ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᓄᖕᓄᑦ ᑐᓴᕋᑦᓴᖅ
ᐱᖃᑕᐅᑕ ᓄᓇᕐᔪᐊᑉ ᐃᑲᕐᕋᖓᓄᑦ ᐊᑕᐅᑦᓯᒃᑯᑦ!
ᒫᕐᓯ 26, 2026 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᑐᖕᖓᓱᑦᑎᑦᓯᔪᑦ ᐃᖃᓗᒻᒥᐅᑕᓂᒃ, ᐃᓚᒌᓂᒃ, ᐊᒻᒪ ᓄᓇᓕᓐᓂ ᓇᖕᒥᓂᖃᖅᑎᐅᒧᓂᒃ ᐃᑲᔪᕐᓱᐃᖃᑎᒋᔪᒪᓪᓗᒋᑦ ᓄᓇᕐᔪᐊᑉ ᐃᑲᕐᕋᖓᓂᒃ ᓈᑦᓯᐅᖑᔭᓛᕐᓂᐊᕐᒥ, ᒫᕐᓯ 28, ᐅᓐᓄᒃᑯᑦ 8:30-ᒥᓂᒃ 9:30-ᒧᓄᑦ.
ᓄᓇᕐᔪᐊᑉ ᐃᑲᕐᕋᖓᓂᒃ ᓄᓇᕐᔪᐊᕐᒥᐅᓕᒫᓄᑦ ᐊᑐᖅᑕᐅᕙᑦᑐᖅ ᐊᔭᐅᖅᑐᐃᔾᔪᑎᐅᕙᑦᑐᓂ ᓄᓇᓕᕐᒥᐅᑕᓂᒃ ᖃᒥᑦᑎᕆᖁᓪᓗᒋᑦ ᐊᑐᖏᑦᑐᓂᒃ ᖃᐅᒪᓂᒃ ᐃᑲᕐᕋᓪᓗᐊᒧᑦ ᓇᓗᓇᐃᔭᐃᑎᒋᓂᐊᕐᓗᒍ ᐃᑉᐱᒍᓱᓐᓂᕐᒥᒃ ᐊᒻᒪ ᑲᔪᓯᑦᓯᐊᖁᔨᓂᕐᒥᒃ ᐊᕙᑎᒥᒃ. ᐱᔭᕆᐊᑭᑦᑐᑯᓗᒃ ᖃᓄᐃᓕᐅᕈᑎᐅᓗᓂ ᐊᑦᓱᑲᓪᓚᐅᔪᖅ ᑐᓴᕐᓴᐅᓗᓂ. ᑕᒪᓐᓇ ᐅᕙᑦᑎᓐᓂᒃ ᐃᖃᐃᑎᑦᓯᔾᔪᑎᐅᔪᖅ ᐊᑦᑐᐊᖃᑎᒌᑦᑐᐃᓐᓇᐅᓂᖅᑎᓐᓂᒃ, ᐊᒻᒪ ᐊᑦᓱᐊᓘᖏᑦᑑᒐᓗᐊᓂᑦ ᓂᕈᐊᕈᓐᓇᓂᖅᑎᓐᓂᒃ ᑐᑭᖃᑦᓯᐊᖅᑐᓂᒃ ᐊᓯᔾᔩᒍᓐᓇᕐᓂᖏᓐᓄᑦ.
ᓄᓇᓕᑦᑎᓐᓂ, ᐆᒻᒪᖅᑯᑎᓂᒃ ᐊᑐᖅᐸᓐᓂᐅᔪᖅ ᐊᒻᒪ ᐊᓯᔾᔨᐸᓪᓕᐊᔪᖅ ᓯᓚᐅᑉ ᐱᐅᓯᖏᑦ ᐊᑦᑐᐃᕙᒻᒪᑕ ᖃᓄᖅ ᐃᓅᓇᓱᐊᕐᓂᐊᕐᓂᑎᓐᓄᑦ ᐊᒻᒪ ᓇᓕᐊᓐᓄᕋᕐᓂᐊᕐᓂᑎᓐᓄᑦ, ᑕᑯᒋᐊᕐᓂᐅᔪᖅ ᑕᒪᑦᓱᒥᖓ ᐱᒻᒪᕆᐅᓗᐊᖑᐊᓕᖅᑐᖅ.
ᖃᓄᖅ ᐱᖃᑕᐅᒍᓐᓇᕐᒪᖔᑦᓯ
• ᖃᒥᑉᐸᓪᓗᒋᑦ ᖃᐅᒪᓯ ᐊᒻᒪ ᐅᐊᔭᒨᖅᑐᑦ ᑲᑉᐳᔮᖅᐸᓪᓗᒋᑦ ᐊᑐᕐᓂᐊᖏᒃᑯᕕᒋᑦ
• ᐃᓚᒌᑦᑐᓯ ᑭᐱᖕᖑᐃᔭᖃᑎᒌᑉᐸᓪᓗᓯ ᖃᕋᑕᐅᔭᕋᓛᖃᖏᓪᓗᓯ. ᐅᖃᓕᒫᖃᑎᒌᓪᓗᓯ, ᐱᖕᖑᐊᕈᑎᓄᑦ ᑭᐱᖕᖑᐃᔭᖃᑎᒌᓪᓗᓯ, ᐅᕝᕙᓘᓐᓃᑦ ᐅᖃᓕᒫᖅᑐᐃᓐᓇᐅᕙᓪᓗᓯ ᐅᖃᓕᒫᒐᕐᒥᒃ.
• ᓯᓚᒨᕐᓗᓯ ᐊᒻᒪ ᐃᑉᐱᒋᓗᒍ ᓂᐱᖃᖏᑦᓯᐊᕐᓂᖓ ᐅᕝᕙᓘᓐᓃᑦ ᖁᒻᒧᑦ ᕿᓚᓐᓄᑦ ᕿᒥᕐᕈᐊᕐᓗᑎᑦ
• ᐅᖃᖃᑎᒋᓗᒋᑦ ᐊᓯᑎᑦ ᖃᓄᖅ ᐊᑐᖏᓂᕐᓴᐅᔪᓐᓇᕐᒪᖔᑦᓯ ᐆᒻᒪᖅᑯᑎᓂᒃ ᐊᖏᕐᕋᒥ ᐅᕝᕙᓘᓐᓃᑦ ᐱᓕᕆᕝᕕᓐᓂ
ᐅᓇ ᐃᑲᕐᕋᖅ ᐊᑐᖅᑕᐅᒍᓐᓇᖅᑐᖅ ᖃᖓᑐᐃᓐᓇᓯᐊᒃᑯᑦ ᒫᓐᓇᑐᐃᓐᓇᐅᖏᑦᑐᖅ. ᖃᐅᑉᐸᒨᖓᔪᖅ. ᓄᓇᕐᔪᐊᑉ ᐃᑲᕐᕋᖓᓂ ᐃᓱᒪᕐᓴᕐᓯᐅᕐᕕᑦᓴᐅᕙᑦᑐᖅ ᖃᓄᖅ ᓄᓇᑦᑎᓐᓂᒃ ᑲᒪᒋᔭᖃᕐᓂᑎᓐᓂᒃ, ᐊᓯᑦᑎᓐᓄᑦ ᐅᕙᑦᑎᓄᓪᓗ, ᐊᒻᒪ ᑭᖑᕚᑦᓴᑎᓐᓄᑦ.
ᐊᔭᐅᖅᑐᖅᐸᐳᑦ ᒪᒃᑯᑦᑐᐃᑦ, ᐃᓕᓐᓂᐊᕐᕕᓕᕆᔩᑦ, ᐊᒻᒪ ᓄᓇᓕᓐᓂ ᑲᑐᔾᔨᖃᑎᒌᖑᔪᑦ ᐱᖃᑕᐅᖁᓪᓗᒋᑦ ᐊᒻᒪ ᑭᒃᑯᑐᐃᓐᓇᕐᓂᒃ ᐅᔾᔨᕈᓱᒋᐊᖅᑎᑦᓯᔾᔪᑎᓂᒃ. ᐃᓘᓐᓇᑕ, ᐃᓚᒌᓕᒫᑦ, ᖃᓄᐃᓕᐅᒐᓛᑐᐃᓐᓇᖅᑐᓂ ᓄᐊᒍᑎᒃ ᐱᕙᓪᓕᐅᑎᒍᓐᓇᓯᐊᕐᒪᑕ.
ᓄᓇᕐᔪᐊᑉ ᐃᑲᕐᕋᖓᓂ ᖃᓄᐃᓕᐅᕈᑎᐅᔪᓂᒃ ᐊᔾᔨᓕᐅᕐᓯᓯᒪᔪᑦ ᐊᑎᖏᑦ ᐊᒧᔭᑦᓴᐅᓂᐊᖅᑐᑦ
ᐃᓚᒋᔭᐅᓗᓂ ᐊᕐᕌᒍᑦᑎᓐᓂ ᖃᓄᐃᓕᐅᕈᑎᐅᔪᒧᑦ, ᓄᓇᓕᐸᐅᔭᒃᑯᑦ ᐊᑐᖅᑎᑦᓯᓂᐊᕐᒥᔪᑦ ᓄᓇᕐᔪᐊᑉ ᐃᑲᕐᕋᖓᓂ ᖃᓄᐃᓕᐅᕈᑎᐅᔪᓂᒃ ᐊᔾᔨᓕᐅᕐᓯᓯᒪᔪᑦ ᐊᑎᖏᑦ ᐊᒧᔭᑦᓴᐅᓂᐊᖅᑐᑦ ᐃᖃᓗᒻᒥᐅᑕᓂᒃ.
ᕿᒥᕐᕈᐊᖅᑎᑕᐅᓛᖅᑯᒍᑦ ᖃᓄᖅ ᓄᓇᕐᔪᐊᑉ ᐃᑲᕐᕋᖓᓂᒃ ᖃᓄᐃᓕᐅᕈᑎᖃᕐᒪᖔᑦᓯ ᒫᕐᓯ 28-ᒥ. ᐊᔾᔨᓕᐅᕆᓗᓯ ᐊᒻᒪ ᐅᖃᐅᑎᑦᓴᖃᐅᑎᒋᓗᒍ ᓂᐱᑎᒐᔭᕐᓗᒍ ᓄᓇᓕᐸᐅᔭᒃᑯᑦ ᐃᖃᓗᓐᓂ ᐱᓕᕆᔾᔪᑎᖓᓐᓄᑦ ᓄᓇᕐᔪᐊᑉ ᐃᑲᕐᕋᓕᕆᔪᒥᒃ ᕙᐃᔅᐳᒃ (Facebook) ᕿᒥᕐᕈᐊᒐᖓᓄᑦ ᐅᓐᓄᒃᑯᑦ ᓯᕿᖕᖑᔭᑎᒍᑦ ᐊᑯᓐᓂᖏᓐᓂ 8:30 ᐊᒻᒪ 9:30.
ᐸᑎᐅᔭᓂᒃ ᖃᐅᒪᖃᕐᓗᓯ ᓂᕆᒐᓗᐊᕐᓗᓯ, ᖃᐅᒻᒪᖅᑕᔫᒧᑦ ᖃᐅᒪᑎᑦᓯᓗᓯ ᐅᓂᒃᑳᕐᓗᓯ, ᐅᕝᕙᓘᓐᓃᑦ ᐱᖕᖑᐊᕐᓗᓯ ᑭᐱᖕᖑᐃᔭᐅᑎᒥᒃ ᖁᓪᓕᕐᒧᑦ ᖃᐅᒪᑎᑕᐅᓗᓯ, ᐊᔾᔨᓕᐅᖅᑕᓯ ᐱᔾᔪᑎᒋᓗᒍ ᓵᓚᖃᕋᔭᖅᑐᓯ ᐊᐅᑦᑕᔫᒥᒃ ᐃᖃᓗᓐᓂ ᓂᐅᕕᕐᕕᒻᒥᒃ ᓂᐅᕕᐅᑎᑦᓴᒥᒃ.
ᓵᓚᑦᓴᖅᑐᖃᓛᖅᑐᖅ ᐊᒧᓯᔪᖃᕐᓗᓂ ᐊᑎᕐᒥᒃ ᐱᔪᓐᓇᕐᓂᖏᓐᓂᒃ ᐅᖃᐅᑎᑦᓴᓕᒥᓂᕐᓂᒃ ᐃᖃᓗᒻᒥᐅᑕᓂᒃ. ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᔭᓕᑦᓯᐊᖅᑐᑎᒃ ᓇᓗᓇᐃᕐᓯᒍᒪᔪᑦ ᒐᕙᒪᒃᑯᑦ ᓄᓇᕘᒧᑦ (GN) ᐊᕙᑎᓕᕆᔨᒃᑯᖏᓐᓂᒃ ᐃᑲᔪᕐᓱᐃᓯᒪᓂᖏᓐᓄᑦ ᐱᒋᐊᖅᑎᑕᐅᓯᒪᔪᖅ ᐱᓪᓗᒍ.
ᐃᑲᕐᕋᓕᕆᖃᑎᒌᓚᐅᖅᑕ ᖃᓄᐃᓕᐅᕐᓗᑕ ᐊᑑᑎᖃᑦᓯᐊᖅᑐᒃᑯᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
