ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐱᑖᖅᑐᖅᑎᑦᑎᔨᐅᑉ ᐃᑲᔪᖅᑎᖕᒐᓂᒃ ᐊᑐᐃᓐᓇᖅᑕᖃᖖᒋᓚᖅ? ᐊᑭᓕᖅᓱᖅᑕᐅᖖᒋᑦᑐᓂᒃ ᐱᓕᕆᔨᓂᒃ ᕿᓂᖕᒑᖅᑐᒍ!
ᐊᒃᑑᕙ 15, 2026 – ᐃᖃᓗᐃᑦ, ᓄᓇᕗᑦ
ᐃᖃᓗᖕᓂ ᓄᓇᓕᐸᐅᔭᒃᑯᑦ ᕿᓂᖅᑐᑦ ᓄᓇᓕᖕᓂ ᐃᑲᔪᖅᓱᖅᑕᐅᔪᒪᓪᓗᑎᒃ ᑕᒪᑐᒪᓂ ᐊᕐᕌᒍᒥ ᖁᕕᐊᓱᒡᕕᖕᒥ ᐱᖖᒍᐊᕐᓇᐅᓕᕐᒥᒃᐸᑦ ᖁᕕᐊᓇᒃᑲᓐᓂᖁᓪᓗᒍ ᐊᒻᒪᓗ ᐃᖅᑲᐅᒪᔭᒃᓴᐅᓗᓂ ᖁᕕᐊᓱᒡᕕᖕᒥ ᖁᕕᐊᓲᑎᖃᕐᓂᕐᒥᒃ.
ᐊᕐᕌᒍᑕᒫᑦ, ᖁᕕᐊᓱᒡᕕᖕᒥ ᐱᖖᒍᐊᕐᓃᑦ ᑲᑎᑎᑦᑎᕙᒃᑐᑦ ᐅᓐᓄᕋᑖᒃᑯᑦ ᐱᖖᒍᐊᖅᑎᑦᑎᓪᓗᑎᒃ, ᓵᓚᒃᓴᐅᓯᐊᖅᑎᑦᑎᓪᓗᑎᒃ, ᑭᐱᖖᒍᐃᔭᖅᑎᑦᑎᓪᓗᑎᒃ ᐊᒻᒪᓗ ᓄᓇᖅᑲᑎᒌᑦ ᖁᕕᐊᓱᖃᑎᒌᒃᑎᓪᓗᑎᒃ. ᑕᒪᑐᒪᓂ ᐊᕐᕌᒍᒥ, ᐱᒋᐊᖃᕐᓂᖅᐹᕗᑦ ᐃᓄᐃᑦ!
ᕿᓂᖅᑐᒍᑦ ᓄᓇᓕᓐᓂ ᑎᒥᐅᔪᓂᒃ, ᓇᒻᒥᓂᕆᔭᐅᔪᓂᒃ, ᑲᑐᔾᔨᖃᑎᒌᓂᒃ ᐊᒻᒪᓗ ᐃᓄᑐᐃᓐᓇᕐᓂᒃ ᐃᑲᔪᕈᒪᔪᓂᒃ, ᖁᕕᐊᓱᒡᕕᖕᒥ ᖁᕕᐊᓱᒃᑎᑦᑎᔪᓐᓇᖅᑐᓂᒃ ᐊᒻᒪᓗ ᐃᑲᔪᕈᓐᓇᖅᑐᓂᒃ ᐃᖃᓗᐃᑦ ᐃᓕᖅᑯᓯᖕᒐ ᓴᖖᒋᔫᖕᒋᓐᓇᖅᑎᓪᓗᒍ.
ᐃᑲᔪᖅᑕᐅᔪᒪᔪᒍᑦ ᖃᓄᑐᐃᓐᓇᑦᑎᐊᖅ, ᐅᑯᐊᖕᒍᔪᑦ:
- ᖁᕕᐊᓱᒡᕕᖕᒥ ᐱᖖᒍᐊᖅᑎᑦᑎᔪᓐᓇᖅᑐᓂᒃ ᐅᓐᓄᕋᑖᒃᑯᑦ;
- ᐊᑭᓕᖅᓱᖅᑕᐅᖖᒋᓪᓗᑎᒃ ᐃᑲᔪᕈᓐᓇᖅᑐᑦ ᐱᖖᒍᐊᖅᑐᓂᒃ ᐊᒻᒪᓗ ᐱᓕᕆᐊᒃᓴᓂᒃ;
- ᓂᔾᔭᐅᓯᔭᖅᑎᑦᑎᕙᓪᓗᑎᒃ ᖁᖖᒋᐊᖅᑎᑦᑎᕙᓪᓗᑎᓪᓗ (ᐊᑭᓕᖅᓱᖅᑕᐅᔪᓐᓇᖅᑐᖅ);
- ᑮᓇᐅᔭᓂᒃ ᑐᓂᓯᔪᓐᓇᖅᑐᓂᒃ; ᐅᕝᕙᓘᓐᓃᑦ
- ᑮᓇᐅᔭᐅᖖᒋᑦᑐᓂᒃ ᓵᓚᒃᓴᐅᓯᐊᒃᓴᓂᒃ ᑐᓂᓯᔪᓐᓇᖅᑐᓂᒃ, ᓲᕐᓗ ᓂᐅᕕᕈᓐᓇᐅᑎᓂᒃ, ᐱᖖᒍᐊᓂᒃ, ᐊᐅᓪᓚᖅᑐᖅᓯᐅᑎᓂᒃ ᐊᓯᒃᑲᓐᓂᖕᒋᓐᓂᓪᓗ.
ᖁᕕᐊᓱᒡᕕᖕᒥ ᐱᖖᒍᐊᕐᓇᐅᒐᔪᒃᑐᖅ 7-ᓂᒃ 8-ᓄᑦ ᐅᓐᓄᓄᑦ ᑏᓯᐱᕆᐅᑉ ᓄᖖᒍᐊᓂ, ᓈᒻᒪᓈᖅᐸᒃᑐᑎᒃ ᖁᕕᐊᓱᒡᕕᐅᑉ ᐅᓐᓄᖕᒐᓂᒃ ᐊᒻᒪᓗ ᐊᕐᕌᒍ ᓄᑖᒥ, ᐱᖖᒍᐊᖅᐸᒃᑐᑦ 6:00-ᒥᑦ ᐅᓐᓄᒃᑯᑦ 11:00-ᒧᑦ ᐅᓐᓄᒃᑯᑦ.
ᐃᑲᔪᕈᓐᓇᖅᐱᑦ ᐅᓐᓄᒥᑦ ᐊᑕᐅᓯᕐᒥᑦ? ᖁᕕᐊᓇᖅ!
ᐃᖅᑲᓇᐃᔭᕐᕕᒋᔭᐃᑦ, ᑲᑐᔾᔨᖃᑎᒌᑦ ᐅᕝᕙᓘᓐᓃᑦ ᓄᓇᓕᖕᓂ ᐱᓕᕆᖃᑎᒌᑦ ᐋᖅᑭᒃᓯᔪᓐᓇᖅᐸᑦ ᐊᑭᓕᖅᓱᖅᑕᐅᖖᒋᑦᑐᓂᒃ ᐱᓕᕆᔨᓂᒃ? ᐱᐅᓂᖅᓴᒻᒪᕆᒃ!
ᐱᑖᖅᑐᖅᑎᑦᑎᔨᒧᑦ ᐃᑲᔪᖅᑎᐅᓚᐅᖅᓯᒪᖖᒋᒃᑲᓗᐊᕈᕕᑦ. ᑐᒃᑐᖃᕆᐊᑐᒐᓂᓗ. ᕿᓂᖅᑐᒍᑦ ᐃᑲᔪᕈᒪᔪᓂᒃ ᐊᒻᒪᓗ ᖁᕕᐊᓇᖅᑎᑦᑎᔪᓐᓇᖅᑐᓂᒃ ᓄᓇᓕᖕᓄᑦ.
ᖃᐅᔨᒪᔭᐅᖖᒋᑦᑐᒥᒃ ᐊᔪᖖᒋᓐᓂᖃᖅᐱᑦ, ᐱᖖᒍᐊᒐᒃᓴᑦᑎᐊᕙᖕᒥᒃ ᐃᓱᒪᒋᔭᖃᖅᐱᑦ, ᓵᓚᒃᓴᐅᓯᐊᒃᓴᓂᒃ ᑐᓂᓯᔪᓐᓇᖅᐱᑦ, ᐅᕝᕙᓘᓐᓃᑦ ᖁᕕᐊᓱᒡᕕᖕᒥ ᖁᕕᐊᓱᖃᑎᖃᕈᓐᓇᖅᐱᑦ? ᑐᓴᕐᕕᒋᔪᒪᕙᑦᑎᒋᑦ.
ᖁᕕᐊᓱᒡᕕᖕᒥ ᐱᖖᒍᐊᕐᓇᓕᒫᖕᒐᓂᐅᒋᐊᑐᖖᒋᑦᑐᖅ ᐊᓯᔾᔩᖃᑕᐅᔪᒪᓗᓂ. ᐃᑲᔪᖅᑐᐃᔪᓐᓇᕈᕕᑦ ᐅᓐᓄᒃᑯᑦ ᐊᑕᐅᓯᕐᒥᒃ, ᐊᒥᓲᖖᒋᑦᑑᒐᓗᐊᓂ ᐊᑭᓕᖅᓱᖅᑕᐅᖖᒋᑦᑐᓂᒃ ᐃᑲᔪᖅᑕᐅᓗᑎᑦ, ᖁᖖᒋᐊᖅᑎᑦᑎᔪᓐᓇᕈᕕᑦ, ᓵᓚᒃᓴᐅᓯᐊᒃᓴᓂᒃ ᑐᓂᓯᓗᑎᑦ ᐅᕝᕙᓘᓐᓃᑦ ᑮᓇᐅᔭᑎᒍᑦ ᐃᑲᔪᕐᓗᑎᑦ, ᑐᓂᕐᕈᓯᐊᓕᒫᑦ ᐃᑲᔫᑎᖃᖅᐸᒃᑐᑦ ᖁᕕᐊᓱᒡᕕᖕᒥ ᐱᖖᒍᐊᖅᑎᑦᑎᖃᑦᑕᐃᓐᓇᖅᑐᑕ ᓄᓇᓐᓂᑦ.
ᐱᓕᕆᖃᑕᐅᔪᒪᕕᑦ?
ᖃᐅᔨᒋᐊᕐᕕᒋᓗᒋᑦ ᓄᓇᓕᐸᐅᔭᒃᑯᑦ ᐃᖃᓗᖕᓂ ᐱᖖᒍᐊᖅᑐᓕᕆᔨᒃᑯᖕᒋᑦ:
ᒪᑎᐅᓪᑕ ᐱᓐᒃᓴᓐ – m.pinksen@iqaluit.ca
ᑭᐅᕋ ᑳᒻᐳᓪ – k.campbell@iqaluit.ca
ᐱᓕᕆᖃᑎᒌᓚᐅᖅᑕ ᖁᕕᐊᓱᒡᕕᖕᒥ ᐱᖖᒍᐊᕐᓃᑦ ᐃᖕᒋᕐᕋᓂᖃᐃᓐᓇᖁᓪᓗᒋᑦ, ᖁᕕᐊᓇᕐᓗᑎᒃ ᑐᖖᒐᓇᕐᓗᑎᓪᓗ ᓄᓇᓕᓐᓂ ᕿᑲᕐᓇᐅᑎᓪᓗᒍ.
##
ᑐᑭᓯᒋᐊᒃᑲᓐᓂᕈᒪᒍᕕᑦ ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ:
ᔨᐊᕝ ᐹᕐᓂ
ᑐᓴᐅᒪᔪᓕᕆᓂᕐᒧᑦ ᐊᑭᓕᖅᓱᐃᔨᓄᓪᓗ ᐱᔨᑦᑎᕋᖅᑎᓄᑦ ᐊᐅᓚᑦᑎᔨ
ᐃᖃᓗᖕᓂ ᓄᓇᓕᐸᐅᔭ
867-979-5619 | g.byrne@iqaluit.ca
