ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᓄᖕᓄᑦ ᑐᓴᕋᑦᓴᑦ
ᐳᐃᔾᔪᕋᕆᐅᕐᓴᓂᐊᖅᑐᑦ ᐊᑎᕐᓂᒃ ᐊᒧᓯᖃᑦᑕᕐᓂᐅᔪᖅ - ᐱᖃᑕᐅᓂᐊᖅᑐᑦ ᓂᕈᐊᖅᑕᐅᓯᒪᓕᖅᑐᑦ
ᐃᐳᕈ 7, 2026 – ᐃᖃᓗᐃᑦ, ᓄᓇᕗᑦ
ᐊᑎᕐᓂᒃ ᐊᒧᓯᖃᑦᑕᕐᓂᐅᔪᖅ ᐅᐱᕐᖓᑦᓵᖑᓂᐊᖅᑐᖅ ᐳᐃᔾᔪᕋᕆᐅᕐᓴᖅᑎᑕᐅᓂᐊᖅᑐᓂᒃ ᒪᑐᓯᒪᓕᖅᑐᖅ.
ᑕᕝᕙᓂ ᐃᓕᓐᓂᐊᖅᑎᑕᐅᓂᐊᖅᑐᑦ ᐊᒥᓱᑲᓪᓚᐅᔪᓂᒃ ᐊᑎᖃᓚᐅᖅᑐᑦ ᐱᖃᑕᐅᒍᒪᔪᓂᒃ. ᐊᑎᕐᓂᒃ ᐊᒧᓯᖃᑦᑕᕐᓂᐅᔪᖅ ᐊᑐᖅᑕᐅᕙᑦᑐᖅ ᐃᑲᔪᕐᓱᐃᔾᔪᑎᐅᓗᓂ ᐃᓘᓐᓇᖏᓐᓂᒃ ᐊᔾᔨᒌᑎᑦᓯᒍᒪᓪᓗᑎᒃ ᐊᒻᒪ ᐊᔾᔨᒌᒃᑯᑦ ᐱᓇᓱᐊᕈᓐᓇᖁᔭᐅᓗᑎᒃ ᐱᓕᕆᐊᑦᓴᓂᒃ ᐃᓚᒌᓕᒫᑦᓯᐊᑦ, ᖃᖓᒃᑯᑦ ᐅᕝᕙᓘᓐᓃᑦ ᖃᓄᖅ ᐊᑎᓕᐅᖃᑕᐅᒍᓐᓇᕋᓗᐊᕈᑎᒃ.
ᐊᑐᓂ ᐊᑎᕐᓂᒃ ᐊᒧᓯᖃᑦᑕᕐᓂᐅᔪᒥᒃ ᐊᐅᓚᑦᓯᕙᑦᑐᑦ ᐊᑐᖅᑐᑎᒃ ᑭᒃᑯᑐᐃᓐᓇᕐᓂᒃ ᓂᕈᐊᕐᓂᒃᑯᑦ ᐅᐸᓗᖓᐃᔭᐅᑎᒥᒃ. ᑕᒪᓐᓇ ᐱᓪᓗᒍ, ᓯᕗᓂᐊᒍᑦ ᐱᖃᑕᐅᓯᒪᔫᒐᓗᐊᑦ ᐅᕝᕙᓘᓐᓃᑦ ᐅᑕᖅᑭᑎᑕᐅᔪᓄᑦ ᐊᑎᖃᖃᑕᐅᓐᓂᕋᓗᐊᕈᑎᒃ ᓯᕗᓂᑦᑎᓐᓂ ᐊᒧᓯᖃᑦᑕᓂᒃᑯᑦ ᓂᕈᐊᒐᐅᓂᐊᖅᑐᓂᒃ ᐊᑦᑐᐃᔾᔪᑎᖃᖏᑦᑐᑦ, ᐊᒻᒪ ᐃᓘᓐᓇᑎᒃ ᐊᑎᓕᐅᓯᒪᔪᑦ ᐊᔾᔨᒌᒃᑯᑦ ᓂᕈᐊᖅᑕᐅᓇᓱᐊᖅᐸᑦᑐᑎᒃ ᑕᒪᐅᓇ ᐊᑐᓂ .
ᐱᖃᑕᐅᓂᐊᖅᑐᑦ ᓂᕈᐊᒐᐅᓚᐅᖅᑐᑦ ᐊᑎᕐᓂᒃ ᐊᒧᓯᖃᑦᑕᓂᒃᑯᑦ ᐱᑎᑕᐅᓯᒪᒋᐊᖃᓕᖅᑐᑦ ᓇᓕᖅᑲᕐᒥᒃ ᐃᕐᖐᓇᖅᑕᐅᑎᒃᑯᑦ ᓇᓗᓇᐃᖅᑕᐅᓯᒪᔪᒃᑯᑦ ᐊᑎᖃᕐᕕᖏᓐᓂ ᐅᕙᓂ Activenet, ᓇᓗᓇᐃᔭᐃᕕᐅᓗᑎᒃ ᐊᑎᓕᐅᕐᓯᒪᓂᖏᓐᓄᑦ ᓇᓪᓕᐊᓐᓄᑦ ᐃᓕᓐᓂᐊᕐᕕᒋᓂᐊᖅᑕᖏᓐᓄᑦ.
ᐱᖃᑕᐅᓇᓱᐊᖅᑐᑦ ᓂᕈᐊᖅᑕᐅᓚᐅᖏᑦᑐᑦ ᐅᑕᖅᑭᑎᑕᐅᓂᐊᖅᑐᑦ. ᐅᑕᖅᑭᑎᑕᐅᔪᓃᑦᑐᑦ ᐊᑎᖏᑦ ᓂᕈᐊᖅᑕᐅᓯᒪᔪᑦ ᐊᒧᓯᖃᑦᑕᓂᒃᑯᑦ ᐊᑎᕐᓂᒃ ᐊᒻᒪ ᐱᖃᑕᐅᓯᓐᓇᖅᑐᒥᒃ ᓄᖅᑲᖅᑐᖃᕐᓂᖅᐸᑦ ᐊᕆᐱᔭᐅᒐᔭᖅᑐᑦ ᐱᖃᑕᐅᒍᒪᒻᒪᖔᑕ ᓱᓕ ᐊᑎᓕᐅᕈᑎᒋᓯᒪᔭᖏᓐᓄᑦ.
ᓄᓇᓕᕐᒥᐅᑕᐃᑦ ᓇᓗᔪᑦ ᓂᕈᐊᖅᑕᐅᓯᒪᓂᕐᒥᓄᑦ, ᐅᕝᕙᓘᓐᓃᑦ ᑐᑭᓯᒃᑲᓐᓂᕈᒪᔪᑦ ᖃᓄᐃᓕᖓᓂᕐᒥᓂᒃ ᐊᑎᖃᕐᕕᒻᒥ ᐅᑕᖅᑭᔪᓄᑦ, ᖃᐅᔨᒋᐊᕈᓐᓇᓯᐊᖅᑐᑦ ᐆᕕᖓ ᑎᐅᕆᓐ ᐸᑦᓂᒃ ᐅᕗᖓ t.bubnick@iqaluit.ca
##
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:
ᐱᐊᓐᔭᒥᓐ ᓚᐸᐃᔾ
ᐳᐃᔾᔪᕋᕐᕕᖃᕐᕕᒻᒥ ᐱᓕᕆᐊᑦᓴᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ