ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑐᑭᓯᒋᐊᕈᑏᑦ ᓄᓇᓕᓐᓂᒃ ᐊᐅᓚᑦᓯᔾᔪᑎᓂᒃ: ᐊᐅᔭᒃᑯᑦ ᐃᓕᓐᓂᐊᕈᑎ
ᔪᓂ 30, 2025 – ᐃᖃᓗᐃᑦ, ᓄᓇᕗᑦ
ᐊᐅᔭᐅᓂᐊᖅᑐᖅ, ᓄᓇᓕᐸᐅᔭᒃᑯᑦ ᓴᖅᑮᓂᐊᖅᑐᑦ ᑐᓴᕋᑦᓴᕈᓘᔭᕐᓂᒃ ᐃᑲᔫᑎᐅᒍᒪᔪᓂᒃ ᓄᓇᓕᕐᒥᐅᑕᐃᑦ ᖃᓄᖅ ᑐᑭᓯᑦᓯᐊᕐᓯᒪᒍᓐᓇᕐᒪᖔᑕ ᖃᓄᖅ ᓄᓇᓕᑦᑎᓐᓂ ᒐᕙᒪᓕᕆᔨᐅᔪᑦ ᐱᓕᕆᐊᖃᖅᐸᒻᒪᖔ. ᐊᒡᒋᖅᑐᓂ ᐱᓇᓱᐊᕈᓯᐅᔪᓂ, ᖃᐅᔨᓴᖅᐸᓂᐊᖅᑐᒍᑦ ᖃᓄᖅ ᐱᔭᑦᓴᓕᐅᖅᐸᒻᒪᖔᑕ ᓄᓇᓕᓐᓂᒃ ᐊᐅᓚᑦᓯᔨᐅᔪᑦ, ᑭᒃᑯᑦ ᐱᓕᕆᖃᑕᐅᕙᓐᓂᖏᓐᓄᑦ, ᐊᒻᒪ ᖃᓄᖅ ᓄᓇᓕᕐᒥᐅᑕᐃᑦ ᐱᖃᑕᐅᒍᓐᓇᕐᒪᖔᑕ ᑕᒪᑦᓱᒧᖓ.
ᐱᒋᐊᕈᑎᖃᕋᔭᖅᑐᒍᑦ ᓇᓗᓇᐃᔭᐃᓗᑕ ᖃᓄᖅ ᐋᖅᑭᑦᑕᐅᓯᒪᕙᓐᓂᖏᓐᓄᑦ ᓄᓇᓕᓐᓄᑦ ᑲᑎᒪᔨᐅᔪᑦ ᐊᒻᒪ ᐊᑑᑎᖏᑦ ᑲᑎᒪᔨᐅᔪᑦ. ᑕᒪᒃᑯᐊ ᓂᕈᐊᖅᑕᐅᕙᑦᑐᑦ ᑭᒡᒐᖅᑐᐃᔨᐅᖁᔭᐅᓗᑎᒃ ᐱᓕᕆᔨᐅᕙᑦᑐᑦ ᐋᖅᑭᑦᓱᐃᕙᑦᑐᑎᒃ ᐊᑐᐊᒐᑦᓴᓂᒃ ᐊᒻᒪ ᐱᔭᑦᓴᓕᐅᕈᑎᓂᒃ ᐊᑦᑐᐃᕙᑦᑐᓂᒃ ᖃᐅᑕᒫᖅᑐᖅᓯᐅᑎᖏᓐᓂᒃ ᐃᓅᓯᖏᑎᒍᑦ ᓄᓇᓕᕐᒥᐅᑕᐃᑦ. ᑕᕝᕙᖕᖓᑦ, ᑕᑯᒋᐊᓛᕐᒥᔪᒍᑦ ᖃᓄᐃᓕᐅᖅᐸᒻᒪᖔᑕ ᑲᑎᒪᔩᑦ ᑲᑎᒪᑎᓪᓗᒋᑦ, ᖃᓄᖅ ᐊᐅᓚᑕᐅᕙᒻᒪᖔᑕ, ᓱᓇᐅᕙᓐᓂᖏᓐᓄᑦ ᑲᑎᒪᔾᔪᑎᑦᓴᓃᑦᑐᑦ, ᐊᒻᒪ ᖃᓄᖅ ᑐᑭᖃᖅᐸᒻᒪᖔᑕ ᓄᓇᓕᕐᒥᐅᑕᐃᑦ ᐅᐸᑦᓯᒪᑎᓪᓗᒋᑦ ᐅᕝᕙᓘᓐᓃᑦ ᐅᖃᐅᓯᖃᖅᑎᓪᓗᒋᑦ ᐱᔾᔪᑎᐅᔪᒥᒃ.
ᐃᓕᓐᓂᐊᐸᓪᓕᐊᑎᓪᓗᒋᑦ, ᓇᓗᓇᐃᔭᐃᖃᑦᑕᓛᖅᑐᒍᑦ ᖃᓄᖅ ᒪᓕᒐᐃᑦ ᐊᒻᒪ ᐊᑐᐊᒐᐃᑦ ᓴᓇᔭᐅᕙᒻᒪᖔᑕ, ᐱᖃᓯᐅᔾᔭᐅᓗᑎᒃ ᐱᓕᕆᔾᔪᑎᐅᕙᓪᓕᐊᕙᑦᑐᑦ ᑲᔪᓯᑎᑦᓯᔾᔪᑎᐅᕙᑦᑐᑦ ᒪᓕᒐᕋᓛᕐᓂᒃ. ᓇᓗᓇᐃᔭᐃᒐᔭᕐᒥᔪᒍᑦ ᐱᓕᕆᔾᔪᑎᖏᓐᓂᒃ ᑲᑎᒪᔨᓄᑦ ᐱᔭᑦᓴᐅᕙᑦᑐᑦ, ᓲᕐᓗ ᖃᓄᖅ ᐱᔭᑦᓴᓂᒃ ᓂᕈᐊᕈᑎᖃᖅᐸᓐᓂᖏᓐᓄᑦ, ᖃᓄᖅ ᐅᑯᐊ ᐅᖃᐅᓯᐅᔪᑦ ᑐᑭᖃᕐᓂᖏᓐᓄᑦ ᓲᕐᓗ ᑲᑎᒪᓂᐊᖅᑐᑦ ᐊᒥᓲᓂᖏᓐᓂᒃ, ᐊᒻᒪ ᖃᓄᖅ ᐱᖁᔨᕗᖔᓕᐊᑦᓴᐃᑦ ᓴᖅᑭᖅᑕᐅᕙᓐᓂᖏᓐᓄᑦ.
ᐱᒻᒪᕆᐅᒻᒥᒻᒪᑦ ᑐᑭᓯᓯᒪᒋᐊᖃᕐᓂᐅᔪᖅ ᖃᓄᖅ ᐊᔾᔨᒌᖏᔾᔪᑎᖃᕐᓂᖏᓐᓄᑦ ᑲᑎᒪᔨᐅᔪᑦ ᐊᒻᒪ ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᑦ. ᑲᑎᒪᔩᑦ ᑐᑭᓕᐅᕆᔨᐅᑎᓪᓗᒋᑦ ᐊᒻᒪ ᐱᔭᑦᓴᓕᐅᖅᑎᐅᑎᓪᓗᒋᑦ, ᐃᖅᑲᓇᐃᔭᖅᑎᐅᔪᑦ ᑕᒪᒃᑯᓂᖓ ᐃᖅᑲᓇᐃᔮᖃᕆᐊᖃᖅᐸᑦᑐᑦ. ᑕᒪᓐᓇ ᐱᓕᕆᖃᑎᒌᓐᓂᐅᔪᖅ ᐊᑑᑎᖃᖅᑐᒻᒪᕆᐅᔪᖅ ᖃᓄᖅ ᓄᓇᓕᐸᐅᔭᒃᑯᑦ ᐊᐅᓚᓂᖃᖅᐸᓐᓂᖏᓐᓄᑦ.
ᐊᐅᔭᐅᔪᖅ ᐃᓚᖓᓂ, ᐊᖏᓂᕐᓴᓂᒃ ᑕᑯᓇᒋᐊᓛᖅᑐᒍᑦ ᒐᕙᒪᓕᕆᓂᒃᑯᑦ ᐊᐅᓚᑦᓯᔾᔪᑎᓂᒃ ᓄᓇᕘᒥ, ᑕᑯᓇᒋᐊᖅᐸᓪᓗᒋᑦ ᖃᓄᖅ ᓄᓇᓕᐸᐅᔭᐃᑦ, ᕼᐋᒻᒪᓚᐅᔪᑦ, ᐊᒻᒪ ᓄᓇᕘᒧᒃ ᒐᕙᒪᓕᕆᔨᐅᔪᑦ ᐊᑐᓂ ᖃᓄᖅ ᐊᑑᑎᖃᖅᐸᒻᒪᖔᑕ ᑭᒃᑯᑐᐃᓐᓇᕐᓂᒃ ᐱᔨᑦᓯᕋᐅᑎᒍᑦ. ᑕᒪᒃᑯᐊ ᐃᓱᒪᒋᓪᓗᒋᑦ, ᖃᐅᔨᓴᖅᐸᓛᖅᑕᕗᑦ ᓄᓇᓕᐸᐅᔭᒃᑯᑦ ᑮᓇᐅᔭᑎᒍᑦ ᐊᑐᖅᑐᑦᓴᕆᕙᑦᑕᖏᓐᓂᒃ, ᓇᑭᖕᖔᐸᓐᓂᖏᓐᓄᑦ ᑮᓇᐅᔭᐃᑦ, ᖃᓄᖅ ᑮᓇᐅᔭᐃᔭᐅᑎᐅᕙᓐᓂᖏᓐᓄᑦ, ᐊᒻᒪ ᑖᒃᓰᔭᐃᔭᐅᑎᓂᒃ ᑮᓇᐅᔭᐃᑦ ᐃᑲᔪᕐᓱᐃᔾᔪᑎᐅᕙᒻᒪᖔᑕ ᓱᓇᑐᐃᓐᓇᑦᓯᐊᓂᒃ ᐊᑐᕆᐊᓂᒃ ᐱᖕᖑᐊᖅᑐᓕᕆᓂᒃᑯᑦ ᑭᐱᖕᖑᐃᔭᐅᑎᓄᑦ.
ᓇᓗᓇᐃᔭᓛᕐᒥᔭᕗᑦ ᖃᓄᑎᒋ ᓇᐅᒃᑯᑐᐃᓐᓇᑦᓯᐊᖅ ᓄᓇᓕᕐᒥᐅᑕᐃᑦ ᐱᓕᕆᖃᑎᖃᕈᓐᓇᕐᒪᖔᑕ ᓄᓇᓕᐸᐅᔭᒃᑯᑦ ᐱᔭᑦᓴᓕᐊᕆᕙᑦᑕᖏᓐᓂᒃ, ᐅᐸᓐᓂᕈᑎᒃ ᑲᑎᒪᓂᕐᒧᑦ, ᐃᓚᒋᔭᐅᒍᑎᒃ ᑲᑎᒪᔨᕋᓛᓄᑦ, ᐅᕝᕙᓘᓐᓃᑦ ᐅᖃᐅᑎᑦᓴᖃᕈᒪᓐᓂᕈᑦᓯ ᓱᓇᑐᐃᓐᓇᕐᓂᒃ ᐊᓯᔾᔨᖅᑕᐅᓇᓱᐊᖅᑐᓂᒃ. ᓇᓗᓇᐃᔭᐃᕙᓐᓂᐊᖅᑐᒍᑦ ᖃᓄᖅ ᓄᓇᓕᐸᐅᔭᒃᑯᑦ ᐊᑐᓕᖅᑎᑦᓯᕙᓐᓂᖏᓐᓄᑦ ᒪᓕᒐᕋᓛᕐᓂᒃ ᐊᒻᒪ ᖃᓄᐃᓕᑦᓯᕙᓐᓂᖏᓐᓄᑦ ᒪᓕᒐᕋᓛᕐᒥᒃ ᓱᕋᐃᔪᖃᕐᓂᖅᐸᑦ.
ᒪᑐᓯᔾᔪᑎᒋᓗᒋᑦ ᐃᓕᓐᓂᐊᕈᑎᓂᒃ, ᑕᑯᓐᓇᒋᐊᓛᖅᑐᒍᑦ ᓱᓇᓄᑦ ᒐᕙᒪᓕᕆᓂᒃᑯᑦ ᐊᐅᓚᑦᓯᔾᔪᑎᐅᔪᑦ ᐃᖃᓗᓐᓂ ᖃᓄᑎᒋ ᐊᔾᔨᒌᖏᓐᓂᖃᕐᓂᑎᓐᓄᑦ ᐊᓯᑦᑎᓐᓂᒃ ᓄᓇᓕᓐᓂᒃ. ᐅᑭᐅᖅᑕᖅᑐᒥᐅᑕᐅᓗᓂ ᐊᔾᔨᐅᖏᑦᑐᓂᒃ ᐊᑦᓱᕉᑎᑦᓴᓂᒃ ᓵᖕᖓᓇᕐᒪᑦ ᐊᒻᒪ ᓱᓇᑐᐃᓐᓇᕐᓂᒃ ᐱᕕᑦᓴᖃᖅᑐᓂᒃ, ᐊᒻᒪ ᑐᑭᓯᓯᒪᓇᓱᐊᖅᐸᑦᑐᓂ ᖃᓄᖅ ᐱᓕᕆᔾᔪᑎᒋᔭᕗᑦ ᐅᕙᑦᑎᓐᓂᒃ ᐃᑲᔫᑎᖃᕈᓐᓇᖅᑎᒻᒪᖔᑦᑎᒍ ᑐᓂᕐᕈᑎᖃᕈᓐᓇᓂᒃᑯᑦ ᓄᓇᓕᕗᑦ ᓴᖕᖓᓂᖃᒃᑲᓐᓂᖁᓪᓗᒍ.
ᓱᓇᓕᕆᔪᓂᒃ ᑕᑯᔪᒪᓐᓂᕈᑦᓯ ᐱᖃᓯᐅᔾᔭᐅᖁᔭᑦᓯᓐᓂᒃ ᐃᓕᓐᓂᐊᕈᑎᓄᑦ, ᑐᖕᖓᓱᑦᓯᐊᖅᑐᓯ. ᐃᓱᒪᓕᐅᕆᔾᔪᑎᓯ ᓄᓇᓕᐸᐅᔭᒃᑯᓐᓅᕈᓐᓇᖅᑕᓯ ᐅᖃᖃᑎᒌᖃᑦᑕᕐᓂᐊᕋᑦᑕ ᑕᒪᒃᑯᐊ ᐱᔾᔪᑎᒋᓗᒋᑦ.
ᑕᒪᒃᑯᐊ ᑐᓴᕋᑦᓴᐃᑦ ᐅᖃᐅᓯᐅᕙᓐᓂᐊᖅᑐᑦ ᓄᓇᓕᐸᐅᔭᒃᑯᑦ ᐃᑭᐊᖅᑭᕕᖏᓐᓂ ᐊᒻᒪ ᐃᓅᖃᑎᒌᓐᓂᒃ ᑐᓴᐅᒪᐅᑎᓕᕆᔾᔪᑎᒍᑦ. ᑭᒃᑯᑐᐃᓐᓇᑦᓯᐊᓂᒃ ᑐᖕᖓᓱᑦᑎᑦᓯᕗᒍᑦ ᒪᓕᒍᒪᔪᓂᒃ, ᐃᓕᓐᓂᐊᕈᒪᔪᓂᒃ ᓄᑖᓂᒃ, ᐊᒻᒪ ᐅᖃᖃᑕᐅᒍᒪᕙᓐᓂᐊᖅᑐᓂᒃ ᐱᔾᔪᑎᖃᖅᑐᓂᒃ ᓄᓇᓕᓐᓂ ᒐᕙᒪᓕᕆᔨᓂᒃ.
###
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ 867-979-5619 | G.Byrne@iqaluit.ca
