ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᓄᖕᓄᑦ ᑐᓴᕋᑦᓴᑦ
ᑐᐊᕕᕐᓇᑐᒃᑯᑦ ᐃᒪᖃᕈᓐᓃᖅᑎᑕᐅᑲᐃᓐᓇᖅᑐᑦ ᐊᒻᒪ ᐅᔾᔨᕈᓲᑎᒍᑦ ᐃᒥᕐᒥᒃ ᑎᖅᑎᑎᑦᓯᓚᐅᕐᓗᑎᒃ ᑭᓯᐊᓂ ᐊᑐᖁᔭᐅᓗᑎᒃ - ᐃᓪᓗᐃᑦ ᓈᓴᐅᑎᓖᒃ - 2100-ᓂᒃ, 2200-ᓂᒃ, 2600-ᓂᒃ, 2700-ᓂᒃ, ᐅᐃᕖᑦ ᐃᓕᓴᕕᒃ (École des Trois-Soleils), ᐊᖅᓴᕐᓃᑦ ᐊᑯᓐᓈᕿᔪᓄᑦ ᐃᓕᓴᕕᒃ (Aqsarniit Middle School), ᔫᒥ ᐃᓕᓐᓂᐊᕐᕕᒃ (Joamie School), ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖕᖑᐊᕐᕕᐊᓗᒃ (Arctic Winter Games Arena), ᐊᒻᒪ ᐅᑯᐊ 4000-ᓂᒃ
ᔮᓐᓄᐊᕆ 15, 2026 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᒃ ᑐᐊᕕᕐᓇᑐᒃᑯᑦ ᐃᒪᖃᕈᓐᓃᑎᑦᓯᑲᐃᓐᓇᕐᒪᑕ ᒫᓐᓇ ᐅᑯᐊ ᐊᕙᑎᖏᓐᓃᑦᑐᓂᒃ:
ᓈᓴᐅᑎᓖᑦ 2100-ᓂᒃ, 2200-ᓂᒃ, 2600-ᓂᒃ, 2700-ᓂᒃ, ᐅᐃᕖᑦ ᐃᓕᓐᓂᐊᕐᕕᒃ (École des Trois-Soleils), ᐊᖅᓴᕐᓃᑦ ᐃᓕᓐᓂᐊᕐᕕᒃ (Aqsarniit Middle School), ᔫᒥ ᐃᓕᓐᓂᐊᕐᕕᒃ (Joamie School), ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖕᖑᐊᕐᕕᐊᓗᒃ (Arctic Winter Games Arena), ᐊᒻᒪ ᐅᑯᐊ 4000-ᓂ ᓈᓴᐅᑎᓖᑦ.
ᐅᓇ ᐸᕐᓇᐅᑎᐅᓯᒪᖏᑦᑐᖅ ᐃᒪᖃᕈᓐᓃᑲᐃᓐᓇᑎᑦᓯᓂᐅᔪᖅ ᑐᐊᕕᕐᓇᖅᑐᒥᒃ ᐱᔾᔪᑎᖃᕐᓂᖏᓐᓄᒃ ᓄᓇᓕᐸᐅᔭᒃᑯᑦ ᐃᒥᓕᕆᔾᔪᑎᖏᓐᓂᒃ. ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᑦ ᓴᓇᕙᓪᓕᐊᔫᒐᓗᐊᑦ ᐃᒪᖃᕐᓂᐊᖁᔨᓪᓗᑎᒃ ᕿᓚᒥᐅᔫᒥᔪᖅ ᐊᒻᒪ ᐊᑦᑕᓇᔾᔭᐃᕐᓯᒪᓇᓱᐊᖅᑐᑎᒃ ᐱᓕᕆᔪᑦ. ᒫᓐᓇᐅᔪᕐᓕ, ᐅᓐᓄᓴ ᐃᒪᖃᔾᔭᖕᖒᕆᔭᐅᓂᐊᖅᑐᑦ ᐃᒻᒪᖄ 3:00 ᐅᓐᓄᓴ ᐅᓪᓗᒥ.
ᐃᒥᓕᕆᔾᔪᑎᐅᔪᑦ ᐳᓪᓚᐃᒍᑎᓗᐊᓕᕋᐃᒻᒪᑕ, ᐊᖏᔪᖅᑳᖓᑦ ᐃᓗᓯᓕᕆᔨᒃᑯᑦ ᓄᓇᕘᒧᑦ ᓴᖅᑮᔪᓐᓇᕐᒪᑕ ᑕᕝᕙᓴᐃᓐᓇᖅ ᐃᒥᕐᒥᒃ ᐊᑐᖅᑕᐅᓂᐊᖅᑐᒥᒃ ᑎᖅᑎᑎᑦᓯᖃᑦᑕᖁᔨᓪᓗᓂ. ᐊᑦᑐᖅᑕᐅᒍᓂ ᓇᔪᒐᖃᕐᕕᒋᔭᐃᑦ ᐆᕗᖓ ᐃᒥᓕᕆᔪᓄᑦ, ᐃᒥᕐᒥᒃ ᐊᑐᓚᐅᖏᓂᕐᓂ ᑎᖅᑎᑎᑦᓯᖁᔭᐅᕗᓯ.
ᐊᓪᓚᕝᕕᖓ ᐆᒪ ᐊᖏᔪᖅᑳᖓᑦ ᐃᓗᓯᓕᕆᔨᒃᑯᑦ ᑐᓴᖅᑎᑦᓯᕙᒻᒪᑕ ᓄᓇᓕᐸᐅᔭᒃᑯᓐᓂᒃ ᑎᖅᑎᑎᑦᓯᒋᐊᑐᒍᓐᓃᕈᑎᒃ, ᐃᖃᓗᒻᒥᐅᑕᐃᑦ ᑐᓴᖅᑎᓛᕐᒥᔭᕗᑦ ᑐᓴᖅᑎᑕᐅᒍᑦᑕ.
ᐃᒥᕐᒥᒃ ᐊᑐᖅᑕᐅᓂᐊᖅᑐᒥᒃ ᑎᖅᑎᑎᑦᓯᖃᑦᑕᖁᔭᐅᑎᓪᓗᒋᑦ, ᓄᓇᓕᐸᐅᔭᒃᑯᑦ ᐃᒥᖅᑕᐅᓂᐊᖅᑐᓕᒫᓂᒃ ᖃᓂᒃᑯᑦ ᑎᖅᑎᑎᑦᓯᖃᑦᑕᖁᔨᒻᒪᑕ ᐅᐊᒪᓇᒥᒃ ᕿᓚᒥᐅᓛᖏᒍᑦ.
ᐃᒥᖅᑕᐅᓂᐊᖅᑐᑦ ᐅᑯᓄᖓ ᐊᑐᖅᑕᐅᓗᑎᒃ ᑎᖅᑎᑎᑕᐅᓯᒪᐃᓐᓇᕆᐊᓕᐅᔪᑦ:
- ᐃᒥᖅᑕᐅᓂᐊᖅᑐᑦ;
- ᐱᐊᕋᕐᓄᑦ ᐊᒫᒪᓕᐅᕈᑎᐅᔪᑦ ᓂᖅᑎᐅᕈᑎᐅᔪᑦ;
- ᐃᒪᒐᑦᓴᓕᐅᕈᑎᐅᔪᑦ ᐊᒻᒪ ᓂᓚᓕᐅᕈᑎᐅᔪᑦ;
- ᐅᐊᓴᐅᑎᐅᓂᐊᖅᑐᑦ ᐱᕈᖅᑐᒥᓂᕐᓂᒃ ᖃᓄᐃᑦᑐᑐᐃᓐᓇᕐᓂᒃ;
- ᓂᖅᑎᐅᕈᑎᐅᔪᑦ; ᐅᕝᕙᓘᓐᓃᑦ
- ᑭᒍᓯᑎᐅᕈᑎᐅᔪᑦ.
ᐃᒥᖅ ᑎᖅᑎᑎᑕᐅᒍᓐᓇᖅᑐᖅ ᐅᒃᑯᓯᒻᒥ ᐅᕝᕙᓘᓐᓃᑦ ᑏᓕᐅᕈᑎᒥ ᐃᒐᒦᓗᒍ ᐅᕝᕙᓘᓐᓃᑦ ᑲᑉᐳᔭᖅᑑᒍᓂ ᐃᒻᒥᓂᒃ ᖃᒥᒍᓐᓇᖏᓪᓗᓂ.
ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᓄᖕᓂᒃ ᑐᓴᖅᑎᑦᓯᓛᕐᒥᔪᑦ ᐃᒥᕐᒥᒃ ᑎᖅᑎᑎᑦᓯᒋᐊᑐᒍᓐᓃᕈᑦᑕ.
###
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ ᐅᓇ:
ᐳᕆᐊᓇ ᓴᐃᒪᐃᔪᖅ-ᐸᐃᓐᔅ
ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5630 | B.Shaimaiyuk-Baines@iqaluit.ca
ᑐᐊᕕᕐᓇᖅᑐᒥᒃ ᐃᒥᓕᕆᔪᒥᒃ ᐅᖃᐅᓯᖃᕈᒪᓂᐊᕈᑦᓯ (ᓄᓇᓕᐸᐅᔭᒃᑯᑦ ᐃᒥᕐᒧᑦ ᓱᓪᓗᓂᒃ ᕿᓪᓛᓕᕐᓂᖅᐸᑦ ᐅᕝᕙᓘᓐᓃᑦ ᐃᒥᓕᕆᔾᔪᑎᐅᔪᑦ ᐳᓪᓚᐃᒍᑎᒍᑎᒃ) ᐃᖅᑲᓇᐃᔭᕐᓇᐅᒍᓐᓃᑎᓪᓗᒍ ᖃᐅᔨᒋᐊᖁᔪᑦ ᐅᑯᐊ: ᓄᓇᓕᐸᐅᔭᒃᑯᑦ ᑭᐅᔨᖏᑦ ᓇᓗᓇᐃᔭᐃᒍᓐᓇᖅᑐᑦ ᐱᓕᕆᔨᓂᒃ 867-979-5650
