- ᑕᖅᑭᑕᒫᖅ ᑐᑦᓯᕋᐅᑎᓕᐅᕆᐊᑐᖏᑦᑐᖅ. ᐱᓕᕆᐊᑦᓴᑎᒍᑦ ᐃᑲᔫᓯᐊᑦᓴᐃᑦ ᓂᐅᕕᕐᕕᒻᒥ ᐊᑎᖃᕐᕕᓐᓅᖅᑕᐅᕙᓐᓂᐊᖅᑐᑦ ᑕᖅᑭᑕᒫᖅ.
- ᐃᓚᖏᑦ ᐱᔨᑦᓯᕋᐅᑎᐅᔪᑦ ᐅᖃᐅᓯᖃᕐᓯᒪᒻᒪᑕ ᐱᔾᔪᑎᖃᕐᓂᕋᖅᐸᑦᑐᑎᒃ ᐱᔾᔪᑎᒋᓪᓗᒍ ᓄᓇᕗᑦ ᑐᖕᖓᕕᒃᑯᓐᓄᑦ (NTI) ᐊᐅᑦᑕᔫᖁᑎᖓᑦ ᓴᖅᑭᐸᖏᓐᓂᖏᓐᓄᑦ ᐅᕙᒍᑦ ᐊᑎᖃᕐᕕᖏᓐᓂ ᑎᑎᕋᕐᓯᒪᔪᓂᒃ. ᑕᒪᓐᓇ ᐱᔾᔪᑎᒋᒍᕕᐅᒃ, ᖃᐅᔨᒋᐊᖁᔭᐅᕗᓯ ᓄᓇᕗᑦ ᑐᖕᖓᕕᒃᑯᓐᓄᑦ (NTI) ᐊᑎᖃᕐᕕᐅᔪᒥᒃ ᐱᓕᕆᔨᐅᔪᖅ ᐃᑲᔪᕐᓂᐊᕐᒫᑎᑦ. ᐅᑯᓂᖓ ᖃᐅᔨᒋᐊᕈᓐᓇᖅᑕᓯ ᑕᐃᒃᑯᐊ:
- ᐃᕐᖐᓇᖅᑕᐅᑎᒃᑯᑦ: enrolment@tunngavik.com
- ᐅᖄᓚᐅᑎᒃᑯᑦ: 867-645-5400 ᐅᕝᕙᓘᓐᓃᑦ ᐊᑭᖃᖏᑦᑐᒧᑦ ᐅᕗᖓ 1-888-236-5400.
ᖁᔭᒋᕙᑦᑕᕗᑦ ᐅᑕᖅᑭᑦᓯᐊᐸᓐᓂᓯ ᐊᒻᒪ ᑐᑭᓯᒋᐊᑦᓯᐊᐸᒃᑲᑦᓯ ᐱᓕᕆᐊᖃᕋᓱᑦᑎᓪᓗᑕ ᐃᓘᓐᓇᑦᓯᐊᑎᒃ ᐱᔪᓐᓇᖅᑐᑦ ᓄᓇᓕᕐᒥᐅᑕᐃᑦ ᐃᑲᔪᕐᓱᖅᑕᐅᑦᓯᐊᕋᓗᐊᕐᒪᖔᑕ ᐊᖅᑯᑎᒋᓪᓗᒍ ᐱᒋᐊᖅᑎᑕᐅᓯᒪᔪᖅ.
ᑐᑭᓯᒋᐊᒃᑲᓐᓂᕐᕕᑦᓴᖅ ᐱᓕᕆᐊᑦᓴᖅ ᐱᓪᓗᒍ, ᑎᑎᕋᖁᔪᖅ ᐃᕐᖐᓇᖅᑕᐅᑎᒃᑯᑦ ᐅᕗᖓ: icfi@iqaluit.ca
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ ᐅᓇ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
