ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑐᐊᕕᕐᓇᖅᑐᒦᓕᕐᓂᖅ ᓄᓇᓕᓐᓂ − ᐅᐃᒍᔭᐅᔪᖅ ᑏᓰᐱᕆ 14-ᒧᓄᑦ, 2021
ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᐅᐃᒍᐃᕗᑦ ᐅᓪᓗᖏᓐᓂᑦ ᑐᐊᕕᕐᓇᖅᑐᒦᓕᕐᓂᕐᒥᑦ ᓄᓇᓕᓐᓂ ᐱᔾᔪᑎᒋᓪᓗᒍ ᐃᒥᒃᑯᑦ ᐊᑲᐅᖏᓕᐅᕈᑎᐅᔪᑦ ᐱᒋᐊᕐᓗᒍ ᐅᓐᓄᐊᒃᑯᑦ 12-ᒨᖅᐸᑦ ᐱᖓᑦᓯᕐᒥ, ᐋᑦᑑᐸ 20, 2021.
ᓄᓇᓕᐸᐅᔭᐃᑦ ᑲᑎᒪᔨᖏᑦ ᑲᑎᒪᑎᓪᓗᒋᑦ ᓇᒡᒋᔾᔭᐅᓕᖅᑭᕐᒥ, ᑏᓰᐱᕆ 7, ᑲᑎᒪᔩᑦ ᑲᔪᓯᑎᑦᑎᓚᐅᖅᑐᑦ ᐅᐃᒍᔭᐅᓂᖓᓂᑦ ᑐᐊᕕᕐᓇᖅᑐᒦᓕᕐᓂᕐᒥᑦ ᓄᓇᓕᓐᓂ. ᑎᒥᐅᔪᒥᑦ ᐊᐅᓚᑦᑎᔨᒻᒪᕆᐅᔪᖅ ᓱᓕ ᐱᓕᕆᔨᐅᓂᐊᖅᑐᖅ ᓄᓇᓕᓐᓂ ᐊᐅᓚᑦᑎᔾᔪᑎᓂᑦ ᑐᑭᒧᐊᑦᑎᑦᑎᔨᐅᓂᕐᒥᑦ.
ᑐᐊᕕᕐᓇᖅᑐᒦᓕᕐᓂᕐᒥᑦ ᓄᓇᓕᓐᓂ ᐊᑐᖅᑎᓪᓗᒋᑦ, ᑐᐊᕕᕐᓇᖅᑐᑕᖃᖅᑎᓪᓗᒍ ᐱᓕᕆᔾᔪᑎᑦᓴᓂᑦ ᒪᓕᒐᑎᒍᑦ ᓄᓇᓕᐸᐅᔭᒃᑯᓐᓂᑦ ᐅᑯᓂᖓ ᐊᑐᕈᓐᓇᑎᑦᓯᔾᔪᑎᐅᔪᓐᓇᕐᒪᑦ “ᖃᓄᐃᑐᐃᓐᓇᖅ ᐱᓕᕆᖁᔭᐅᓗᑎᒃ ᐊᒻᒪ ᐊᑐᖅᐸᓪᓗᑎᒃ ᐱᓕᕆᔾᔪᑎᑦᓴᓂᑦ ᓄᓇᓕᓐᓂ ᑯᐊᐳᕇᓴᐅᔪᓄᑦ ᐱᓕᕆᐊᖑᒋᐊᖃᖅᑐᕆᔭᖏᓐᓂᑦ”.
ᐅᑯᐊ ᐱᔪᓐᓇᐅᑎᓄᑦ ᐃᓚᓕᐅᑎᔪᑦ ᐊᑐᖅᑕᐅᓂᐊᖅᑐᑦ:
• ᓄᓇᓕᐸᐅᔭᒃᑯᑦ ᐱᔪᓐᓇᐅᑎᖏᑦ ᐃᓚᔭᐅᓗᑎᒃ ᐃᑲᔪᕐᓱᐃᔾᔪᑎᖃᕈᓐᓇᕐᓯᓗᑎᒃ ᒪᓕᑦᑎᑦᑎᓂᕐᒥᑦ
ᖃᓄᖅᑑᕈᑎᓂᑦ, ᑕᐃᒪᐃᒋᐊᖃᕐᓂᕈᑎᒃ;
• ᓄᓇᓕᐸᐅᔭᒃᑯᑦ ᐱᓕᕆᐊᑦᓴᓕᐅᕈᓐᓇᕐᓗᑎᒃ ᐃᑲᔫᑎᑦᓴᓂᑦ ᐅᓗᕆᐊᓇᖅᑐᒦᓐᓂᕐᓴᐅᕙᑦᑐᓂᑦ
ᓄᓇᓕᕐᒥᐅᑕᓂᑦ ᓯᓚᑖᓃᑦᑐᓂᑦ ᐃᑲᔪᕐᓱᐃᔾᔪᑎᐅᔪᓐᓇᖅᑐᑦ ᑭᒃᑯᓐᓂᑦ;
• ᓇᓗᓇᐃᕐᓯᒪᒍᒪᓪᓗᑎᒃ ᐃᒥᖃᑦᑎᐊᕆᐊᖃᕐᓂᕐᒥᑦ ᐱᓕᕆᔾᔪᑎᐅᔪᑦ ᐊᑐᖅᑕᐅᒐᓗᐊᕐᒪᖔᑕ ᐊᑐᕆᐊᓖᑦ
ᑎᒥᒥᑦ ᐃᓗᓯᓕᕆᔾᔪᑎᓄᑦ ᐊᒻᒪ ᓴᓗᒪᑎᑦᑎᔾᔪᑎᐅᓗᑎᒃ.
ᒪᓕᒐᑎᒍᑦ, ᐅᐃᒍᐃᔾᔪᑎᐅᔪᖅ ᐊᑐᖅᑕᐅᔪᓐᓇᖅᑐᖅ ᐅᓪᓗᓄᑦ 7-ᓄᑦ ᐊᓯᐊᒍᑦ ᖁᔭᓈᖅᑕᐅᖏᒃᑯᓂ ᐅᕝᕙᓘᓐᓃᑦ ᐅᐃᒍᔭᐅᖏᒃᑯᓂ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᐃᖅᑲᓇᐃᔭᕐᓇᐅᑎᓪᓗᒍ ᐅᓇ:
ᐊᓕᒃᓯ ᑳᒧᕋᓐ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨ
867-979-5607| a.cameron@iqaluit.ca
