ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᐳᐃᔾᔪᕋᓛᖅᑐᑦ ᐅᓪᓚᓚᐅᕐᓗᑎᒃ ᐋᑦᑑᐸ 29-ᒥ - ᐳᐃᔾᔪᕋᕐᓂᒃᑯᑦ, ᐱᓱᓐᓂᒃᑯᑦ ᐊᒻᒪ ᐅᓪᓚᓂᒃᑯᑦ ᑮᓇᐅᔭᓂᑦ ᓄᐊᑦᓯᔾᔪᑎᖃᓛᖅᑐᑦ
ᐋᑦᑑᐸ 16, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐅᖃᐅᔾᔪᐃᕗᑦ ᐱᖕᖑᐊᖅᑎᒻᒪᕆᓕᒫᑦᓯᐊᓂᑦ ᐊᒻᒪ ᑕᐃᒃᑯᓂᖓ ᐃᑲᔪᕐᓱᐃᔪᒪᒐᔭᖕᖑᐊᖅᑐᓂᑦ ᐱᐅᔪᒧᑦ ᐃᑲᔪᕐᓱᐃᔾᔪᑎᑦᓴᓂᑦ ᖃᐃᓗᑎᒃ ᐃᓚᒋᔭᐅᒋᐊᖅᑐᕐᓗᑎᒃ ᐳᐃᔾᔪᕋᓛᖅᑐᓄᑦ ᐅᓪᓚᓚᐅᕐᓗᑎᒃ ᑮᓇᐅᔭᓂᑦ ᓄᐊᑦᓯᔾᔪᑎᒋᓇᓱᐊᕐᓗᒍ, ᐊᑐᖅᑕᐅᓛᕈᒪᔪᒥᑦ ᐳᐃᔾᔪᕋᕐᕕᒻᒥ ᐊᒻᒪ ᓯᓚᒥ, ᓈᑦᓯᐅᖑᔭᐅᓕᖅᐸᑦ, ᐋᑦᑑᐸ 29, 2017, ᐊᓃᓐᓇᔮᕐᕕᑦᓴᐅᑉᐸᑦ ᑭᓯᐊᓂ. ᖃᓄᐃᓕᐅᕈᑎᐅᓛᖅᑐᖅ ᒪᕐᕈᐃᓕᖓᓛᖅᑐᖅ - ᐅᓪᓚᓚᐅᕐᓗᑎᒃ ᐅᖓᓯᓐᓂᓕᒻᒥᑦ 2.5 ᑭᓛᒥᑕᓂᒃ ᐅᕝᕙᓘᓐᓃᑦ 5 ᑭᓛᒥᑕᓂᑦ ᐱᓱᓪᓗᑎᒃ ᐅᓪᓚᓪᓗᑎᓪᓘᓐᓃᑦ ᐱᒋᐊᕐᓗᑎᒃ ᐅᓪᓛᒃᑯᑦ 9:30-ᐸᑦ, ᐊᒻᒪ ᐳᐃᔾᔪᕋᓯᓗᑎᒃ 11:30-ᐸᑦ ᐅᓪᓗᒃᑯᑦ. ᐃᓚᒋᔭᐅᔾᔪᑎᑦᓴᑦ - $25 ᐳᐃᔾᔪᕋᕈᒪᔪᓄᑦ, ᐊᒻᒪ $40 ᐅᓪᓚᒍᒪᔪᓄᑦ ᐳᐃᔾᔪᕋᓕᕐᓗᑎᒃ - ᑐᓂᕐᕈᑎᐅᒐᔭᖅᑐᓂᑦ ᐃᓵᑦᓯᒪᒌᒃᑯᓐᓄᑦ (ᐱᖕᖑᐊᖅᑐᓕᕆᓂᖅ, ᓄᓇᒥᑦ ᐊᕙᑎᓕᕆᓂᒃᑯᑦ ᓯᕗᓕᖅᑎᐅᓂᖅ, ᐳᐃᔾᔪᕋᕐᕕᓕᕆᓂᖅ, ᓄᓇᓕᓐᓂᑦ ᐱᕈᐃᕙᓪᓕᐊᓂᖅ, ᐃᓅᓯᖃᑦᓯᐊᕐᓂᖅ) ᑐᖕᖓᕕᖏᓐᓄᑦ ᐊᒻᒪ ᔨᒥ ᕿᓚᑉᐸᖅ ᐃᓱᒪᒋᓪᓗᒍ ᐃᓯᕈᑎᑖᖅᑎᑦᓯᔨᓄᑦ - ᑖᓐᓇᓕ ᐱᓕᕆᐊᑦᓴᐅᔪᖅ ᓱᕈᓯᓕᒫᑦᓯᐊᑦ ᐃᓯᕈᓐᓇᖁᓪᓗᒋᑦ ᐱᖕᖑᐊᕐᕕᓐᓄᑦ ᐊᒻᒪᑦᑕᐅᖅ ᐱᖃᑕᐅᔪᓐᓇᖁᓪᓗᒋᓪᓗ ᐱᖕᖑᐊᕐᕕᓐᓂ ᖃᓄᐃᓕᐅᕈᑎᐅᕙᑦᑐᓂ. ᐃᓚᒋᔭᐅᔪᒪᓂᐊᖅᑐᑦ ᐱᖃᑎᒥᓂᑦᑕᐅᖅ ᐃᓚᒋᔭᐅᑎᑦᓯᓇᓱᐊᕈᓐᓇᕐᒥᔪᑦ ᑐᓂᕐᕈᑎᖃᕐᓗᑎᒃ, ᐅᓪᓚᖃᑕᐅᖏᒃᑲᓗᐊᕈᑎᒃ ᐳᐃᔾᔪᕋᖃᑕᐅᖏᒃᑲᓗᐊᕈᑎᓪᓘᓐᓃᑦ. ᐱᔾᔪᓯᐊᖅᑎᑕᐅᓛᖅᑐᑦ ᐱᖓᓱᐃᑦ ᐊᒥᓲᓛᓂᑦ ᓄᐊᑦᓯᓯᒪᔪᑦ ᑮᓇᐅᔭᓂᑦ.
ᑐᑭᓯᒋᐊᒃᑲᓐᓂᕐᕕᑦᓴᖅ, ᐊᒻᒪᑦᑕᐅᖅ ᐊᑎᓕᐅᕈᑎᑖᕐᕕᑦᓴᖅ ᐅᐸᓪᓗᒋᑦ ᐳᐃᔾᔪᕋᕐᕕᒻᒥᐅᑕᐃᑦ ᐊᓪᓚᕝᕕᖏᓐᓄᑦ ᐳᐃᔾᔪᕋᕐᕕᒻᒥ, ᐅᕝᕙᓘᓐᓃᑦ ᐅᖄᓚᕕᒋᓗᒋᑦ ᐅᕗᖓ 975-8544.
-30-
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᐋᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᕐᒥᑦ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: A.SPITZER@CITY.IQALUIT.NU.CA
ᐳᐃᔾᔪᕋᓛᖅᑐᑦ ᐅᓪᓚᓚᐅᕐᓗᑎᒃ ᐋᑦᑑᐸ 29-ᒥ - ᐳᐃᔾᔪᕋᕐᓂᒃᑯᑦ, ᐱᓱᓐᓂᒃᑯᑦ ᐊᒻᒪ ᐅᓪᓚᓂᒃᑯᑦ ᑮᓇᐅᔭᓂᑦ ᓄᐊᑦᓯᔾᔪᑎᖃᓛᖅᑐᑦ
16/10/2017
Notice: