ᐱᖕᖑᐊᖅᑐᓕᕆᔨᒃᑯᑦ ᕿᑲᕐᓇᐅᑎᓪᓗᒍ ᖃᓄᐃᓕᐅᕈᑎᑦᓴᖏᑦ

ᐱᖕᖑᐊᖅᑐᓕᕆᔨᒃᑯᑦ ᕿᑲᕐᓇᐅᑎᓪᓗᒍ ᖃᓄᐃᓕᐅᕈᑎᑦᓴᖏᑦ

 

ᓵᓂᑲᓛᓯ ᐱᑖᖅᑎᑦᑎᔨ ᐊᑐᕆᐊᒃᑯᑦ ᐃᖏᕐᕋᔭᖃᑕᐅᓂᖓ

ᐅᕙᑦᑎᓐᓄᑦ ᐃᓚᒋᔭᐅᒋᐊᖅᑐᓛᖅᑯᓯ ᓈᑦᓯᐅᖑᔭᓛᕐᓂᐊᒥ, ᑏᓰᐱᕆ 5, 2020 ᐱᒋᐊᕈᑎᖃᖅᑎᓪᓗᑕ ᕿᑲᕐᓇᐅᓂᒃ ᐅᓪᓗᕐᓂᒃ ᐊᕐᕌᒍᑕᒫᕐᓯᐅᑎᑦᑎᓐᓂᑦ ᓵᓂᑲᓛᓯ ᐱᑖᖅᑎᑦᑎᔨ ᐊᑐᕆᐊᒃᑯᑦ ᐃᖏᕐᕋᔭᖃᑕᐅᑎᓪᓗᒍ.

ᐱᖃᑕᐅᒍᒪᒍᑦᓯ ᐃᖏᕐᕋᔪᓄᑦ ᐊᑎᓕᐅᕆᐊᖃᖅᑐᓯ ᖃᕋᑕᐅᔭᒃᑯᑦ ᐅᕗᖕᖓᕐᓗᓯ: https://cityofiqaluitrecreation.maxgalaxycanada.net/BrowseActivities.aspx

ᐊᑭᖃᖕᖏᑦᑐᖅ ᐱᖃᑕᐅᒍᒪᔪᓄᑦ. ᐊᑎᓕᐅᕈᓐᓇᖅᑐᑦ ᓇᒡᒋᔾᔭᐅᓕᖅᑭᕐᒧᑦ, ᑏᓰᐱᕆ 1, 2020.

ᐱᔾᔪᓯᐊᖅᑎᑕᐅᓛᖅᑐᑦ ᐅᑯᐊ: 1) ᑕᑯᒥᓇᕐᓂᖅᐹᖅ; 2) ᖁᕕᐊᓱᕝᕕᑦᓯᐅᕈᓇᕐᓂᖅᐹᖅ; ᐊᒻᒪ 3) ᒪᒃᑯᑦᑐᒧᑦ ᓴᓇᐅᒐᖅ ᑕᑯᒥᓇᕐᓂᖅᐹᖅ. ᓵᓚᑦᓴᖅᑐᑦ ᐅᖃᐅᓯᐅᒐᔭᖅᑐᑦ ᓇᒡᒋᔾᔭᐅᒥ, ᑏᓰᐱᕆ 7. ᐊᑐᕆᐊᒃᑯᑦ ᐃᖏᕐᕋᖃᑕᐅᔪᓄᑦ ᐱᖓᓱᓂᑦ ᐱᔾᔪᓯᐊᑦᓴᖃᖅᑐᒍᑦ:

ᑭᓯᐊᓂ ᐅᒡᒍᐊᖅᑐᒍᑦ, ᐱᔾᔪᑎᒋᓪᓗᒍ ᓄᕙᕐᔪᐊᕐᓇᖅ−19 ᐊᒥᓱᓄᑦ ᖃᓂᒪᒍᑎᐅᔪᖅ, ᓵᓂᑲᓛᓯ ᐱᑖᖅᑎᑦᑎᔨ ᐅᐸᑦᑕᐅᒍᓐᓇᓛᖕᖏᑦᑐᖅ ᐊᕐᕌᒍᑦᑎᓐᓂ.

ᖃᐅᒪᑯᓗᐃᑦ ᖁᕕᐊᓱᕝᕕᑦᓯᐅᑎᓄᑦ ᖃᐅᒪᓄᑦ ᑕᑯᒥᓇᕐᓂᑭᓴᐅᑎᓂᖅ

ᐊᕐᕌᒍᑕᒫᕐᓯᐅᑎ ᖃᐅᒪᑯᓗᐃᑦ ᖁᕕᐊᓱᕝᕕᑦᓯᐅᑎᓄᑦ ᖃᐅᒪᓄᑦ ᑕᑯᒥᓇᕐᓂᑭᓴᐅᑎᓂᖅ ᒪᑐᐃᖓᔪᖅ ᐃᓘᓐᓇᑦᑎᐊᖏᓐᓂᑦ ᓇᖕᒥᓂᖃᖅᑎᓄᑦ ᐊᒻᒪ ᓄᓇᓕᕐᒥᐅᑕᓄᑦ.

ᐊᑎᓕᐅᕆᐊᑐᖕᖏᑦᑐᖅ. ᐱᖃᑕᐅᒍᒪᒍᕕᑦ, ᖃᐅᒪᑎᑦ ᐊᒻᒪ ᑕᑯᒥᓇᓗᖅᑯᑎᑎᑦ ᐊᑐᐃᓐᓇᐅᒋᐊᖃᓛᖅᑐᑦ ᐋᖅᑭᓱᕐᓯᒪᓕᕐᓗᑎᒃ ᐱᖓᑦᓯᕐᒥ, ᑏᓰᐱᕆ 16 ᐅᓐᓄᓴᒃᑯᑦ 3−ᒥ ᐱᒋᐊᕐᓗᑎᒃ 7−ᒧᓄᑦ ᕿᒥᕐᕈᐊᖅᑕᐅᓛᕐᒪᑕ. ᓵᓚᑦᓴᖅᑐᑦ ᐅᖃᐅᓯᐅᓛᖅᑐᑦ ᑎᓴᒻᒥᕐᒥ, ᑏᓰᐱᕆ 17.

ᕿᑲᕐᓇᐅᑉ ᐅᓪᓗᖏᑦ ᐃᓱᒪᒋᓪᓗᒋᑦ ᓯᕙᓛᓂᑦ ᑕᑯᒥᓇᓕᕐᓱᐃᓂᖅ ᐊᓪᓚᑦᑐᒋᑦ

ᓄᑖᖑᓂᐊᖅᑐᖅ ᕿᑲᕐᓇᐅᓂᐊᖅᑐᒥ ᕿᑲᕐᓇᐅᑉ ᐅᓪᓗᖏᑦ ᐃᓱᒪᒋᓪᓗᒋᑦ ᓯᕙᓛᓂᑦ ᑕᑯᒥᓇᓕᕐᓱᐃᓂᖅ. ᑕᒪᓐᓇ ᑭᒃᑯᑐᐃᓐᓇᑦᑎᐊᓄᑦ ᒪᑐᐃᖓᔪᖅ.

ᐊᑎᓕᐅᕆᐊᑐᖕᖏᑦᑐᖅ. ᐃᓚᒋᔭᐅᒍᒪᓐᓂᕈᕕᑦ, ᐊᔾᔨᓕᐅᕐᓯᒪᔪᒥᑦ ᐃᓕᓐᓂᒃ ᐊᒻᒪ ᓯᕙᓛᓕᐊᓐᓂᒃ ᑐᓂᓯᔪᓐᓇᖅᑐᑎᑦ ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᖅᑐᓕᕆᔨᒃᑯᑦ ᕙᐃᔅᐳᒃᖏᓐᓄᑦ ᓂᐱᑎᓪᓗᒍ ᒪᑉᐱᒐᖓᓐᓄᑦ ᐅᕗᖓ: https://www.facebook.com/CityofIqaluitRecreation

ᖃᐃᑦᑎᔪᓐᓇᖅᑐᓯ ᑏᓰᐱᕆ 19−ᒥ ᐊᒻᒪ 20. ᓵᓚᑦᓴᖅᑐᑦ ᐅᖃᐅᓯᐅᓛᖅᑐᑦ ᓇᒡᒋᔾᔭᐅᒥ, ᑏᓰᐱᕆ 21, 2020.

 

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒋᑦ:

ᐱᓕ ᐋᓐᑐᓴᓐ 

ᐱᖕᖑᐊᖅᑐᓕᕆᔨᒃᑯᑦ ᐱᓕᕆᐊᑦᓴᓕᕆᔨᖓᑦ ᓄᓇᓕᐸᐅᔭᐃᑦ ᐃᖃᓗᐃᑦ 

B.Andersen@iqaluit.ca 

867-979-5627