ᑐᐊᕕᕐᓇᖅᑐᓕᕆᓂᕐᒧᑦ ᐊᐅᓚᑦᑎᖃᑎᒌᑦᑐᑦ ᑐᑭᓯᒋᐊᕈᑏᑦ: 2 ᐅᓐᓄᓴᒃᑯᑦ ᓅᕕᐱᕆ 8, 2018

ᑐᐊᕕᕐᓇᖅᑐᓕᕆᓂᕐᒧᑦ ᐊᐅᓚᑦᑎᖃᑎᒌᑦᑐᑦ ᑐᑭᓯᒋᐊᕈᑏᑦ: 2 ᐅᓐᓄᓴᒃᑯᑦ ᓅᕕᐱᕆ 8, 2018
ᓅᕕᐱᕆ 8, 2018 (ᐃᖃᓗᐃᑦ, ᓄᓇᕗᑦ) – ᑐᐊᕕᕐᓇᖅᑐᖃᑎᒌᑦᑐᑦ ᑲᔪᓯᑎᑦᑎᕙᓪᓕᐊᔪᑦ ᑐᐊᕕᕐᓇᖅᑐᓕᕆᓂᐅᔪᒥᑦ ᐊᒻᒪ ᐅᑎᖅᑎᑦᑎᓇᓱᐊᓂᕐᒧᑦ ᓂᐅᕕᕐᕕᒻᒧᑦ ᐃᑭᑦᑐᒧᑦ ᑖᒃᑯᐊ ᐱᑕᖃᕆᐊᖃᖅᑐᑦ ᐱᔨᑦᑎᕋᐅᑏᑦ, ᐱᖃᓯᐅᑎᓪᓗᑎ ᓂᖀᑦ, ᐄᔭᒐᐃᑦ ᐊᒻᒪ ᐃᒥᖅ ᐊᑐᐃᓐᓇᐅᖏᓐᓇᕐᓗᓂ ᓄᓇᓕᒻᒥᐅᑕᓄᑦ.
“ᑭᒡᒐᑐᖅᑐᒋᑦ ᑲᑎᒪᔩᑦ, ᖁᔭᓐᓇᒦᖅᑕᐃᓐᓇᕆᔪᒪᔭᒃᑲ ᓄᓇᕗᑦ ᒐᕙᒪᒃᑯᓐᓂᑦ ᐱᓕᕆᕖᑦ, ᓂᐅᕕᐊᔅᓴᓖᑦ ᐊᒻᒪ ᓄᓇᓕᒻᒥ ᑎᒥᐅᔪᑦ ᑲᑎᔅᓯᒪᔪᑦ ᐃᑲᔪᕋᓱᐊᖅᑐᑎᑦ ᑕᒪᑐᓂ ᑐᐊᕕᕐᓇᖅᑐᖃᖅᑎᓪᓗᒍ ᓄᓇᓕᐸᐅᔭᑦᑎᓐᓄᑦ” ᐅᖃᖅᑐᖅ ᒪᐃᔭᐅᑲᐃᓐᓇᖅᑐᖅ ᑲᐃJ ᓯᐊᐳᑦ. “ᖁᔭᓐᓇᒦᕈᒪᓗᐊᖅᑕᒃᑲ ᐃᖃᓗᓐᓂ ᖃᑦᑎᕆᔨᒃᑯᑦ ᐅᐸᔅᓴᕋᐃᓐᓂᖏᓐᓄᑦ ᖃᑦᑎᕆᓪᓗᑎ, ᐊᒻᒪ ᐊᐅᓚᑕᐅᓪᓗᓂ ᐊᓯᖏᓐᓄᑦ ᐃᓪᓗᓅᖏᓂᐊᖏᓪᓗᓂ ᐃᑯᐊᓚᔪᖅ. ᖁᔭᓐᓇᒦᕈᒪᒻᒥᔭᒃᑲ ᓄᓇᓕᐸᐅᔭᒃᑯᑦ ᐱᓕᕆᕕᖏᑦ, ᓴᓇᔪᓕᕆᔨᒃᑯᑦ ᐊᒻᒪ ᒪᓕᒐᕋᓛᓕᕆᔨᒃᑯᑦ ᑲᔪᓯᑎᑦᑏᓇᖅᑐᑦ ᐱᒻᒪᕆᐅᔪᓂᑦ ᐱᔨᑦᑎᖅᑕᓂᑦ ᐃᑲᔫᑎᓂᖃᖅᑐᑦ ᑐᐊᕕᕐᓇᖅᑐᒧᑦ ᖃᓄᐃᓕᔭᐅᒋᐊᕐᓂᖓᓄᑦ.”
ᑐᐊᕕᕐᓇᖅᑐᓕᕆᓂᕐᒧᑦ ᐊᐅᓚᑦᑎᖃᑎᒌᑦᑐᑦ ᐅᖃᐅᔾᔨᒋᐊᕈᒪᔪᑦ ᐃᖃᓗᒻᒥᐅᑕᓂᑦ ᐅᑯᓂᖓ ᑐᑭᓯᒋᐊᕈᑎᓂᑦ:
- ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖃᑎᖃᖅᑐᑦ ᒐᕙᒪᒃᑯᓐᓂᑦ ᐊᒻᒪ ᓂᐅᕕᕐᕕᓂᑦ ᑭᖑᕙᖏᑦᑐᒥᑦ ᐊᒻᒪ ᐊᐅᓚᓂᖃᑦᑎᐊᖅᑐᒥᑦ ᑐᐊᕕᕐᓇᖅᑐᓕᕆᓂᕐᒥᑦ ᑖᔅᓱᒧᖓ ᑐᐊᕕᕐᓇᖅᑐᒧᑦ;
- ᓂᐅᕕᕐᕖᑦ ᐃᖅᑲᓇᐃᔭᖃᑎᒌᑦᑐᑦ ᐸᕕᓴᐃᓂᖃᖏᒃᑲᓗᐊᕐᒪᖔᖅ ᐱᔨᑦᑎᖅᑕᓄᑦ ᓄᓇᓕᒻᒥᐅᑕᓄᑦ. ᐱᖃᓯᐅᑎᓪᓗᑎ ᓂᖀᑦ ᐊᒻᒪ ᐄᔭᒐᐃᑦ;
- ᑐᐊᕕᕐᓇᖅᑐᓕᕆᖃᑎᒌᑦᑐᑦ ᐊᐱᕆᔪᑦ ᓄᓇᓕᒻᒥᐅᑕᓂᑦ ᓂᕿᓂᑦ ᓄᐊᑦᑎᖃᑦᑕᖅᑕᐃᓕᓗᑎ.
ᓂᐅᕕᖃᑦᑕᕐᓗᑎ ᐃᕝᕕᑦ ᐱᔭᕆᐊᖃᖅᑕᖏᓐᓂᑦ, ᐊᒻᒪ ᖃᐅᔨᒪᓇᓱᑦᑎᐊᕐᓗᒋᑦ ᐊᒻᒪ ᐃᑲᔪᕐᓗᒋᑦ ᓴᓂᓪᓕᕆᔭᐅᔪᑦ ᐊᑦᑕᓇᖅᑐᒦᒍᓐᓇᖅᑐᑦ;
- ᓂᐅᕕᕐᕖᑦ, ᐃᓚᒋᓪᓗᓂᐅᒃ ᑐᐊᕕᕐᓇᖅᑐᓕᕆᓂᕐᒧᑦ ᐊᐅᓚᑦᑎᖃᑎᒌᑦᑐᑦ, ᓇᓗᓇᐃᖅᓯᓯᒪᒻᒥᔪᑦᑕᐅᖅ ᓄᓇᓕᒻᒥᐅᑕᓄᑦ ᓂᕿᖃᑦᑎᑏᓐᓇᓂᐊᖅᑐᑎᑦ ᐊᒻᒪ ᓱᓇᒃᑯᑖᓂᑦ ᐊᑭᒋᖃᑦᑕᖅᑕᖏᓐᓂᑦ – ᐊᑭᖏᓐᓂᑦ ᐊᑭᑦᑐᕆᐊᖅᓯᔪᖃᔾᔮᖏᑦᑐᖅ;
- ᓄᓇᓕᒻᒥᐅᑕᐃᑦ ᐃᒥᕋᔅᓴᒥᑦ ᐃᒪᖃᕆᐊᓖᑦ ᐅᑭᐅᑕᖅᑐᒧᑦ ᐱᓐᖑᐊᕕᒃᔪᐊᕕᒻᒨᖁᔭᐅᔪᑦ ᐊᓐᓂᑭᑦᑐᕕᒻᒧᑦ ᓇᒻᒥᓂᖅ ᐴᔅᓴᖃᕐᓗᑎᑦ ᐊᑯᓐᓂᖏᓐᓂ 10 AM ᐊᒻᒪ 10PM;
- ᑐᑭᓯᒋᐊᕈᑏᑦ ᓂᐅᕕᕐᕕᐅᑉ ᐃᓪᓗᖓᑕ ᒥᔅᓵᓄᑦ ᓇᓗᓇᐃᖅᓯᓯᒪᔪᑦ ᓯᕐᓗᐊᖓ ᓱᕋᑦᑎᖅᓯᒪᑦᑎᐊᓕᖅᑐᖅ, ᐊᒻᒪ ᓂᐅᕕᕐᕕᓪᓚᕆᒋᔭᖓ ᖃᐅᔨᓴᖅᑕᐅᓂᐊᖅᑐᖅ ᓇᓗᓇᐃᖅᑕᐅᓗᓂ ᖃᓄᐃᓕᖓᓂᖓᓄᑦ ᐃᓪᓘᔪᖅ;
- ᐃᓐᓇᑐᖃᐃᑦ ᐃᓐᓇᑐᖃᒃᑯᕕᒻᒦᓚᐅᖅᑐᑦ ᑐᔪᕐᒥᕕᒻᒦᑎᑕᐅᓂᐊᖅᑐᑦ ᑕᒪᑐᒪᓂ ᐅᓐᓅᔪᒥᑦ. ᑲᓇᑕᒥ Red Cross ᐃᑲᔪᖅᑐᐃᓂᖃᕐᒥᔪᑦ.
- ᖃᑦᑎᕆᔩᑦ ᐊᓯᖏᓐᓂᑦ ᓄᓇᕗᒻᒥ ᕗᓇᓕᓐᓂᑦ, ᐊᓪᓚᕕᖓ ᖃᑦᑎᕆᔨᒃᑯᑦ ᐊᖏᔪᖅᑳᖓᑦ ᐊᒻᒪ ᖃᖓᑕᓲᒃᑯᕕᒻᒥ ᖃᑦᑎᕆᔨᒃᑯᑦ ᐃᓚᒋᔭᐅᓯᒪᔪᑦ ᖃᒥᑦᑎᓇᓱᐊᖅᑐᑎᑦ ᐃᑲᔪᖅᑐᑎᑦ ᖃᑦᑎᕆᔨᑦᑎᓐᓂᑦ;
- ᓄᓇᓕᐸᐅᔭᒃᑯᑦ ᐱᐅᖅᓱᐊᖏᓐᓇᖁᔨᔪᑦ ᐃᒥᕐᒥᑦ ᑕᒪᑐᒪᓂᐅᑎᓪᓗᒍ.
-30-
ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᒍᒃ:
ᐱᕙᓪᓕᐊᔪᓕᕆᔨᓄᑦ ᐱᓕᕆᔨ
ᓄᓇᓕᐸᐅᔭᖓᑦ ᐃᖃᓗᐃᑦ
ᖃᕋᓴᐅᔭᒃᑯᑦ: A.Spitzer@city.iqaluit.nu.ca
- Firefighters from other Nunavut communities, the Office of the Fire Marshall and the Airport Fire Department have joined the response to provide assistance to our FireDepartment;
- The City is also asking residents to continue to conserve water duringthis time.
-30-
For additional information, please contact: MEDIA RELATIONS
CITY OF IQALUIT
EMAIL: A.Spitzer@city.iqaluit.nu.ca