ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ –
ᓄᕙᕐᔪᐊᕐᓇᖅ-19 ᐊᒻᒪ ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᕋᑦᓴᖏᑦ
ᐱᖕᖑᐊᖅᑐᓕᕆᔨᒃᑯᓐᓂᑦ ᑐᓴᕋᑦᓴᖅ - ᐃᓚᖏᓐᓂᒃ ᒪᑐᐃᕐᓯᑲᓐᓂᕐᓂᖅ ᓯᓚᒥ ᐱᓕᕆᕝᕕᓐᓂᑦ
ᒪᐃ 29, 2020 (ᐃᖃᓗᐃᑦ, ᓄᓇᕗᑦ)
ᓄᓇᓕᐸᐅᔭᐃᑦ ᐃᖃᓗᐃᑦ ᓱᓕ ᐱᓕᕆᖃᑎᖃᖅᐸᑦᑐᑦ ᒐᕙᒪᒃᑯᓐᓂᑦ ᓄᓇᕗᒻᒥ ᐋᓂᐊᓇᖕᖏᑦᑐᓕᕆᔨᒃᑯᖏᓐᓂᑦ ᖃᐅᔨᓴᖅᐸᓪᓕᐊᓂᒃᑯᑦ ᐊᒻᒪ ᐱᓕᕆᕙᓐᓂᒃᑯᑦ ᐊᑐᖅᑕᐅᔭᕆᐊᓕᓐᓂᑦ ᐱᔾᔪᑎᒋᓪᓗᒍ ᓄᕙᕐᔪᐊᕐᓇᖅ-19.
ᑐᓴᓚᐅᖅᑐᒋᑦ ᒪᐃ 25-ᒥ, 2020 ᐅᖃᐅᓯᕆᓚᐅᖅᑕᖏᑦ ᐊᖏᔪᖅᑳᖓᑕ ᐋᓐᓂᐊᓇᖕᖏᑦᑐᓕᕆᔨᒃᑯᑦ ᐱᔾᔪᑎᒋᓪᓗᒋᑦ ᐱᑦᑕᐃᓕᒪᑎᑦᑎᔾᔪᑎᐅᔪᓂᑦ ᖃᓱᐃᒋᐊᕐᓂᖅ ᓯᓚᒥ ᑭᐱᖕᖑᐃᔭᐅᑎᒍᑦ, ᓄᓇᓕᐸᐅᔭᐃᑦ ᐃᖃᓗᐃᑦ ᒪᑐᐃᕐᓯᑲᓐᓂᓛᓕᖅᑐᑦ ᐅᑯᓂᖓ ᐱᓕᕆᕝᕕᐅᔪᓂᑦ ᐱᒋᐊᕐᓗᑎᒃ ᓇᒡᒐᔾᔭᐃᒥ, ᔪᓂ 1, 2020:
- ᐃᓘᓐᓇᑎᒃ ᓯᑎᒃᑯᓐᓄᑦ ᐊᐅᓚᑕᐅᕙᑦᑐᑦ ᓯᓚᒥ ᐱᖕᖑᐊᕐᕖᑦ ᓂᐊᖁᖕᖒᑎᓂ, ᕼᐋᐱ ᕚᓕᒥ, ᑕᓐᑐᕋ ᕚᓕᒥ, ᐊᑦᓯᓂᕐᓴᒥᑦ ᐃᖃᓗᐃᑦ ᓄᓇᓕᖓᑕ, ᐊᓪᓕᖅᐹᓂ, ᐱᓱᕐᕋᕐᒥ ᐊᒻᒪ ᑕᓯᓗᓕᐊᕆᐊᒥ
- ᓇᑲᓱᒃ ᐃᓕᓐᓂᐊᕐᕕᐅᑉ ᓴᓂᐊᓃᑦᑐᖅ ᐹᓯᑲᑉᐹᒧᑦ ᐊᕐᓴᒧᑦ ᐱᖕᖑᐊᕐᕕᒃ ᐊᒻᒪ ᐱᓱᕐᕋᕐᒥ ᐹᓯᑲᑉᐹᒧᑦ ᐊᕐᓴᒧᑦ ᐱᖕᖑᐊᕐᕕᒃ
- ᓂᐊᖁᖕᖒᑎᓄᑦ ᑐᓪᓕᓂᖅ
- ᓯᓚᒥ ᒥᕐᖑᐃᓯᕐᕕᒃ ᓂᐊᖁᖕᖒᑎᓃᑦᑐᖅ
- ᑕᓯᓗᓕᐊᕆᐊᖅ ᒥᕐᖑᐃᓯᕐᕕᒃ ᑕᓯᓗᓕᐊᕆᐊᒦᑦᑐᖅ
- ᐃᖃᓗᐃᑦ ᐊᓃᕐᕕᖓ
ᓄᓇᓕᐸᐅᔭᐃᑦ ᐃᖃᓗᐃᑦ ᐊᔭᐅᖅᑐᐃᕙᑦᑐᑦ ᓄᓇᓕᕐᒥᐅᑕᓂᑦ ᕿᑲᑐᐃᓐᓇᖁᔨᒐᑎᒃ, ᐊᓃᖅᐸᓪᓗᑎᒃ, ᐊᒻᒪ ᖁᔭᓕᔾᔪᑎᖃᖅᐸᓪᓗᑎᒃ ᐅᓪᓗᑯᑖᖑᑲᐃᓐᓇᖃᑦᑕᕐᓂᖏᓐᓂ ᐊᒻᒪ ᓯᓚᑦᑎᐊᕙᐅᖃᑦᑕᕐᓂᖓᓂ. ᑭᓯᐊᓂᑦᑕᐅᖅ, ᐅᔾᔨᕈᓱᔾᔫᒥᖁᔭᐅᔪᑦ ᓄᓇᓕᕐᒥᐅᑕᐃᑦ ᐃᑉᐱᒍᓱᒋᐊᖁᔭᐅᓗᑎᒃ ᑐᓪᓕᓂᕐᓃᑎᓪᓗᒋᑦ ᖁᐊᓴᕈᓘᑲᐃᓐᓇᕐᒪᑕ ᐊᐳᑦ ᐊᐅᒐᓱᓐᓂᖓᓂ.
ᐊᓯᒧᑦ ᐊᑉᐸᐃᒍᓐᓇᖏᓂᕐᓴᐅᔫᒐᓗᐊᖅᑎᓪᓗᒋᑦ ᓯᓚᒥ, ᐊᐱᕆᕙᕗᑦ ᓄᓇᓕᕐᒥᐅᑕᐃᑦ ᐃᑉᐱᒍᓱᑦᑎᐊᖁᓪᓗᒋᑦ ᓱᓕ ᓄᕙᕐᔪᐊᕐᓇᕐᒥᑦ ᐊᓯᒧᑦ ᐊᐃᑦᑐᖅᑕᐅᖁᓇᒍ. ᓄᓇᓕᕐᒥᐅᑕᐃᑦ ᓂᕆᐅᒋᔭᐅᕙᓐᓂᐊᖅᑐᑦ ᒪᓕᓐᓂᐊᓂᕐᒥᓂᒃ ᐋᓐᓂᐊᓇᖕᖏᑦᑐᓕᕆᔨᒃᑯᑦ ᐊᑐᐊᒐᖁᑎᖏᓐᓂᑦ ᐱᓪᓗᒋᑦ ᐊᓯᒥᓂᒃ ᖃᓂᑦᓴᓗᐊᕐᔭᐃᕐᓯᒪᒋᐊᖃᕐᓂᐅᔪᖅ (ᐃᒻᒪᖄ ᐅᖓᓯᒌᑉᐸᓪᓗᓯ ᓄᓇᒃᑰᔫᕋᓛᑦ ᑕᐃᒫᓪᓗᐊᐸᓗᒃ ᑕᑭᓂᖃᕐᒪᑕ ᓴᓂᒧᑦ), ᐊᒻᒪ ᐊᒥᓲᓗᐊᕐᓗᑎᒃ ᐅᖓᑖᓃᓪᓗᑎᒃ 25 ᑭᒃᑯᑐᐃᓐᓇᐃᑦ ᑲᑎᖕᖓᓗᐊᖁᔭᐅᖏᓐᓂᖏᓐᓂᑦ ᐃᑉᐱᒍᓱᒋᐊᖁᔭᐅᓗᑎᒃ.
ᐅᑯᐊ ᓄᓇᓕᐸᐅᔭᐃᑦ ᐃᖃᓗᐃᑦ ᐱᓕᕆᕝᕕᖁᑎᖏᑦ ᓱᓕ ᒪᑐᓯᒪᓂᐊᖅᑐᑦ:
- ᐅᑭᐅᒃᑯᑦ ᐱᖕᖑᐊᕕᔾᔪᐊᕐᕕᒃ
- ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒃ
- ᐳᐃᔾᔪᕋᕐᕕᖃᕐᕕᒃ
- ᑰᓕᕐᕕᒃ
- ᐃᓐᓇᑐᖃᐃᑦ ᖃᒻᒪᖓᑦ
- ᒪᒃᑯᑦᑐᒃᑯᕕᒃ
ᓯᑎᒃᑯᑦ ᖃᐅᔨᓴᒃᑲᓐᓂᓛᖅᑐᑦ ᖁᔭᓈᖅᑕᐅᓯᒪᔪᓂᑦ ᐊᒻᒪ ᒪᑐᔭᐅᓯᒪᑲᐃᓐᓇᖅᑐᓂᑦ ᔪᓂ 6, 2020 ᐊᒻᒪ ᑭᒃᑯᑐᐃᓐᓇᕐᓂᑦ ᑐᓴᖅᑎᑦᑎᓗᑎᒃ ᖃᓄᑐᐃᓐᓇᖅ ᐊᓯᔾᔨᖅᑐᖃᕐᓂᖅᐸᑕ.
ᑐᑭᓯᒋᐊᒃᑲᓐᓂᕐᕕᑦᓴᖅ ᐱᖕᖑᐊᖅᑐᓕᕆᔨᒃᑯᑦ ᐱᓕᕆᐊᑦᓴᖁᑎᖏᓐᓂᑦ ᐊᒻᒪ ᐱᓕᕆᕝᕕᖏᓐᓂᑦ ᐱᖃᓯᐅᑎᓪᓗᒋᑦ ᑮᓇᐅᔭᓂᑦ ᐊᑭᓕᐅᑎᒥᓂᕐᓂᒃ ᐅᑎᖅᑎᑦᑎᓂᖅ ᐅᕗᖓ ᖃᐅᔨᒋᐊᖁᔪᖅ https://www.iqaluit.ca/residents/recreation ᐅᕝᕙᓘᓐᓃᑦ ᐅᖄᓚᓗᓯ ᐱᖕᖑᐊᕐᕕᐊᓗᒻᒥ ᐊᓪᓚᕕᒻᒧᑦ ᐅᕗᖓ (867) 979-5611.
ᑐᑭᓯᒋᐊᕈᒪᔪᑦ ᐱᑦᑕᐃᓕᒪᔾᔪᑎᓂᑦ ᐅᕗᖕᖓᕆᐊᓖᑦ:
https://www.gov.nu.ca/health/information/covid-19-novel-coronavirus
ᑐᑭᓯᒋᐊᕈᒪᔪᑦ ᓄᓇᓕᐅᑉ ᐊᓯᐊᓅᕐᓂᕐᒥᑦ ᐊᒻᒪ ᐊᑦᑐᐊᔪᓂᑦ ᖃᐅᔨᒪᖁᔨᔾᔪᑎᓂᑦ ᐅᕗᖕᖓᕆᐊᓖᑦ:
https://travel.gc.ca/travelling/advisories
ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
979-3216