ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᖏᕐᕋᒥ ᐆᒪᔪᖁᑎᐅᕙᑦᑐᑦ ᐅᔭᒥᑦᓴᓂᑦ ᓚᐃᓴᓕᕆᔾᔪᑎᐅᓗᑎᒃ ᐱᓕᕆᐊᑦᓴᖅ - ᐊᖏᕐᕋᓅᖃᑦᑕᓛᖅᑐᑦ
ᐅᖃᐅᓯᐅᓛᑐᐃᓐᓇᖅᑐᖅ - 2023 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᓄᓇᓕᓐᓂ ᒪᓕᒐᕋᓛᓕᕆᔨᖏᑦ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᑦ ᐃᓘᓐᓇᑎᒃ ᐊᖏᕐᕋᓂ ᐆᒪᔪᖁᑎᐅᕙᑦᑐᑦ ᐃᖃᓗᓐᓂ ᐊᑐᖃᑦᑕᕆᐊᖃᕐᒪᑕ ᕿᒻᒥᓄᑦ ᓚᐃᓴᑎᒍᑦ ᐅᔭᒥᓂᒃ. ᐆᒪᔪᖁᑎᓄᑦ ᓚᐃᓴᐃᑦ ᐊᑭᖃᖏᑦᑐᑦ ᐊᒻᒪ ᐊᑐᐃᓐᓇᐅᓗᑎᒃ ᓄᓇᓕᓐᓂ ᒪᓕᒐᕋᓛᓕᕆᔨᒃᑯᓐᓂᑦ ᐃᓪᓗᒥ 901.
ᐊᑎᓕᐅᕐᓗᒍ ᐆᒪᔪᖁᑏᑦ ᐊᒻᒪ ᖁᖓᓯᕈᖓᓅᕐᓗᒍ ᐅᔭᒥᖓ ᐊᑲᐅᓂᕐᓴᐅᒐᔭᕐᒪᑦ ᒪᓕᒐᕋᓛᓕᕆᔨᓄᑦ ᑭᓇᒧᑦ ᐆᒪᔪᖁᑎᒋᔭᐅᒻᒪᖔᖅ ᑕᒫᓂᖅᑭᑎᓪᓗᒍ ᐱᔭᐅᓐᓂᕈᓂ ᐃᓄᖓᓅᖅᑕᐅᑦᓴᐅᑎᒋᔪᓐᓇᕋᔭᕐᒪᑦ ᑎᒍᔭᐅᖏᖔᕐᓗᓂ.
ᐆᒪᔪᖁᑎᖃᖅᑐᑦ ᑕᒫᓂᖅᑭᑎᑦᓯᕙᑦᑐᑦ ᖃᐅᔨᔭᐅᒍᑎᒃ ᐅᔭᒥᓯᒪᖏᑦᑐᓂᑦ ᐅᕝᕙᓘᓐᓃᑦ ᐊᑎᓕᐅᕐᓯᒪᔪᒧᑦ ᐅᔭᒥᓯᒪᖏᒃᑯᓂ ᐊᑭᓖᑎᑕᐅᔪᓐᓇᕋᔭᖅᑐᑦ ᒪᓕᑦᑕᐅᓗᓂ ᓄᓇᓕᐸᐅᔭᐃᑦ ᐃᖃᓗᐃᑦ ᐊᖏᕐᕋᒥ ᐆᒪᔪᖁᑎᓄᑦ ᒪᓕᒐᕋᓛᖅ 924.
ᐊᒥᓲᓂᕐᓴᐃᑦ ᐆᒪᔪᖁᑎᐅᔪᑦ ᐅᑎᖅᑎᑕᐅᔪᓐᓇᖁᓪᓗᒋᑦ ᐃᓄᖏᓐᓄᑦ ᐊᒻᒪ ᐆᒪᔪᓄᑦ ᐅᖅᑯᐃᕕᒻᒥ ᐱᓕᕆᕙᑦᑐᑦ ᐊᑦᓱᕉᓴᓗᐊᖁᓇᒋᑦ ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ ᐊᖏᕐᕋᓅᖃᑦᑕᓛᖅᑐᑦ ᓱᑐᐃᓐᓇᕐᒥ ᐃᖃᓗᓐᓂ ᓯᕗᓂᑦᓯᐊᑎᓐᓂ ᐆᒪᔪᖁᑎᖏᓐᓂᑦ ᓚᐃᓴᑖᖃᑦᑕᖁᔨᓗᑎᒃ, ᐃᓕᓐᓂᐊᑎᑦᓯᕙᓪᓗᑎᓪᓗ ᒪᓕᒐᕋᓛᑎᒍᑦ ᒪᓕᑦᑕᐅᒋᐊᓕᓐᓂᑦ ᐊᒻᒪ ᓚᐃᓴᑖᖅᑎᑦᓯᒍᓐᓇᕐᓗᑎᒃ ᑕᕝᕙᓴᐃᓐᓇᖅ ᓚᐃᓴᑖᕆᐊᖃᕐᓂᖏᓐᓂᑦ.
ᑕᑯᕙᓕᕈᑦᓯ ᒪᓕᒐᕋᓛᓕᕆᔨᓂᑦ ᐱᓱᑦᑐᓂᑦ ᐅᕝᕙᓘᓐᓃᑦ ᐊᖏᕐᕋᓅᖅᐸᑦᑐᓂᑦ, ᑕᒪᑦᓱᒥᖓ ᐱᔾᔪᑎᖃᕋᔭᖅᑐᑦ, ᐊᑏ ᓄᖅᑲᖅᑎᖁᔪᐃᑦ ᐊᐱᕆᔪᒪᓐᓂᕈᑦᓯ ᒪᓕᒐᕋᓛᓕᕆᔪᓂᑦ ᐅᕝᕙᓘᓐᓃᑦ ᓄᓇᓕᓐᓂ ᒪᓕᒐᕋᓛᓕᕆᔪᓂᑦ ᖃᓄᐃᑦᑐᑐᐃᓐᓇᕐᒥᑦ ᐊᐱᖅᑯᑎᖃᕈᕕᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᑭᐊᓐᑦ ᑐᕆᔅᑯᓪ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᔨᓂᑦ ᐊᐅᓚᑦᓯᔨ
867-979-5607 k.driscoll@iqaluit.ca
