ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑎᑎᖅᑲᓂᒃ ᐃᑲᔪᕐᓱᐃᔾᔪᑎᐅᕙᑦᑐᓂᒃ ᑐᑦᓯᕋᐅᑎᒥᒃ ᐱᔭᕆᐊᑭᓪᓕᑎᕆᓂᖅ
ᔪᓚᐃ 14, 2026 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ, ᓄᓇᓕᓐᓂ ᑲᑎᖕᖓᕙᑦᑐᓂᒃ, ᐊᒻᒪ ᑲᑐᔾᔨᖃᑎᒌᖑᔪᓂᒃ ᑲᑎᒪᔨᐅᔪᑦ ᑲᔪᓯᑎᑦᓯᓚᐅᕐᓂᖏᓐᓄᑦ ᓄᑖᒥᒃ ᑎᑎᖅᑲᓄᑦ ᐃᑲᔪᕐᓱᐃᔾᔪᑎᓄᑦ ᐊᑐᐊᒐᕐᒥᒃ.
ᑎᑎᖅᑲᐃᑦ ᐃᑲᔪᕐᓱᐃᔾᔪᑎᐅᔪᑦ ᐃᑲᔫᑎᖃᕈᓐᓇᕐᒪᑕ ᑮᓇᐅᔭᓂᒃ ᑐᑦᓯᕋᐅᑎᓂᒃ, ᐴᕐᒥᑦᓂᒃ ᑐᑦᓯᕋᐅᑎᓂᒃ, ᐊᒻᒪ ᓄᓇᓕᓐᓂ ᐱᓕᕆᐊᑦᓴᐅᓂᐊᖅᑐᓂᒃ. ᐃᓚᒋᔭᐅᔪᖅ ᓄᓇᓕᐸᐅᔭᒃᑯᑦ ᖃᓄᖅ ᑕᑯᑦᓴᐅᑎᑦᓯᒍᓐᓇᕐᓂᖏᓐᓄᑦ ᐃᑲᔪᕐᓱᐃᔾᔪᑎᑦᓴᓂᒃ ᐱᓕᕆᐊᑦᓴᓄᑦ ᐃᑲᔪᕐᓱᐃᔾᔪᑎᐅᒍᓐᓇᖅᑐᓂᒃ ᐃᖃᓗᓐᓂᒃ ᐊᒻᒪ ᐃᖃᓗᒻᒥᐅᑕᓂᒃ ᓄᓇᓕᐅᔪᓂ ᑕᒫᓂ.
ᓄᑖᖅ ᐊᑐᐊᒐᖅ ᓴᓇᔭᐅᓚᐅᖅᑐᖅ ᐅᐸᓗᖓᐃᔭᐅᑎᐅᔪᒥᒃ ᓇᓗᓇᖏᓂᕐᓴᐅᖁᔨᓪᓗᑎᒃ, ᒪᓕᒐᕐᓂᓂᕐᓴᐅᓕᕐᓗᑎᒃ, ᐊᒻᒪ ᓱᒃᑲᓐᓂᓴᒃᑯᑦ ᑐᑦᓯᕋᐅᑎᐅᔪᖅ ᒪᓕᓐᓂᕈᓂ ᒪᓕᒐᖏᓐᓂᒃ. ᐃᓚᖏᒍᑦ,ᒪᐃᔭᐅᑉ ᐊᑎᓕᐅᕈᓐᓇᕋᔭᖅᑕᖓ ᑎᑎᖅᑲᖅ ᐃᑲᔪᕐᓱᐃᔾᔪᑎᑦᓴᐅᔪᖅ ᑭᒡᒐᖅᑐᐃᓗᓂ ᑲᑎᒪᔨᓂᒃ ᑐᑦᓯᕋᐅᑎᐅᔪᖅ ᐅᑕᖅᑭᒋᐊᑐᖏᓪᓗᓂ ᑲᑎᒪᔨᐅᔪᑦ ᑲᑎᒪᕕᑦᓴᖓᓐᓂᒃ.
ᑕᒪᐅᓇ ᑐᑭᖃᖅᑐᖅ ᓯᕗᒧᐊᒐᑎᖃᑦᓯᐊᓂᕐᓴᐅᓂᐊᓕᕐᓂᖏᓐᓄᑦ ᑐᑦᓯᕋᐅᑎᓕᐅᖅᐸᓂᐊᖅᑐᑦ, ᐊᐱᕆᔪᑦ ᐊᒥᓲᒍᓐᓃᕐᓗᑎᒃ “ᐅᑯᐊ ᓇᒧᖕᖓᕆᐊᖃᕐᒪᑕ?” ᐊᑐᖅᑕᐅᕙᑦᑐᑦ, ᐊᒻᒪ ᐅᐸᓗᖓᐃᔭᐅᑎᖃᓕᕐᓗᑎᒃ ᐊᑲᐅᓂᕐᓴᐅᔪᒥᒃ ᑐᑦᓯᕋᐅᑎᓕᐅᕈᓐᓇᕐᓂᖏᑦ.
ᑐᑦᓯᕋᐅᑎᐅᔪᑦ ᕿᒥᕐᕈᐊᖅᑕᐅᕙᓐᓂᐊᖅᑐᑦ ᓇᓗᓇᐃᖅᑕᐅᓇᓱᐊᕐᓗᑎᒃ ᒪᓕᒃᑲᓗᐊᕐᒪᖔᑕ ᐊᑐᐊᒐᑎᒍᑦ ᒪᓕᒐᕐᓂᒃ, ᐱᖃᓯᐅᔾᔭᐅᓗᓂ ᐱᓕᕆᐊᑦᓴᑎᒍᑦ ᐃᑲᔪᕐᓱᐃᔾᔪᑎᖃᑦᓯᐊᕐᓂᐊᕋᓗᐊᕐᒪᖔᖅ ᐃᖃᓗᒻᒥᐅᑕᓂᒃ ᐊᒻᒪ ᑐᑭᓕᐊᖃᑎᖃᕋᓗᐊᕐᒪᖔᖅ ᓄᓇᓕᐸᐅᔭᒃᑯᑦ ᓯᕗᓪᓕᐅᑎᒍᒪᔭᖏᓐᓂᒃ ᐱᓕᕆᐊᑦᓴᑎᒍᑦ.
ᑐᑦᓯᕋᐅᑎᐅᔪᑦ ᐊᐅᓪᓚᖅᑎᑕᐅᒋᐊᓕᐅᔪᑦ ᓄᓇᓕᐸᐅᔭᒃᑯᑦ ᐊᓪᓚᑦᑎᖓᓐᓄᑦ ᐅᕗᖓ CityClerk@iqaluit.ca ᕿᓚᒥᐅᔫᒥᔪᖅ, ᐊᒻᒪ 14 ᐅᓪᓗᐃᑦ ᑐᖔᓂᐅᖏᑦᑐᖅ ᑎᑎᖅᑲᖅ ᑐᑦᓯᕌᖑᔪᖅ ᐱᔭᐅᔭᕆᐊᖃᓚᐅᖏᓐᓂᖓᓂ.
ᐅᑯᐊ ᐱᖃᓯᐅᔾᔭᐅᒋᐊᓕᐅᔪᑦ:
- ᓇᐃᑦᑐᒥᒃ ᐊᖏᔪᖅᑲᐅᑎᓄᑦ ᐅᓂᒃᑳᓕᐊᕆᓯᒪᔪᒥᒃ ᐱᓕᕆᐊᑦᓴᓂᒃ, ᐅᕝᕙᓘᓐᓃᑦ ᖃᓄᐃᓕᐅᕈᑎᑦᓴᒥᒃ, ᑎᑎᖅᑕᐅᓗᑎᒃ ᐅᓪᓗᕐᓯᐅᑎᖏᑦ ᖃᓄᑎᒋ ᐱᓕᕆᐊᖑᒐᔭᕐᓂᖓᓄᑦ, ᑭᒃᑯᑦ ᑐᕌᒐᐅᒻᒪᖔᑕ, ᑮᓇᐅᔭᓂᒃ ᐱᕕᐅᓯᒪᒻᒥᔪᓂᒃ, ᐊᒻᒪ ᑲᑐᔾᔨᖃᑕᐅᔪᓂᒃ, ᐱᑕᖃᖅᐸᑕ
- ᐊᓯᔾᔨᕈᓐᓇᖅᑐᒥᒃ ᑎᑎᖅᑲᒥᒃ ᐃᑲᔪᕐᓱᐃᔾᔪᑎᑦᓴᒥᒃ
ᐃᓚᖏᑦ ᑐᑦᓯᕋᐅᑎᐅᕙᑦᑐᑦ ᓱᓕ ᕿᒥᕐᕈᔭᐅᒋᐊᖃᕐᒪᑕ ᑲᑎᒪᔨᑎᒍᑦ. ᐱᖃᓯᐅᔾᔭᐅᔪᑦ ᑐᑦᓯᕋᐅᑎᐅᔪᑦ ᒐᕙᒪᓕᕆᔨᓂᒃ, ᑮᓇᐅᔭᓕᐅᖅᑎᓂᒃ ᑲᑐᔾᔨᖃᑎᒌᓂᒃ, ᐅᕝᕙᓘᓐᓃᑦ ᑮᓇᐅᔭᓕᐅᖅᑎᓂᒃ ᓇᖕᒥᓂᖃᖅᑎᓂᒃ, ᑐᑦᓯᕋᐅᑎᐅᔪᑦ ᑐᑦᓯᕋᕐᓯᒪᔪᑦ ᑮᓇᐅᔭᓂᒃ ᐅᕝᕙᓘᓐᓃᑦ ᑮᓇᐅᔭᐅᖏᑦᑐᓂᒃ ᐃᑲᔪᕐᓱᐃᔾᔪᑎᑦᓴᓂᒃ, ᐃᓚᖏᓐᓄᑦ ᖃᐅᔨᓴᐅᑎᓄᑦ ᐅᕝᕙᓘᓐᓃᑦ ᐴᕐᒥᑦᑎᒍᑦ ᑐᑦᓯᕋᐅᑎᓂᒃ, ᐊᒻᒪ ᐱᓕᕆᐊᑦᓴᓄᑦ ᐃᑲᔪᕐᓱᖅᑕᐅᓐᓂᖏᑦᑐᓄᑦ ᑲᑎᒪᔨᑎᒍᑦ ᓯᕗᓪᓕᕐᒥ. ᑐᑦᓯᕋᐅᑎᐅᔪᑦ ᑲᑎᒪᔨᓅᖅᑕᐅᒋᐊᖃᖅᐸᑦᑐᑦ ᐊᑯᓂᐅᓂᕐᓴᖅ ᐱᓕᕆᐊᖑᔭᕆᐊᖃᖅᐸᒻᒪᑕ.
ᑎᑎᖅᑲᐃᑦ ᐃᑲᔪᕐᓱᐃᔾᔪᑎᐅᔪᑦ ᓄᓇᓕᐸᐅᔭᒃᑯᓐᓂᒃ ᐱᑎᑦᓯᒋᐊᖃᕐᓂᖏᓐᓄᑦ ᑮᓇᐅᔭᓂᒃ ᐱᔾᔪᑎᐅᖏᑦᑐᑦ, ᑮᓇᐅᔭᐅᖏᑐᒃᑯᑦ ᐃᑲᔪᕐᓱᐃᔾᔪᑎᑦᓴᓂᒃ, ᐴᕐᒥᑦᑖᕈᑎᓂᒃ, ᑲᔪᓯᑎᑦᓯᔾᔪᑎᓂᒃ, ᐅᕝᕙᓘᓐᓃᑦ ᐊᑐᖅᑕᐅᔪᓐᓇᓕᕐᓂᖏᓐᓄᑦ ᓄᓇᓕᐸᐅᔭᒃᑯᑦ ᐱᓕᕆᔾᔪᑎᖏᓐᓂᒃ ᐊᓯᐊᒍᑦ ᑕᒪᒃᑯ ᐊᑐᖅᑕᐅᔪᓐᓇᕐᓂᖏᓐᓄᑦ ᑲᔪᓯᑎᑦᓯᓯᒪᖏᒃᑯᑎᒃ ᐊᓯᐊᒍᑦ.
ᓄᓇᓕᐸᐅᔭᒃᑯᑦ ᖁᔭᒋᔭᖃᖅᐸᑦᑐᑦ ᐱᓕᕆᐊᖑᕙᑦᑐᓂᒃ ᓄᓇᓕᓐᓂ ᑲᑎᖕᖓᕙᑦᑐᓄᑦ ᐊᒻᒪ ᑲᑐᔾᔨᖃᑎᒌᓄᑦ ᐃᖃᓗᓐᓂ. ᓄᑖᖅ ᐅᐸᓗᖓᐃᔭᐅᑎᒍᑦ ᐱᔭᕆᐊᑭᓪᓕᑎᑕᐅᒍᒪᓪᓗᑎᒃ ᑐᑦᓯᕋᐅᑎᐅᕙᑦᑐᑦ ᑎᑎᖅᑲᓂᒃ ᐃᑲᔪᕐᓱᐃᔾᔪᑎᓂᒃ ᑐᑦᓯᕋᐅᑎᐅᒍᓐᓇᖅᑐᓄᑦ ᐱᓕᕆᐊᑦᓴᐅᒍᒪᔪᓄᑦ ᕿᓚᒥᐅᓂᕐᓴᒃᑯᑦ ᐱᔪᓐᓇᖁᓪᓗᒋᑦ ᑎᑎᖅᑲᓂᒃ ᐃᑲᔪᕐᓱᐃᔾᔪᑎᑦᓴᓂᒃ ᑐᑦᓯᕌᕆᔭᖏᓐᓂᒃ.
ᐊᑐᐊᒐᐅᔪᖅ ᐊᒻᒪ ᑐᑦᓯᕋᐅᑎᓕᐅᕈᑎᓄᑦ ᒪᓕᒐᐃᑦ ᐊᑐᐃᓐᓇᐅᔪᑦ ᐃᑭᐊᖅᑭᕕᒃᑯᑦ ᐅᕙᓂ www.iqaluit.ca
##
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | g.byrne@iqaluit.ca
