ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐱᖃᑖ ᐊᐅᔭᖅ ᐃᓕᓐᓂᐊᕐᓂᐊᖅᑐᓄᑦ ᓄᓇᒥ ᐃᓂᑖᕈᒪᔪᓄᑦ ᐊᑎᓕᐅᕐᕕᒃ
ᔫᓂ 30, 2025 – ᐃᖃᓗᐃᑦ, ᓄᓇᕗᑦ
ᐅᓇ ᓄᓇᓕᖅᐸᐅᔭᖅ ᐃᖃᓗᐃᑦ ᖃᐅᔨᑎᑦᑎᔪᒪᔪᖅ ᓄᓇᖃᖅᑐᓂᑦ ᐱᓕᕆᔭᐅᕙᓪᓕᐊᓂᐊᓕᕐᒥᔪᖅ ᐊᕐᕌᒍᒥ ᐱᖃᑎᒋᓕᖅᑕᖓ 2025 ᐊᐅᔭᖅ ᓄᓇᒥ ᐃᓕᓐᓂᐊᕐᓂᐊᖅᑐᑦ ᑭᖑᓪᓕᖅᐹᖑᓂᐊᖅᑐᖅ ᑎᓴᒪᓄᑦ ᐱᓇᓱᐊᕈᓯᕐᓄᑦ, ᐃᓕᓐᓂᐊᕐᓂᐊᖅᖢᑎᒃ ᐋᒡᒌᓯᒥ.
ᐃᑭᐊᕿᕕᒃᑯᑦ ᐊᑎᓕᐅᕈᓐᓇᖅᑐᓯ ᐃᓚᐅᔪᒪᔪᑦ ᒪᑐᐃᕐᓂᐊᖅᑐᖅ ᓇᒡᒐᔭᒥ, ᔪᓚᐃ 7 ᓯᕿᖑᔭᖅ 1:00 ᐅᓐᓄᓴᒃᑯᑦ ᒪᑐᐃᖓᐃᓐᓇᕐᓗᓂ ᑕᓪᓕᕐᒥᕐᒧᑦ ᑎᑭᓪᓗᒍ, ᔪᓚᐃ 18 ᓯᕿᖑᔭᖅ 5:00 ᐅᓐᓄᓴᒃᑯᑦ.
ᑕᐃᒪᓗ ᐱᒋᐊᖅᐸᓪᓕᐊᓕᕐᒥᑎᓪᓗᒍ ᐃᓂᑖᕋᓱᖕᓂᖅ, ᐃᓂᓕᐅᖄᖅᑐᑦ ᐃᓚᐅᔪᒪᔪᑦ ᐊᑐᖅᑕᐅᓂᐊᖅᑐᖅ ᑕᐃᒪᓗ ᐃᓚᐅᔪᓐᓇᕐᓂᐊᕐᒪᑕ ᑕᒪᕐᒥᒃ ᐃᓚᒌᑦ.
ᖃᓄᖅ ᐊᑎᓕᐅᕐᕕᒃᓴᐅᓂᕐᒧᑦ – ᐊᒧᔭᐅᓂᐊᖅᑐᓄᑦ ᐅᑕᖅᑭᔪᑦ ᑎᑎᕋᖅᓯᒪᔪᑦ ᐱᕙᓪᓕᐊᓂᖓ
ᐊᑐᖅᑕᐅᓂᖓ 1: ᐅᕗᓐᖓᕐᓗᑎᑦ https://iqaluit.ca/residents/recreation ᐊᒻᒪ ᓇᕿᓪᓗᒍ ᑐᕌᕈᑎᖓ ᐅᖃᖅᓯᒪᔪᖅ “Recreation Online Registration Portal” (ᐱᓐᖑᐊᖅᑐᓕᕆᓂᕐᒧᑦ ᐊᑎᓕᐅᕐᕕᖓ ᐃᕐᖏᓐᓈᕈᑎᒃᑯᑦ). ᐃᓯᕐᕕᒋᓗᒍ ᐃᕝᕕᑦ ActiveNet ᑭᓱᖃᐅᑎᖓᓄᑦ. ᑭᓱᖃᐅᑎᖃᖏᒃᑯᕕᑦ, ᓴᓇᒋᐊᖃᖅᑐᑎᑦ ᐊᑎᓕᐅᓚᐅᖏᓂᕐᓂᑦ. ᓄᓇᓕᒻᒥᐅᑕᐃᑦ ᐱᔭᕇᖅᓯᖁᔭᐅᔪᑦ ᑕᒪᑐᒥᖓ ᓯᕗᓂᐊᒍᑦ ᑭᖑᕙᖅᑎᑦᑕᐃᓕᒪᖁᓪᓗᒍ ᐊᑎᓕᐅᕐᓂᖅ ᒪᑐᐃᕈᓂ.
ᐊᑐᖅᑕᐅᓂᖓ 2: ᐊᑎᓕᐅᕐᕕᖓᓅᕐᓗᑎᑦ ᐊᒻᒪ ᓂᕈᐊᕐᓗᑎ ᑲᑎᓐᖓᓂᐅᑲᐃᓐᓇᖅᑐᓄᑦ ᐱᓇᓱᐊᕈᓯᖏᑦ ᕿᑐᕐᖓᕐᓄᑦ ᐅᐸᖁᔭᕐᓄᑦ.
ᐊᑐᖅᑕᐅᓂᖓ 3: ᐊᑎᓕᐅᖅᓯᒪᔪᓕᒫᑦ ᓱᕈᓰᑦ ᐃᓕᔭᐅᑦᑕᐅᑎᒋᓂᐊᖅᑐᑦ ᐅᑕᖅᑭᔪᓄᑦ ᑎᑎᕋᖅᓯᒪᔪᓄᑦ ᐊᑐᓂ ᐱᓇᓱᐊᕈᓯᕐᓄᑦ ᓂᕈᐊᖅᑕᐅᓯᒪᔪᓄᑦ. ᐱᓇᓱᐊᕈᓯᓕᒫᑦ ᑕᑯᔅᓴᐅᓂᖃᕐᓂᐊᕋᓗᐊᖅᑎᓪᓗᒋᑦ “ᑕᑕᑦᑐᖅ” ᑲᔪᓯᑐᐃᓐᓇᕐᓗᑎ ᐊᑎᓕᐅᓂᕐᒧᑦ ᐃᓚᓕᐅᔾᔭᐅᓂᐊᖅᑐᓄᑦ ᐅᑕᖅᑭᔪᓄᑦ ᑎᑎᕋᖅᓯᒪᔪᓄᑦ ᐃᕝᕕᑦ ᓂᕈᐊᖅᓯᒪᔭᖏᓐᓄᑦ ᐱᓇᓱᐊᕈᓯᕐᓄᑦ.
ᐊᑐᖅᑕᐅᓂᖓ 4: ᕿᑐᓐᖓᕆᔭᐃᑦ ᐃᓕᔭᐅᓂᐊᖅᑐᖅᐅᑕᖅᑭᔪᓄᑦ ᑎᑎᕋᖅᓯᒪᔪᓄᑦ ᐊᑐᓂ ᓂᕈᐊᖅᑕᐅᓯᒪᔪᓄᑦ ᐱᓇᓱᐊᕈᓯᕐᓄᑦ.
ᐊᑐᖅᑕᐅᓂᖓ 5: ᐊᑎᓕᐅᕐᓂᐅᔪᖅ ᒪᑐᔭᕇᖅᑎᓪᓗᒍ ᐅᕙᓂ ᔫᓂ 6, ᐊᒧᓯᓛᖅᑐᑦ ᐊᑐᓂ ᑲᑎᓐᖓᓂᐅᑲᐃᓐᓇᖅᑐᓄᑦ ᐱᓇᓱᐊᕈᓯᕐᒧᑦ.
ᐊᑐᖅᑕᐅᓂᖓ 6: ᕿᑐᓐᖓᕆᔭᐃᑦ ᓂᕈᐊᖅᑕᐅᒍᓂ ᖃᒧᓯᓂᒃᑯᑦ ᖃᕋᓴᐅᔭᒃᑯᑦ ᑎᑎᖅᑲᐅᓯᐊᓂᐊᖅᑐᑎᑦ ᓇᓗᓇᐃᖅᓯᔪᓂᑦ ᐊᑎᓕᐅᖅᓯᒪᓂᖏᓐᓄᑦ.
ᓄᓇᓕᐸᐅᔭᒃᑯᑦ ᖁᔭᓐᓇᒦᖅᑕᖏᑦ ᓄᓇᓕᒻᒥᐅᑕᐃᑦ ᑐᑭᓯᓂᖏᓐᓄᑦ ᐊᒻᒪ ᐃᑲᔪᕐᓂᖏᓐᓄᑦ ᓴᖅᑭᑎᑦᑎᓪᓗᑕ ᓄᑖᒥ ᐊᑎᓕᐅᓂᕐᒧᑦ ᐊᑐᖅᑕᐅᔪᒥᑦ ᐱᔨᑦᑎᕐᓗᒍ ᓄᓇᓕᐅᔪᖅ ᐱᐅᓛᒥᑦ.
##
ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᔩᐅᑉ ᕙᕐᓂ
ᑐᓴᐅᒪᖃᑎᒋᓐᓂᕐᒧᑦ ᐊᒻᒪᓗ ᐱᔨᔅᓯᖅᑕᐅᕙᒃᑐᓄᑦ ᐱᔨᔅᓯᕈᑎᒥ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
(867) 979-5619 | G.Byrne@iqaluit.c
